JOSUE 14
14
Ang Pagbahin sa Kayutaan sa Kasadpan sa Jordan
1Kini mao ang mga panulundon nga nadawat sa katawhan sa Israel sa yuta sa Canaan nga gibahinbahin ni Eleasar nga pari ug ni Josue nga anak ni Nun ug sa mga pangulo sa mga panimalay sa katigulangan sa mga banay sa katawhan sa Israel. 2#Num. 26:52-56; 34:13. Ang ilang panulundon gipaagi ug ripa sumala sa gisugo sa Ginoo kang Moises alang sa siyam ug tunga ka banay. 3#Num. 32:33; 34:14-15; Deut. 3:12-17. Kay si Moises naghatag ug panulundon ngadto sa duha ug tunga ka banay sa tabok sa Jordan, apan sa mga Levihanon siya wala maghatag ug panulundon. 4Kay ang mga katawhan ni Jose may duha ka banay, Manases ug Efraim. Ug walay bahin sa yuta nga gihatag ngadto sa mga Levihanon kondili mga siyudad nga ilang kapuy-an uban ang mga pasibsibanan sa ilang mga baka ug alang sa ilang kabuhian. 5Sumala sa gisugo sa Ginoo kang Moises, gihimo kini sa katawhan sa Israel ug gibahin nila ang yuta.
Ang Hebron Gihatag kang Caleb
6 #
Num. 14:30. Unya ang katawhan ni Juda miduol ngadto kang Josue didto sa Gilgal. Ug si Caleb, nga anak ni Jefone nga Kenisihanon miingon kaniya, “Nasayod ikaw kon unsay gisulti sa Ginoo kang Moises nga tawo sa Dios mahitungod kanako ug kanimo didto sa Kades-barnea. 7#Num. 13:1-30. Ang akong panuigon 40 ka tuig sa dihang si Moises nga alagad sa Ginoo, nagpadala kanako gikan sa Kades-barnea aron sa pagpaniid sa yuta ug ako nagsugilon kaniya sumala sa anaa sa akong kasingkasing. 8Apan ang akong mga igsoon nga mikuyog kanako nagtunaw sa mga kasingkasing sa katawhan, apan ako misunod sa hingpit sa Ginoo nga akong Dios. 9#Num. 14:24. Ug si Moises nanumpa niadtong adlawa nga nag-ingon, ‘Sa pagkatinuod, ang yuta nga nataakan sa imong tiil mahimo nga panulundon alang kanimo ug sa imong mga anak hangtod sa kahangtoran kay ikaw misunod sa hingpit sa Ginoo nga akong Dios.’ 10Ug karon, tan-awa, ang Ginoo nagbuhi kanako, sumala sa iyang gisulti niining 45 ka tuig sukad sa panahon nga ang Ginoo misulti kang Moises niining mga pulonga samtang ang Israel naglakaw didto sa kamingawan. Ug karon, tan-awa, niining adlawa ako 85 na ka tuig ang panuigon. 11Baskog gihapon ako hangtod niining adlawa sama sa adlaw nga gisugo ako ni Moises. Ang akong kusog karon sama sa akong kusog kaniadto alang sa gubat ug sa paggula ug sa pagsulod. 12Busa karon, ihatag kanako kining kabungtoran nga gihisgotan sa Ginoo niadtong adlawa kay imong nadungog niadtong adlawa nga didto ang mga Anakihanon uban ang ilang mga dagkong siyudad nga kinutaan. Basin ug ang Ginoo mag-uban kanako ug papahawaon nako sila sumala sa gisulti sa Ginoo.”
13Unya gipanalanginan ni Josue si Caleb nga anak ni Jefone ug gihatag kaniya ang Hebron ingon nga iyang panulundon. 14Busa ang Hebron nahimong panulundon ni Caleb nga anak ni Jefone nga Kenisihanon hangtod niining adlawa tungod kay siya misunod sa hingpit sa Ginoo, ang Dios sa Israel. 15Kaniadto ang ngalan sa Hebron Kiriat-arba.#14:15 KIRIAT-ARBA: Sa ato pa, Siyudad sa Arba. Kining Arba mao#14:15 Kining Arba mao: Wala kini sa Hebreo. ang labing gamhanan nga tawo sa mga Anakihanon. Ug ang yuta nakapahulay na gikan sa gubat.
Currently Selected:
JOSUE 14: ABCEB
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011
JOSUE 14
14
Ang Pagbahin sa Kayutaan sa Kasadpan sa Jordan
1Kini mao ang mga panulundon nga nadawat sa katawhan sa Israel sa yuta sa Canaan nga gibahinbahin ni Eleasar nga pari ug ni Josue nga anak ni Nun ug sa mga pangulo sa mga panimalay sa katigulangan sa mga banay sa katawhan sa Israel. 2#Num. 26:52-56; 34:13. Ang ilang panulundon gipaagi ug ripa sumala sa gisugo sa Ginoo kang Moises alang sa siyam ug tunga ka banay. 3#Num. 32:33; 34:14-15; Deut. 3:12-17. Kay si Moises naghatag ug panulundon ngadto sa duha ug tunga ka banay sa tabok sa Jordan, apan sa mga Levihanon siya wala maghatag ug panulundon. 4Kay ang mga katawhan ni Jose may duha ka banay, Manases ug Efraim. Ug walay bahin sa yuta nga gihatag ngadto sa mga Levihanon kondili mga siyudad nga ilang kapuy-an uban ang mga pasibsibanan sa ilang mga baka ug alang sa ilang kabuhian. 5Sumala sa gisugo sa Ginoo kang Moises, gihimo kini sa katawhan sa Israel ug gibahin nila ang yuta.
Ang Hebron Gihatag kang Caleb
6 #
Num. 14:30. Unya ang katawhan ni Juda miduol ngadto kang Josue didto sa Gilgal. Ug si Caleb, nga anak ni Jefone nga Kenisihanon miingon kaniya, “Nasayod ikaw kon unsay gisulti sa Ginoo kang Moises nga tawo sa Dios mahitungod kanako ug kanimo didto sa Kades-barnea. 7#Num. 13:1-30. Ang akong panuigon 40 ka tuig sa dihang si Moises nga alagad sa Ginoo, nagpadala kanako gikan sa Kades-barnea aron sa pagpaniid sa yuta ug ako nagsugilon kaniya sumala sa anaa sa akong kasingkasing. 8Apan ang akong mga igsoon nga mikuyog kanako nagtunaw sa mga kasingkasing sa katawhan, apan ako misunod sa hingpit sa Ginoo nga akong Dios. 9#Num. 14:24. Ug si Moises nanumpa niadtong adlawa nga nag-ingon, ‘Sa pagkatinuod, ang yuta nga nataakan sa imong tiil mahimo nga panulundon alang kanimo ug sa imong mga anak hangtod sa kahangtoran kay ikaw misunod sa hingpit sa Ginoo nga akong Dios.’ 10Ug karon, tan-awa, ang Ginoo nagbuhi kanako, sumala sa iyang gisulti niining 45 ka tuig sukad sa panahon nga ang Ginoo misulti kang Moises niining mga pulonga samtang ang Israel naglakaw didto sa kamingawan. Ug karon, tan-awa, niining adlawa ako 85 na ka tuig ang panuigon. 11Baskog gihapon ako hangtod niining adlawa sama sa adlaw nga gisugo ako ni Moises. Ang akong kusog karon sama sa akong kusog kaniadto alang sa gubat ug sa paggula ug sa pagsulod. 12Busa karon, ihatag kanako kining kabungtoran nga gihisgotan sa Ginoo niadtong adlawa kay imong nadungog niadtong adlawa nga didto ang mga Anakihanon uban ang ilang mga dagkong siyudad nga kinutaan. Basin ug ang Ginoo mag-uban kanako ug papahawaon nako sila sumala sa gisulti sa Ginoo.”
13Unya gipanalanginan ni Josue si Caleb nga anak ni Jefone ug gihatag kaniya ang Hebron ingon nga iyang panulundon. 14Busa ang Hebron nahimong panulundon ni Caleb nga anak ni Jefone nga Kenisihanon hangtod niining adlawa tungod kay siya misunod sa hingpit sa Ginoo, ang Dios sa Israel. 15Kaniadto ang ngalan sa Hebron Kiriat-arba.#14:15 KIRIAT-ARBA: Sa ato pa, Siyudad sa Arba. Kining Arba mao#14:15 Kining Arba mao: Wala kini sa Hebreo. ang labing gamhanan nga tawo sa mga Anakihanon. Ug ang yuta nakapahulay na gikan sa gubat.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Philippine Bible Society, 2011