Hoseya 2
2
1 #
Rom 9:26
Lwoŋ Isiraili ni “Ji paran.”#2:1 Ji paran I dhohiburu ni Ami Aka wade perin man ni, “Inyutho go wor.”#2:1 Inyutho go wor I dhohiburu ni Ruhama
Isiraili cale dhako ma kigenere
2Ywakere ri min in, ywakere,
kole go k'obedo dhako paran,
aka akibedo cwore,
ma okwany woko kidakana pere,
kodi cot pere i dier thundho pere,
3Kole alalunyo go kinyoro
t'athango go paka i ndelo m'onywol'iye go.
Alaloko go paka thim,
t'adwoko go i lowo m'opalipat,
t'aneko go gi riyo.
4Kwoŋ nyithindho pere bende, akilamako wor,
rupiri jobedo nyithindho ma kidakana.
5Kole min jo timo kidakana;
go m'ogamo jo i iye otimo giwickwot.
Kole go owaco ni, “Aladwaro jomitirok paran;
jo ama jomiyan cemo gi pi,
yer rombo paran gi law mafoth, mo paran gi gir'amadha paran.”
6Riameno alagoyo cel gi kudhin athoki gine go;
aka alageto kor ot kwoŋe,
ŋey wokiri wonwaŋi ger pere.
7Go laŋwec riemo jomitirok pere,
to k'omaki jo;
ladwaro jo,
to k'onwaŋ jo.
Nyaka to go waco ni, “Alakadho t'agik bongi cworan marapena,
rupiri oyido bero nitie ran con mere loyo pama.”
8Go k'oŋeyo
ni oyido obedo An ma miyo go
kodhi cemo, vini, kodi mo,
kodi ŋat'oywoyo kwoŋe feza kweth,
kodi zahabu ma jooro ri Bal.
9Riameno aladwoko,
kodhi paran i hongo mere,
kodi vini paran i hongo mere;
alakwanyo woko yer rombo paran gi law paran mafoth,
m'oyido ilaumo gine kinyoro pere.
10Pama onyo alathango wickwot pere,
ruwaŋ jomitirok pere,
aka ongoye ŋata labotho go i cingan.
11Alaketho i gike yumirok pere je,
kalimin pere, dwe pere manyen, sabato pere je,
kodi kalimin pere m'oyik je.
12Alakedho woko vini pere gi kiti makuyu m'icamo,
ma go oluwo kwoŋe ni,
“Me cul paran,
ma jomitirok paran jomiyan.”
Alaloko jo lul,
aka ogwaŋe mager madudi lacuto jo.
13Alamiyo go gir'acula ro ndelin ma go otim'iye kalima ri Bal,
ma go owaŋ'iye buban rijo,
to ruko peta pere ma thiwino,
to kadho dwaro jomitirok pere,
to wiye wil kodan, Rwoth waco.
14Riameno, aladwoŋo go,
t'akelo go i thim,
t'aluwo gine gi mwolo.
15Gikenyo alamiyo ndelin vini pere,
t'aloko milelo ma Akor dhiot ma geno.
Kenyo go ladwokan paka i ndelo ma go oyido fodi soye,
paka i hongo ma go owok'iye woko i piny ma Misir.
16I ndelo no, Rwoth waco, ilalwoŋan ni, “Cworan.” Ma kiweno kendo ni, “Bal paran.”#2:16 Bal paran Dwoŋ mere ni Jadwoŋ 17#Yos 7:24-26Kole alakwanyo woko nyingi Bal i dhoke, aka k'otuci nyingi jo kendo. 18Alatimo riwin cikirok i ndelo no g'ogwaŋe mager, winyin ma koyo, kodi gigipiny ma lak piny; alaturo woko asere, abor kodi lweny i piny; t'amiyo win nindo ma bu teko. 19Alalokin dhako paran cil gi cil; alalokin dhako paran i tiro kodi iy'adieri, i mar makiwire, kodi i wor. 20Alalokin dhako paran i genirok; aka ilaŋeyo Rwoth.
21I ndelo no aladwoko, Rwoth waco,
aladwoko polo,
aka joladwoko piny;
22piny ladwoko kodhi, vini kodi mo,
aka joladwoko Yezirel.
23Alamiyo go wocungi matek ri an won i piny.
Alamako wor gi Loruhama,
alawaco ri Loami ni, “Wibedo ji paran.”
Aka jolawaco ni, “Ibedo Were mawan.”
Currently Selected:
Hoseya 2: DHOPE
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.