Jolevi 7
7
Kwer ma mic ma cul
1Me kwer ma mic ma banja. Obedo maleŋ swa; 2i kabedo m'ithum'iye mic awaŋa, jobino thumo mic ma banja, aka remo mere wokiri i kisi thenge je ma migam. 3Aka bor mere je iripo miyo, yiwe maleny, kodi bor ma umo gigipiny ma iye, 4roge ario je kodi bor mere, kodi adec maber loyo ma cuny. 5Jacway ri Were i wi migam lawaŋo je i wi migam paka mic m'owaŋ ri Rwoth. Meno obedo mic ma banja. 6Cwo je i dier jocway ri Were i wi migam joripo camo i Kabedo Maleŋ. Obedo maleŋ loyo.
7Mic ma cwako reco kodi mic ma banja jonitie gi kwer acel, jacway ri Were i wi migam ma timo kwer mere latero. 8Aka jacway ri Were i wi migam ma timo kwer ma mic awaŋa pa dhano moro je, ladoŋ gi pien ma mic ma go omiyo. 9Mic ma cemo je m'otedi i kendo m'ogeti gi lowo, kodi m'otedi i kendo i sapik, labedo apa jacway ri Were i wi migam ma timo kwer mere. 10To mic ma cemo manyinge man je, m'onywow gi mo oliv kosa m'othwo, labedo apa wot Aron marom.
Kwer ma mic ma siem
11Me kwer ma cowirok ma mic ma siem, ma dhano nyalo miyo Rwoth. 12K'imiyo mic ma foyo, ilamiyo gi cowirok ma foyo, mugat ma buthow m'onywow gi mo oliv, mugat manwaŋ ma buthow m'owir'iye mo, kodi mugat m'otimi gi moko m'onuŋere m'obil maber i mo. 13Gi cowirok perin ma foyo ma mic ma siem, ilakelo mugat m'otimi gi thow. 14Ilamiyo mugat acel wok i kisi mic, paka mic pa Rwoth, aka labedo apa jacway ri Were i wi migam ma lakiro remo ma mic ma siem. 15Aka riŋo ma cowirok ma mic ma siem ma foyo, iripo camo i ndelo no won, kiripi weyo moro wodoŋ tundo odikin.
16To ka cowirok m'imiyo obedo mic m'iciko kosa ma in won imiyo, ilacamo i ndelo m'itimo cowirok perin, aka m'odoŋ wocam i ndelo ma luwo. 17To riŋo ma cowirok m'odoŋ kiri i ndelo mar'adek iripo waŋo woko gi mac. 18Ka riŋo moro je ma cowirok ocam adieri i ndelo mar'adek, kilajolo mic, kosa kilabedo mic pa ŋat'omiyo, labedo amien, aka ŋat'ocam latimo reco. 19Joma jolony ama jonyalo camo riŋo. Riŋo m'ogey gimakoc je kiripi camo, iripo waŋo woko gi mac. 20To ŋat'ocam riŋo wok i cowirok ma mic ma siem ri Rwoth munyo jokoc, lapokere kwoŋ ji pere. 21Aka ŋat'ogey koco pa dhano kosa ogwaŋ makoc, kosa gimakoc moro je ma kelo amien, to camo riŋo wok i cowirok ma mic ma siem ri Rwoth, lapokere kwoŋ ji pere.
22Rwoth oluwo gi Musa ka waco ama: 23Luw gi Joisiraili iwaci rijo ni, jokiripi camo bor dhiaŋ, rombo, kosa diel. 24Bor ogwaŋ ma won otho, kosa m'ogwaŋ madudi oneko, inyalo oro ma giman je, to wikiripi camo adieri. 25Ŋat'ocam bor mar'ogwaŋ m'omiyo paka mic m'iwaŋo gi mac ri Rwoth, lapokere kwoŋ ji pere. 26#Cak 9:4; Jolevi 17:10-14; 19:26; Cik 12:16,23; 15:23Wikiripi camo remo moro je, mar'ogwaŋ kosa ma winyo, kama winobed'iye je. 27Ŋat'ocam remo moro je, lapokere kwoŋ ji pere.
28Rwoth oluwo gi Musa ka waco ama: 29Luw gi Joisiraili iwaci rijo ni, ŋata timo cowirok ma mic ma siem ri Rwoth, won ripo kelo mic pere wok i cowirok ma mic ma siem. 30Go won lakelo gi cinge mic pa Rwoth m'iwaŋo gi mac, bor kodi ŋakin (thundho) aka ŋey wotiŋ thundho malo paka mic ruwaŋ Rwoth. 31Jacway ri Were i wi migam lawaŋo bor i wi migam, aka thundho mere obedo apa Aron kodi wote. 32Aka eme maracuc ma cowirok ma mic ma siem wilamiyo jacway ri Were i wi migam paka mic. 33Kwoŋ wot Aron, ŋata miyo remo kodi bor ma mic ma siem, ama latero eme maracuc. 34Kole atieko kwanyo thundho ma mic m'itiŋo malo kodi eme maracuc, wok kwoŋ cowirok ma mic ma siem, ma Joisiraili jomiyo, aka atieko miyo Aron kodi wote, paka mic ma joripo limo wok bongi Joisiraili cil gi cil. 35Me adec pa Aron kodi wote, wok kwoŋ mic m'iwaŋo ri Rwoth gi mac, wok i ndelo ma go oketho jo tic paka jocway ri Were i wi migam pa Rwoth. 36Me gigipiny ma Rwoth omiyo or nike iripo miyo jo, wok i ndelo ma go owiro jo gi mo, paka gima Joisiraili joripo miyo jo cil gi cil i luse pajo je.
37Me kwer ma mic awaŋa, mic ma cemo manyinge, mic ma cwako reco, mic ma banja, mic ma wiro jocway ri Were i wi migam gi mo kodi cowirok ma mic ma siem, 38ma Rwoth omiyo Musa or wi got Sinai, i ndelo ma go omiyo Joisiraili cik kelo mic pajo ri Rwoth i thim ma Sinai.
Currently Selected:
Jolevi 7: DHOPE
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Jolevi 7
7
Kwer ma mic ma cul
1Me kwer ma mic ma banja. Obedo maleŋ swa; 2i kabedo m'ithum'iye mic awaŋa, jobino thumo mic ma banja, aka remo mere wokiri i kisi thenge je ma migam. 3Aka bor mere je iripo miyo, yiwe maleny, kodi bor ma umo gigipiny ma iye, 4roge ario je kodi bor mere, kodi adec maber loyo ma cuny. 5Jacway ri Were i wi migam lawaŋo je i wi migam paka mic m'owaŋ ri Rwoth. Meno obedo mic ma banja. 6Cwo je i dier jocway ri Were i wi migam joripo camo i Kabedo Maleŋ. Obedo maleŋ loyo.
7Mic ma cwako reco kodi mic ma banja jonitie gi kwer acel, jacway ri Were i wi migam ma timo kwer mere latero. 8Aka jacway ri Were i wi migam ma timo kwer ma mic awaŋa pa dhano moro je, ladoŋ gi pien ma mic ma go omiyo. 9Mic ma cemo je m'otedi i kendo m'ogeti gi lowo, kodi m'otedi i kendo i sapik, labedo apa jacway ri Were i wi migam ma timo kwer mere. 10To mic ma cemo manyinge man je, m'onywow gi mo oliv kosa m'othwo, labedo apa wot Aron marom.
Kwer ma mic ma siem
11Me kwer ma cowirok ma mic ma siem, ma dhano nyalo miyo Rwoth. 12K'imiyo mic ma foyo, ilamiyo gi cowirok ma foyo, mugat ma buthow m'onywow gi mo oliv, mugat manwaŋ ma buthow m'owir'iye mo, kodi mugat m'otimi gi moko m'onuŋere m'obil maber i mo. 13Gi cowirok perin ma foyo ma mic ma siem, ilakelo mugat m'otimi gi thow. 14Ilamiyo mugat acel wok i kisi mic, paka mic pa Rwoth, aka labedo apa jacway ri Were i wi migam ma lakiro remo ma mic ma siem. 15Aka riŋo ma cowirok ma mic ma siem ma foyo, iripo camo i ndelo no won, kiripi weyo moro wodoŋ tundo odikin.
16To ka cowirok m'imiyo obedo mic m'iciko kosa ma in won imiyo, ilacamo i ndelo m'itimo cowirok perin, aka m'odoŋ wocam i ndelo ma luwo. 17To riŋo ma cowirok m'odoŋ kiri i ndelo mar'adek iripo waŋo woko gi mac. 18Ka riŋo moro je ma cowirok ocam adieri i ndelo mar'adek, kilajolo mic, kosa kilabedo mic pa ŋat'omiyo, labedo amien, aka ŋat'ocam latimo reco. 19Joma jolony ama jonyalo camo riŋo. Riŋo m'ogey gimakoc je kiripi camo, iripo waŋo woko gi mac. 20To ŋat'ocam riŋo wok i cowirok ma mic ma siem ri Rwoth munyo jokoc, lapokere kwoŋ ji pere. 21Aka ŋat'ogey koco pa dhano kosa ogwaŋ makoc, kosa gimakoc moro je ma kelo amien, to camo riŋo wok i cowirok ma mic ma siem ri Rwoth, lapokere kwoŋ ji pere.
22Rwoth oluwo gi Musa ka waco ama: 23Luw gi Joisiraili iwaci rijo ni, jokiripi camo bor dhiaŋ, rombo, kosa diel. 24Bor ogwaŋ ma won otho, kosa m'ogwaŋ madudi oneko, inyalo oro ma giman je, to wikiripi camo adieri. 25Ŋat'ocam bor mar'ogwaŋ m'omiyo paka mic m'iwaŋo gi mac ri Rwoth, lapokere kwoŋ ji pere. 26#Cak 9:4; Jolevi 17:10-14; 19:26; Cik 12:16,23; 15:23Wikiripi camo remo moro je, mar'ogwaŋ kosa ma winyo, kama winobed'iye je. 27Ŋat'ocam remo moro je, lapokere kwoŋ ji pere.
28Rwoth oluwo gi Musa ka waco ama: 29Luw gi Joisiraili iwaci rijo ni, ŋata timo cowirok ma mic ma siem ri Rwoth, won ripo kelo mic pere wok i cowirok ma mic ma siem. 30Go won lakelo gi cinge mic pa Rwoth m'iwaŋo gi mac, bor kodi ŋakin (thundho) aka ŋey wotiŋ thundho malo paka mic ruwaŋ Rwoth. 31Jacway ri Were i wi migam lawaŋo bor i wi migam, aka thundho mere obedo apa Aron kodi wote. 32Aka eme maracuc ma cowirok ma mic ma siem wilamiyo jacway ri Were i wi migam paka mic. 33Kwoŋ wot Aron, ŋata miyo remo kodi bor ma mic ma siem, ama latero eme maracuc. 34Kole atieko kwanyo thundho ma mic m'itiŋo malo kodi eme maracuc, wok kwoŋ cowirok ma mic ma siem, ma Joisiraili jomiyo, aka atieko miyo Aron kodi wote, paka mic ma joripo limo wok bongi Joisiraili cil gi cil. 35Me adec pa Aron kodi wote, wok kwoŋ mic m'iwaŋo ri Rwoth gi mac, wok i ndelo ma go oketho jo tic paka jocway ri Were i wi migam pa Rwoth. 36Me gigipiny ma Rwoth omiyo or nike iripo miyo jo, wok i ndelo ma go owiro jo gi mo, paka gima Joisiraili joripo miyo jo cil gi cil i luse pajo je.
37Me kwer ma mic awaŋa, mic ma cemo manyinge, mic ma cwako reco, mic ma banja, mic ma wiro jocway ri Were i wi migam gi mo kodi cowirok ma mic ma siem, 38ma Rwoth omiyo Musa or wi got Sinai, i ndelo ma go omiyo Joisiraili cik kelo mic pajo ri Rwoth i thim ma Sinai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.