He Ekeny Gál Alb Fimiká 26
26
Báulo hol ˈdéé ˈdú huogodhe
1Aalé Agiríba Báulo geey, kieye, Yáá ko mé fure, hol ˈdéé ˈdú húógot, mú yie. Aalé Báulo đo gíl les gaa eey, hol ˈdéé ˈdú huogodhe, 2kieye, Máá guđo Agiríba, hát kuun kúlíchallá yú ko met gaa yaalallá yáá tág geer ye gaa meedhe, giri he lullé gál Yuuˈdi hí ye af kaayká met kuallá hol ˈdéé ˈdú hogodhoká. 3Hééllá yú hodhééllá ˈdaa giri kuun gáál siraatlé Yuuˈdiká ubaa gáál ˈdeemlé nyatalaamká ógká. Aaléka, gillo yú ko ki efe, ha ˈgorôny, ye af nee kog.
4Gál Yuuˈdi lulle yaalmit chia héle yú nineney-, tá yú kí guđandhe-, yú léschú ubaa Yerúsalem ki ijeká hé óg. 5Gaal hé kíssóótí ye gáá óg. Har gaal hí fedoka, gaal yú hát máá Farisaay-, nyátál kínyia Yuuˈdííllá hát ˈdabaanká el gaa igireká hai ko ká geđia. 6He ˈdaa yáálle hé Waag hí eshim eshimkínyo af iđicheká iiy yie-, he af iđiny kinaal hélle egesoká ˈdaalle ˈdugaka in yú kúlíchallá hí metééllá gaa yaalla, hí ye ˈdéé ki iđimicha. 7Hé Waag hí eshim eshimkínyo af iđiche kinaallá in é met kínyia Yisirayel-, tomon a naamaká hí ali kí ˈdímle egete. Hé kinaal gaalí egesoká in chúúre ubaa kúlíchle gaal Waag hát ˈdabaanká vivita. Máá guđo, he he esiny chiallá in gál Yuuˈdi ye ˈdéé af kaay. 8Waag gál kufeká uushim yiem gáá ˈdeđichoká hí iiy chegetká, in hatal súm farro hí ki gogínta?
9Yú erkobká hát chia tawueká, he lullé mákárta meeny Yiesu-, Nasaretallá baađisieká ˈgierimlé gaa seseme. 10Hé kinaallá hé dhúrle yú Yerúsalem gaa ekeyká. Gál guguđo-, suoryoká ye fargogint yú gál Yíésu iiy yieká ki ˈgiiliˈgaw-, gáál yú ény hiiginká fafieká ye shie. Gáál ooslé gaalí yegieská úba yáá iiy yegie. 11Af burnayká yú ény ˈdiiyiminyká af gaa verene, giri gál Yíésu iiy yieká gaalí he ki ekemeyoká. Yáá úba gáál he ˈdú momoy, Meeny Yiesúúllá điidháa! gáál yegie. ˈDaa giri yú gáál ˈdeemléél súm geer ki sisidheká, in yú úba bííy eiy ˈjienle met nannie, gáál he ki ekemey, Báulo hí Agiríba yie.
Báulo hátlé giri Yíésu iiy yieká gáál geey
12Aalé Báulo geđi Agiríba geey, kieye, Siemééllá síé tikiˈd yú ˈDamáskaso seseme, warˈgasam gál guguđo-, suoryoká hí ye kí mure-, gálle ye mé fureká ˈgie. 13Máá guđo, yú ˈgíérích chia gaa igire kinaallá aadh he é mé ˈdug ˈdoyyeká, édhúm aadh ˈdú édhká úr yé gáá ˈdie. Édhúm kinaal yú ubaa gál chia nyí hol ˈgayyeká nyí ˈdinnam lulle gaa veere, 14lul kínyiaká nyí les ˈdanne. Aalé yú ˈdéé hót ye af Heberew ki geđicheká maale, kieye, Sáwul, Sáwul, háteka ye maanyjasichóol? Máá kuun hí ki lađaannóóllá he yú, kó ye ma uriny, ˈdéé hót hí ye chie.
15Máá Guđo, kúún mááya? yú yie. Aalé Máá Guđoká, kieye, Yú he Yíésu, kuun hí maanyjasichóóllá. 16Aaléka les gaa keʼ, leđuđul ˈdé. Yú ko yé ˈdú gáá ˈdíéllá, máá chia ye he kí nannuoká yú ko hođia, giri hát ye argiyyééllá ubaa hé yú ko ká aargisuoká misikirle chegetká. 17Kúún é meenykú ubaa kidh ko met il gaa ˈgieká ha yú ko gáá riima. Gáál ali ha yú ko ˈdú kakaa, 18giri gáál in eiy ˈdeđicho-, bííy gaa ongʼoˈdeká gaalí hol gáá nannaat-, gaal bííy gaa édhká bala ˈdú gáá nannuoká. Héétí ubaa gaal fargogint Satan gim yé gáá ˈdeˈdeen-, Waag bala ˈdu gáá nannuo-, giri Waag hí ađaabano ubaa nyuogimle gaa egeyyo-, tá alb gál ye iiy yie-, yú saas gaa eeyallá hí gaa ijóóllá gaa yíéđianká, muí ye yie, Báulo hí mú yie.
Báulo hújíchle ˈdeenyle huogodhe
19Aaléka Báulo geđi kieye, Máá guđo Agiríba, hé yú il ki arge-, úr yé gáá ˈdieká hélle yáá el af ma gaa táminy. 20Yú erkob fayám ˈDamáskaso gaa ˈdiiyime, in Yerúsalem, Yuuˈdía, tá ˈjíig kidh úba đig yie. Fayam yú gáál ki ˈdiiyimeká hééllá, giri gaal lulle héllé ˈdeđew-, gaa seseenká haađuo-, Waag makan fafaan-, gaal héllé ekemeyo-, hát héllé ˈdeđewká hayká ˈduuwle gálaat aargisuoká. 21He ˈdiiyiminyééllá ˈdugaka in gál Yuuˈdi ye ˈBíl Waaˈgiet náble gaa ˈgiliˈgay, onnônyka ye yegies. 22Tá Waag hé ye ˈdú ˈjiiyye, ˈjíig kúlích káána ke gaa ijo-, yú hí metkícho gaa yaal-, yú it kaansúóllá ubaa gál chiallá fayamééllá hí geđúóllá. Móshe ubaa gál Waag hí ˈdeem ka shigicheká hé biiy meto ali kí ˈdeenká ˈdeenylé he huogodhe. ˈDeeny chia yú hogodhóóllá he ˈdeeny tikiˈde gaal íín hí huogodhe kinaallá. 23ˈDeeny kinaallá kieye, Messíya ha gaalí maanyjasia, tá mu íín he máá erkob uushich yé gáá ˈdeˈdeen-, gállé Yuuˈdiká ubaa gál kidhdhoká ˈdaalim Waaˈgiet ki ˈdiyeenká, he yie, Báulo hí mú yie.
24Aalé Fésitos af les gaa eey, kieye, Báulo, kúún me hé ko ˈjieˈde, warˈgasam burnay kua tuoychééllá hé ko sigír gaa veeˈde, muí mú yie. 25Aalé Báulo kieye, Máá guđo Fésitos, yáá sigír ye ma fáminy, yú ˈdeeny ˈdúwa-, tag léká hogodho. 26Máá kansich Agiríba lééllá úba hé ˈdeenyééllá óg, ˈdaa kinaallá in yú mú af gaa gúch ki geđia. Mu íín hé níínní hí in ki riteedheká mán, ˈdaa giri hééllá yé ka ˈdeˈdemeká shuolít gaa lalayká, muí Fésitos yie.
27Aalé mu Agiríba geey, kieye, Máá guđo Agiríba, kó ˈdeeny gál Waag hí ˈdeem ka shigicheká hí veereká iiy chíe? Hát úba iiy chieká yáá óg, Báulo hí mú yie. 28Aaléka Agiríba Báulo geey, kieye, ˈDeeny gáá gaaw-, huogotééllo, đo ye máá Kiristo hođicha? yie. 29Aalé Báulo kieye, ˈDee úba mé gaanítaka, ubaa mé ˈdernítaka, Waag kúún ubaa gál állá ijo-, lullé ye af nee kokúóllá yaalmit yáálle máá Kiristóóllá hí itín hođichoká yú fede, tá hé nyarugano ye ki ˈgíéllá muuniny, Báulo hí mú yie.
30Aaléka máá guđo kansich Agiríba ubaa máállé guđo Fésitos, tá Agiríba nyaarlé Berníke ubaa gál ál kinaal ijeká lullé les gaa kie. 31Aalé gaal he ˈbíl yé gaa ˈdeˈdemeká, gaal hol geey, kieye, Máállá hé níínní ˈdeew-, he ekey-, hí hiigin ubaa kúfach mé ki kokuoká mán, gaalí yie. 32Aalé Agiríba Fésitos geey, kieye, Máállá onnônyka, Ye Káísar ˈdú ée, ma yeenka, hé ke fure, muí mú yie.
Currently Selected:
He Ekeny Gál Alb Fimiká 26: dsh
Highlight
Share
Compare
Copy
Want to have your highlights saved across all your devices? Sign up or sign in
Bible Translation and Literacy
He Ekeny Gál Alb Fimiká 26
26
Báulo hol ˈdéé ˈdú huogodhe
1Aalé Agiríba Báulo geey, kieye, Yáá ko mé fure, hol ˈdéé ˈdú húógot, mú yie. Aalé Báulo đo gíl les gaa eey, hol ˈdéé ˈdú huogodhe, 2kieye, Máá guđo Agiríba, hát kuun kúlíchallá yú ko met gaa yaalallá yáá tág geer ye gaa meedhe, giri he lullé gál Yuuˈdi hí ye af kaayká met kuallá hol ˈdéé ˈdú hogodhoká. 3Hééllá yú hodhééllá ˈdaa giri kuun gáál siraatlé Yuuˈdiká ubaa gáál ˈdeemlé nyatalaamká ógká. Aaléka, gillo yú ko ki efe, ha ˈgorôny, ye af nee kog.
4Gál Yuuˈdi lulle yaalmit chia héle yú nineney-, tá yú kí guđandhe-, yú léschú ubaa Yerúsalem ki ijeká hé óg. 5Gaal hé kíssóótí ye gáá óg. Har gaal hí fedoka, gaal yú hát máá Farisaay-, nyátál kínyia Yuuˈdííllá hát ˈdabaanká el gaa igireká hai ko ká geđia. 6He ˈdaa yáálle hé Waag hí eshim eshimkínyo af iđicheká iiy yie-, he af iđiny kinaal hélle egesoká ˈdaalle ˈdugaka in yú kúlíchallá hí metééllá gaa yaalla, hí ye ˈdéé ki iđimicha. 7Hé Waag hí eshim eshimkínyo af iđiche kinaallá in é met kínyia Yisirayel-, tomon a naamaká hí ali kí ˈdímle egete. Hé kinaal gaalí egesoká in chúúre ubaa kúlíchle gaal Waag hát ˈdabaanká vivita. Máá guđo, he he esiny chiallá in gál Yuuˈdi ye ˈdéé af kaay. 8Waag gál kufeká uushim yiem gáá ˈdeđichoká hí iiy chegetká, in hatal súm farro hí ki gogínta?
9Yú erkobká hát chia tawueká, he lullé mákárta meeny Yiesu-, Nasaretallá baađisieká ˈgierimlé gaa seseme. 10Hé kinaallá hé dhúrle yú Yerúsalem gaa ekeyká. Gál guguđo-, suoryoká ye fargogint yú gál Yíésu iiy yieká ki ˈgiiliˈgaw-, gáál yú ény hiiginká fafieká ye shie. Gáál ooslé gaalí yegieská úba yáá iiy yegie. 11Af burnayká yú ény ˈdiiyiminyká af gaa verene, giri gál Yíésu iiy yieká gaalí he ki ekemeyoká. Yáá úba gáál he ˈdú momoy, Meeny Yiesúúllá điidháa! gáál yegie. ˈDaa giri yú gáál ˈdeemléél súm geer ki sisidheká, in yú úba bííy eiy ˈjienle met nannie, gáál he ki ekemey, Báulo hí Agiríba yie.
Báulo hátlé giri Yíésu iiy yieká gáál geey
12Aalé Báulo geđi Agiríba geey, kieye, Siemééllá síé tikiˈd yú ˈDamáskaso seseme, warˈgasam gál guguđo-, suoryoká hí ye kí mure-, gálle ye mé fureká ˈgie. 13Máá guđo, yú ˈgíérích chia gaa igire kinaallá aadh he é mé ˈdug ˈdoyyeká, édhúm aadh ˈdú édhká úr yé gáá ˈdie. Édhúm kinaal yú ubaa gál chia nyí hol ˈgayyeká nyí ˈdinnam lulle gaa veere, 14lul kínyiaká nyí les ˈdanne. Aalé yú ˈdéé hót ye af Heberew ki geđicheká maale, kieye, Sáwul, Sáwul, háteka ye maanyjasichóol? Máá kuun hí ki lađaannóóllá he yú, kó ye ma uriny, ˈdéé hót hí ye chie.
15Máá Guđo, kúún mááya? yú yie. Aalé Máá Guđoká, kieye, Yú he Yíésu, kuun hí maanyjasichóóllá. 16Aaléka les gaa keʼ, leđuđul ˈdé. Yú ko yé ˈdú gáá ˈdíéllá, máá chia ye he kí nannuoká yú ko hođia, giri hát ye argiyyééllá ubaa hé yú ko ká aargisuoká misikirle chegetká. 17Kúún é meenykú ubaa kidh ko met il gaa ˈgieká ha yú ko gáá riima. Gáál ali ha yú ko ˈdú kakaa, 18giri gáál in eiy ˈdeđicho-, bííy gaa ongʼoˈdeká gaalí hol gáá nannaat-, gaal bííy gaa édhká bala ˈdú gáá nannuoká. Héétí ubaa gaal fargogint Satan gim yé gáá ˈdeˈdeen-, Waag bala ˈdu gáá nannuo-, giri Waag hí ađaabano ubaa nyuogimle gaa egeyyo-, tá alb gál ye iiy yie-, yú saas gaa eeyallá hí gaa ijóóllá gaa yíéđianká, muí ye yie, Báulo hí mú yie.
Báulo hújíchle ˈdeenyle huogodhe
19Aaléka Báulo geđi kieye, Máá guđo Agiríba, hé yú il ki arge-, úr yé gáá ˈdieká hélle yáá el af ma gaa táminy. 20Yú erkob fayám ˈDamáskaso gaa ˈdiiyime, in Yerúsalem, Yuuˈdía, tá ˈjíig kidh úba đig yie. Fayam yú gáál ki ˈdiiyimeká hééllá, giri gaal lulle héllé ˈdeđew-, gaa seseenká haađuo-, Waag makan fafaan-, gaal héllé ekemeyo-, hát héllé ˈdeđewká hayká ˈduuwle gálaat aargisuoká. 21He ˈdiiyiminyééllá ˈdugaka in gál Yuuˈdi ye ˈBíl Waaˈgiet náble gaa ˈgiliˈgay, onnônyka ye yegies. 22Tá Waag hé ye ˈdú ˈjiiyye, ˈjíig kúlích káána ke gaa ijo-, yú hí metkícho gaa yaal-, yú it kaansúóllá ubaa gál chiallá fayamééllá hí geđúóllá. Móshe ubaa gál Waag hí ˈdeem ka shigicheká hé biiy meto ali kí ˈdeenká ˈdeenylé he huogodhe. ˈDeeny chia yú hogodhóóllá he ˈdeeny tikiˈde gaal íín hí huogodhe kinaallá. 23ˈDeeny kinaallá kieye, Messíya ha gaalí maanyjasia, tá mu íín he máá erkob uushich yé gáá ˈdeˈdeen-, gállé Yuuˈdiká ubaa gál kidhdhoká ˈdaalim Waaˈgiet ki ˈdiyeenká, he yie, Báulo hí mú yie.
24Aalé Fésitos af les gaa eey, kieye, Báulo, kúún me hé ko ˈjieˈde, warˈgasam burnay kua tuoychééllá hé ko sigír gaa veeˈde, muí mú yie. 25Aalé Báulo kieye, Máá guđo Fésitos, yáá sigír ye ma fáminy, yú ˈdeeny ˈdúwa-, tag léká hogodho. 26Máá kansich Agiríba lééllá úba hé ˈdeenyééllá óg, ˈdaa kinaallá in yú mú af gaa gúch ki geđia. Mu íín hé níínní hí in ki riteedheká mán, ˈdaa giri hééllá yé ka ˈdeˈdemeká shuolít gaa lalayká, muí Fésitos yie.
27Aalé mu Agiríba geey, kieye, Máá guđo Agiríba, kó ˈdeeny gál Waag hí ˈdeem ka shigicheká hí veereká iiy chíe? Hát úba iiy chieká yáá óg, Báulo hí mú yie. 28Aaléka Agiríba Báulo geey, kieye, ˈDeeny gáá gaaw-, huogotééllo, đo ye máá Kiristo hođicha? yie. 29Aalé Báulo kieye, ˈDee úba mé gaanítaka, ubaa mé ˈdernítaka, Waag kúún ubaa gál állá ijo-, lullé ye af nee kokúóllá yaalmit yáálle máá Kiristóóllá hí itín hođichoká yú fede, tá hé nyarugano ye ki ˈgíéllá muuniny, Báulo hí mú yie.
30Aaléka máá guđo kansich Agiríba ubaa máállé guđo Fésitos, tá Agiríba nyaarlé Berníke ubaa gál ál kinaal ijeká lullé les gaa kie. 31Aalé gaal he ˈbíl yé gaa ˈdeˈdemeká, gaal hol geey, kieye, Máállá hé níínní ˈdeew-, he ekey-, hí hiigin ubaa kúfach mé ki kokuoká mán, gaalí yie. 32Aalé Agiríba Fésitos geey, kieye, Máállá onnônyka, Ye Káísar ˈdú ée, ma yeenka, hé ke fure, muí mú yie.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Bible Translation and Literacy