1 Mga Taga-Corinto 1
1
1Ako si Pablo, tinawag nga mangin-apostol ni Cristo Jesus paagi sa kabubot-on sang Dios, kag si Sostenes nga aton utod,
2nagasulat#Bin. 18:1. sa inyo nga mga katapo sang iglesia sang Dios nga yara sa Corinto, sa tanan nga gintawag sang Dios nga mangin-iya balaan nga katawhan. Ini nga katawhan nangin-iya sang Dios tungod sang ila pagpakighiusa kay Cristo Jesus, kaupod sang tanan nga katawhan bisan diin, nga nagasimba sa aton Ginoong Jesu-Cristo nga ila Ginoo kag aton man:
3Kabay nga ang Dios nga aton Amay kag ang Ginoong Jesu-Cristo maghatag sa inyo sing pagpakamaayo kag paghidait.
Mga Kaayuhan sa kay Cristo
4Nagapasalamat ako pirme sa akon Dios tungod sa inyo, bangod sang mga kaayuhan nga nahatag niya sa inyo paagi kay Cristo Jesus. 5Kay sa inyo pagpakighiusa kay Cristo nagmanggaranon kamo sa tanan nga espirituhanon nga mga butang. Nag-alam kamo sa paghambal sang bug-os nga mensahe sang Dios kag nagdugang sa paghangop sang tanan nga mga kamatuoran. 6Ang pagpamatuod nahanungod kay Cristo nakapanggamot na sa inyo. 7Gani wala kamo makulangi sang tagsa ka dulot nga ginhatag sang Dios, samtang nagahulat kamo sang pagpahayag sang aton Ginoong Jesu-Cristo. 8Palig-unon man niya kamo tubtob sa katapusan, agod nga wala sing isaway sa inyo sa Adlaw sang aton Ginoong Jesu-Cristo. 9Masaligan ang Dios, ang Dios nga nagtawag sa inyo sa pagpakighiambit sa iya Anak nga si Jesu-Cristo nga aton Ginoo.
Ang mga Pagbinahinbahin sa Iglesia
10Ginapangabay ko sa inyo, mga kautoran, sa ngalan sang aton Ginoong Jesu-Cristo, nga maghilisugot kamo tanan sa inyo ginahambal, agod nga walay sing pagbinahinbahin sa inyo, kundi nga magmangin-isa gid kamo sa painuino kag tinutuyo. 11Mga kautoran, may mga tawo halin sa panimalay ni Cloe, nga nagsugid sa akon sing maathag nga may pagsinuay sa tunga ninyo. 12Amo#Bin. 18:24. ini ang buot ko silingon: nanuhaytuhay ang ginasiling sang kada-isa sa inyo. Ang isa nagasiling, “Ako sumolunod ni Pablo,” ang isa nagasiling, “Ako sa kay Apolos,” ang isa iya nagasiling, “Ako sa kay Pedro,” kag ang isa pa gid nagasiling, “Ako sa kay Cristo.” 13Nabahinbahin bala si Cristo? Si Pablo bala ang ginlansang sa krus tungod sa inyo? Ginbautisohan bala kamo subong nga mga sumolunod ni Pablo?
14Nagapasalamat#Bin. 18:8; Bin. 19:29; Rom. 16:23. ako sa Dios nga wala ako sing may ginbautisohan sa inyo luas kay Crispo kag kay Gayo. 15Gani, wala sing bisan isa nga makasiling nga ginbautisohan kamo subong mga sumolunod ko. (16Huo#1 Cor. 16:15. gali, nabautisohan ko man si Estefanas kag ang mga katapo sang iya panimalay. Pero luas sini, wala na ako sing may nadumdoman kon may nabautisohan pa ako nga iban.) 17Si Cristo wala magpadala sa akon sa pagbautiso. Ginpadala niya ako sa pagwali sang Maayong Balita, kag sa pagsugid sini indi paagi sa tawhanon nga kaalam sa paghambal, kay basi ina magakuha sang gahom sang kamatayon ni Cristo sa krus.
Si Cristo ang Gahom kag ang Kaalam sang Dios
18Kay para sa mga nagapadulong sa kalaglagan, ang mensahe nahanungod sang kamatayon ni Cristo sa krus isa ka kabuangan, pero para sa aton tanan nga ginaluwas sang Dios, ini gahom sang Dios. 19Kay#Isa. 29:14 (LXX). ang kasulatan nagasiling:
“Dulaon ko ang kaalam sang mga maalam,
kag ipakawalay pulos ko ang paghangop sang mga mangin-alamon.”
20Karon#Job 12:17; Isa. 19:12; 33:18; Isa. 44:25. diin na bala ang mga maalam? Diin na bala ang mga manunodlo sang kasugoan? Diin na bala ang lagting nga mga manugdibati sining panahon? Ang Dios nagpahayag nga ang kaalam sining kalibutan kabuangan.
21Kay#Klm. Sol. 13:1-9. ang Dios sa iya kaalam wala magtugot nga makilala sia sang mga tawo paagi sa ila tawhanon nga kaalam. Sa baylo, ang Dios nagpakamaayo sa pagluwas sa mga nagatuo paagi sa mensahe nga amon ginawali, nga suno sa wala nagatuo, kabuangan. 22Ang mga Judio nagapangayo sing mga milagro bilang pamatuod, kag ang mga Griego iya nagapangita sing kaalam. 23Kami amon nagawali nahanungod kay Cristo nga ginlansang sa krus. Ini nga mensahe kontra sang mga Judio kag kabuangan para sa mga Hentil. 24Pero para sa mga tinawag sang Dios, mga Judio ukon mga Hentil, ini nga mensahe amo si Cristo, ang gahom kag ang kaalam sang Dios. 25Kay ang kabuangan sang Dios mas maalam sang sa kaalam sang mga tawo, kag ang kaluyahon sang Dios mas makusog sang sa kusog sang mga tawo.
26Karon, mga kautoran, panumdoma ninyo kon ano kamo sadto anay sang pagtawag sang Dios sa inyo. Suno sa panghunahuna sang mga tawo mga pila man lang sa inyo ang maalam, ukon gamhanan, ukon dungganon. 27Gintuyo sang Dios ang pagpili sang ginakabig sang kalibutan nga kabuangan agod sa pagpakahuya sang maalam nga mga tawo, kag iya ginpili ang ginakabig sang kalibutan nga maluya, sa pagpakahuya sang gamhanan nga mga tawo. 28Ginpili sang Dios ang ginakabig sang kalibutan nga kubos, talamayon, kag wala sing pulos, agod sa pagpakawalay pulos sang ginakabig sang kalibutan nga importante. 29Ini nagakahulogan nga wala sing tawo nga makapabugal sa presensya sang Dios. 30Pero ang Dios nagdala sa inyo sa paghiusa kay Cristo Jesus kag naghimo sa iya nga aton kaalam. Paagi kay Cristo ginbaton kita sang Dios, kag nahimo kita nga balaan nga katawhan sang Dios kag nanginhilway. 31Gani,#Jer. 9:24. subong sang ginasiling sang kasulatan, “Ang bisan sin-o nga luyag magpabugal, dapat magpabugal sang ginhimo sang Ginoo.”
Currently Selected:
1 Mga Taga-Corinto 1: MBBHIL12
Highlight
Share
Copy
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012
1 Mga Taga-Corinto 1
1
1Ako si Pablo, tinawag nga mangin-apostol ni Cristo Jesus paagi sa kabubot-on sang Dios, kag si Sostenes nga aton utod,
2nagasulat#Bin. 18:1. sa inyo nga mga katapo sang iglesia sang Dios nga yara sa Corinto, sa tanan nga gintawag sang Dios nga mangin-iya balaan nga katawhan. Ini nga katawhan nangin-iya sang Dios tungod sang ila pagpakighiusa kay Cristo Jesus, kaupod sang tanan nga katawhan bisan diin, nga nagasimba sa aton Ginoong Jesu-Cristo nga ila Ginoo kag aton man:
3Kabay nga ang Dios nga aton Amay kag ang Ginoong Jesu-Cristo maghatag sa inyo sing pagpakamaayo kag paghidait.
Mga Kaayuhan sa kay Cristo
4Nagapasalamat ako pirme sa akon Dios tungod sa inyo, bangod sang mga kaayuhan nga nahatag niya sa inyo paagi kay Cristo Jesus. 5Kay sa inyo pagpakighiusa kay Cristo nagmanggaranon kamo sa tanan nga espirituhanon nga mga butang. Nag-alam kamo sa paghambal sang bug-os nga mensahe sang Dios kag nagdugang sa paghangop sang tanan nga mga kamatuoran. 6Ang pagpamatuod nahanungod kay Cristo nakapanggamot na sa inyo. 7Gani wala kamo makulangi sang tagsa ka dulot nga ginhatag sang Dios, samtang nagahulat kamo sang pagpahayag sang aton Ginoong Jesu-Cristo. 8Palig-unon man niya kamo tubtob sa katapusan, agod nga wala sing isaway sa inyo sa Adlaw sang aton Ginoong Jesu-Cristo. 9Masaligan ang Dios, ang Dios nga nagtawag sa inyo sa pagpakighiambit sa iya Anak nga si Jesu-Cristo nga aton Ginoo.
Ang mga Pagbinahinbahin sa Iglesia
10Ginapangabay ko sa inyo, mga kautoran, sa ngalan sang aton Ginoong Jesu-Cristo, nga maghilisugot kamo tanan sa inyo ginahambal, agod nga walay sing pagbinahinbahin sa inyo, kundi nga magmangin-isa gid kamo sa painuino kag tinutuyo. 11Mga kautoran, may mga tawo halin sa panimalay ni Cloe, nga nagsugid sa akon sing maathag nga may pagsinuay sa tunga ninyo. 12Amo#Bin. 18:24. ini ang buot ko silingon: nanuhaytuhay ang ginasiling sang kada-isa sa inyo. Ang isa nagasiling, “Ako sumolunod ni Pablo,” ang isa nagasiling, “Ako sa kay Apolos,” ang isa iya nagasiling, “Ako sa kay Pedro,” kag ang isa pa gid nagasiling, “Ako sa kay Cristo.” 13Nabahinbahin bala si Cristo? Si Pablo bala ang ginlansang sa krus tungod sa inyo? Ginbautisohan bala kamo subong nga mga sumolunod ni Pablo?
14Nagapasalamat#Bin. 18:8; Bin. 19:29; Rom. 16:23. ako sa Dios nga wala ako sing may ginbautisohan sa inyo luas kay Crispo kag kay Gayo. 15Gani, wala sing bisan isa nga makasiling nga ginbautisohan kamo subong mga sumolunod ko. (16Huo#1 Cor. 16:15. gali, nabautisohan ko man si Estefanas kag ang mga katapo sang iya panimalay. Pero luas sini, wala na ako sing may nadumdoman kon may nabautisohan pa ako nga iban.) 17Si Cristo wala magpadala sa akon sa pagbautiso. Ginpadala niya ako sa pagwali sang Maayong Balita, kag sa pagsugid sini indi paagi sa tawhanon nga kaalam sa paghambal, kay basi ina magakuha sang gahom sang kamatayon ni Cristo sa krus.
Si Cristo ang Gahom kag ang Kaalam sang Dios
18Kay para sa mga nagapadulong sa kalaglagan, ang mensahe nahanungod sang kamatayon ni Cristo sa krus isa ka kabuangan, pero para sa aton tanan nga ginaluwas sang Dios, ini gahom sang Dios. 19Kay#Isa. 29:14 (LXX). ang kasulatan nagasiling:
“Dulaon ko ang kaalam sang mga maalam,
kag ipakawalay pulos ko ang paghangop sang mga mangin-alamon.”
20Karon#Job 12:17; Isa. 19:12; 33:18; Isa. 44:25. diin na bala ang mga maalam? Diin na bala ang mga manunodlo sang kasugoan? Diin na bala ang lagting nga mga manugdibati sining panahon? Ang Dios nagpahayag nga ang kaalam sining kalibutan kabuangan.
21Kay#Klm. Sol. 13:1-9. ang Dios sa iya kaalam wala magtugot nga makilala sia sang mga tawo paagi sa ila tawhanon nga kaalam. Sa baylo, ang Dios nagpakamaayo sa pagluwas sa mga nagatuo paagi sa mensahe nga amon ginawali, nga suno sa wala nagatuo, kabuangan. 22Ang mga Judio nagapangayo sing mga milagro bilang pamatuod, kag ang mga Griego iya nagapangita sing kaalam. 23Kami amon nagawali nahanungod kay Cristo nga ginlansang sa krus. Ini nga mensahe kontra sang mga Judio kag kabuangan para sa mga Hentil. 24Pero para sa mga tinawag sang Dios, mga Judio ukon mga Hentil, ini nga mensahe amo si Cristo, ang gahom kag ang kaalam sang Dios. 25Kay ang kabuangan sang Dios mas maalam sang sa kaalam sang mga tawo, kag ang kaluyahon sang Dios mas makusog sang sa kusog sang mga tawo.
26Karon, mga kautoran, panumdoma ninyo kon ano kamo sadto anay sang pagtawag sang Dios sa inyo. Suno sa panghunahuna sang mga tawo mga pila man lang sa inyo ang maalam, ukon gamhanan, ukon dungganon. 27Gintuyo sang Dios ang pagpili sang ginakabig sang kalibutan nga kabuangan agod sa pagpakahuya sang maalam nga mga tawo, kag iya ginpili ang ginakabig sang kalibutan nga maluya, sa pagpakahuya sang gamhanan nga mga tawo. 28Ginpili sang Dios ang ginakabig sang kalibutan nga kubos, talamayon, kag wala sing pulos, agod sa pagpakawalay pulos sang ginakabig sang kalibutan nga importante. 29Ini nagakahulogan nga wala sing tawo nga makapabugal sa presensya sang Dios. 30Pero ang Dios nagdala sa inyo sa paghiusa kay Cristo Jesus kag naghimo sa iya nga aton kaalam. Paagi kay Cristo ginbaton kita sang Dios, kag nahimo kita nga balaan nga katawhan sang Dios kag nanginhilway. 31Gani,#Jer. 9:24. subong sang ginasiling sang kasulatan, “Ang bisan sin-o nga luyag magpabugal, dapat magpabugal sang ginhimo sang Ginoo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Maayong Balita nga Biblia © Philippine Bible Society, 2012