Sirac 11
11
1Kon maalam ang usa ka tawo nga kabos, aduna siyay katarongan sa pagpasigarbo ug isipon siya nga usa ka dakong tawo.
Mga Dagway
2Ayaw pagdayga ang usa ka tawo tungod sa iyang maayong panagway. Sa laing bahin ayaw tamaya ang usa ka tawo nga dili maayog panagway. 3Kon itandi sa kadaghanang molupad nga mga mananap, ang usa ka ligwan gamay ra gayod kaayo apan ang dugos nga hinimo niini mao ang labing tam-is sa mga makaon. 4Ayaw pagbinuangi ang usa ka tawo nga nagkalisodlisod ug nagkagidlay na sa iyang pamisti. Ang Ginoo naghimo ug katingalahan nga mga butang nga wala gayod himatngoni sa mga tawo. 5Daghan ang mga hari nga misangko sa pagyaka sa yuta samtang ang ilang mga korona gisul-ob sa mga tawo nga wala gayod igdungog kaniadto. 6Daghan ang mga pangulo nga nag-antos sa kaulawan. Daghan ang bantogan nga mga tawo nga nahulog ngadto sa gahom sa uban.
Pagkamabinantayon
7Sa dili ka pa mosugod pagpanaway, pagpakisayod pag-ayo ug hunahunaag maayo kanang butanga. 8Ayaw pagsagbat samtang nagsulti pa ang usa ka tawo; pamatia unsa ang iyang isulti sa dili ka pa motubag. 9Ayaw pagpakiglalis mahitungod sa usa ka butang nga wala kay labot. Ayaw pag-apil diha sa mga hukom nga gihimo sa mga makasasala.
10Anak, ayaw pagpalabi pagsalmot sa daghang mga butang. Kon mosulay ka pagbuhat sa hilabihan ka daghan nga mga butang, mag-antos ikaw tungod niini. Dili ikaw makahimo pagtapos sa imong buhat o makahimo ikaw pagbiya niini. 11Adunay mga tawo nga hilabihan gayong nakapaningkamot apan nagpabilin nga walay nahot. 12Sa laing bahin, may tawo nga tingali pobre kaayo ug dili siya makahimo sa iyang katungdanan. Tingali hinay siya ug nagkinahanglan ug panabang apan ang Ginoo nahimuot kaniya ug nagluwas kaniya gikan sa iyang lisod nga pagkabutang. 13Sa nakabangon na siya pag-usab, ang tanan nahibulong.
14Ang tanan naggikan sa Ginoo: ang kalamposan ug ang kapakyasan, ang kakabos ug ang kadato, ang kinabuhi ug ang kamatayon. 15Ang kaalam, ang pagpanabot, ang kahibalo mahitungod sa Balaod, ang gugma, ug ang pagbuhat sa maayo—kining tanan gikan sa Ginoo. 16Ang sayop ug ang kangitngit nag-uban sa mga makasasala gikan sa sinugdan ug sila nga nagpahimulos sa daotang kabubut-on maghupot niini hangtod sa ilang pagkatigulang.#11:16 Sa ubang mga sinulat wala kini. 17Ang mga gasa sa Ginoo ngadto sa mga tawo nga diosnon maoy mga gasa nga molungtad. Kon mahimuot siya kanimo, kanunay kang magmalampuson. 18Ang#Sal. 49:10; Luc. 12:16-21. usa ka tawo mahimo nga madato pinaagi sa pagbudlay pag-ayo ug sa paghikaw sa iyang kaugalingon sa mga kalipay sa kinabuhi. Apan unsa may iyang makuha gikan niini? 19Moingon siya sa iyang kaugalingon, “Karon makapahulay na gayod ako ug makapahimulos sa akong hinagoan.” Apan wala siya masayod anus-a siya mamatay ug mahibilin ang iyang bahandi ngadto sa uban.
20Lahutayi ang imong buluhaton ug ayaw kinig biyai; pasagdi nga matigulang ikaw diha sa imong buhat. 21Ayaw kasina sa nahimo sa mga makasasala; pabilin lamang diha sa imong kaugalingong buluhaton ug salig sa Ginoo. Sayon kaayo alang sa Ginoo ang paghimog dato sa usa ka pobre sa usa lamang ka pagpamilok. 22Ang mga tawo nga diosnon makadawat sa panalangin sa Ginoo isip ilang ganti ug ihatag kini kanila sa bisan unsang higayon. 23Ayaw kabalaka unsa ang imong kinahanglan o unsa ang kalamposan nga moabot kanimo. 24Sa laing bahin, ayaw paghunahuna nga anaa na kanimo ang tanan nga imong gikinahanglan o nga walay mahitabo nga daotan kanimo sa umaabot. 25Kon maayog lakaw ang tanan, ang mga tawo dili maghunahuna mahitungod sa lisod nga mga panahon. Apan kon daotan ang mga mahitabo, malimot na sila mahitungod sa kahamugaway. 26Sayon alang sa Ginoo ang pagganti o pagsilot sa usa ka tawo sa adlaw sa iyang kamatayon. 27Niadtong panahona ang iyang binuhatan mahimong dayag aron makita sa tanan. Ang tanan niyang kalipay mahimong mapapas niadtong usa ka gutlo sa kaalaot. 28Busa ayaw paghunahunaa nga ang kinabuhi sa usa ka tawo malipayon hangtod matapos kini kay ang tanang kamatuoran mahitungod kaniya nahibaloan sa panahon sa iyang kamatayon.#11:28 tanang kamatuoran…kamatayon: Sa Grego, tawo maila pinaagi sa iyang mga anak.
Pagmatngon sa Pagpili ug mga Higala
29Pagmatngon sa matang sa tawo nga imong dapiton ngadto sa inyoha tungod kay ang mga abtik nga mga tawo makatonto kanimo sa daghang paagi. 30Ang usa ka tawo nga mapahitas-on maoy usa ka paon nga magdani kanimo ngadto sa peligro sama sa usa ka espiya nga naniid sa imong mga kahuyang. 31Iyang himoon nga ang maayo mogula nga daotan ug mangita siyag kasaypanan diha sa labing hamili nga mga buhat. 32Ang usa ka aligato makasunog sa usa ka pundok nga uling ug ang usa ka makasasala naghulat lamang ug higayon sa paggamit sa kusog. 33Pagbantay niining mga tawhana ug sa ilang daotan nga mga laraw. Sila maoy magdala kanimog kadaot nga magpabilin sa hangtod. 34Kon magdala kag laing tawo ngadto sa inyo, makagubot lamang kini bisan gani tali kanimo ug sa imong kaugalingong pamilya.
Currently Selected:
Sirac 11: MBBCEB99
Highlight
Share
Compare
Copy
Want to have your highlights saved across all your devices? Sign up or sign in
Maayong Balita Biblia © Philippine Bible Society, 1999.
Sirac 11
11
1Kon maalam ang usa ka tawo nga kabos, aduna siyay katarongan sa pagpasigarbo ug isipon siya nga usa ka dakong tawo.
Mga Dagway
2Ayaw pagdayga ang usa ka tawo tungod sa iyang maayong panagway. Sa laing bahin ayaw tamaya ang usa ka tawo nga dili maayog panagway. 3Kon itandi sa kadaghanang molupad nga mga mananap, ang usa ka ligwan gamay ra gayod kaayo apan ang dugos nga hinimo niini mao ang labing tam-is sa mga makaon. 4Ayaw pagbinuangi ang usa ka tawo nga nagkalisodlisod ug nagkagidlay na sa iyang pamisti. Ang Ginoo naghimo ug katingalahan nga mga butang nga wala gayod himatngoni sa mga tawo. 5Daghan ang mga hari nga misangko sa pagyaka sa yuta samtang ang ilang mga korona gisul-ob sa mga tawo nga wala gayod igdungog kaniadto. 6Daghan ang mga pangulo nga nag-antos sa kaulawan. Daghan ang bantogan nga mga tawo nga nahulog ngadto sa gahom sa uban.
Pagkamabinantayon
7Sa dili ka pa mosugod pagpanaway, pagpakisayod pag-ayo ug hunahunaag maayo kanang butanga. 8Ayaw pagsagbat samtang nagsulti pa ang usa ka tawo; pamatia unsa ang iyang isulti sa dili ka pa motubag. 9Ayaw pagpakiglalis mahitungod sa usa ka butang nga wala kay labot. Ayaw pag-apil diha sa mga hukom nga gihimo sa mga makasasala.
10Anak, ayaw pagpalabi pagsalmot sa daghang mga butang. Kon mosulay ka pagbuhat sa hilabihan ka daghan nga mga butang, mag-antos ikaw tungod niini. Dili ikaw makahimo pagtapos sa imong buhat o makahimo ikaw pagbiya niini. 11Adunay mga tawo nga hilabihan gayong nakapaningkamot apan nagpabilin nga walay nahot. 12Sa laing bahin, may tawo nga tingali pobre kaayo ug dili siya makahimo sa iyang katungdanan. Tingali hinay siya ug nagkinahanglan ug panabang apan ang Ginoo nahimuot kaniya ug nagluwas kaniya gikan sa iyang lisod nga pagkabutang. 13Sa nakabangon na siya pag-usab, ang tanan nahibulong.
14Ang tanan naggikan sa Ginoo: ang kalamposan ug ang kapakyasan, ang kakabos ug ang kadato, ang kinabuhi ug ang kamatayon. 15Ang kaalam, ang pagpanabot, ang kahibalo mahitungod sa Balaod, ang gugma, ug ang pagbuhat sa maayo—kining tanan gikan sa Ginoo. 16Ang sayop ug ang kangitngit nag-uban sa mga makasasala gikan sa sinugdan ug sila nga nagpahimulos sa daotang kabubut-on maghupot niini hangtod sa ilang pagkatigulang.#11:16 Sa ubang mga sinulat wala kini. 17Ang mga gasa sa Ginoo ngadto sa mga tawo nga diosnon maoy mga gasa nga molungtad. Kon mahimuot siya kanimo, kanunay kang magmalampuson. 18Ang#Sal. 49:10; Luc. 12:16-21. usa ka tawo mahimo nga madato pinaagi sa pagbudlay pag-ayo ug sa paghikaw sa iyang kaugalingon sa mga kalipay sa kinabuhi. Apan unsa may iyang makuha gikan niini? 19Moingon siya sa iyang kaugalingon, “Karon makapahulay na gayod ako ug makapahimulos sa akong hinagoan.” Apan wala siya masayod anus-a siya mamatay ug mahibilin ang iyang bahandi ngadto sa uban.
20Lahutayi ang imong buluhaton ug ayaw kinig biyai; pasagdi nga matigulang ikaw diha sa imong buhat. 21Ayaw kasina sa nahimo sa mga makasasala; pabilin lamang diha sa imong kaugalingong buluhaton ug salig sa Ginoo. Sayon kaayo alang sa Ginoo ang paghimog dato sa usa ka pobre sa usa lamang ka pagpamilok. 22Ang mga tawo nga diosnon makadawat sa panalangin sa Ginoo isip ilang ganti ug ihatag kini kanila sa bisan unsang higayon. 23Ayaw kabalaka unsa ang imong kinahanglan o unsa ang kalamposan nga moabot kanimo. 24Sa laing bahin, ayaw paghunahuna nga anaa na kanimo ang tanan nga imong gikinahanglan o nga walay mahitabo nga daotan kanimo sa umaabot. 25Kon maayog lakaw ang tanan, ang mga tawo dili maghunahuna mahitungod sa lisod nga mga panahon. Apan kon daotan ang mga mahitabo, malimot na sila mahitungod sa kahamugaway. 26Sayon alang sa Ginoo ang pagganti o pagsilot sa usa ka tawo sa adlaw sa iyang kamatayon. 27Niadtong panahona ang iyang binuhatan mahimong dayag aron makita sa tanan. Ang tanan niyang kalipay mahimong mapapas niadtong usa ka gutlo sa kaalaot. 28Busa ayaw paghunahunaa nga ang kinabuhi sa usa ka tawo malipayon hangtod matapos kini kay ang tanang kamatuoran mahitungod kaniya nahibaloan sa panahon sa iyang kamatayon.#11:28 tanang kamatuoran…kamatayon: Sa Grego, tawo maila pinaagi sa iyang mga anak.
Pagmatngon sa Pagpili ug mga Higala
29Pagmatngon sa matang sa tawo nga imong dapiton ngadto sa inyoha tungod kay ang mga abtik nga mga tawo makatonto kanimo sa daghang paagi. 30Ang usa ka tawo nga mapahitas-on maoy usa ka paon nga magdani kanimo ngadto sa peligro sama sa usa ka espiya nga naniid sa imong mga kahuyang. 31Iyang himoon nga ang maayo mogula nga daotan ug mangita siyag kasaypanan diha sa labing hamili nga mga buhat. 32Ang usa ka aligato makasunog sa usa ka pundok nga uling ug ang usa ka makasasala naghulat lamang ug higayon sa paggamit sa kusog. 33Pagbantay niining mga tawhana ug sa ilang daotan nga mga laraw. Sila maoy magdala kanimog kadaot nga magpabilin sa hangtod. 34Kon magdala kag laing tawo ngadto sa inyo, makagubot lamang kini bisan gani tali kanimo ug sa imong kaugalingong pamilya.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Maayong Balita Biblia © Philippine Bible Society, 1999.