Wok 40
40
Tiŋo malo gi miyo Rwoth Wema maleŋ
1Rwoth owaco ri Musa ni, 2“K'acel i dwe mar'acel kethi Wema Maleŋ wocungi. 3Kethi Kakan ma Cikirok m'otiŋo Or Apar i iye aka ikethi nanga ma liero i nyime. 4Keli meza aka ikethi gigipiny mere i iye. Bende keli raŋaw tala aka ikethi talin mere i iye. 5Kethi migam ma zahabu ma waŋo buban ruwaŋ Kakan ma Cikirok aka ilieri nanga ma liero i dhiot ma Wema. 6Kethi migam ma waŋo mic ruwaŋ Wema. 7Kethi kalaya ma lwoki i dier Wema kodi migam aka ipoŋ'iye pi. 8Kethi diedipo ma thoko aka ilieri nanga ma liero i waŋkac mere.”
9“Kenyo kethi gicen Wema gi gigipiny mere gi wiro gi mo, aka labedo maleŋ. 10Ma luwo, kethi gicen migam gi gigipiny mere je gi wiro gi mo, aka labedo maleŋ kicutho. 11Bende kethi gicen kalaya ma lwok gi pende je i nger acel.”
12“Keli Aron gi wote i dhiot ma Wema, aka iwaci rijo jowolwokere gi pi. 13Ruk Aron i ruk pa jocway ri Were i wi migam, wir go gi mo, aka i nger acel ikethi go gicen, ŋey wonyali tiyo ran paka jacway ri Were i wi migam. 14Keli wote bende aka iruki rijo satere. 15Kenyo wir jo gi mo, paka iwiro bajo, ŋey jowotiy ran paka jocway ri Were i wi migam. Wiro jo me bino loko jo jocway ri Were i wi migam ma hongo je ma bino.”
16Ameno Musa otimo kisi gimoro je paka Rwoth omiyo go or. 17Aka k'acel i dwe mar'acel ma oro mar'ario rumacen ma jotieko eye i Misir, okethi Wema Maleŋ to cungo. 18Musa oketho pende je piny, oketho miangin mere cungo, oriwo yen ariwa mere to ketho asu mere. 19Oyaro giumo i wi Wema to ketho giumo ma woko, paka Rwoth oyido owodho or. 20Kenyo okwanyo telin mapando ario aka oketho i Kakan ma Cikirok. Oketho gute i petin ma Kakan ma Cikirok aka oketho giumo i wiye. 21Kenyo Musa oketho Kakan ma Cikirok i Wema to liero nanga ma liero malo. I nger me ogeŋo Kakan ma Cikirok paka Rwoth oyido owodho or.
22Musa oketho meza i Wema, yuthenge ma yumalo woko ma nanga ma liero, 23aka oketh'iye mugat m'imiyo Rwoth, paka Rwoth oyido owodho or. 24Oketho raŋaw tala i Wema, yuthenge ma yupiny tirtir gi meza, 25aka kenyo ruwaŋ Rwoth ocwinyo talin paka Rwoth oyido owodho or. 26Musa oketho migam ma zahabu i Wema ruwaŋ nanga ma liero, 27aka owaŋ'iye buban maŋwe kur paka Rwoth oyido owodho or. 28Oketho nanga ma liero i dhiot ma Wema, 29aka kenyo ruwaŋ nanga ma liero oketho migam ma waŋo mic. Musa omiyo cowirok awaŋa paka Rwoth oyido owodho or. 30Musa oketho kalaya ma lwok i dier Wema gi migam aka opoŋo gi pi. 31Musa, Aron gi wot Aron jolwoko cingi gin gi tiendi gin kenyo 32kisi ka jodonjo i Wema kosa i migam paka Rwoth oyido owodho or. 33Musa oketho diedipo thoko Wema kodi migam aka oliero nanga ma liero i waŋkac ma diedipo. Ameno ocowo tic je.
Pondeponde wi Wema Maleŋ
34 #
1 Kerin 8:10,11; Isa 6:4; Eze 43:4,5; Meny 15:8 Kenyo pondeponde oumo Wema aka dwoŋ pa Rwoth opoŋ i Wema. 35Ro gime Musa k'onyalo donjo i Wema. 36I woth pajo je Joisiraili oyido jokodere i kabedo man nyaka ka pondeponde oay wok kwoŋ Wema. 37To kafodi pondeponde koay, jok'okodo kambi pajo. 38Kole i woth pajo je oyido joneno pondeponde pa Rwoth i wi Wema odieceŋ aka wor mac maliel i wiye.
Currently Selected:
Wok 40: DHOPE
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Wok 40
40
Tiŋo malo gi miyo Rwoth Wema maleŋ
1Rwoth owaco ri Musa ni, 2“K'acel i dwe mar'acel kethi Wema Maleŋ wocungi. 3Kethi Kakan ma Cikirok m'otiŋo Or Apar i iye aka ikethi nanga ma liero i nyime. 4Keli meza aka ikethi gigipiny mere i iye. Bende keli raŋaw tala aka ikethi talin mere i iye. 5Kethi migam ma zahabu ma waŋo buban ruwaŋ Kakan ma Cikirok aka ilieri nanga ma liero i dhiot ma Wema. 6Kethi migam ma waŋo mic ruwaŋ Wema. 7Kethi kalaya ma lwoki i dier Wema kodi migam aka ipoŋ'iye pi. 8Kethi diedipo ma thoko aka ilieri nanga ma liero i waŋkac mere.”
9“Kenyo kethi gicen Wema gi gigipiny mere gi wiro gi mo, aka labedo maleŋ. 10Ma luwo, kethi gicen migam gi gigipiny mere je gi wiro gi mo, aka labedo maleŋ kicutho. 11Bende kethi gicen kalaya ma lwok gi pende je i nger acel.”
12“Keli Aron gi wote i dhiot ma Wema, aka iwaci rijo jowolwokere gi pi. 13Ruk Aron i ruk pa jocway ri Were i wi migam, wir go gi mo, aka i nger acel ikethi go gicen, ŋey wonyali tiyo ran paka jacway ri Were i wi migam. 14Keli wote bende aka iruki rijo satere. 15Kenyo wir jo gi mo, paka iwiro bajo, ŋey jowotiy ran paka jocway ri Were i wi migam. Wiro jo me bino loko jo jocway ri Were i wi migam ma hongo je ma bino.”
16Ameno Musa otimo kisi gimoro je paka Rwoth omiyo go or. 17Aka k'acel i dwe mar'acel ma oro mar'ario rumacen ma jotieko eye i Misir, okethi Wema Maleŋ to cungo. 18Musa oketho pende je piny, oketho miangin mere cungo, oriwo yen ariwa mere to ketho asu mere. 19Oyaro giumo i wi Wema to ketho giumo ma woko, paka Rwoth oyido owodho or. 20Kenyo okwanyo telin mapando ario aka oketho i Kakan ma Cikirok. Oketho gute i petin ma Kakan ma Cikirok aka oketho giumo i wiye. 21Kenyo Musa oketho Kakan ma Cikirok i Wema to liero nanga ma liero malo. I nger me ogeŋo Kakan ma Cikirok paka Rwoth oyido owodho or.
22Musa oketho meza i Wema, yuthenge ma yumalo woko ma nanga ma liero, 23aka oketh'iye mugat m'imiyo Rwoth, paka Rwoth oyido owodho or. 24Oketho raŋaw tala i Wema, yuthenge ma yupiny tirtir gi meza, 25aka kenyo ruwaŋ Rwoth ocwinyo talin paka Rwoth oyido owodho or. 26Musa oketho migam ma zahabu i Wema ruwaŋ nanga ma liero, 27aka owaŋ'iye buban maŋwe kur paka Rwoth oyido owodho or. 28Oketho nanga ma liero i dhiot ma Wema, 29aka kenyo ruwaŋ nanga ma liero oketho migam ma waŋo mic. Musa omiyo cowirok awaŋa paka Rwoth oyido owodho or. 30Musa oketho kalaya ma lwok i dier Wema gi migam aka opoŋo gi pi. 31Musa, Aron gi wot Aron jolwoko cingi gin gi tiendi gin kenyo 32kisi ka jodonjo i Wema kosa i migam paka Rwoth oyido owodho or. 33Musa oketho diedipo thoko Wema kodi migam aka oliero nanga ma liero i waŋkac ma diedipo. Ameno ocowo tic je.
Pondeponde wi Wema Maleŋ
34 #
1 Kerin 8:10,11; Isa 6:4; Eze 43:4,5; Meny 15:8 Kenyo pondeponde oumo Wema aka dwoŋ pa Rwoth opoŋ i Wema. 35Ro gime Musa k'onyalo donjo i Wema. 36I woth pajo je Joisiraili oyido jokodere i kabedo man nyaka ka pondeponde oay wok kwoŋ Wema. 37To kafodi pondeponde koay, jok'okodo kambi pajo. 38Kole i woth pajo je oyido joneno pondeponde pa Rwoth i wi Wema odieceŋ aka wor mac maliel i wiye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.