Matayo 23
23
Yesu oro ji gwokirok kwoŋ jondiko kodi Jofarisayo
(Mar 12:38-39; Luk 11:43,46; 20:45-46)
1Gikenyo Yesu owaco ri lwak ji kodi jofonjirok pere ni: 2Jondiko kodi Jofarisayo jonitie i kabedo pa Musa ma fonjo Cik; 3am'omiyo wiripo timo gi mako gimoro je ma jowaco riwin, to wikiri witim paka jotimo, rupiri jokikethi i tim gima jofonjo. 4Jotweyo gima pek to joŋawo i goki ji, kareno jokitem kada geyo gima pek no gi lwet cingi gin. 5#Mat 6:1; Cik 6:8; Kwan 15:38Gimoro je ma jotimo, jotimo nyaka ni ji jowoneni jo. Neni paka joyaro migowa m'iketh'iye ndiko, jojaŋo gim'ondiki i nyim gin kodi i badi jo! Aka jotimo tiendi kanzu pajo bedo de malac aka maboyo! 6Jodiero kabedo mabeyo i kalima kodi kombere ma malo i kalamo pa Joyuda; 7jomaro jolo moth kwoŋ ji i katale; kodi ka ji kero jo ni Jafonji! Jafonji! 8To kiripi lwoŋo win ni jafonji, rupiri winitie gi jafonji acel kende, Kristo, aka wijoje wutmere. 9Aka wikiri wilwoŋ moro i piny ka ni baba, rupiri winitie gi Bawin acel kende ma i polo. 10Odoko kiripi lwoŋo win ni jatel, rupiri winigi jatel acel kende, Kristo. 11#Mat 20:26,27; Mar 9:35; 10:43-44; Luk 22:26Ŋata loyo dwoŋ kwoŋ win ripo bedo jatic mewin. 12#Luk 14:11; 18:14Ŋata won miyere dwoŋ ibino dwoko go piny, aka ŋata won dwokere piny am'ibino loko go madwoŋ.
Yesu cayo rendirok pajo
(Mar 12:40; Luk 11:39-42,44,52; 20:47)
13Kidamba otundi riwin, jondiko kodi Jofarisayo, jorendirok! Wicego ri ji dhiot ma donjo i Ker ma polo, aka wiwegi wikidonj'iye, odoko wikiyey joma mito donjo jowodonji.
14[Kidamba otundi riwin, jondiko kodi Jofarisayo, jorendirok! Wimayo mon tho udi pajo, aka nyaka wirendere gi kwayo maboyo! Am'omiyo wibino limo gir'acula marac loyo]!
15“Kidamba otundi riwin, jondiko kodi Jofarisayo! Wiwotho wi lowo kendo wicewere wi pi to wipor loka man cuka wiwiro kada nyaka dhano acel i dini mewin; to ka witieko wiro go, wimiyo ŋato lokere jakidhi i mac makitho kalo cal mewin dirio!”
16“Kidamba otundi riwin, jotel ma waŋ gin otho! Wifonjo ni, ‘Ka dhano okwoŋere gi Ot pa Were, kwoŋirok no kitim gimoro, to ka okwoŋere gi zahabu ma Ot pa Were, meno aka mako go.’ 17Jomamiŋ ma waŋ jo otho! Aŋo maloyo dwoŋ, zahabu kosa Ot pa Were ma loko zahabu no maleŋ? 18Wifonjo bende ni, ‘Ka dhano okwoŋere g'imigam, kwoŋirok no kitim gimoro, to ka okwoŋere gi mic man wi migam aka mako go.’ 19Waŋ win otho adieri! Aŋo maloyo dwoŋ, mic kosa migam ma loko mic no maleŋ? 20Kole ka dhano okwoŋere g'imigam, meno kwoŋere gine kodi gima nitie iye bende. 21Odoko ka dhano okwoŋere gi Ot pa Were, meno kwoŋere gi Ot no kodi Were ma bed'iye bende. 22#Isa 66:1; Mat 5:34Aka ka dhano okwoŋere gi polo, meno kwoŋere gi kom pa Were kodi Were won ma bedo i kom no bende.”
23 #
Jolevi 27:30
“Kidamba otundi riwin, jondiko kodi Jofarisayo, jorendirok! Wimiyo Were acel kwoŋ apar ma gicelirok masisiri paka: Katungulu, binzar, kodi gigipiny maŋwe kur man, to wijala gigipiny madongo kwoŋ Cik paka: Bedo gi tiro, wor, kodi genirok ruwaŋ Were; gigipiny me onwaŋo wiripo ketho i tim, ma wikijala giman megi. 24Wijotel ma waŋ gin otho! Wicunga pi ni wikiri wimadh'iye magunju moro, ma to kucel wicalo joma mwonyo ŋamia gipi, ma bende koc cungo kwoŋ Cik mewin!”
25“Kidamba otundi riwin, jondiko kodi Jofarisayo, jorendirok! Kole wilwoko ŋey kikopo kodi sen, to iye opoŋ akaka kodi woro. 26Jofarisayo ma waŋ gin otho! Lwoki win iy kikopo kutho aka ŋeye bende bino bedo m'olony.”
27 #
Tim 23:3
“Kidamba otundi riwin, jondiko kodi Jofarisayo, jorendirok! Kole wicalo kaliele matar m'olwok, ma neno maŋon yuwoko, to iye opoŋ'iye cokin pa jom'otho kodi koco je. 28I yo acel wibende wicale jom'otire gi woko, ma to i cuny win koro rendirok kodi reco ama opoŋ'iye.”
Yesu tuco gir'acula pajo ma bino
(Luk 11:47-51)
29“Kidamba otundi riwin, jondiko kodi Jofarisayo, jorendirok! Kole wigero kaliele pa jotuci wac Were, odoko wiyiko maŋon kaliele pa jom'otire, 30ka wiwaco ni, ‘Bedi cango wakwo i ndir pa bacere mawan, di wakiriwere gi jo i oyo remo pa jotuci wac Were.’ 31Meno kole onyo wiwegi wituco gi dhok win nike wibedo nyikway joma cango joneko jotuci wac Were. 32Am'omiyo kere onyo medere win timo gima bacere mewin cango jotieko cako gine. 33#Mat 3:7; 12:34; Luk 3:7Wibedo thwole, nyithindhi malasaŋ, winobothi nedi banja ma tero win i mac makitho? 34Am'omiyo abino dhiro riwin jotuci wac Were kodi jomariek, kodi jondiko, ma megi kwoŋ jo wibino neko gi guro kwoŋ musalaba, aka joman wibino cwado i kalamo mewin, gi cando jo wok i tindi acel tundo i man, 35#Cak 4:8; 2 Kigana 24:20-21ŋey remo pa jom'otire je m'ooy piny wokwan kwoŋ win, wok i remo pa Abel tundo i remo pa Zekaria wod pa Berekia, ma wineko i dier Kabedo Maleŋ kodi migam. 36Adieri awaco riwin, gir'acula me je bino bedo ri luse ji ma pama me.”
Mar pa Yesu ri Yerusalem
(Luk 13:34-35)
37“A ji ma Yerusalem, ma joneko jotuci wac Were m'odhir rijo aka jocadho megi gi telin! Didi m'atieko temo coko win bongan aum win pa min gweno ma umo nyithindhe i bwombe, to wikwero? 38#Yer 22:5Kole Ot pa Were man kenyo ibino jwango. 39#Zab 118:26Aka awaco riwin, wik'onenan kendo cuka winowaci ni, ‘Jasilwany a ŋata bino i nyingi Rwoth.’ ”
Currently Selected:
Matayo 23: DHOPE
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Matayo 23
23
Yesu oro ji gwokirok kwoŋ jondiko kodi Jofarisayo
(Mar 12:38-39; Luk 11:43,46; 20:45-46)
1Gikenyo Yesu owaco ri lwak ji kodi jofonjirok pere ni: 2Jondiko kodi Jofarisayo jonitie i kabedo pa Musa ma fonjo Cik; 3am'omiyo wiripo timo gi mako gimoro je ma jowaco riwin, to wikiri witim paka jotimo, rupiri jokikethi i tim gima jofonjo. 4Jotweyo gima pek to joŋawo i goki ji, kareno jokitem kada geyo gima pek no gi lwet cingi gin. 5#Mat 6:1; Cik 6:8; Kwan 15:38Gimoro je ma jotimo, jotimo nyaka ni ji jowoneni jo. Neni paka joyaro migowa m'iketh'iye ndiko, jojaŋo gim'ondiki i nyim gin kodi i badi jo! Aka jotimo tiendi kanzu pajo bedo de malac aka maboyo! 6Jodiero kabedo mabeyo i kalima kodi kombere ma malo i kalamo pa Joyuda; 7jomaro jolo moth kwoŋ ji i katale; kodi ka ji kero jo ni Jafonji! Jafonji! 8To kiripi lwoŋo win ni jafonji, rupiri winitie gi jafonji acel kende, Kristo, aka wijoje wutmere. 9Aka wikiri wilwoŋ moro i piny ka ni baba, rupiri winitie gi Bawin acel kende ma i polo. 10Odoko kiripi lwoŋo win ni jatel, rupiri winigi jatel acel kende, Kristo. 11#Mat 20:26,27; Mar 9:35; 10:43-44; Luk 22:26Ŋata loyo dwoŋ kwoŋ win ripo bedo jatic mewin. 12#Luk 14:11; 18:14Ŋata won miyere dwoŋ ibino dwoko go piny, aka ŋata won dwokere piny am'ibino loko go madwoŋ.
Yesu cayo rendirok pajo
(Mar 12:40; Luk 11:39-42,44,52; 20:47)
13Kidamba otundi riwin, jondiko kodi Jofarisayo, jorendirok! Wicego ri ji dhiot ma donjo i Ker ma polo, aka wiwegi wikidonj'iye, odoko wikiyey joma mito donjo jowodonji.
14[Kidamba otundi riwin, jondiko kodi Jofarisayo, jorendirok! Wimayo mon tho udi pajo, aka nyaka wirendere gi kwayo maboyo! Am'omiyo wibino limo gir'acula marac loyo]!
15“Kidamba otundi riwin, jondiko kodi Jofarisayo! Wiwotho wi lowo kendo wicewere wi pi to wipor loka man cuka wiwiro kada nyaka dhano acel i dini mewin; to ka witieko wiro go, wimiyo ŋato lokere jakidhi i mac makitho kalo cal mewin dirio!”
16“Kidamba otundi riwin, jotel ma waŋ gin otho! Wifonjo ni, ‘Ka dhano okwoŋere gi Ot pa Were, kwoŋirok no kitim gimoro, to ka okwoŋere gi zahabu ma Ot pa Were, meno aka mako go.’ 17Jomamiŋ ma waŋ jo otho! Aŋo maloyo dwoŋ, zahabu kosa Ot pa Were ma loko zahabu no maleŋ? 18Wifonjo bende ni, ‘Ka dhano okwoŋere g'imigam, kwoŋirok no kitim gimoro, to ka okwoŋere gi mic man wi migam aka mako go.’ 19Waŋ win otho adieri! Aŋo maloyo dwoŋ, mic kosa migam ma loko mic no maleŋ? 20Kole ka dhano okwoŋere g'imigam, meno kwoŋere gine kodi gima nitie iye bende. 21Odoko ka dhano okwoŋere gi Ot pa Were, meno kwoŋere gi Ot no kodi Were ma bed'iye bende. 22#Isa 66:1; Mat 5:34Aka ka dhano okwoŋere gi polo, meno kwoŋere gi kom pa Were kodi Were won ma bedo i kom no bende.”
23 #
Jolevi 27:30
“Kidamba otundi riwin, jondiko kodi Jofarisayo, jorendirok! Wimiyo Were acel kwoŋ apar ma gicelirok masisiri paka: Katungulu, binzar, kodi gigipiny maŋwe kur man, to wijala gigipiny madongo kwoŋ Cik paka: Bedo gi tiro, wor, kodi genirok ruwaŋ Were; gigipiny me onwaŋo wiripo ketho i tim, ma wikijala giman megi. 24Wijotel ma waŋ gin otho! Wicunga pi ni wikiri wimadh'iye magunju moro, ma to kucel wicalo joma mwonyo ŋamia gipi, ma bende koc cungo kwoŋ Cik mewin!”
25“Kidamba otundi riwin, jondiko kodi Jofarisayo, jorendirok! Kole wilwoko ŋey kikopo kodi sen, to iye opoŋ akaka kodi woro. 26Jofarisayo ma waŋ gin otho! Lwoki win iy kikopo kutho aka ŋeye bende bino bedo m'olony.”
27 #
Tim 23:3
“Kidamba otundi riwin, jondiko kodi Jofarisayo, jorendirok! Kole wicalo kaliele matar m'olwok, ma neno maŋon yuwoko, to iye opoŋ'iye cokin pa jom'otho kodi koco je. 28I yo acel wibende wicale jom'otire gi woko, ma to i cuny win koro rendirok kodi reco ama opoŋ'iye.”
Yesu tuco gir'acula pajo ma bino
(Luk 11:47-51)
29“Kidamba otundi riwin, jondiko kodi Jofarisayo, jorendirok! Kole wigero kaliele pa jotuci wac Were, odoko wiyiko maŋon kaliele pa jom'otire, 30ka wiwaco ni, ‘Bedi cango wakwo i ndir pa bacere mawan, di wakiriwere gi jo i oyo remo pa jotuci wac Were.’ 31Meno kole onyo wiwegi wituco gi dhok win nike wibedo nyikway joma cango joneko jotuci wac Were. 32Am'omiyo kere onyo medere win timo gima bacere mewin cango jotieko cako gine. 33#Mat 3:7; 12:34; Luk 3:7Wibedo thwole, nyithindhi malasaŋ, winobothi nedi banja ma tero win i mac makitho? 34Am'omiyo abino dhiro riwin jotuci wac Were kodi jomariek, kodi jondiko, ma megi kwoŋ jo wibino neko gi guro kwoŋ musalaba, aka joman wibino cwado i kalamo mewin, gi cando jo wok i tindi acel tundo i man, 35#Cak 4:8; 2 Kigana 24:20-21ŋey remo pa jom'otire je m'ooy piny wokwan kwoŋ win, wok i remo pa Abel tundo i remo pa Zekaria wod pa Berekia, ma wineko i dier Kabedo Maleŋ kodi migam. 36Adieri awaco riwin, gir'acula me je bino bedo ri luse ji ma pama me.”
Mar pa Yesu ri Yerusalem
(Luk 13:34-35)
37“A ji ma Yerusalem, ma joneko jotuci wac Were m'odhir rijo aka jocadho megi gi telin! Didi m'atieko temo coko win bongan aum win pa min gweno ma umo nyithindhe i bwombe, to wikwero? 38#Yer 22:5Kole Ot pa Were man kenyo ibino jwango. 39#Zab 118:26Aka awaco riwin, wik'onenan kendo cuka winowaci ni, ‘Jasilwany a ŋata bino i nyingi Rwoth.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.