Matayo 15
15
Fonji pa kwarere wan
(Mar 7:1-13)
1To Jofarisayo megi gi jondiko jobino bongi Yesu wok Yerusalem to jopenjo go ni, 2“Raŋo jofonjirok perin jocayo kula pa kwarere mawan? Jokilogi cingi gin paka mitere ka jokidho cemo!” 3Yesu odwoko jo ni, “To raŋo ma wicayo Or pa Were to wiluwo kula mewin wiwegi? 4#Wok 20:12; Cik 5:16; Wok 21:17; Jolevi 20:9Kole Were owaco ni wor benin gi yokin, aka, ŋata yeto bamere kosa yokimere ibino neko. 5To win wifonjo ni ka nyatoro owaco ri bamere kosa yokimere ni kony moro je ma d'amiyin onyo obedo mic m'oyik ri Were ayin, gikenyo go onyo kiripi woro bamere kosa yokimere. 6Me apaka wilwogo woko Or pa Were, kareno wiluwo fonji mewin wiwegi. 7Win wijorendirok! Isaya otuco wac ma mako kwoŋ win me m'otire.”
8 #
Isa 29:13
“ ‘Ji me jomiyan dwoŋ gi dhok gin,
to cuny gin nibor kodan!
9Jolaman gi wac nono,
kwoŋbedo jofonjo or m'obedo apa dhan'adhana.’ ”
Gigipiny ma loko dhano makoc
(Mar 7:14-23)
10Gikenyo Yesu olwoŋo lwak ji bonge to waco rijo ni, “Ciki win ithi win, aka winiaŋ! 11Gima donjo i dhok dhano ama kiloki go makoc: To gima wok i dhoke ama loko go makoc.”
12Gikenyo jofonjirok pere jobino bonge to jowaco ni, “Iŋeyo paka Jofarisayo cuny gin oramo jo i gim'iwaco no?” 13Yesu odwoko ni, “Gimoro je ma twi ma Baba man polo ama k'opidho ibino fudho woko. 14#Luk 6:39Weyi riwin jo! Jobedo jotel ma waŋ gin otho; aka ka jathowaŋ acel ama kodo jathowaŋ man, jario je jopodho i bur.” 15Petero oluwo malo ni, “Titi riwan dwoŋ ageca me.” 16Yesu owaco rijo ni, “Kere wibende fodi wikiniaŋ gimoro? 17Wikiniaŋ ni gimoro je ma donjo i dhok dhano donjo i iye, aka kadhakadha to wok woko? 18#Mat 12:34To gigipiny ma wok i dhok dhano wok i cunye; gigipiny ma cale ameno ama loko dhano makoc. 19Ato i adundo ama wok'iye paro mareco ma rwako go i nek, timo cot, kodi kidakana, kwo, roro, gi nyeko nyingi joman. 20Me a gigipiny ma loko dhano makoc. To cemo ma k'ologi cingi jo paka jowaco ni iripo timo no ama kiloki dhano makoc.”
Yeyo pa dhako moro
(Mar 7:24-30)
21Yesu oeye kenyo to kadho iy'adec macegin gi tindi ma Tire kodi Sidon. 22Dhako Jakanan moro ma wok iy'adec no obino bonge to ywakere ni, “Nyakwar Daudi, tim reye wor! Nyaran jwogi ni kwoŋe aka nitie marac tektek.” 23Yesu k'odwoko go gimoro. To jofonjirok pere jobino bonge to jokwayo go ni, “Sewila go wokadhi, rupiri go eno luwo wan aka koko kicar!” 24Gikenyo Yesu odwoko ni, “Ooran nyaka bothi rombo m'orwenyo ma ot pa Isiraili kende.” 25Munyo dheno owinjo ameno, obino to guro conge ka tiendi Yesu munyo waco ni, “Rwoth, konyan!” 26Yesu odwoko ni, “K'otire kwanyo cemo pa nyithindho t'ibolo ri gwokere.” 27Dheno odwoko ni, “Meno adieri, jadwoŋ, to kole kada gwokere bende jocamo ye ŋinjeŋinje m'odoŋ ma podho wok i meza pa jodongo pajo.” 28Gikenyo Yesu odwoko go ni, “Dhakodwoŋ, inigi yeyo madwoŋ! Gim'iyenyo wotimere rin.” Aka i hongo no won ama nyare obed'iye maber.
Yesu botho ji kweth
29Yesu oeye kenyo to luwo gi i thengi wakawaka ma Galili munyo kadho. Kenyo go oidho tendere moro to bedo piny. 30Lwak ji jobino bonge munyo jokelo jom'oŋol, joma waŋ gin otho, joma tiendi gin owiyere, obadhin kodi joma two mathoth, kareno joketho jo ka tiendi Yesu, to go botho joje. 31Ji jodhier swa munyo joneno obadhin joluwo, joma tiendi gin owiyere jolama, jom'oŋol jowotho, aka joma waŋ gin otho joneno; aka jopako Were pa Isiraili.
Yesu pidho ji gana aŋwen
(Mar 8:1-10)
32Yesu olwoŋo jofonjirok pere bonge to waco rijo ni, “Cunyan raman ri ji me, rupiri jotieko bedo kodan ndelo adek aka onyo jongoye kodi gir'acama. Akimiti wisewila jo ma wakipidho jo, rupiri limbuju nyalo redho jo piny i royo ka jodok peco.” 33Jofonjirok jopenjo ni, “Wanonwaŋ cemo kune i thim ka manyalo pidho lwak ji me?” 34Yesu openjo jo ni, “Winitie gi mugat adi?” Jodwoko ni, “Nyaka mugat abirio won kodi rec mathindho thindho manok.” 35Gikenyo Yesu ooro lwak ji no bedo piny. 36To go kwanyo mugat abirio gi rec manok no, aka munyo otieko foyo Were, oturo cemo no mathindho thindho, to miyo jofonjirok pere jowopoki jono. 37Joje jocemo to joyeŋ. Rumacen jofonjirok jocoko ŋinjeŋinje m'odoŋ to poŋo aditin abirio. 38Welo cwo ma jocemo obedo gana aŋwen, ma k'okwan mon gi nyithindho.
39Gikenyo Yesu osewila ji to donjo i ye to kidho iy'adec ma Magadan.
Currently Selected:
Matayo 15: DHOPE
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Matayo 15
15
Fonji pa kwarere wan
(Mar 7:1-13)
1To Jofarisayo megi gi jondiko jobino bongi Yesu wok Yerusalem to jopenjo go ni, 2“Raŋo jofonjirok perin jocayo kula pa kwarere mawan? Jokilogi cingi gin paka mitere ka jokidho cemo!” 3Yesu odwoko jo ni, “To raŋo ma wicayo Or pa Were to wiluwo kula mewin wiwegi? 4#Wok 20:12; Cik 5:16; Wok 21:17; Jolevi 20:9Kole Were owaco ni wor benin gi yokin, aka, ŋata yeto bamere kosa yokimere ibino neko. 5To win wifonjo ni ka nyatoro owaco ri bamere kosa yokimere ni kony moro je ma d'amiyin onyo obedo mic m'oyik ri Were ayin, gikenyo go onyo kiripi woro bamere kosa yokimere. 6Me apaka wilwogo woko Or pa Were, kareno wiluwo fonji mewin wiwegi. 7Win wijorendirok! Isaya otuco wac ma mako kwoŋ win me m'otire.”
8 #
Isa 29:13
“ ‘Ji me jomiyan dwoŋ gi dhok gin,
to cuny gin nibor kodan!
9Jolaman gi wac nono,
kwoŋbedo jofonjo or m'obedo apa dhan'adhana.’ ”
Gigipiny ma loko dhano makoc
(Mar 7:14-23)
10Gikenyo Yesu olwoŋo lwak ji bonge to waco rijo ni, “Ciki win ithi win, aka winiaŋ! 11Gima donjo i dhok dhano ama kiloki go makoc: To gima wok i dhoke ama loko go makoc.”
12Gikenyo jofonjirok pere jobino bonge to jowaco ni, “Iŋeyo paka Jofarisayo cuny gin oramo jo i gim'iwaco no?” 13Yesu odwoko ni, “Gimoro je ma twi ma Baba man polo ama k'opidho ibino fudho woko. 14#Luk 6:39Weyi riwin jo! Jobedo jotel ma waŋ gin otho; aka ka jathowaŋ acel ama kodo jathowaŋ man, jario je jopodho i bur.” 15Petero oluwo malo ni, “Titi riwan dwoŋ ageca me.” 16Yesu owaco rijo ni, “Kere wibende fodi wikiniaŋ gimoro? 17Wikiniaŋ ni gimoro je ma donjo i dhok dhano donjo i iye, aka kadhakadha to wok woko? 18#Mat 12:34To gigipiny ma wok i dhok dhano wok i cunye; gigipiny ma cale ameno ama loko dhano makoc. 19Ato i adundo ama wok'iye paro mareco ma rwako go i nek, timo cot, kodi kidakana, kwo, roro, gi nyeko nyingi joman. 20Me a gigipiny ma loko dhano makoc. To cemo ma k'ologi cingi jo paka jowaco ni iripo timo no ama kiloki dhano makoc.”
Yeyo pa dhako moro
(Mar 7:24-30)
21Yesu oeye kenyo to kadho iy'adec macegin gi tindi ma Tire kodi Sidon. 22Dhako Jakanan moro ma wok iy'adec no obino bonge to ywakere ni, “Nyakwar Daudi, tim reye wor! Nyaran jwogi ni kwoŋe aka nitie marac tektek.” 23Yesu k'odwoko go gimoro. To jofonjirok pere jobino bonge to jokwayo go ni, “Sewila go wokadhi, rupiri go eno luwo wan aka koko kicar!” 24Gikenyo Yesu odwoko ni, “Ooran nyaka bothi rombo m'orwenyo ma ot pa Isiraili kende.” 25Munyo dheno owinjo ameno, obino to guro conge ka tiendi Yesu munyo waco ni, “Rwoth, konyan!” 26Yesu odwoko ni, “K'otire kwanyo cemo pa nyithindho t'ibolo ri gwokere.” 27Dheno odwoko ni, “Meno adieri, jadwoŋ, to kole kada gwokere bende jocamo ye ŋinjeŋinje m'odoŋ ma podho wok i meza pa jodongo pajo.” 28Gikenyo Yesu odwoko go ni, “Dhakodwoŋ, inigi yeyo madwoŋ! Gim'iyenyo wotimere rin.” Aka i hongo no won ama nyare obed'iye maber.
Yesu botho ji kweth
29Yesu oeye kenyo to luwo gi i thengi wakawaka ma Galili munyo kadho. Kenyo go oidho tendere moro to bedo piny. 30Lwak ji jobino bonge munyo jokelo jom'oŋol, joma waŋ gin otho, joma tiendi gin owiyere, obadhin kodi joma two mathoth, kareno joketho jo ka tiendi Yesu, to go botho joje. 31Ji jodhier swa munyo joneno obadhin joluwo, joma tiendi gin owiyere jolama, jom'oŋol jowotho, aka joma waŋ gin otho joneno; aka jopako Were pa Isiraili.
Yesu pidho ji gana aŋwen
(Mar 8:1-10)
32Yesu olwoŋo jofonjirok pere bonge to waco rijo ni, “Cunyan raman ri ji me, rupiri jotieko bedo kodan ndelo adek aka onyo jongoye kodi gir'acama. Akimiti wisewila jo ma wakipidho jo, rupiri limbuju nyalo redho jo piny i royo ka jodok peco.” 33Jofonjirok jopenjo ni, “Wanonwaŋ cemo kune i thim ka manyalo pidho lwak ji me?” 34Yesu openjo jo ni, “Winitie gi mugat adi?” Jodwoko ni, “Nyaka mugat abirio won kodi rec mathindho thindho manok.” 35Gikenyo Yesu ooro lwak ji no bedo piny. 36To go kwanyo mugat abirio gi rec manok no, aka munyo otieko foyo Were, oturo cemo no mathindho thindho, to miyo jofonjirok pere jowopoki jono. 37Joje jocemo to joyeŋ. Rumacen jofonjirok jocoko ŋinjeŋinje m'odoŋ to poŋo aditin abirio. 38Welo cwo ma jocemo obedo gana aŋwen, ma k'okwan mon gi nyithindho.
39Gikenyo Yesu osewila ji to donjo i ye to kidho iy'adec ma Magadan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.