Jolevi 25
25
Oro mar'abirio
(Cik 15:1-11)
1 #
Wok 23:10-11
Rwoth oluwo gi Musa wi got Sinai, ka waco ama: 2Luw gi Joisiraili aka iwaci rijo ni: Ka widonjo i lowo m'amiyo win, lowo no ripo kuro sabato pa Rwoth. 3Ma oro aucel wicwoy, aka ma oro aucel wilwer yen vini mewin, to wicoko olemo; 4to i oro mar'abirio labedo sabato ma ywomirok adieri ri lowo, sabato ri Rwoth: Wikiri wicwoy kosa wilwer yen vini mewin. 5Wikiri wikec gim'onyak rumacen ma keco mewin kosa wicoki olemo ma yath vini ma wikilwero; labedo oro ma ywomirok adieri ri lowo. 6Winyalo camo gim'onyak i lowo i hongo ma sabato mere; win, ŋecin mewin ma cwo kodi ma mon, jotic mewin ma wipangisa kodi jokicar ma jobedo gi win, 7ri ogwaŋe mewin bende, kodi ogwaŋe madudi i lowo mewin, gima lowo onyak je labedo cemo.
Oro ma piero abic
8Wilakwano sabiti abirio gicen ma oro, abirio dibirio, ŋey hongo ma sabato abirio ma oro no je wobedi riwin oro piero aŋwen g'abuŋwen. 9Aka wilakudho gwara malo; i ndelo mar'apar ma dwe mar'abirio, i ndelo ma cwako reco; wilakudho gwara i lowo mewin je paka rom. 10Aka wilaketho gicen paka gimaleŋ oro ma piero abic aka wobedi thwolo i lowo paka rom ri ji ma jobed'iye je. Labedo oro ma piero abic riwin: Aka kisi dhano kwoŋ win, lagik i lim pere kodi thugin. 11Meno obedo oro ma piero abic riwin: Wikiri wicwoy, kosa wikec cemo m'onyak rumacen, kosa wifon vini ma wikilwero. 12Kole obedo oro piero abic; labedo maleŋ riwin: Wilacamo ranyak ma won otwi i ndelo.
13I oro ma piero abic me, wiladok, kisi dhano kwoŋ win, i lim pere won. 14K'itana gimoro gi nyawotin, kosa inyewo bonge, wikiri widiyere. 15K'inyewo gimoro wok bongi nyawotin, iculi kende ma oro wok i cakirok ma oro piero abic; ŋata tana womiti cul bongin ma oro ma cemo m'odoŋ kende. 16Ka oro thoth, imedi welo, aka ka oro nok, idwoki welo cen, rupiri itana in cungo kwoŋ oro ma cemo ocowo. 17Aka ongoye ŋata wodiy nyawote, to wiripo lworo Were mewin; kole An abedo Rwoth Were mewin.
18Wiripo timo cik paran to wikuro or paran, kodi timo, ŋey winyal bedo i lowo no maber. 19Aka lowo lanyak olemo mere, to wicemo to wiyeŋ, to wibed'iye maber.
20To wilapenjo ni, wanocam aŋo i oro mar'abirio ka wakiripi cwoyo kosa coko cemo mawan? 21Alamiyo or ri silwany paran riwin i oro mar'aucel, ŋey cemo onyali nyak riwin ma oro adek. 22Ka winocwoy i oro mar'aboro, lanwaŋo wipidhere gi cemo macon; cuka tundo oro mar'abuŋwen, munyo ranyak mere tundo, wilacamo macon. 23Wokiri wotana lowo ma swa, kole lowo obedo aparan; aka win wibedo jokicar aka jowoth kodan. 24Lowo je ma wilalimo, wiripo culo gimoro ma botho lowo.
25K'omin in candi omako, to tana adec ma lim pere, wat ma luwo go ripo bino to botho gim'omin go otana. 26Ka dhano ongoye gi ŋata nyalo botho lim pere, to ka go won nitie gi nyalo ma botho, 27go lakwano oro m'otieko kadho wok cuka go tana, to dwoko ri ŋat'oyido onyewo cul mere, to go gik i lim pere. 28To ka go ongoye gi nyalo ma dwoko lowo no, wodoŋ ri ŋat'onyewo cuka tundo oro ma piero abic; i oro ma piero abic wogonyi, t'idwoko rigo.
29Ka nyatoro otana ot m'ibed'iye i tindi madwoŋ m'othok gi cel, wobothi rumacen ma oro acel wok cuka go tana; go nyalo botho rumacen ma oro acel. 30To ka go k'obotho ka oro acel orumo, ot no ladoŋ ri ŋat'onyewo cil gi cil, i luse je; k'onyal gonyo i oro ma piero abic. 31To udi ma calin ma cel k'othoko jo jowobedi paka piny m'othangere; inyalo botho jo, t'igonyo jo i oro ma piero abic. 32Kwanyowoko ri tindin madongo pa Jolevi, Jolevi jolabedo gi meni ma botho udi ma tindin madongo m'obedo apajo i hongo moro je. 33Aka ka Jalevi k'onyalo botho ot pere, i tindin madongo m'obedo apajo, i oro ma piero abic iripo gonyo; kwoŋbedo udi ma tindin madongo pa Jolevi obedo lim pajo i dier Joisiraili. 34To lowo m'othangere m'othoko tindin madongo wokiri wotana; kwoŋbedo meno obedo lim pajo ma cil gi cil.
Kikopa jocandi gimoro
35 #
Cik 15:7-8
Aka k'omin in candi omako, aka kinyal cowere, thiel go; go labedo kodin paka japath kosa jokicar. 36Ikir'ikwany nusu wi nusu kosa itim magowa kwoŋ go, to lwor Were perin; ŋey omin in onyali bedo bongin. 37#Wok 22:24; Cik 23:20-21Wikiri wikopa jo pesa ka wimito nusu i wi nusu, kosa winwaŋ magowa i cemo ma wimiyo jo. 38An abedo Rwoth Were mewin, m'ofudho win wok i piny Misir, ni amiy win piny ma Kanan, aka ni abedi Were mewin.
Gonyo ŋecin
39 #
Wok 21:2-6; Cik 15:12-18 Ka wutmin win ma jobedo gi win candi olaco jo to jotanere riwin, wikiri wirom jo tic paka ŋecin. 40To jowodoŋ bongi win paka jogoy fut kosa jotic ma kisi ndelo. Jowotiy riwin cuka tundo i oro ma piero abic. 41Nyaka gi nyithindho pajo jodok peco pajo, i lim pa kwarere pajo. 42Rupiri jobedo ŋecin paran, m'afudho jo wok i piny Misir; kinyal kitana jo paka itana ŋecin. 43Wikiri widhum jo gi gwayo, to lwor Were mewin. 44Paka ri ŋecin ma cwo kodi ma mon ma winyalo bedo gine, wobedi i nonin m'othoko win ama winwaŋ'iye ŋecin ma cwo kodi ma mon. 45Winyalo bende nyewo wok kwoŋ jokicar ma jobedo gi win, kodi wok i pecin pajo manitie gi win, ma jonywole i piny mewin; aka jonyalo bedo lim mewin. 46Winyalo kuro jo paka gimewin ri nyithindho mewin ma jolunji win, jowolunji jo paka lim. Jolabedo ŋecin mewin kicutho, to paka ri Joisiraili wade mewin, ongoye ŋata wodhum nyawote gi gwayo.
47To ka japath kosa jakicar ma jobedo i dier win olokere jaŋaŋo, aka omin candi omako to tanere rijo, kosa ri japeco pa jakicar, 48rumacen inyalo botho go, acel kwoŋ wutmin go nyalo botho go, 49kosa omin bamere kosa wod omin bamere nyalo botho go, kosa wat moro je ma peco ma k'osunga nyalo botho go; kosa ka go oŋaŋ, nyalo botho kwo pere. 50Jolagoyo welo gi ŋata nyewo go wok i oro ma go otaner'iye tundo i oro ma piero abic; welo ma gonyo go lakwanere luwo oro; hongo ma go obed'iye gi ŋat'onyewo go woter paka hongo pa jagoy fut. 51Ka oro kweth odoŋ cen, go laculo pesa ma both pere wok i pesa m'onyew gine go; 52to ka oro manok odoŋ cuka tundo oro ma piero abic, jolatimo kwan ama: Jolakwanere cungo kwoŋ oro ma go ocowo i tic to doko idwoko rigo pesa ma botho go. 53Paka jagoy fut m'opangisa ma kisi oro acel, go labedo iy'adhum pa jakicar, ma bende kiladhumo go gi gwayo kareno wineno anena. 54Aka ka k'obothi go i nger me je, go kodi nyithindho pere ilagonyo jo i oro ma piero abic. 55Kole ri an Joisiraili jobedo ŋecin paran; jobedo ŋecin m'awodho jo wok i piny Misir: An abedo Rwoth Were mewin.
Currently Selected:
Jolevi 25: DHOPE
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Jolevi 25
25
Oro mar'abirio
(Cik 15:1-11)
1 #
Wok 23:10-11
Rwoth oluwo gi Musa wi got Sinai, ka waco ama: 2Luw gi Joisiraili aka iwaci rijo ni: Ka widonjo i lowo m'amiyo win, lowo no ripo kuro sabato pa Rwoth. 3Ma oro aucel wicwoy, aka ma oro aucel wilwer yen vini mewin, to wicoko olemo; 4to i oro mar'abirio labedo sabato ma ywomirok adieri ri lowo, sabato ri Rwoth: Wikiri wicwoy kosa wilwer yen vini mewin. 5Wikiri wikec gim'onyak rumacen ma keco mewin kosa wicoki olemo ma yath vini ma wikilwero; labedo oro ma ywomirok adieri ri lowo. 6Winyalo camo gim'onyak i lowo i hongo ma sabato mere; win, ŋecin mewin ma cwo kodi ma mon, jotic mewin ma wipangisa kodi jokicar ma jobedo gi win, 7ri ogwaŋe mewin bende, kodi ogwaŋe madudi i lowo mewin, gima lowo onyak je labedo cemo.
Oro ma piero abic
8Wilakwano sabiti abirio gicen ma oro, abirio dibirio, ŋey hongo ma sabato abirio ma oro no je wobedi riwin oro piero aŋwen g'abuŋwen. 9Aka wilakudho gwara malo; i ndelo mar'apar ma dwe mar'abirio, i ndelo ma cwako reco; wilakudho gwara i lowo mewin je paka rom. 10Aka wilaketho gicen paka gimaleŋ oro ma piero abic aka wobedi thwolo i lowo paka rom ri ji ma jobed'iye je. Labedo oro ma piero abic riwin: Aka kisi dhano kwoŋ win, lagik i lim pere kodi thugin. 11Meno obedo oro ma piero abic riwin: Wikiri wicwoy, kosa wikec cemo m'onyak rumacen, kosa wifon vini ma wikilwero. 12Kole obedo oro piero abic; labedo maleŋ riwin: Wilacamo ranyak ma won otwi i ndelo.
13I oro ma piero abic me, wiladok, kisi dhano kwoŋ win, i lim pere won. 14K'itana gimoro gi nyawotin, kosa inyewo bonge, wikiri widiyere. 15K'inyewo gimoro wok bongi nyawotin, iculi kende ma oro wok i cakirok ma oro piero abic; ŋata tana womiti cul bongin ma oro ma cemo m'odoŋ kende. 16Ka oro thoth, imedi welo, aka ka oro nok, idwoki welo cen, rupiri itana in cungo kwoŋ oro ma cemo ocowo. 17Aka ongoye ŋata wodiy nyawote, to wiripo lworo Were mewin; kole An abedo Rwoth Were mewin.
18Wiripo timo cik paran to wikuro or paran, kodi timo, ŋey winyal bedo i lowo no maber. 19Aka lowo lanyak olemo mere, to wicemo to wiyeŋ, to wibed'iye maber.
20To wilapenjo ni, wanocam aŋo i oro mar'abirio ka wakiripi cwoyo kosa coko cemo mawan? 21Alamiyo or ri silwany paran riwin i oro mar'aucel, ŋey cemo onyali nyak riwin ma oro adek. 22Ka winocwoy i oro mar'aboro, lanwaŋo wipidhere gi cemo macon; cuka tundo oro mar'abuŋwen, munyo ranyak mere tundo, wilacamo macon. 23Wokiri wotana lowo ma swa, kole lowo obedo aparan; aka win wibedo jokicar aka jowoth kodan. 24Lowo je ma wilalimo, wiripo culo gimoro ma botho lowo.
25K'omin in candi omako, to tana adec ma lim pere, wat ma luwo go ripo bino to botho gim'omin go otana. 26Ka dhano ongoye gi ŋata nyalo botho lim pere, to ka go won nitie gi nyalo ma botho, 27go lakwano oro m'otieko kadho wok cuka go tana, to dwoko ri ŋat'oyido onyewo cul mere, to go gik i lim pere. 28To ka go ongoye gi nyalo ma dwoko lowo no, wodoŋ ri ŋat'onyewo cuka tundo oro ma piero abic; i oro ma piero abic wogonyi, t'idwoko rigo.
29Ka nyatoro otana ot m'ibed'iye i tindi madwoŋ m'othok gi cel, wobothi rumacen ma oro acel wok cuka go tana; go nyalo botho rumacen ma oro acel. 30To ka go k'obotho ka oro acel orumo, ot no ladoŋ ri ŋat'onyewo cil gi cil, i luse je; k'onyal gonyo i oro ma piero abic. 31To udi ma calin ma cel k'othoko jo jowobedi paka piny m'othangere; inyalo botho jo, t'igonyo jo i oro ma piero abic. 32Kwanyowoko ri tindin madongo pa Jolevi, Jolevi jolabedo gi meni ma botho udi ma tindin madongo m'obedo apajo i hongo moro je. 33Aka ka Jalevi k'onyalo botho ot pere, i tindin madongo m'obedo apajo, i oro ma piero abic iripo gonyo; kwoŋbedo udi ma tindin madongo pa Jolevi obedo lim pajo i dier Joisiraili. 34To lowo m'othangere m'othoko tindin madongo wokiri wotana; kwoŋbedo meno obedo lim pajo ma cil gi cil.
Kikopa jocandi gimoro
35 #
Cik 15:7-8
Aka k'omin in candi omako, aka kinyal cowere, thiel go; go labedo kodin paka japath kosa jokicar. 36Ikir'ikwany nusu wi nusu kosa itim magowa kwoŋ go, to lwor Were perin; ŋey omin in onyali bedo bongin. 37#Wok 22:24; Cik 23:20-21Wikiri wikopa jo pesa ka wimito nusu i wi nusu, kosa winwaŋ magowa i cemo ma wimiyo jo. 38An abedo Rwoth Were mewin, m'ofudho win wok i piny Misir, ni amiy win piny ma Kanan, aka ni abedi Were mewin.
Gonyo ŋecin
39 #
Wok 21:2-6; Cik 15:12-18 Ka wutmin win ma jobedo gi win candi olaco jo to jotanere riwin, wikiri wirom jo tic paka ŋecin. 40To jowodoŋ bongi win paka jogoy fut kosa jotic ma kisi ndelo. Jowotiy riwin cuka tundo i oro ma piero abic. 41Nyaka gi nyithindho pajo jodok peco pajo, i lim pa kwarere pajo. 42Rupiri jobedo ŋecin paran, m'afudho jo wok i piny Misir; kinyal kitana jo paka itana ŋecin. 43Wikiri widhum jo gi gwayo, to lwor Were mewin. 44Paka ri ŋecin ma cwo kodi ma mon ma winyalo bedo gine, wobedi i nonin m'othoko win ama winwaŋ'iye ŋecin ma cwo kodi ma mon. 45Winyalo bende nyewo wok kwoŋ jokicar ma jobedo gi win, kodi wok i pecin pajo manitie gi win, ma jonywole i piny mewin; aka jonyalo bedo lim mewin. 46Winyalo kuro jo paka gimewin ri nyithindho mewin ma jolunji win, jowolunji jo paka lim. Jolabedo ŋecin mewin kicutho, to paka ri Joisiraili wade mewin, ongoye ŋata wodhum nyawote gi gwayo.
47To ka japath kosa jakicar ma jobedo i dier win olokere jaŋaŋo, aka omin candi omako to tanere rijo, kosa ri japeco pa jakicar, 48rumacen inyalo botho go, acel kwoŋ wutmin go nyalo botho go, 49kosa omin bamere kosa wod omin bamere nyalo botho go, kosa wat moro je ma peco ma k'osunga nyalo botho go; kosa ka go oŋaŋ, nyalo botho kwo pere. 50Jolagoyo welo gi ŋata nyewo go wok i oro ma go otaner'iye tundo i oro ma piero abic; welo ma gonyo go lakwanere luwo oro; hongo ma go obed'iye gi ŋat'onyewo go woter paka hongo pa jagoy fut. 51Ka oro kweth odoŋ cen, go laculo pesa ma both pere wok i pesa m'onyew gine go; 52to ka oro manok odoŋ cuka tundo oro ma piero abic, jolatimo kwan ama: Jolakwanere cungo kwoŋ oro ma go ocowo i tic to doko idwoko rigo pesa ma botho go. 53Paka jagoy fut m'opangisa ma kisi oro acel, go labedo iy'adhum pa jakicar, ma bende kiladhumo go gi gwayo kareno wineno anena. 54Aka ka k'obothi go i nger me je, go kodi nyithindho pere ilagonyo jo i oro ma piero abic. 55Kole ri an Joisiraili jobedo ŋecin paran; jobedo ŋecin m'awodho jo wok i piny Misir: An abedo Rwoth Were mewin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.