Mariko 1
1
Wac pa Yohana Jakibatisa
(Mat 3:1-12; Luk 3:1-18; Yoh 1:19-28)
1Me a cakirok ma Wac Manyen Maber mapa Yesu Kristo Wod Were paka 2#Mal 3:1ondiki i kitawo pa Isaya jatuci wac Were ni,
“Neni aoro jamikwenda paran,
ma bino yiko rin royo wotelin.
3 #
Isa 40:3
Dwondi jo moro koko i thim ni,
‘Yik win royo pa Rwoth,
tir win royin pere mathindho thindho je.’ ”
4Ameno Yohana Jakibatisa onenere i thim, kareno batisa ji, aka fonjo jo ni jowoŋuti reco pajo aka ŋey Were wocwaki jo. 5Ji ma wok iy'adec je ma Yuda kodi Yerusalem jokidho bonge, aka obatisa jo i jwom Yordan, munyo jotuco reco pajo. 6#2 Kerin 1:8Ruk pa Yohana oyido obedo pien ŋamia kareno tweyo piere gi del ma pien, aka camo bonyo kodi mo kic. 7Yohana ofonjo ka waco ni, “Nyatoro luwan cen, ŋata loyan swa gi dwoŋ, m'akiripi kada luŋirok piny gonyo rigo thol war pere. 8Abatisa win gi pi kende, to go bino kibatisa win gi Cuny Maleŋ.”
Batisimo kodi karatem pa Yesu
(Mat 3:13—4:11; Luk 3:21-22; 4:1-13)
9I hongo no ama Yesu owok'iye Nazareth i piny Galili aka Yohana obatisa go i jwom Yordan. 10Tekin Yesu wok i pi, oneno polo oyawere, to Cuny Maleŋ pie kwoŋe i cal p'akuru. 11#Cak 22:2; Zab 2:7; Isa 42:1; Mat 3:17; 12:18; Mar 9:7; Luk 3:22Aka dwondi jo moro owok i polo ma waco ni, “In i Wodan m'amaro, asangala kodin.” 12Gikenyo Cuny Maleŋ otero Yesu i thim kama d'ogwaŋe. 13Yesu otieko kenyo ndelo piero aŋwen, munyo Sitan temo go; aka jomalaika jokonyo go.
14Munyo otiek mako Yohana otwey go, to Yesu kidho Galili. Kenyo go ofonjo Wac Manyen Maber ma wok bongi Were. 15#Mat 3:2Go owaco ni, “Ndiri otundo, aka Ker pa Were ocore cegin. Ŋuti win reco mewin, aka wiyeyi Wac Manyen Maber.”
Yesu lwoŋo cwo aŋwen ma jokitoga
(Mat 4:12-22; Luk 4:14-15; 5:1-11)
16Munyo Yesu wotho dho thengi wakawaka ma Galili, oneno jokitoga, Simon kodi Andereya omin go, munyo oyido jociko bwo pajo i wakawaka. 17Yesu owaco rijo ni, “Luwan win abino loko win jokitoga ji.” 18Piyo piyo no joweyo bwo pajo, to joluwo go. 19Munyo owotho nyaka mathin, odoko oneno Yakobo gi Yohana wot Zebedayo m'oyido jonitie i ye pajo joyiko bwo pajo. 20Piyo no to lwoŋo jo, to joweyo ba gin Zebedayo kodi jotic pere i ye to joluwo go.
Dhano ma jwogi ni kwoŋe
(Luk 4:31-37)
21Gikenyo Yesu gi jofonjirok pere jokidho Kapernaum; aka i ndelo ma Sabato, Yesu odonjo i kitipa pa jom'oyeyo pa Joyuda to fonjo. 22#Mat 7:28-29Ji jouro swa, rupiri go ofonjo pa ŋata nigi meni, makiweno paka jondiko. 23Piyo piyo no dhano ma cuny m'ocido oyido ni kwoŋe odonjo i kitipa pa jom'oyeyo pa Joyuda ni pil, to cako koko ni, 24“Imito timo wan nedi, Yesu Janazareth? Ibino ka reyo wan woko? Aŋeyin, i ŋataleŋ pa Were.” 25Yesu obwoko go munyo waco ni, “Liŋi, aka woki woko kwoŋ go.” 26Gikenyo cuny m'ocido no oyengo ŋato gi meni to wok kwoŋe munyo koko gi derino madwoŋ. 27Gino omiyo ji je dhier tektek to wegi jopenjere kendi gin ni, “To me aŋo? Kole me fonji manyen! Go oro kiri cuny m'ocido wok aka jowinjo go!” 28Gikenyo nyinge olak iy'adec ma Galili je parom.
Yesu botho ji kweth
(Mat 8:14-17; Luk 4:38-41)
29Tekin jowok i kitipa pa jom'oyeyo pa Joyuda, Yesu kodi Yakobo jokidho kodi Andereya peco pa Simon. 30Or Simon madhako onwaŋo nitie i kanindo kwoŋe oowere, to jowaco ri Yesu mayot paka dhakodwoŋ no two. 31Yesu okidho bonge, omako cinge, to dheno ay malo. Ameno two no oweyo go, to go cako rweyo jo.
32Othieno no, munyo waŋceŋ otieko podho, ji jokelo ri Yesu jotwo je, kodi joma onwaŋo jwogi nikwoŋ gin. 33Ji ma tindi gipi to jowura rigo dhiot. 34Yesu obotho ji madit m'onwaŋo joramere gi two m'opokere opokere: Go oriemo woko jwogi bende, ma k'oyeyo jo luwo, rupiri oyido joŋeyo go.
Yesu fonjo i Galili
(Luk 4:42-44)
35Yawere mere odikin, ma piny fodi k'ocot, Yesu ocew to wok i ot no, to kidho gicen kwayo. 36To Simon gi wadi jowok rango go, 37aka munyo jonwaŋo go, jowaco rigo ni, “Dhano je dwarin.” 38Yesu odwoko ni, “Ere wakidhi win i tindi man, afonji korago bende; kole gino ama okelan.” 39#Mat 4:23; 9:35Owotho Galili munyo fonjo i kitipa pa jom'oyeyo pa Joyuda, kendo munyo riemo woko jwogi kwoŋ ji.
Yesu botho jadhowo moro
(Mat 8:1-4; Luk 5:12-16)
40Gikenyo jadhowo moro obino bothi Yesu, to guro conge piny, to kwayo go ni, “K'iyeyo, inyalo bothan.” 41Yesu omako gine wor, aka ocwayo cinge ogeyo go, to waco ni, “Ayeyo; bothi.” 42Gikenyo won, dhowo no oeye kwoŋ ŋato, to kwoŋe cango m'olony. 43Yesu ociko go teltel munyo sewila go ni, 44#Jolevi 14:1-32“Ikir'iwaci ri nyatoro gime; kidhi inyuthere i waŋ jacway ri Were i wi migam, aka imiy go mic paka Musa oketho i cik, aka dhano je woŋey ni itieko both adieri.” 45To jalo ocako nyayo wac no iye je, m'omiyo Yesu odoko k'onyalo donjo i tindi kamaler, to bedo gicen kama ongoye iye ji, aka kenyo ama ji jobin'iye bonge wok kaman man je.
Currently Selected:
Mariko 1: DHOPE
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Mariko 1
1
Wac pa Yohana Jakibatisa
(Mat 3:1-12; Luk 3:1-18; Yoh 1:19-28)
1Me a cakirok ma Wac Manyen Maber mapa Yesu Kristo Wod Were paka 2#Mal 3:1ondiki i kitawo pa Isaya jatuci wac Were ni,
“Neni aoro jamikwenda paran,
ma bino yiko rin royo wotelin.
3 #
Isa 40:3
Dwondi jo moro koko i thim ni,
‘Yik win royo pa Rwoth,
tir win royin pere mathindho thindho je.’ ”
4Ameno Yohana Jakibatisa onenere i thim, kareno batisa ji, aka fonjo jo ni jowoŋuti reco pajo aka ŋey Were wocwaki jo. 5Ji ma wok iy'adec je ma Yuda kodi Yerusalem jokidho bonge, aka obatisa jo i jwom Yordan, munyo jotuco reco pajo. 6#2 Kerin 1:8Ruk pa Yohana oyido obedo pien ŋamia kareno tweyo piere gi del ma pien, aka camo bonyo kodi mo kic. 7Yohana ofonjo ka waco ni, “Nyatoro luwan cen, ŋata loyan swa gi dwoŋ, m'akiripi kada luŋirok piny gonyo rigo thol war pere. 8Abatisa win gi pi kende, to go bino kibatisa win gi Cuny Maleŋ.”
Batisimo kodi karatem pa Yesu
(Mat 3:13—4:11; Luk 3:21-22; 4:1-13)
9I hongo no ama Yesu owok'iye Nazareth i piny Galili aka Yohana obatisa go i jwom Yordan. 10Tekin Yesu wok i pi, oneno polo oyawere, to Cuny Maleŋ pie kwoŋe i cal p'akuru. 11#Cak 22:2; Zab 2:7; Isa 42:1; Mat 3:17; 12:18; Mar 9:7; Luk 3:22Aka dwondi jo moro owok i polo ma waco ni, “In i Wodan m'amaro, asangala kodin.” 12Gikenyo Cuny Maleŋ otero Yesu i thim kama d'ogwaŋe. 13Yesu otieko kenyo ndelo piero aŋwen, munyo Sitan temo go; aka jomalaika jokonyo go.
14Munyo otiek mako Yohana otwey go, to Yesu kidho Galili. Kenyo go ofonjo Wac Manyen Maber ma wok bongi Were. 15#Mat 3:2Go owaco ni, “Ndiri otundo, aka Ker pa Were ocore cegin. Ŋuti win reco mewin, aka wiyeyi Wac Manyen Maber.”
Yesu lwoŋo cwo aŋwen ma jokitoga
(Mat 4:12-22; Luk 4:14-15; 5:1-11)
16Munyo Yesu wotho dho thengi wakawaka ma Galili, oneno jokitoga, Simon kodi Andereya omin go, munyo oyido jociko bwo pajo i wakawaka. 17Yesu owaco rijo ni, “Luwan win abino loko win jokitoga ji.” 18Piyo piyo no joweyo bwo pajo, to joluwo go. 19Munyo owotho nyaka mathin, odoko oneno Yakobo gi Yohana wot Zebedayo m'oyido jonitie i ye pajo joyiko bwo pajo. 20Piyo no to lwoŋo jo, to joweyo ba gin Zebedayo kodi jotic pere i ye to joluwo go.
Dhano ma jwogi ni kwoŋe
(Luk 4:31-37)
21Gikenyo Yesu gi jofonjirok pere jokidho Kapernaum; aka i ndelo ma Sabato, Yesu odonjo i kitipa pa jom'oyeyo pa Joyuda to fonjo. 22#Mat 7:28-29Ji jouro swa, rupiri go ofonjo pa ŋata nigi meni, makiweno paka jondiko. 23Piyo piyo no dhano ma cuny m'ocido oyido ni kwoŋe odonjo i kitipa pa jom'oyeyo pa Joyuda ni pil, to cako koko ni, 24“Imito timo wan nedi, Yesu Janazareth? Ibino ka reyo wan woko? Aŋeyin, i ŋataleŋ pa Were.” 25Yesu obwoko go munyo waco ni, “Liŋi, aka woki woko kwoŋ go.” 26Gikenyo cuny m'ocido no oyengo ŋato gi meni to wok kwoŋe munyo koko gi derino madwoŋ. 27Gino omiyo ji je dhier tektek to wegi jopenjere kendi gin ni, “To me aŋo? Kole me fonji manyen! Go oro kiri cuny m'ocido wok aka jowinjo go!” 28Gikenyo nyinge olak iy'adec ma Galili je parom.
Yesu botho ji kweth
(Mat 8:14-17; Luk 4:38-41)
29Tekin jowok i kitipa pa jom'oyeyo pa Joyuda, Yesu kodi Yakobo jokidho kodi Andereya peco pa Simon. 30Or Simon madhako onwaŋo nitie i kanindo kwoŋe oowere, to jowaco ri Yesu mayot paka dhakodwoŋ no two. 31Yesu okidho bonge, omako cinge, to dheno ay malo. Ameno two no oweyo go, to go cako rweyo jo.
32Othieno no, munyo waŋceŋ otieko podho, ji jokelo ri Yesu jotwo je, kodi joma onwaŋo jwogi nikwoŋ gin. 33Ji ma tindi gipi to jowura rigo dhiot. 34Yesu obotho ji madit m'onwaŋo joramere gi two m'opokere opokere: Go oriemo woko jwogi bende, ma k'oyeyo jo luwo, rupiri oyido joŋeyo go.
Yesu fonjo i Galili
(Luk 4:42-44)
35Yawere mere odikin, ma piny fodi k'ocot, Yesu ocew to wok i ot no, to kidho gicen kwayo. 36To Simon gi wadi jowok rango go, 37aka munyo jonwaŋo go, jowaco rigo ni, “Dhano je dwarin.” 38Yesu odwoko ni, “Ere wakidhi win i tindi man, afonji korago bende; kole gino ama okelan.” 39#Mat 4:23; 9:35Owotho Galili munyo fonjo i kitipa pa jom'oyeyo pa Joyuda, kendo munyo riemo woko jwogi kwoŋ ji.
Yesu botho jadhowo moro
(Mat 8:1-4; Luk 5:12-16)
40Gikenyo jadhowo moro obino bothi Yesu, to guro conge piny, to kwayo go ni, “K'iyeyo, inyalo bothan.” 41Yesu omako gine wor, aka ocwayo cinge ogeyo go, to waco ni, “Ayeyo; bothi.” 42Gikenyo won, dhowo no oeye kwoŋ ŋato, to kwoŋe cango m'olony. 43Yesu ociko go teltel munyo sewila go ni, 44#Jolevi 14:1-32“Ikir'iwaci ri nyatoro gime; kidhi inyuthere i waŋ jacway ri Were i wi migam, aka imiy go mic paka Musa oketho i cik, aka dhano je woŋey ni itieko both adieri.” 45To jalo ocako nyayo wac no iye je, m'omiyo Yesu odoko k'onyalo donjo i tindi kamaler, to bedo gicen kama ongoye iye ji, aka kenyo ama ji jobin'iye bonge wok kaman man je.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.