Jolevi 5
5
Banjin ma yenyo mic ma cwako reco
1Ka nyatoro otimo reco gi kwero winjo lwoŋo bedo jakony ma luwo adieri, makada nende go oyido oneno kosa oŋeyo, to kwero luwo, iripo miyin gir'acula.
2Kosa ka nyatoro ogeyo gimoro je makoc, obedi ogwaŋ makoc m'otho, kosa gigipiny ma joay gi bwombi jo makoc m'otho, ma k'oŋeyo, meno loko go makoc, aka bedo jabanja.
3Kosa k'igeyo koco pa dhano, gimoro je ma loko dhano makoc, aka ikiŋeyo, tekin iŋeyo, ilabedo gi banja.
4Ka nyatoro okwakere kwoŋirok ri atoŋa marac kosa maber, obedi dhano moro je, ma go k'oŋeyo, tekin go ŋeyo, ilabedo gi banja.
5K'iŋeyo banja perin kwoŋ gigipiny me, ilatuco reco perin m'itimo. 6Ilakelo ri Rwoth, paka cul ma reco m'itimo, min rombo kosa min diel, paka mic ma cwako reco. Jacway ri Were i wi migam latimo rin cowirok ma cwako reco perin.
7To ka ikinyalo nwaŋo rombo, ilakelo ri Rwoth, paka cul mareco m'itimo, akuro ario kosa njiwin ario, acel ri mic ma cwako reco aka man ri mic awaŋa. 8Ilakelo bongi jacway ri Were i wi migam, ma lamiyo acel paka mic ma cwako reco, to turo ŋute, ma k'ocoto woko. 9Go lakiro remo moro ma mic ma cwako reco i thengi migam, aka remo m'odoŋ lacwer i tiendi migam. Me obedo mic ma cwako reco. 10Aka mar'ario go lamiyo paka mic awaŋa cungo kwoŋ kwer mere. Ameno apaka jacway ri Were i wi migam lamiyo mic ma cwako reco perin m'itimo, aka ilacwako rin.
11To ka ikinyal kelo akuro ario kosa njiwa ario, ilakelo moko m'onuŋere swa kilo acel, paka mic ma cwako reco; Ikir'inywow gi mo kosa buban, kwoŋbedo obedo mic ma cwako reco. 12Ilakelo bongi jacway ri Were i wi migam, aka go lajowo masi acel paka adec mere, to waŋo i wi migam, paka mic m'owaŋ gi mac ri Rwoth. Me obedo mic ma cwako reco. 13Ameno jacway ri Were i wi migam lamiyo mic ma cwako reco perin m'itimo, aka ilacwako rin. Paka mic ma cemo manyinge, m'odoŋ labedo apa jacway ri Were i wi migam.
Mic ma cul
14Rwoth oluwo gi Musa, ka waco ni: 15Ka nyatoro otimo reco ma go k'oŋeyo, i gigipiny maleŋ ri Rwoth, ilakelo, paka mic ma culo banja ri Rwoth, wod rombo m'ongoye gi ŋolo wok i mwendi perin, ma welo mere ripo rom gi welo feza m'ioro i Kabedo Maleŋ. Meno obedo mic ma banja. 16Iladwoko gimaleŋ m'oyido ikiculo, aka ilamedo adec kilo i wi m'imiyo jacway ri Were i wi migam. Jacway ri Were i wi migam lamiyo mic ma cwako reco perin gi wod rombo ma mic ma culo banja, aka ilacwako rin.
17Ka nyatoro otimo reco ma go k'oŋeyo, to timo gigipiny ma or pa Rwoth kwero, meno itimo banja, aka iripo miyin gir'acula. 18Ilakelo bongi jacway ri Were i wi migam wod rombo m'ongoye gi ŋolo wok i mwendi perin, kosa gima rom gine, paka mic ma cwako reco, aka jacway ri Were i wi migam latimo cowirok ma cwako reco m'itimo m'ikiŋeyo, aka ilacwako rin. 19Meno obedo mic ma banja, itimo banja ruwaŋ Rwoth.
Currently Selected:
Jolevi 5: DHOPE
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Jolevi 5
5
Banjin ma yenyo mic ma cwako reco
1Ka nyatoro otimo reco gi kwero winjo lwoŋo bedo jakony ma luwo adieri, makada nende go oyido oneno kosa oŋeyo, to kwero luwo, iripo miyin gir'acula.
2Kosa ka nyatoro ogeyo gimoro je makoc, obedi ogwaŋ makoc m'otho, kosa gigipiny ma joay gi bwombi jo makoc m'otho, ma k'oŋeyo, meno loko go makoc, aka bedo jabanja.
3Kosa k'igeyo koco pa dhano, gimoro je ma loko dhano makoc, aka ikiŋeyo, tekin iŋeyo, ilabedo gi banja.
4Ka nyatoro okwakere kwoŋirok ri atoŋa marac kosa maber, obedi dhano moro je, ma go k'oŋeyo, tekin go ŋeyo, ilabedo gi banja.
5K'iŋeyo banja perin kwoŋ gigipiny me, ilatuco reco perin m'itimo. 6Ilakelo ri Rwoth, paka cul ma reco m'itimo, min rombo kosa min diel, paka mic ma cwako reco. Jacway ri Were i wi migam latimo rin cowirok ma cwako reco perin.
7To ka ikinyalo nwaŋo rombo, ilakelo ri Rwoth, paka cul mareco m'itimo, akuro ario kosa njiwin ario, acel ri mic ma cwako reco aka man ri mic awaŋa. 8Ilakelo bongi jacway ri Were i wi migam, ma lamiyo acel paka mic ma cwako reco, to turo ŋute, ma k'ocoto woko. 9Go lakiro remo moro ma mic ma cwako reco i thengi migam, aka remo m'odoŋ lacwer i tiendi migam. Me obedo mic ma cwako reco. 10Aka mar'ario go lamiyo paka mic awaŋa cungo kwoŋ kwer mere. Ameno apaka jacway ri Were i wi migam lamiyo mic ma cwako reco perin m'itimo, aka ilacwako rin.
11To ka ikinyal kelo akuro ario kosa njiwa ario, ilakelo moko m'onuŋere swa kilo acel, paka mic ma cwako reco; Ikir'inywow gi mo kosa buban, kwoŋbedo obedo mic ma cwako reco. 12Ilakelo bongi jacway ri Were i wi migam, aka go lajowo masi acel paka adec mere, to waŋo i wi migam, paka mic m'owaŋ gi mac ri Rwoth. Me obedo mic ma cwako reco. 13Ameno jacway ri Were i wi migam lamiyo mic ma cwako reco perin m'itimo, aka ilacwako rin. Paka mic ma cemo manyinge, m'odoŋ labedo apa jacway ri Were i wi migam.
Mic ma cul
14Rwoth oluwo gi Musa, ka waco ni: 15Ka nyatoro otimo reco ma go k'oŋeyo, i gigipiny maleŋ ri Rwoth, ilakelo, paka mic ma culo banja ri Rwoth, wod rombo m'ongoye gi ŋolo wok i mwendi perin, ma welo mere ripo rom gi welo feza m'ioro i Kabedo Maleŋ. Meno obedo mic ma banja. 16Iladwoko gimaleŋ m'oyido ikiculo, aka ilamedo adec kilo i wi m'imiyo jacway ri Were i wi migam. Jacway ri Were i wi migam lamiyo mic ma cwako reco perin gi wod rombo ma mic ma culo banja, aka ilacwako rin.
17Ka nyatoro otimo reco ma go k'oŋeyo, to timo gigipiny ma or pa Rwoth kwero, meno itimo banja, aka iripo miyin gir'acula. 18Ilakelo bongi jacway ri Were i wi migam wod rombo m'ongoye gi ŋolo wok i mwendi perin, kosa gima rom gine, paka mic ma cwako reco, aka jacway ri Were i wi migam latimo cowirok ma cwako reco m'itimo m'ikiŋeyo, aka ilacwako rin. 19Meno obedo mic ma banja, itimo banja ruwaŋ Rwoth.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.