Jolevi 2
2
Mic ma cemo manyinge
1Ka nyatoro miyo Rwoth mic ma cemo manyinge, mic no ripo bedo moko m'oregi m'onuŋere, go ripo nywowo gi mo oliv kodi buban. 2Go lakelo bongi jocway ri Were i wi migam, wot Aron. Jacway ri Were i wi migam lajowo moko masi cinge acel, gi mo oliv kodi buban mere je, to waŋo paka mic i mac i wi migam, mic m'owaŋ gi mac maŋwe kur mamit ri Rwoth. 3Aka mic ma cemo manyinge m'odoŋ labedo apa Aron kodi wote, obedo adec maleŋ loyo ma mic m'owaŋ gi mac ri Rwoth.
4Ka nyatoro mito miyo mic ma mugat m'otedi i kendo m'ocwey gi lowo, ripo bedo ma moko m'onuŋere. Ripo bedo mugat mayom ma buthow m'onywow gi mo oliv, kosa mugat manwaŋ ma buthow m'owir'iye mo. 5Ka mic perin obedo mugat m'otedi i sapik i kendo, ripo bedo ma moko m'onuŋere m'onywow gi mo oliv, ma buthow. 6Iripo ŋinyo mathindho thindho, konj'iye mo, meno obedo mic ma cemo manyinge.
7Ka mic perin obedo mugat m'otedi i sapik, ripo bedo m'otimi gi moko m'onuŋere m'onywow gi mo oliv. 8Ilakelo ri Rwoth mic ma cemo manyinge m'otimi i nger moro je kwoŋ meno, aka jacway ri Were i wi migam latero i wi migam. 9Jacway ri Were i wi migam lakwanyo adec to waŋo i wi migam, paka mic m'owaŋ gi mac maŋwe kur mamit ri Rwoth. 10Adec ma mic ma cemo manyinge m'odoŋ labedo apa Aron kodi wote, obedo adec maleŋ loyo ma mic m'owaŋ ri Rwoth.
11Ongoye kelo ri Rwoth mic ma cemo manyinge m'onywow gi thow, kole wikiripi waŋo thow kosa mo kic gi mac paka mic ri Rwoth. 12Winyalo kelo jo paka mic ma ranyak marapena ri Rwoth, to wikiripi miyo i wi migam ri kur mamit ri Rwoth. 13Wikiripi weyo ma wikiketho i mic mewin ma cemo manyinge, cumbi ma cikirok gi Were mewin. Wiripo ketho i mic mewin je.
14K'ikelo mic perin ma cemo ma ranyak marapena ri Rwoth, iripo kelo ŋano m'obul gi mac, m'oodi m'onuŋere. 15Iripo nywowo gi mo kodi buban; meno obedo mic ma cemo manyinge. 16Aka jacway ri Were i wi migam lawaŋo adec ma ŋano m'oodi m'onuŋere kodi mo gi buban mere je; obedo mic m'owaŋ gi mac ri Rwoth.
Currently Selected:
Jolevi 2: DHOPE
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Jolevi 2
2
Mic ma cemo manyinge
1Ka nyatoro miyo Rwoth mic ma cemo manyinge, mic no ripo bedo moko m'oregi m'onuŋere, go ripo nywowo gi mo oliv kodi buban. 2Go lakelo bongi jocway ri Were i wi migam, wot Aron. Jacway ri Were i wi migam lajowo moko masi cinge acel, gi mo oliv kodi buban mere je, to waŋo paka mic i mac i wi migam, mic m'owaŋ gi mac maŋwe kur mamit ri Rwoth. 3Aka mic ma cemo manyinge m'odoŋ labedo apa Aron kodi wote, obedo adec maleŋ loyo ma mic m'owaŋ gi mac ri Rwoth.
4Ka nyatoro mito miyo mic ma mugat m'otedi i kendo m'ocwey gi lowo, ripo bedo ma moko m'onuŋere. Ripo bedo mugat mayom ma buthow m'onywow gi mo oliv, kosa mugat manwaŋ ma buthow m'owir'iye mo. 5Ka mic perin obedo mugat m'otedi i sapik i kendo, ripo bedo ma moko m'onuŋere m'onywow gi mo oliv, ma buthow. 6Iripo ŋinyo mathindho thindho, konj'iye mo, meno obedo mic ma cemo manyinge.
7Ka mic perin obedo mugat m'otedi i sapik, ripo bedo m'otimi gi moko m'onuŋere m'onywow gi mo oliv. 8Ilakelo ri Rwoth mic ma cemo manyinge m'otimi i nger moro je kwoŋ meno, aka jacway ri Were i wi migam latero i wi migam. 9Jacway ri Were i wi migam lakwanyo adec to waŋo i wi migam, paka mic m'owaŋ gi mac maŋwe kur mamit ri Rwoth. 10Adec ma mic ma cemo manyinge m'odoŋ labedo apa Aron kodi wote, obedo adec maleŋ loyo ma mic m'owaŋ ri Rwoth.
11Ongoye kelo ri Rwoth mic ma cemo manyinge m'onywow gi thow, kole wikiripi waŋo thow kosa mo kic gi mac paka mic ri Rwoth. 12Winyalo kelo jo paka mic ma ranyak marapena ri Rwoth, to wikiripi miyo i wi migam ri kur mamit ri Rwoth. 13Wikiripi weyo ma wikiketho i mic mewin ma cemo manyinge, cumbi ma cikirok gi Were mewin. Wiripo ketho i mic mewin je.
14K'ikelo mic perin ma cemo ma ranyak marapena ri Rwoth, iripo kelo ŋano m'obul gi mac, m'oodi m'onuŋere. 15Iripo nywowo gi mo kodi buban; meno obedo mic ma cemo manyinge. 16Aka jacway ri Were i wi migam lawaŋo adec ma ŋano m'oodi m'onuŋere kodi mo gi buban mere je; obedo mic m'owaŋ gi mac ri Rwoth.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.