Jolevi 19
19
Cik ma leŋo gi tiro
1Rwoth oluwo gi Musa ka waco ama: 2#Jolevi 11:44,45; 1 Pet 1:16Luw gi lwak pa Joisiraili aka iwaci rijo ni: Bedi win maleŋ rupiri An Rwoth Were mewin aleŋ. 3#Wok 20:12; Cik 5:16; Wok 20:8; Cik 5:12Kisi dhano wolwor min kodi bamere, aka wikuri sabato: An abedo Rwoth Were mewin. 4#Jolevi 26:1; Wok 20:23; 34:17; Cik 17:2-5Wikiri wiwire lamo werin ma bukony, aka wikiri witim cal ma nyweny m'oleny: An abedo Rwoth Were mewin.
5K'itimo cowirok ma mic ma siem ri Rwoth, iripo timo i nger ma miyo go nyalo jolo. 6Iripo camo i ndelo no won ma imiy'iye kosa yawere mere; aka m'odoŋ je tundo i ndelo mar'adek wowaŋ gi mac. 7Ka ocam adieri i ndelo mar'adek, obedo mienirok, aka k'ojol. 8Aka joma jocam je, jolatiŋo reco kwoŋ jo, kwoŋbedo jotieko koco gimaleŋ ri Rwoth, aka nger ŋato iripo poko woko kwoŋ ji pere.
9 #
Jolevi 27:15; Cik 24:19-22 K'ikeco ranyak ma ndelo perin, Ikir'ikeci kiri i thengi ndelo, aka ikir'igiki i ndelo keco m'obudhi. 10Ikir'ifoni olemo ma ndelo vini perin je, kosa icoki olemo m'ooy i ndelo vini perin; weyi ri jocandi kodi jopath: An abedo Rwoth Were mewin.
11 #
Wok 20:15; Cik 5:19; Wok 20:16; Cik 5:20 Ikir'ikwal; ikir'ibedi jabanirok, kosa iwondi nyawotin. 12#Wok 20:7; Cik 5:11; Mat 5:33Ikir'ikwoŋere nono gi nyingan, koco nyingi Were mewin: An abedo Rwoth.
13 #
Cik 24:14-15
Ikir'idiy jager perin, Ikir'ikwal; aka ikir'ikan cul pa jatic tundo odikin. 14#Cik 27:18Ikir'ilam ŋata ithe otho kosa ikethi gimoro yuwaŋ ŋata waŋ'otho; Iripo lworo Were mewin: An abedo Rwoth.
15 #
Wok 23:6-8; Cik 16:19 Ikir'ithum banja ma k'otire; Ikir'itim nyakucel ri jacandi kosa Ikir'ilwor joŋaŋo: Thum banja ri japiny perin gi tiro. 16Ikir'iwothi ariwa luwo pokopoko i dier ji perin, aka Ikir'ilim kwoŋ remo pa nyawoti win: An abedo Rwoth.
17 #
Mat 18:15
Ikir'idaki dhano moro je i cunyin; pusa go adieri, ŋey Ikir'itim reco kwoŋ go. 18#Mat 5:43; 19:19; 22:39; Mar 12:31; Luk 10:27; Rom 13:9; Gal 5:14; Yak 2:8Ikir'iculi kwor kosa imaki ŋonge kwoŋ nyithindho pa joger perin, to mar nyawotin paka in won imare. An abedo Rwoth.
19 #
Cik 22:9-11
Wiripo kuro cik paran. Wikiri wiwey ogwaŋe mewin wonywol gi man m'opokere; wikiri wicwoy kodhi ario i ndelo mewin; aka Ikir'iruki nanga m'okwoy kanyacel m'opokere.
20Ka jacwo moro onindo gi dhako ma ŋeca, m'oyido oyikere poro gi ŋatiman, to fodi k'omiy cul rigo kosa ogony go, worangi tiende. Wokiri woneki jo, rupiri oyido fodi k'ogony go. 21Jacwo no ripo kelo mic ma cul ri Rwoth, i dhiot ma Wema ma romo, wod rombo paka mic ma cul. 22Aka jacway ri Were i wi migam latimo cowirok ma cwako reco rigo gi wod rombo ma mic ma cul ruwaŋ Rwoth ri reco pere m'otimo; aka ilacwako rigo.
23Ka winotundi i piny ma Kanan to wifuro yen ma cemo m'opokere, witer olemo pajo paka gima kicam. Ma oro adek, labedo gima kicam riwin, kiripi camo. 24I oro mar'aŋwen ranyak pajo je wokethi gicen ma forok i Rwoth. 25To i oro mar'abic, winyalo camo olemo pajo, ŋey ranyak pa womedere ri rin: An abedo Rwoth Were mewin.
26 #
Cak 9:4; Jolevi 7:26,27; 17:10-14; Cik 12:16,23; 15:23; Cik 18:10 Wikiri wicam gimoro je gi remo mere. Wikiri wifonjere yido kosa jwok. 27#Jolevi 21:5; Cik 14:1Wikiri wiliel yer ma thengi wiwin kosa withum ye tik win. 28Wikiri wigwer delkwoŋ win ka wiywako jom'otho kosa wikethi cal moro je kwoŋ win: An abedo Rwoth.
29 #
Cik 23:18
Ikir'ikoci nyarin gi loko go malaya, kosa piny lapoŋ malayin kodi kidakana. 30#Jolevi 26:2Wikuri sabato paran to wiworo Kabedo Maleŋ: An abedo Rwoth.
31 #
Cik 18:11; 1 Sam 28:3; 2 Kerin 23:4; Isa 8:19 Wikiri wiwire cako dwaro rieko pa joma luwo gi tipo pa jom'otho kosa jojwok, wikiri wirangi jo, to jokoco win: An abedo Rwoth Were mewin.
32Iripo cungo ruwaŋ ŋat'otwi lwar, iripo woro ŋat'otegino. Iripo lworo Were perin: An abedo Rwoth.
33 #
Wok 22:20; Cik 24:17,18; 27:19 Ka jakicar obedi gi win i piny mewin, wikiri widiy go. 34Jakicar ma bedo gi win wobedi rin pa japiny i dier win; wimar jakicar paka wiwegi wimare, rupiri oyido wibende wibedo jokicar i piny ma Misir; An abedo Rwoth Were mewin.
35 #
Cik 25:13-16; Agec 20:10; Eze 45:10 Wikiri wikwal gi rapim kosa latir. 36Wiripo bedo gi kilo m'otire, latir m'otire, gi rapim m'otire: An abedo Rwoth Were mewin m'owodho win wok i piny ma Misir. 37Wikuri cik paran kodi or paran je, aka witim jo: An abedo Rwoth.
Currently Selected:
Jolevi 19: DHOPE
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Jolevi 19
19
Cik ma leŋo gi tiro
1Rwoth oluwo gi Musa ka waco ama: 2#Jolevi 11:44,45; 1 Pet 1:16Luw gi lwak pa Joisiraili aka iwaci rijo ni: Bedi win maleŋ rupiri An Rwoth Were mewin aleŋ. 3#Wok 20:12; Cik 5:16; Wok 20:8; Cik 5:12Kisi dhano wolwor min kodi bamere, aka wikuri sabato: An abedo Rwoth Were mewin. 4#Jolevi 26:1; Wok 20:23; 34:17; Cik 17:2-5Wikiri wiwire lamo werin ma bukony, aka wikiri witim cal ma nyweny m'oleny: An abedo Rwoth Were mewin.
5K'itimo cowirok ma mic ma siem ri Rwoth, iripo timo i nger ma miyo go nyalo jolo. 6Iripo camo i ndelo no won ma imiy'iye kosa yawere mere; aka m'odoŋ je tundo i ndelo mar'adek wowaŋ gi mac. 7Ka ocam adieri i ndelo mar'adek, obedo mienirok, aka k'ojol. 8Aka joma jocam je, jolatiŋo reco kwoŋ jo, kwoŋbedo jotieko koco gimaleŋ ri Rwoth, aka nger ŋato iripo poko woko kwoŋ ji pere.
9 #
Jolevi 27:15; Cik 24:19-22 K'ikeco ranyak ma ndelo perin, Ikir'ikeci kiri i thengi ndelo, aka ikir'igiki i ndelo keco m'obudhi. 10Ikir'ifoni olemo ma ndelo vini perin je, kosa icoki olemo m'ooy i ndelo vini perin; weyi ri jocandi kodi jopath: An abedo Rwoth Were mewin.
11 #
Wok 20:15; Cik 5:19; Wok 20:16; Cik 5:20 Ikir'ikwal; ikir'ibedi jabanirok, kosa iwondi nyawotin. 12#Wok 20:7; Cik 5:11; Mat 5:33Ikir'ikwoŋere nono gi nyingan, koco nyingi Were mewin: An abedo Rwoth.
13 #
Cik 24:14-15
Ikir'idiy jager perin, Ikir'ikwal; aka ikir'ikan cul pa jatic tundo odikin. 14#Cik 27:18Ikir'ilam ŋata ithe otho kosa ikethi gimoro yuwaŋ ŋata waŋ'otho; Iripo lworo Were mewin: An abedo Rwoth.
15 #
Wok 23:6-8; Cik 16:19 Ikir'ithum banja ma k'otire; Ikir'itim nyakucel ri jacandi kosa Ikir'ilwor joŋaŋo: Thum banja ri japiny perin gi tiro. 16Ikir'iwothi ariwa luwo pokopoko i dier ji perin, aka Ikir'ilim kwoŋ remo pa nyawoti win: An abedo Rwoth.
17 #
Mat 18:15
Ikir'idaki dhano moro je i cunyin; pusa go adieri, ŋey Ikir'itim reco kwoŋ go. 18#Mat 5:43; 19:19; 22:39; Mar 12:31; Luk 10:27; Rom 13:9; Gal 5:14; Yak 2:8Ikir'iculi kwor kosa imaki ŋonge kwoŋ nyithindho pa joger perin, to mar nyawotin paka in won imare. An abedo Rwoth.
19 #
Cik 22:9-11
Wiripo kuro cik paran. Wikiri wiwey ogwaŋe mewin wonywol gi man m'opokere; wikiri wicwoy kodhi ario i ndelo mewin; aka Ikir'iruki nanga m'okwoy kanyacel m'opokere.
20Ka jacwo moro onindo gi dhako ma ŋeca, m'oyido oyikere poro gi ŋatiman, to fodi k'omiy cul rigo kosa ogony go, worangi tiende. Wokiri woneki jo, rupiri oyido fodi k'ogony go. 21Jacwo no ripo kelo mic ma cul ri Rwoth, i dhiot ma Wema ma romo, wod rombo paka mic ma cul. 22Aka jacway ri Were i wi migam latimo cowirok ma cwako reco rigo gi wod rombo ma mic ma cul ruwaŋ Rwoth ri reco pere m'otimo; aka ilacwako rigo.
23Ka winotundi i piny ma Kanan to wifuro yen ma cemo m'opokere, witer olemo pajo paka gima kicam. Ma oro adek, labedo gima kicam riwin, kiripi camo. 24I oro mar'aŋwen ranyak pajo je wokethi gicen ma forok i Rwoth. 25To i oro mar'abic, winyalo camo olemo pajo, ŋey ranyak pa womedere ri rin: An abedo Rwoth Were mewin.
26 #
Cak 9:4; Jolevi 7:26,27; 17:10-14; Cik 12:16,23; 15:23; Cik 18:10 Wikiri wicam gimoro je gi remo mere. Wikiri wifonjere yido kosa jwok. 27#Jolevi 21:5; Cik 14:1Wikiri wiliel yer ma thengi wiwin kosa withum ye tik win. 28Wikiri wigwer delkwoŋ win ka wiywako jom'otho kosa wikethi cal moro je kwoŋ win: An abedo Rwoth.
29 #
Cik 23:18
Ikir'ikoci nyarin gi loko go malaya, kosa piny lapoŋ malayin kodi kidakana. 30#Jolevi 26:2Wikuri sabato paran to wiworo Kabedo Maleŋ: An abedo Rwoth.
31 #
Cik 18:11; 1 Sam 28:3; 2 Kerin 23:4; Isa 8:19 Wikiri wiwire cako dwaro rieko pa joma luwo gi tipo pa jom'otho kosa jojwok, wikiri wirangi jo, to jokoco win: An abedo Rwoth Were mewin.
32Iripo cungo ruwaŋ ŋat'otwi lwar, iripo woro ŋat'otegino. Iripo lworo Were perin: An abedo Rwoth.
33 #
Wok 22:20; Cik 24:17,18; 27:19 Ka jakicar obedi gi win i piny mewin, wikiri widiy go. 34Jakicar ma bedo gi win wobedi rin pa japiny i dier win; wimar jakicar paka wiwegi wimare, rupiri oyido wibende wibedo jokicar i piny ma Misir; An abedo Rwoth Were mewin.
35 #
Cik 25:13-16; Agec 20:10; Eze 45:10 Wikiri wikwal gi rapim kosa latir. 36Wiripo bedo gi kilo m'otire, latir m'otire, gi rapim m'otire: An abedo Rwoth Were mewin m'owodho win wok i piny ma Misir. 37Wikuri cik paran kodi or paran je, aka witim jo: An abedo Rwoth.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.