Wok 24
24
Ridho Cikirok
1Rwoth owaco ri Musa ni, “Biye bongan wi got malo, in kodi Aron, Nadab, Abihu, kodi jodongo piero abirio ma Isiraili, aka ma fodi wikitundo, kule win wilaman. 2In kendin iŋat'ibin cegin gi Rwoth, to ji man jokiri jowocore cegin, aka ji jokiri jowobin malo gi jo.”
3Musa obino to waco ri ji je Or pa Rwoth gi cik je, aka ji je jodwoko akwora ni, “Walatimo gima Rwoth owaco je.” 4Musa ondiko piny Or pa Rwoth je. Yawere odikin maŋic ogeto migam ri Rwoth i tiendi got aka oketho telin apar g'ario, acel ri kisi nonin apar g'ario ma Isiraili. 5Kenyo ooro yac, aka jomiyo Rwoth cowirok awaŋa to jomiyo megikwe paka cowirok ma siem. 6Musa okwanyo adec ma remo mar'ogwaŋe aka oketho i kalaya aka man okiro i wi migam. 7Kenyo okwanyo kitawo ma cikirok m'oyido ondiki iye Or pa Rwoth to soma ri ji, aka jodwoko ni, “Wabino timo kisi gima Rwoth owaco aka wabino winjo.”
8 #
Mat 26:28; Mar 14:24; Luk 22:20; 1 Kor 11:25; Ebu 10:29; Ebu 9:19-20 Musa okwanyo remo to kiro kwoŋ ji to waco ni, “Me remo ma ridho cikirok ma Rwoth otimo gi win munyo omiyo Or me je.”
9Musa, Aron, Nadab, Abihu, kodi jodongo piero abirio ma Isiraili joidho malo wi got 10aka joneno Were pa Isiraili. I par tiende oyido nitie gima cale tele ma welo manyabululu pa polo m'ilwoŋo ni Safire. 11Were k'omiyo go litho jodongo ma Isiraili, joneno Were, aka jocemo to jomedho kanyacel.
Musa wi got Sinai
12Rwoth owaco ri Musa ni, “Biye malo bongan wi got, aka ikuri kenyo. Alamiyin telin mapando ario manitie iye cik gi Or m'atieko ndiko ma fonjo jo.” 13Ameno Musa oay gi jakony pere Yosuwa, aka Musa oidho wi got pa Were. 14Aka owaco ri jodongo ni, “Kur win ka, cuka wanodwoki bongi win kendo, aka neni, Aron gi Hur jonitie gi win ŋata nitie gi teko wokidhi bongi jo.”
15Musa oidho wi got aka pondeponde oumo. 16Dwoŋ pa Rwoth obino wi got Sinai to pondeponde umo got ma ndelo aucel. I ndelo mar'abirio Rwoth olwoŋo Musa wok i pondeponde. 17Onyo cal madwoŋ pa Rwoth oyido cale mac maliel wi got i waŋ Joisiraili. 18Aka Musa odonjo i pondeponde to idho wi got. Musa obedo wi got ma ndelo piero aŋwen, wor gi odieceŋ.
Currently Selected:
Wok 24: DHOCDC
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Wok 24
24
Ridho Cikirok
1Rwoth owaco ri Musa ni, “Biye bongan wi got malo, in kodi Aron, Nadab, Abihu, kodi jodongo piero abirio ma Isiraili, aka ma fodi wikitundo, kule win wilaman. 2In kendin iŋat'ibin cegin gi Rwoth, to ji man jokiri jowocore cegin, aka ji jokiri jowobin malo gi jo.”
3Musa obino to waco ri ji je Or pa Rwoth gi cik je, aka ji je jodwoko akwora ni, “Walatimo gima Rwoth owaco je.” 4Musa ondiko piny Or pa Rwoth je. Yawere odikin maŋic ogeto migam ri Rwoth i tiendi got aka oketho telin apar g'ario, acel ri kisi nonin apar g'ario ma Isiraili. 5Kenyo ooro yac, aka jomiyo Rwoth cowirok awaŋa to jomiyo megikwe paka cowirok ma siem. 6Musa okwanyo adec ma remo mar'ogwaŋe aka oketho i kalaya aka man okiro i wi migam. 7Kenyo okwanyo kitawo ma cikirok m'oyido ondiki iye Or pa Rwoth to soma ri ji, aka jodwoko ni, “Wabino timo kisi gima Rwoth owaco aka wabino winjo.”
8 #
Mat 26:28; Mar 14:24; Luk 22:20; 1 Kor 11:25; Ebu 10:29; Ebu 9:19-20 Musa okwanyo remo to kiro kwoŋ ji to waco ni, “Me remo ma ridho cikirok ma Rwoth otimo gi win munyo omiyo Or me je.”
9Musa, Aron, Nadab, Abihu, kodi jodongo piero abirio ma Isiraili joidho malo wi got 10aka joneno Were pa Isiraili. I par tiende oyido nitie gima cale tele ma welo manyabululu pa polo m'ilwoŋo ni Safire. 11Were k'omiyo go litho jodongo ma Isiraili, joneno Were, aka jocemo to jomedho kanyacel.
Musa wi got Sinai
12Rwoth owaco ri Musa ni, “Biye malo bongan wi got, aka ikuri kenyo. Alamiyin telin mapando ario manitie iye cik gi Or m'atieko ndiko ma fonjo jo.” 13Ameno Musa oay gi jakony pere Yosuwa, aka Musa oidho wi got pa Were. 14Aka owaco ri jodongo ni, “Kur win ka, cuka wanodwoki bongi win kendo, aka neni, Aron gi Hur jonitie gi win ŋata nitie gi teko wokidhi bongi jo.”
15Musa oidho wi got aka pondeponde oumo. 16Dwoŋ pa Rwoth obino wi got Sinai to pondeponde umo got ma ndelo aucel. I ndelo mar'abirio Rwoth olwoŋo Musa wok i pondeponde. 17Onyo cal madwoŋ pa Rwoth oyido cale mac maliel wi got i waŋ Joisiraili. 18Aka Musa odonjo i pondeponde to idho wi got. Musa obedo wi got ma ndelo piero aŋwen, wor gi odieceŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.