Matayo 13
13
Ageca pa jacwoyo
(Mar 4:1-9; Luk 8:4-8)
1I ndelo no won, Yesu owok i ot to kidho i thengi wakawaka kama go obed'iye piny wofonji ji. 2#Luk 5:1-3Paka lwak ji m'othoko go onwaŋo oasa dwoŋ, go odonjo i ye to bedo, kareno ji je jocungo i thengi pi. 3Go ooro agecin munyo luwo rijo kwoŋ gigipiny madit.
“Onwaŋo nitie dhano m'okidho cwoyo. 4Munyo go bayo kodhi i ndelo, megi opodho i thengi yo to winyin jobino to jocamo woko. 5Megi opodho i lowo ma wi tele, kama lowo oyido rep'iye. Kodhi no okwako twi, rupiri lowo oyido rep. 6Aka munyo ceŋ oliel, gim'otwi no oner woko; odoko paka tiendi gim'otwi no onwaŋo fodi k'odonjo bor i lowo, gino je othwo woko mayot. 7Kodhi megi opodho i kudhin, to kudhin no dongo to diyo woko gim'otwi no. 8To kodhi megi podho i lowo ma diwa, to nyak: Megi nyinge miya acel, megi piero aucel, megi piero adek.” 9Gikenyo to Yesu waco ni, “Ŋata nigi ithe wowinji!”
Atoŋa ma oro agecin
(Mar 4:10-12; Luk 8:9-10)
10Gikenyo jofonjirok jobino bongi Yesu to jopenjo go ni, “Raŋo ma ioro agecin ma luwo gi jo?” 11Yesu odwoko ni, “Rieko manyaliŋliŋ ma Ker ma polo omiy win, to k'omiy jo. 12#Mat 25:29; Mar 4:25; Luk 8:18; 19:26Kole dhano manitie gi gimoro ibino medo go man to bedo kodi gima kalo ma go yenyo, to ŋat'ongoye gi gimoro ibino kwanyo woko kwoŋe kada nyaka mathin ma go oyido nitie gine. 13Me am'omiyo aoro agecin ka aluwo gi jo, rupiri joŋiyo to jokinen, jociko ithi gin to jokiwinji, odoko jokiniaŋ dwoŋ mere. 14#Isa 6:9-10Am'omiyo wac pa Isaya jatuci wac Were otundo i kare ni,
‘Adieri wibino ciko ithi win, to wik'oniaŋ;
odoko wibino ŋiyo, to wik'oniaŋ dwoŋ gima wineno.’ ”
15“Rupiri cuny jome olokere manwaŋ,
ithi gin onyo kiwinji,
aka waŋ gin jomiyo woko.
Kole waŋ gin d'onyalo neno,
odoko ithi gin d'onyalo winjo,
kendo paro pajo d'onyalo niaŋ dwoŋ wac,
to jogik bongan,
aka ameno d'abotho jo.”
16 #
Luk 10:23-24
To win wijosilwany swa! Waŋ win neno aka ithi win winjo. 17Adieri awaco riwin! Jotuci wac Were mathoth kodi ji pa Were mathoth cango joyenyo swa neno gima wineno, to jok'onyalo neno, kodi winjo gima wiwinjo, to jok'onyalo winjo.
Yesu tito dwoŋ ageca pa jacwoyo
(Mar 4:13-20; Luk 8:11-15)
18“Onyo ciki win ithi win aka wifonjere dwoŋ ageca pa jacwoyo. 19Ka nyatoro winjo mikwenda kwoŋ Ker to kiniaŋ dwoŋ mere, jwogi bino to mayo go woko gim'onwaŋo ocwoy i adundo pere; me a kodhi m'opodho i thengi royo. 20Kodhi m'opodho i lowo ma wi tele nyutho joma jolo mikwenda gi kisangala tekin jowinjo. 21To wac no kiroci i cuny jo. Am'omiyo ka teko kosa candirok moro obino ro wac no, jonyocere piyo. 22Kodhi m'opodho i kudhin nyutho joma winjo mikwenda, to rembo ri kwo ma piny kodi maro ŋaŋo, diyo wac no piny to lokere gima kinyak. 23Aka kodhi m'ocwoy i lowo ma diwa nyutho joma winjo mikwenda to joniaŋ dwoŋ mere; jonyak gima beyo, megi miya acel, megi piero aucel, megi piero adek.”
Ageca kwoŋ weeyo
24Yesu oluwo rijo iy'ageca man ama: “Ker ma polo cale dhano m'ocwoyo kodhi maber i ndelo pere. 25Obedo wor acel, munyo dhano je oyido nindo, jakwor obino to cwoyo weeyo i dier ŋano no, to kadho. 26Munyo gim'ocwoy odongo to cako ŋok, weeyo bende to nenere. 27Jotic pere jobino bonge to jowaco ni, ‘Jadwoŋ, kole icwoyo kodhi maber i ndelo perin; to weeyo odoko owok yukune?’ 28Go odwoko ni, ‘Jakwor moro am'otimo ameno.’ To jopenjo go ni, ‘Iyenyo wakidhi wafudhi woko weeyo no?’ 29Go odwoko ni, ‘Be, rupiri ka wiero coko weeyo no winyalo fudho gi ŋano bende. 30To weyi kutho joje jowodongi kanyacel cuka ndelo ma keco otundi, aka anowaci ri joma keco ni: Kutho fudhi win woko weeyo witwey kanyacel i wic ma bolere i mac, ŋey gikenyo nyaka wicoki ŋano to wiketho i dero paran.’ ”
Ageca kwoŋ kodhi m'ondhilo
(Mar 4:30-32; Luk 13:18-19)
31Yesu oluwo rijo iy'ageca man ama: “Ker ma polo cale kodhi m'odhilo, m'oasa thin kwoŋ kodhi man je; 32dhano kwanyo to pidho i ndelo pere, aka ka otieko dongo loyo gima twi je gi dwoŋ. Go lokere yath ma winyin jobino to jogero od gin i jange.”
Ageca kwoŋ thow
(Luk 13:20-21)
33Yesu odoko oluwo rijo iy'ageca man ama: “Ker ma polo cale thow ma dhako nyalo kwanyo to ruwo gi moko i nywero cuka moko gipi yenyo.”
Gim'omiyo Yesu oro agecin
(Mar 4:33-34)
34Yesu oluwo ri lwak ji i agecin i gigipiny m'owaci me je; go k'owaco gimoro ri ji ma k'ooro ageca. 35#Zab 78:2Go otimo ameno ma miyo gima jatuci wac Were owaco wotundi i kare ni,
“Abino oro agecin ka aluwo gi jo,
abino waco rijo gim'oyido opanere wok i cwec pa piny.”
Yesu tito dwoŋ ageca ma weeyo
36Gikenyo Yesu oeye bongi lwak ji to donjo i ot. Jofonjirok pere jobino bonge to jowaco ni, “Tuci riwan dwoŋ ageca ma weeyo man i ndelo.” 37Yesu odwoko ni, “Ŋat'ocwoyo kodhi maber, meno Wod Dhano; 38ndelo, meno piny me; kodhi maber meno nyithindho ma Ker pa Were; weeyo meno nyithindho pa jwogi; 39aka jakwor m'ocwoyo weeyo meno jwogi won. Ndelo ma keco meno gik ndir, aka jokeco meno jomalaika. 40Aka paka icoko weeyo t'iwaŋo i mac, apaka bende bino bedo i hongo ma gik ndir: 41Wod Dhano bino oro jomalaika bino coko wok i ker pere gimoro je ma miyo ji timo gimarac, kodi joreco je, 42to jobolo jo i kendo madwoŋ ma mac, kama jobino ywak'iye kareno jokayo laki gin. 43Aka joma jotire jobino liel pa mac i Ker pa Bajo. Am'omiyo winji win ka winitie gi ithi win!”
Ageca kwoŋ ŋaŋo m'opan
44“Ker ma polo cale ŋaŋo m'opan i ndelo. Dhano moro ocombo kwoŋe, gikenyo to umo kendo. Go odok gi kisangala m'omiyo go okidho to tana woko gigipiny man je ma go oyido nitie gine, to gik nyewo ndelo no.”
Ageca kwoŋ ge ma welo
45“Ker ma polo bende cale janyew ma rango ge ma welo. 46Ka go onwaŋo ma welo tektek, go kidho to tana woko gigipiny man je ma go oyido nitie gine, to gik nyewo ge no.”
Ageca kwoŋ bwo
47“Ker ma polo bende cale bwo ma jokitoga jobolo i wakawaka, to jomako rec ma nger je. 48K'otieko poŋ, jokitoga joywayo wi geŋin i thengi pi to jobedo piny poko rec: Mabeyo mere iketho iy'atewe, aka m'ongoye kony mere ibolo woko. 49Meno apaka bende bino bedo i ndelo ma rumacen: Jomalaika jolabino to jokwanyo woko joreco bongi jom'otire, 50to jobolo jo i kendo madwoŋ ma mac. Kenyo jobino ywak'iye kareno jokayo lak gin.”
Adieri manyen kodi macon
51Yesu openjo jo ni, “Winiaŋ dwoŋ gigipiny me?” Jodwoko ni, “Ey.” 52Gikenyo go odwoko ni, “Am'omiyo, kisi jandiko ma Cik m'otiek fonjo ri Ker ma polo, cale gi won peco ma wodho gigipiny macon kodi manyen je wok i dero pere.”
Ikwero Yesu i Nazareth
(Mar 6:1-6; Luk 4:16-30)
53Munyo Yesu ocowo waco agecin me, oeye kenyo, 54to gik i tindi pajo. Go ofonjo i kalamo ma Yuda, aka joma jowinjo fonji pere jodhier swa. Jopenjo ni, “Go onwaŋo kune rieko me kodi meni ma timo gir'aura? 55Me won k'obedo wod pa japac? Yokimere ki Maria, aka Yakobo, Yozefu, Simon, kodi Yuda meno ki wutmin go? 56Nyimin go je jokinitie ka gi wan? Go onwaŋo gime je kune?” 57#Yoh 4:44Gikenyo jokwero go. Yesu owaco rijo ni, “Jatuci wac Were imiyo dwoŋ iye je kwanyo woko i tindi pajo won kodi i peco pajo won.” 58Go k'otimo gir'aura madit kenyo kwoŋbedo onwaŋo jongoye gi yeyo.
Currently Selected:
Matayo 13: DHOPE
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Matayo 13
13
Ageca pa jacwoyo
(Mar 4:1-9; Luk 8:4-8)
1I ndelo no won, Yesu owok i ot to kidho i thengi wakawaka kama go obed'iye piny wofonji ji. 2#Luk 5:1-3Paka lwak ji m'othoko go onwaŋo oasa dwoŋ, go odonjo i ye to bedo, kareno ji je jocungo i thengi pi. 3Go ooro agecin munyo luwo rijo kwoŋ gigipiny madit.
“Onwaŋo nitie dhano m'okidho cwoyo. 4Munyo go bayo kodhi i ndelo, megi opodho i thengi yo to winyin jobino to jocamo woko. 5Megi opodho i lowo ma wi tele, kama lowo oyido rep'iye. Kodhi no okwako twi, rupiri lowo oyido rep. 6Aka munyo ceŋ oliel, gim'otwi no oner woko; odoko paka tiendi gim'otwi no onwaŋo fodi k'odonjo bor i lowo, gino je othwo woko mayot. 7Kodhi megi opodho i kudhin, to kudhin no dongo to diyo woko gim'otwi no. 8To kodhi megi podho i lowo ma diwa, to nyak: Megi nyinge miya acel, megi piero aucel, megi piero adek.” 9Gikenyo to Yesu waco ni, “Ŋata nigi ithe wowinji!”
Atoŋa ma oro agecin
(Mar 4:10-12; Luk 8:9-10)
10Gikenyo jofonjirok jobino bongi Yesu to jopenjo go ni, “Raŋo ma ioro agecin ma luwo gi jo?” 11Yesu odwoko ni, “Rieko manyaliŋliŋ ma Ker ma polo omiy win, to k'omiy jo. 12#Mat 25:29; Mar 4:25; Luk 8:18; 19:26Kole dhano manitie gi gimoro ibino medo go man to bedo kodi gima kalo ma go yenyo, to ŋat'ongoye gi gimoro ibino kwanyo woko kwoŋe kada nyaka mathin ma go oyido nitie gine. 13Me am'omiyo aoro agecin ka aluwo gi jo, rupiri joŋiyo to jokinen, jociko ithi gin to jokiwinji, odoko jokiniaŋ dwoŋ mere. 14#Isa 6:9-10Am'omiyo wac pa Isaya jatuci wac Were otundo i kare ni,
‘Adieri wibino ciko ithi win, to wik'oniaŋ;
odoko wibino ŋiyo, to wik'oniaŋ dwoŋ gima wineno.’ ”
15“Rupiri cuny jome olokere manwaŋ,
ithi gin onyo kiwinji,
aka waŋ gin jomiyo woko.
Kole waŋ gin d'onyalo neno,
odoko ithi gin d'onyalo winjo,
kendo paro pajo d'onyalo niaŋ dwoŋ wac,
to jogik bongan,
aka ameno d'abotho jo.”
16 #
Luk 10:23-24
To win wijosilwany swa! Waŋ win neno aka ithi win winjo. 17Adieri awaco riwin! Jotuci wac Were mathoth kodi ji pa Were mathoth cango joyenyo swa neno gima wineno, to jok'onyalo neno, kodi winjo gima wiwinjo, to jok'onyalo winjo.
Yesu tito dwoŋ ageca pa jacwoyo
(Mar 4:13-20; Luk 8:11-15)
18“Onyo ciki win ithi win aka wifonjere dwoŋ ageca pa jacwoyo. 19Ka nyatoro winjo mikwenda kwoŋ Ker to kiniaŋ dwoŋ mere, jwogi bino to mayo go woko gim'onwaŋo ocwoy i adundo pere; me a kodhi m'opodho i thengi royo. 20Kodhi m'opodho i lowo ma wi tele nyutho joma jolo mikwenda gi kisangala tekin jowinjo. 21To wac no kiroci i cuny jo. Am'omiyo ka teko kosa candirok moro obino ro wac no, jonyocere piyo. 22Kodhi m'opodho i kudhin nyutho joma winjo mikwenda, to rembo ri kwo ma piny kodi maro ŋaŋo, diyo wac no piny to lokere gima kinyak. 23Aka kodhi m'ocwoy i lowo ma diwa nyutho joma winjo mikwenda to joniaŋ dwoŋ mere; jonyak gima beyo, megi miya acel, megi piero aucel, megi piero adek.”
Ageca kwoŋ weeyo
24Yesu oluwo rijo iy'ageca man ama: “Ker ma polo cale dhano m'ocwoyo kodhi maber i ndelo pere. 25Obedo wor acel, munyo dhano je oyido nindo, jakwor obino to cwoyo weeyo i dier ŋano no, to kadho. 26Munyo gim'ocwoy odongo to cako ŋok, weeyo bende to nenere. 27Jotic pere jobino bonge to jowaco ni, ‘Jadwoŋ, kole icwoyo kodhi maber i ndelo perin; to weeyo odoko owok yukune?’ 28Go odwoko ni, ‘Jakwor moro am'otimo ameno.’ To jopenjo go ni, ‘Iyenyo wakidhi wafudhi woko weeyo no?’ 29Go odwoko ni, ‘Be, rupiri ka wiero coko weeyo no winyalo fudho gi ŋano bende. 30To weyi kutho joje jowodongi kanyacel cuka ndelo ma keco otundi, aka anowaci ri joma keco ni: Kutho fudhi win woko weeyo witwey kanyacel i wic ma bolere i mac, ŋey gikenyo nyaka wicoki ŋano to wiketho i dero paran.’ ”
Ageca kwoŋ kodhi m'ondhilo
(Mar 4:30-32; Luk 13:18-19)
31Yesu oluwo rijo iy'ageca man ama: “Ker ma polo cale kodhi m'odhilo, m'oasa thin kwoŋ kodhi man je; 32dhano kwanyo to pidho i ndelo pere, aka ka otieko dongo loyo gima twi je gi dwoŋ. Go lokere yath ma winyin jobino to jogero od gin i jange.”
Ageca kwoŋ thow
(Luk 13:20-21)
33Yesu odoko oluwo rijo iy'ageca man ama: “Ker ma polo cale thow ma dhako nyalo kwanyo to ruwo gi moko i nywero cuka moko gipi yenyo.”
Gim'omiyo Yesu oro agecin
(Mar 4:33-34)
34Yesu oluwo ri lwak ji i agecin i gigipiny m'owaci me je; go k'owaco gimoro ri ji ma k'ooro ageca. 35#Zab 78:2Go otimo ameno ma miyo gima jatuci wac Were owaco wotundi i kare ni,
“Abino oro agecin ka aluwo gi jo,
abino waco rijo gim'oyido opanere wok i cwec pa piny.”
Yesu tito dwoŋ ageca ma weeyo
36Gikenyo Yesu oeye bongi lwak ji to donjo i ot. Jofonjirok pere jobino bonge to jowaco ni, “Tuci riwan dwoŋ ageca ma weeyo man i ndelo.” 37Yesu odwoko ni, “Ŋat'ocwoyo kodhi maber, meno Wod Dhano; 38ndelo, meno piny me; kodhi maber meno nyithindho ma Ker pa Were; weeyo meno nyithindho pa jwogi; 39aka jakwor m'ocwoyo weeyo meno jwogi won. Ndelo ma keco meno gik ndir, aka jokeco meno jomalaika. 40Aka paka icoko weeyo t'iwaŋo i mac, apaka bende bino bedo i hongo ma gik ndir: 41Wod Dhano bino oro jomalaika bino coko wok i ker pere gimoro je ma miyo ji timo gimarac, kodi joreco je, 42to jobolo jo i kendo madwoŋ ma mac, kama jobino ywak'iye kareno jokayo laki gin. 43Aka joma jotire jobino liel pa mac i Ker pa Bajo. Am'omiyo winji win ka winitie gi ithi win!”
Ageca kwoŋ ŋaŋo m'opan
44“Ker ma polo cale ŋaŋo m'opan i ndelo. Dhano moro ocombo kwoŋe, gikenyo to umo kendo. Go odok gi kisangala m'omiyo go okidho to tana woko gigipiny man je ma go oyido nitie gine, to gik nyewo ndelo no.”
Ageca kwoŋ ge ma welo
45“Ker ma polo bende cale janyew ma rango ge ma welo. 46Ka go onwaŋo ma welo tektek, go kidho to tana woko gigipiny man je ma go oyido nitie gine, to gik nyewo ge no.”
Ageca kwoŋ bwo
47“Ker ma polo bende cale bwo ma jokitoga jobolo i wakawaka, to jomako rec ma nger je. 48K'otieko poŋ, jokitoga joywayo wi geŋin i thengi pi to jobedo piny poko rec: Mabeyo mere iketho iy'atewe, aka m'ongoye kony mere ibolo woko. 49Meno apaka bende bino bedo i ndelo ma rumacen: Jomalaika jolabino to jokwanyo woko joreco bongi jom'otire, 50to jobolo jo i kendo madwoŋ ma mac. Kenyo jobino ywak'iye kareno jokayo lak gin.”
Adieri manyen kodi macon
51Yesu openjo jo ni, “Winiaŋ dwoŋ gigipiny me?” Jodwoko ni, “Ey.” 52Gikenyo go odwoko ni, “Am'omiyo, kisi jandiko ma Cik m'otiek fonjo ri Ker ma polo, cale gi won peco ma wodho gigipiny macon kodi manyen je wok i dero pere.”
Ikwero Yesu i Nazareth
(Mar 6:1-6; Luk 4:16-30)
53Munyo Yesu ocowo waco agecin me, oeye kenyo, 54to gik i tindi pajo. Go ofonjo i kalamo ma Yuda, aka joma jowinjo fonji pere jodhier swa. Jopenjo ni, “Go onwaŋo kune rieko me kodi meni ma timo gir'aura? 55Me won k'obedo wod pa japac? Yokimere ki Maria, aka Yakobo, Yozefu, Simon, kodi Yuda meno ki wutmin go? 56Nyimin go je jokinitie ka gi wan? Go onwaŋo gime je kune?” 57#Yoh 4:44Gikenyo jokwero go. Yesu owaco rijo ni, “Jatuci wac Were imiyo dwoŋ iye je kwanyo woko i tindi pajo won kodi i peco pajo won.” 58Go k'otimo gir'aura madit kenyo kwoŋbedo onwaŋo jongoye gi yeyo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.