Jolevi 9
9
Aron miyo cowirok
1I ndelo mar'aboro ma kwoŋo jo, Musa olwoŋo Aron kodi wote, kodi jodongo ma Isiraili. 2To waco ri Aron ni, “Kwany rwath ma mic ma cwako reco kodi wod rombo ma mic awaŋa, ma jongoye gi ŋolo, aka imiy ruwaŋ Rwoth. 3Aka ri Joisiraili, luw gi jo iwaci ni, ‘Kwany win wod diel ma mic ma cwako reco, rwath kodi nyathi rombo, ma jo oro acel ma jongoye gi ŋolo, ma mic awaŋa. 4Megikwe kodi wod rombo ma mic ma siem, ma cowirok ruwaŋ Rwoth; kodi moko m'onywow gi mo oliv, kole konon Rwoth laneno riwin.’”
5Jokelo gima Musa omiyo or yuwaŋ Wema ma romo, aka lwak gibe ocore cegin to jocungo liŋ ruwaŋ Rwoth. 6Musa owaco ni, “Me wac ma Rwoth omiyo or ni witim, aka dwoŋ pa Rwoth laneno riwin.” 7Musa owaco ri Aron ni, “Core cegin gi migam aka itimi cowirok perin ma mic ma cwako reco kodi mic awaŋa perin, aka itimi cowirok ma cwako reco perin kodi apa ji. Tim cowirok ma mic pa ji, aka itimi cowirok ma cwako reco pajo, paka Rwoth owaco.”
8Aron ocore cegin gi migam, aka othumo rwath ma mic ma cwako reco, m'oyido obedo apere. 9Wot Aron jomiyo go remo, aka oluth'iye lwet cinge to wiro i tunge migam. Remo m'odoŋ go okonjo woko i tiendi migam. 10To bor, roge ario, kodi adec maber loyo ma cuny, go owaŋo i wi migam, paka Rwoth omiyo Musa or. 11Riŋo kodi pien mere go owaŋo gi mac woko ma kambi.
12Aron othumo mic awaŋa, aka wote jokelo rigo remo, to go kiro thoko migam. 13Jokelo rigo mic awaŋa kodi adec je, kodi wic, aka go owaŋo i wi migam. 14Aron olwoko gigipiny ma iye kodi olenge, aka owaŋo, kanyacel gi mic awaŋa, i wi migam.
15Aron okelo mic pa ji, okwanyo diel ma mic ma cwako reco pa ji, othumo, aka omiyo ma cwako reco, paka marapena. 16Go okelo mic awaŋa, aka otimo cowirok mere cungo kwoŋ kwer mere. 17Go okelo mic ma cemo manyinge, ojowo masi cinge, aka owaŋo i wi migam, medo i wi mic awaŋa m'odikin.
18Go othumo megikwe kodi wod rombo ma cowirok ma mic ma siem, m'oyido obedo apa ji, aka wot Aron jokelo rigo remo mere, to kiro thoko migam. 19Aka bor ma megikwe kodi wod rombo, yiw rombo maleny, bor ma umo gigipiny ma iye kodi roge je, adec maber loyo ma cuny, 20joketho i wi thundho, aka go owaŋo bor i wi migam. 21Aka thundho kodi eme maracuc Aron otiŋo malo ri mic m'otiŋ malo ruwaŋ Rwoth, paka Musa omiyo or.
22 #
Kwan 6:22-26
Aron otiŋo cinge malo yubongi ji aka omiyo jo silwany. Aka go oloro piny munyo otieko timo cowirok ma mic ma cwako reco, mic awaŋa, kodi mic ma siem. 23Musa kodi Aron jodonjo i Wema ma romo, aka jowok to jomiyo ji silwany aka dwoŋ pa Rwoth oneno ri ji je. 24Mac owok ruwaŋ Rwoth aka oumo migam ma mic awaŋa kodi bor; aka ji je joneno, jokoko, to jopodho piny gi nyim jo.
Currently Selected:
Jolevi 9: DHOPE
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Jolevi 9
9
Aron miyo cowirok
1I ndelo mar'aboro ma kwoŋo jo, Musa olwoŋo Aron kodi wote, kodi jodongo ma Isiraili. 2To waco ri Aron ni, “Kwany rwath ma mic ma cwako reco kodi wod rombo ma mic awaŋa, ma jongoye gi ŋolo, aka imiy ruwaŋ Rwoth. 3Aka ri Joisiraili, luw gi jo iwaci ni, ‘Kwany win wod diel ma mic ma cwako reco, rwath kodi nyathi rombo, ma jo oro acel ma jongoye gi ŋolo, ma mic awaŋa. 4Megikwe kodi wod rombo ma mic ma siem, ma cowirok ruwaŋ Rwoth; kodi moko m'onywow gi mo oliv, kole konon Rwoth laneno riwin.’”
5Jokelo gima Musa omiyo or yuwaŋ Wema ma romo, aka lwak gibe ocore cegin to jocungo liŋ ruwaŋ Rwoth. 6Musa owaco ni, “Me wac ma Rwoth omiyo or ni witim, aka dwoŋ pa Rwoth laneno riwin.” 7Musa owaco ri Aron ni, “Core cegin gi migam aka itimi cowirok perin ma mic ma cwako reco kodi mic awaŋa perin, aka itimi cowirok ma cwako reco perin kodi apa ji. Tim cowirok ma mic pa ji, aka itimi cowirok ma cwako reco pajo, paka Rwoth owaco.”
8Aron ocore cegin gi migam, aka othumo rwath ma mic ma cwako reco, m'oyido obedo apere. 9Wot Aron jomiyo go remo, aka oluth'iye lwet cinge to wiro i tunge migam. Remo m'odoŋ go okonjo woko i tiendi migam. 10To bor, roge ario, kodi adec maber loyo ma cuny, go owaŋo i wi migam, paka Rwoth omiyo Musa or. 11Riŋo kodi pien mere go owaŋo gi mac woko ma kambi.
12Aron othumo mic awaŋa, aka wote jokelo rigo remo, to go kiro thoko migam. 13Jokelo rigo mic awaŋa kodi adec je, kodi wic, aka go owaŋo i wi migam. 14Aron olwoko gigipiny ma iye kodi olenge, aka owaŋo, kanyacel gi mic awaŋa, i wi migam.
15Aron okelo mic pa ji, okwanyo diel ma mic ma cwako reco pa ji, othumo, aka omiyo ma cwako reco, paka marapena. 16Go okelo mic awaŋa, aka otimo cowirok mere cungo kwoŋ kwer mere. 17Go okelo mic ma cemo manyinge, ojowo masi cinge, aka owaŋo i wi migam, medo i wi mic awaŋa m'odikin.
18Go othumo megikwe kodi wod rombo ma cowirok ma mic ma siem, m'oyido obedo apa ji, aka wot Aron jokelo rigo remo mere, to kiro thoko migam. 19Aka bor ma megikwe kodi wod rombo, yiw rombo maleny, bor ma umo gigipiny ma iye kodi roge je, adec maber loyo ma cuny, 20joketho i wi thundho, aka go owaŋo bor i wi migam. 21Aka thundho kodi eme maracuc Aron otiŋo malo ri mic m'otiŋ malo ruwaŋ Rwoth, paka Musa omiyo or.
22 #
Kwan 6:22-26
Aron otiŋo cinge malo yubongi ji aka omiyo jo silwany. Aka go oloro piny munyo otieko timo cowirok ma mic ma cwako reco, mic awaŋa, kodi mic ma siem. 23Musa kodi Aron jodonjo i Wema ma romo, aka jowok to jomiyo ji silwany aka dwoŋ pa Rwoth oneno ri ji je. 24Mac owok ruwaŋ Rwoth aka oumo migam ma mic awaŋa kodi bor; aka ji je joneno, jokoko, to jopodho piny gi nyim jo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.