Wok 18
18
Yethiro wendo ri Musa
1Yethiro or Musa, aka jacway ri Were i wi migam ma Midian owinjo kwoŋ gima Were oyido otimo ri Musa kodi Joisiraili munyo otelo jo wok i Misir. 2Onyo Yethiro obino, aka okelo cipa Musa m'oyido owey cen, 3#Tim 7:29kodi wot Musa ario, Gerison ma nyinge nyutho ni oyido abedo jawoth i piny pa jopath, 4aka man oyido ilwoŋo ni Elieza kole owaco ni, “Were pa baba okonyan to bothan, kwoŋ abor pa Farawo.” 5Yethiro obino gi cipa Musa gi wote ario i thim kama Musa oyido oketh'iye kambi i got maleŋ. 6Yethiro oyido odhiro rigo wac nike jobino, 7ameno Musa owok romo gi go, okule piny, aka ocwiyo lembe. Jopenjere kwoŋ kwo pajo to jodonjo i wema pa Musa. 8Musa owaco ri Yethiro kisi gima Rwoth otimo ri Farawo gi Jomisir ŋey wobothi Joisiraili. Go bende owaco ri Yethiro kwoŋ dinyo ma ji joneno i yo kodi nger ma Rwoth obotho iye jo. 9Munyo Yethiro owinjo gime je, osangala 10aka owaco ni, “Rwoth wopak m'obotho win wok i cingi Farawo gi Jomisir. Rwoth wopak m'obotho ji pere bedo ŋecin! 11Onyo pama aŋeyo nike Rwoth dwoŋ loyo werin je, kwoŋbedo obotho ji pere wok i cingi Jomisir munyo oyido jotero jo gi cay.” 12Kenyo Yethiro omiyo mic awaŋa gi cowirok man ri Were, aka Aron obino gi jotel pa Joisiraili je to jocamo mugat kanyacel gi or Musa ruwaŋ Were.
Musa ketho jothum banja
(Cik 1:9-18)
13Yawere Musa oyido winjo banjin i dier ji, aka obedo gi tic wok odikin kiri wor. 14Munyo Yethiro oneno kisi gima Musa oyido timo ri ji, openjo ni, “Me je ginaŋo m'itimo ri ji? Raŋo itimo gime je kendin, gi ji cungo ka wok odikin tundo othieno?”
15Musa odwoko ni, “Kwoŋbedo ji jobino bongan ŋeyo mito pa Were. 16Ka j'ario jonitie gi dhaw, jobino bongan t'awaco ŋat'otire, aka bende awaco rijo or gi cik pa Were.”
17Kenyo Yethiro owaco ri Musa ni, “Gim'itimo kiber. 18In kiri gi ji je wibino ol. Gime dit rin timo kendin. 19Onyo winjan, abino miyin rieko aka Were bino bedo kodin. Otire rin pido ri ji ruwaŋ Were t'ikelo dhaw pajo rigo. 20Iripo fonjo jo or pa Were kodi tito rijo nger ma joripo woth'iye, kodi gima joripo timo. 21To medo i wi meno, iripo yero cwo ma jonitie gi nyalo, ma jolworo Were, ma jogenere, aka jokijol nyew. Ikethi jo telo ji i kitipa ma ganin, miya, piero abic, kodi apar. 22Weyi jowothum banja kisi hongo. Banjin matek mere jowokeli rin, aka mathindho mere jowothum. Meno bino loko rin tic mayot, ka bende jotiŋo bieto me kodin. 23K'itimo gime, paka Were wodho or, in won ikibino ol, aka ji me je jonyalo dok munyo dhaw pajo okwey.”
24Musa otero rieko pa Yethiro 25aka oyero cwo ma jonitie gi nyalo wok kwoŋ Joisiraili. Oketho jo telo kitipin ma ganin, miya, piero abic, kodi apar. 26Jothumo ri ji banja kisi hongo; matek mere jotero ri Musa, aka mayot mere jo wegi jothumo.
27Kenyo Yethiro osewila Musa, to Yethiro dok peco.
Currently Selected:
Wok 18: DHOCDC
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Wok 18
18
Yethiro wendo ri Musa
1Yethiro or Musa, aka jacway ri Were i wi migam ma Midian owinjo kwoŋ gima Were oyido otimo ri Musa kodi Joisiraili munyo otelo jo wok i Misir. 2Onyo Yethiro obino, aka okelo cipa Musa m'oyido owey cen, 3#Tim 7:29kodi wot Musa ario, Gerison ma nyinge nyutho ni oyido abedo jawoth i piny pa jopath, 4aka man oyido ilwoŋo ni Elieza kole owaco ni, “Were pa baba okonyan to bothan, kwoŋ abor pa Farawo.” 5Yethiro obino gi cipa Musa gi wote ario i thim kama Musa oyido oketh'iye kambi i got maleŋ. 6Yethiro oyido odhiro rigo wac nike jobino, 7ameno Musa owok romo gi go, okule piny, aka ocwiyo lembe. Jopenjere kwoŋ kwo pajo to jodonjo i wema pa Musa. 8Musa owaco ri Yethiro kisi gima Rwoth otimo ri Farawo gi Jomisir ŋey wobothi Joisiraili. Go bende owaco ri Yethiro kwoŋ dinyo ma ji joneno i yo kodi nger ma Rwoth obotho iye jo. 9Munyo Yethiro owinjo gime je, osangala 10aka owaco ni, “Rwoth wopak m'obotho win wok i cingi Farawo gi Jomisir. Rwoth wopak m'obotho ji pere bedo ŋecin! 11Onyo pama aŋeyo nike Rwoth dwoŋ loyo werin je, kwoŋbedo obotho ji pere wok i cingi Jomisir munyo oyido jotero jo gi cay.” 12Kenyo Yethiro omiyo mic awaŋa gi cowirok man ri Were, aka Aron obino gi jotel pa Joisiraili je to jocamo mugat kanyacel gi or Musa ruwaŋ Were.
Musa ketho jothum banja
(Cik 1:9-18)
13Yawere Musa oyido winjo banjin i dier ji, aka obedo gi tic wok odikin kiri wor. 14Munyo Yethiro oneno kisi gima Musa oyido timo ri ji, openjo ni, “Me je ginaŋo m'itimo ri ji? Raŋo itimo gime je kendin, gi ji cungo ka wok odikin tundo othieno?”
15Musa odwoko ni, “Kwoŋbedo ji jobino bongan ŋeyo mito pa Were. 16Ka j'ario jonitie gi dhaw, jobino bongan t'awaco ŋat'otire, aka bende awaco rijo or gi cik pa Were.”
17Kenyo Yethiro owaco ri Musa ni, “Gim'itimo kiber. 18In kiri gi ji je wibino ol. Gime dit rin timo kendin. 19Onyo winjan, abino miyin rieko aka Were bino bedo kodin. Otire rin pido ri ji ruwaŋ Were t'ikelo dhaw pajo rigo. 20Iripo fonjo jo or pa Were kodi tito rijo nger ma joripo woth'iye, kodi gima joripo timo. 21To medo i wi meno, iripo yero cwo ma jonitie gi nyalo, ma jolworo Were, ma jogenere, aka jokijol nyew. Ikethi jo telo ji i kitipa ma ganin, miya, piero abic, kodi apar. 22Weyi jowothum banja kisi hongo. Banjin matek mere jowokeli rin, aka mathindho mere jowothum. Meno bino loko rin tic mayot, ka bende jotiŋo bieto me kodin. 23K'itimo gime, paka Were wodho or, in won ikibino ol, aka ji me je jonyalo dok munyo dhaw pajo okwey.”
24Musa otero rieko pa Yethiro 25aka oyero cwo ma jonitie gi nyalo wok kwoŋ Joisiraili. Oketho jo telo kitipin ma ganin, miya, piero abic, kodi apar. 26Jothumo ri ji banja kisi hongo; matek mere jotero ri Musa, aka mayot mere jo wegi jothumo.
27Kenyo Yethiro osewila Musa, to Yethiro dok peco.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.