Ester (Grego) 8
8
Gisugo ang mga Judio sa Pagsukol
1Niadtong maong adlaw si Hari Ahasuero mihatag kang Rayna Ester sa tanan nga mga kabtangan ni Haman, ang kaaway sa mga Judio. Giingnan ni Ester ang hari nga si Mardoqueo iyang paryenti ug sukad niadto si Mardoqueo gitugotan sa pagduol sa hari. 2Gikuha sa hari ang iyang singsing nga nagdala sa silyo niya (iya kining gibawi gikan kang Haman) ug gihatag kini ngadto kang Mardoqueo. Si Mardoqueo gibutang ni Ester nga tig-atiman sa mga kabtangan ni Haman.
3Unya misulti pag-usab si Ester ngadto sa hari samtang nagluhod siya sa iyang tiilan. Nagpakiluoy siya kaniya nga hunongon ang daotang laraw nga gihimo ni Haman batok sa mga Judio. 4Gitunol sa hari ang bulawan nga sitro ngadto kaniya busa mitindog siya 5ug miingon, “Kon makapahimuot kanimo, Kamahalan, ug kon nagmahal ka kanako, palihog pagpakanaog ug usa ka sugo aron ang mga sugo ni Haman dili na tumanon. Kining mga sugoa iyang gihatag aron paglaglag sa tanan nga mga Judio dinhi sa emperyo. 6Dili ako makaantos nga kining katalagman moabot sa akong katawhan. Unsaon man nako pagpadayon pagpuyo niining kinabuhia kon ang akong tibuok nga katawhan laglagon?”
7Unya ang hari miingon kang Ester, “Gibitay na nako si Haman tungod sa iyang daotang laraw batok sa mga Judio ug gihatag na nako kanimo ang iyang kabtangan. Kondili pa kini igo, 8sulati#Dan. 6:8. ang mga Judio bisan unsa nga imong gusto ug isulat niini ang akong ngalan ug silyohi sa harianong silyo aron mahimong usa ka sugo nga ipakanaog sa ngalan sa hari ug sinilyohan ug kay sinilyohan niining maong silyo, dili gayod kini mabakwi.”
9Sa ika-23 nga adlaw sa unang bulan, ang bulan sa Nisan, ang mga sekretaryo sa hari gipatawag ug gipahimog mga sulat ngadto sa mga Judio ug ngadto sa mga gobernador ug mga tinugyanan sa tanang 127 ka probinsiya gikan sa India ngadto sa Etiopia. Ang mga sulat gipadala sa tagsatagsa ka probinsiya diha sa kaugalingong sinultihan niini. 10Gisulat kini sa ngalan sa hari ug gisilyohan sa harianong silyo ug gipadala pinaagi sa mga mensahero.
11Kining mga sulata nagsulti nga nagtugot ang hari nga ang mga Judio sa tagsatagsa ka siyudad sa emperyo magpadayon pagpuyo pinaagi sa ilang kaugalingong mga balaod ug nga maghugpong sila sa pagpanalipod sa ilang kaugalingon. Gitugotan sila sa pagtratar sa ilang mga kaatbang ug mga kaaway sa bisan unsang paagi nga gusto nila. 12Kining maong sugo ipatuman sa tibuok Emperyo sa Persia sa ika-13 nga adlaw sa Adar, ang ika-12 nga bulan.#8:12 Ang kapitulo 8 magpadayon tapos sa kapitulo E.#
Currently Selected:
Ester (Grego) 8: MBBCEB99
Highlight
Share
Compare
Copy
Want to have your highlights saved across all your devices? Sign up or sign in
Maayong Balita Biblia © Philippine Bible Society, 1999.
Ester (Grego) 8
8
Gisugo ang mga Judio sa Pagsukol
1Niadtong maong adlaw si Hari Ahasuero mihatag kang Rayna Ester sa tanan nga mga kabtangan ni Haman, ang kaaway sa mga Judio. Giingnan ni Ester ang hari nga si Mardoqueo iyang paryenti ug sukad niadto si Mardoqueo gitugotan sa pagduol sa hari. 2Gikuha sa hari ang iyang singsing nga nagdala sa silyo niya (iya kining gibawi gikan kang Haman) ug gihatag kini ngadto kang Mardoqueo. Si Mardoqueo gibutang ni Ester nga tig-atiman sa mga kabtangan ni Haman.
3Unya misulti pag-usab si Ester ngadto sa hari samtang nagluhod siya sa iyang tiilan. Nagpakiluoy siya kaniya nga hunongon ang daotang laraw nga gihimo ni Haman batok sa mga Judio. 4Gitunol sa hari ang bulawan nga sitro ngadto kaniya busa mitindog siya 5ug miingon, “Kon makapahimuot kanimo, Kamahalan, ug kon nagmahal ka kanako, palihog pagpakanaog ug usa ka sugo aron ang mga sugo ni Haman dili na tumanon. Kining mga sugoa iyang gihatag aron paglaglag sa tanan nga mga Judio dinhi sa emperyo. 6Dili ako makaantos nga kining katalagman moabot sa akong katawhan. Unsaon man nako pagpadayon pagpuyo niining kinabuhia kon ang akong tibuok nga katawhan laglagon?”
7Unya ang hari miingon kang Ester, “Gibitay na nako si Haman tungod sa iyang daotang laraw batok sa mga Judio ug gihatag na nako kanimo ang iyang kabtangan. Kondili pa kini igo, 8sulati#Dan. 6:8. ang mga Judio bisan unsa nga imong gusto ug isulat niini ang akong ngalan ug silyohi sa harianong silyo aron mahimong usa ka sugo nga ipakanaog sa ngalan sa hari ug sinilyohan ug kay sinilyohan niining maong silyo, dili gayod kini mabakwi.”
9Sa ika-23 nga adlaw sa unang bulan, ang bulan sa Nisan, ang mga sekretaryo sa hari gipatawag ug gipahimog mga sulat ngadto sa mga Judio ug ngadto sa mga gobernador ug mga tinugyanan sa tanang 127 ka probinsiya gikan sa India ngadto sa Etiopia. Ang mga sulat gipadala sa tagsatagsa ka probinsiya diha sa kaugalingong sinultihan niini. 10Gisulat kini sa ngalan sa hari ug gisilyohan sa harianong silyo ug gipadala pinaagi sa mga mensahero.
11Kining mga sulata nagsulti nga nagtugot ang hari nga ang mga Judio sa tagsatagsa ka siyudad sa emperyo magpadayon pagpuyo pinaagi sa ilang kaugalingong mga balaod ug nga maghugpong sila sa pagpanalipod sa ilang kaugalingon. Gitugotan sila sa pagtratar sa ilang mga kaatbang ug mga kaaway sa bisan unsang paagi nga gusto nila. 12Kining maong sugo ipatuman sa tibuok Emperyo sa Persia sa ika-13 nga adlaw sa Adar, ang ika-12 nga bulan.#8:12 Ang kapitulo 8 magpadayon tapos sa kapitulo E.#
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Maayong Balita Biblia © Philippine Bible Society, 1999.