Joroma 12
12
Kwo i tic pa Were
1Am'omiyo, wutmera, ro wor pa Were m'oasere riwan, agoyo riwin koko me: Miy win delkwoŋ win ri Were paka cowirok makwo, maleŋ ma sangala go. Meno a lamo ma cuny ma wiripo cwayo rigo. 2Wikiri wiluw kula ma piny me, to bedi win ma wiwire i paro mewin, aka nyaka wibino ŋeyo mito pa Were; gimaber ma sangala go, odoko m'olony kicutho.
3Aka gi mic ma nema ma Were omiyan awaco gime ri wijoje: Wikiri wipar ni win malo loyo kama di wipar'iye. Kucel, bedi win milengela i paro mewin, kisi dhano kwoŋ win, ma ripo gi yeyo ma Were omiyo go. 4#1 Kor 12:12Wanitie g'adec madit i del acel, aka adec me je nitie gi tic mere. 5Ameno kada wathothi, je fodi wabedo del acel i Kristo, aka wamakere kanyacel paka adec m'opokere opokere ma del acel. 6#1 Kor 12:4-11Am'omiyo paka wanitie gi mic m'opokere opokere cungo kwoŋ nema ma Were omiyo wan, weyi waori ama: K'obedo mic ma tuco mikwenda ma wok bongi Were, tim ameno cungo kwoŋ yeyo m'inigine. 7K'obedo mic ma cwayo, tiyi ri jowotin; k'obedo mic ma fonji, fonji wadin. 8K'obedo mic ma medo wadin miseni, tim ameno; ŋata poko ri joman gima go nitie gine, wopok gi cunye maber; jatel, wotiy gi meni; jawor, wonyuthi wadi wor gi kisangala.
9Mar ripo bedo mar'adieri. Kwer gimarac, cwire kwoŋ gimaber. 10Mare win gi owirok ma cuny paka wutmere i Kristo, odoko bedi win mayil i miyo jowoti win dwoŋ. 11Tiyi win matek, aka wikiri wibedi manyap. Cway win ri Rwoth gi cuny win je. 12Weyi geno mewin womiy win kisangala, diy win cuny win i teko mewin, aka kway win Were hongo je. 13Pok win ye lim mewin gi wutmin win ma jocando, odoko weyi win pecin mewin thwolo ri wendo.
14 #
Mat 5:44; Luk 6:28 Kway win Were womiy joma lwenyo kodi win silwany; ey, kway wi go womiy jo silwany makiweno kwoŋ. 15Sangala win gi joma sangala, ywak win gi joma ywak. 16#Agec 3:7Nyuthi win dhano je cuny maber marom. Wikiri wibedi jokwoto, to joli win tic kada ma piny. Wikiri wibedi gi paro ni wiriek.
17Ka nyatoro otimo riwin marac, wikiri wicul kwor. Tem win timo gima ji je tero ni ber. 18Tem win paka nyalere neno ni wibedo i siem gi ji je. 19#Cik 32:35Wikiri wicul kwor wiwegi, jowotan; kucel weyi win keme pa Were ama woculi. Kole ndiko waco ni, “Rwoth waco ni, ‘Culo kwor obedo aparan; abino culo.’ ” 20#Agec 25:21-22Kucel ndiko waco ni, “Ka jakwor perin kec neko, pidhi go; ka riyo neko, miy go gir'amadha; kole k'itimo ameno, meno cal pa onyo itoko cuk mac malieth i wiye.” 21Ikir'iyey reco wodhumin; kucel loy reco gi bero.
Currently Selected:
Joroma 12: DHOCDC
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Joroma 12
12
Kwo i tic pa Were
1Am'omiyo, wutmera, ro wor pa Were m'oasere riwan, agoyo riwin koko me: Miy win delkwoŋ win ri Were paka cowirok makwo, maleŋ ma sangala go. Meno a lamo ma cuny ma wiripo cwayo rigo. 2Wikiri wiluw kula ma piny me, to bedi win ma wiwire i paro mewin, aka nyaka wibino ŋeyo mito pa Were; gimaber ma sangala go, odoko m'olony kicutho.
3Aka gi mic ma nema ma Were omiyan awaco gime ri wijoje: Wikiri wipar ni win malo loyo kama di wipar'iye. Kucel, bedi win milengela i paro mewin, kisi dhano kwoŋ win, ma ripo gi yeyo ma Were omiyo go. 4#1 Kor 12:12Wanitie g'adec madit i del acel, aka adec me je nitie gi tic mere. 5Ameno kada wathothi, je fodi wabedo del acel i Kristo, aka wamakere kanyacel paka adec m'opokere opokere ma del acel. 6#1 Kor 12:4-11Am'omiyo paka wanitie gi mic m'opokere opokere cungo kwoŋ nema ma Were omiyo wan, weyi waori ama: K'obedo mic ma tuco mikwenda ma wok bongi Were, tim ameno cungo kwoŋ yeyo m'inigine. 7K'obedo mic ma cwayo, tiyi ri jowotin; k'obedo mic ma fonji, fonji wadin. 8K'obedo mic ma medo wadin miseni, tim ameno; ŋata poko ri joman gima go nitie gine, wopok gi cunye maber; jatel, wotiy gi meni; jawor, wonyuthi wadi wor gi kisangala.
9Mar ripo bedo mar'adieri. Kwer gimarac, cwire kwoŋ gimaber. 10Mare win gi owirok ma cuny paka wutmere i Kristo, odoko bedi win mayil i miyo jowoti win dwoŋ. 11Tiyi win matek, aka wikiri wibedi manyap. Cway win ri Rwoth gi cuny win je. 12Weyi geno mewin womiy win kisangala, diy win cuny win i teko mewin, aka kway win Were hongo je. 13Pok win ye lim mewin gi wutmin win ma jocando, odoko weyi win pecin mewin thwolo ri wendo.
14 #
Mat 5:44; Luk 6:28 Kway win Were womiy joma lwenyo kodi win silwany; ey, kway wi go womiy jo silwany makiweno kwoŋ. 15Sangala win gi joma sangala, ywak win gi joma ywak. 16#Agec 3:7Nyuthi win dhano je cuny maber marom. Wikiri wibedi jokwoto, to joli win tic kada ma piny. Wikiri wibedi gi paro ni wiriek.
17Ka nyatoro otimo riwin marac, wikiri wicul kwor. Tem win timo gima ji je tero ni ber. 18Tem win paka nyalere neno ni wibedo i siem gi ji je. 19#Cik 32:35Wikiri wicul kwor wiwegi, jowotan; kucel weyi win keme pa Were ama woculi. Kole ndiko waco ni, “Rwoth waco ni, ‘Culo kwor obedo aparan; abino culo.’ ” 20#Agec 25:21-22Kucel ndiko waco ni, “Ka jakwor perin kec neko, pidhi go; ka riyo neko, miy go gir'amadha; kole k'itimo ameno, meno cal pa onyo itoko cuk mac malieth i wiye.” 21Ikir'iyey reco wodhumin; kucel loy reco gi bero.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.