Wok 1
1
Joisiraili jocandere i Misir
1Me nyingi wot Yakobo ma jokadho i Misir kodi Yakobo, joje gi pecin pajo. 2Ruben, Simeo, Levi, kodi Yuda. 3Isakar, Zebulun, kodi Benyamin, 4Dan kodi Nafital, Gad kodi Aser. 5Welo pa nyikway Yakobo je oyido piero abirio, aka Yakobo oyido nitie i Misir. 6Kenyo Yozefu gi wutmin kodi luse pere je jotho woko. 7#Tim 7:17To nyikway Yakobo jolimo nyithindho kweth ma jomedere i welo aka jolokere matek to jomore i Misir.
8Kenyo kere manyen m'oyido fodi k'oŋeyo Yozefu, olimo dwoŋ i Misir. 9Aka owaco ri ji pere ni, “Neni, Joisiraili jokweth swa aka jotek loyo wan. 10Biye win watiy gi jo gi gwayo, ka k'obedo ameno jobino more, aka ka lweny ocakere, jobino riwirok gi jokwor mawan to jolwenyo gi wan to jokwale wok i piny mawan.” 11Ameno joketho joromi jo timo tic matek dhumo jo gi miyo jo litho gi tic aka Joisiraili jogeto ri Farawo tindin ario madongo, Pithom gi Rameses paka kakan. 12To paka jomedo diyo Joisiraili, apaka bende Joisiraili jomedere i welo. Aka Jomisir oyido jolworo Joisiraili. 13Ameno Jomisir joromo jo tic gi gwayo, 14aka joloko kwo pajo magway gi tic matek, geto kodi timo tic nger je i ndelin pajo. I tic pajo je jomiyo jo timo m'ongoye mako gi jo wor.
15Kenyo kere ma Misir owaco ri mon ma jocolo mon ma nyingi jo Sifira kodi Puwa ni, 16“Ka wicolo mon Joebulaniya i kacolo mon, ka jonywolo nyathi majayac neki win, to k'obedo manyako weyi win wokwo.” 17To mon ma jocolo mon oyido jolworo Were, aka jok'otimo paka kere ma Misir omiyo jo or, aka joweyo nyithindho mayac kwo. 18Ameno Farawo olwoŋo mon ma jocolo mon aka openjo jo ni, “Raŋo witimo gime, wiweyo nyithindho mayac kwo?”
19Jodwoko go ni, “Rupiri mon Joebulaniya jokicale gi mon Jomisir; kole jo jonywol i yoto, aka nyithindho pajo jonywolo mafodi acel kwoŋ wan k'otundo bongi jo.” 20-21Rupiri mon ma jocolo mon oyido jolworo Were, Were onyutho jo bero to miyo jo pecin pajo wegi. Aka Joisiraili jomedere to jolokere matek. 22#Tim 7:19Kenyo Farawo omiyo ji pere cik ni, “Kisi nyathi majayac ma Joebulaniya jonywolo bol win i malawa Nayil, to manyir mere weyi win jowokwo.”
Currently Selected:
Wok 1: DHOCDC
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Wok 1
1
Joisiraili jocandere i Misir
1Me nyingi wot Yakobo ma jokadho i Misir kodi Yakobo, joje gi pecin pajo. 2Ruben, Simeo, Levi, kodi Yuda. 3Isakar, Zebulun, kodi Benyamin, 4Dan kodi Nafital, Gad kodi Aser. 5Welo pa nyikway Yakobo je oyido piero abirio, aka Yakobo oyido nitie i Misir. 6Kenyo Yozefu gi wutmin kodi luse pere je jotho woko. 7#Tim 7:17To nyikway Yakobo jolimo nyithindho kweth ma jomedere i welo aka jolokere matek to jomore i Misir.
8Kenyo kere manyen m'oyido fodi k'oŋeyo Yozefu, olimo dwoŋ i Misir. 9Aka owaco ri ji pere ni, “Neni, Joisiraili jokweth swa aka jotek loyo wan. 10Biye win watiy gi jo gi gwayo, ka k'obedo ameno jobino more, aka ka lweny ocakere, jobino riwirok gi jokwor mawan to jolwenyo gi wan to jokwale wok i piny mawan.” 11Ameno joketho joromi jo timo tic matek dhumo jo gi miyo jo litho gi tic aka Joisiraili jogeto ri Farawo tindin ario madongo, Pithom gi Rameses paka kakan. 12To paka jomedo diyo Joisiraili, apaka bende Joisiraili jomedere i welo. Aka Jomisir oyido jolworo Joisiraili. 13Ameno Jomisir joromo jo tic gi gwayo, 14aka joloko kwo pajo magway gi tic matek, geto kodi timo tic nger je i ndelin pajo. I tic pajo je jomiyo jo timo m'ongoye mako gi jo wor.
15Kenyo kere ma Misir owaco ri mon ma jocolo mon ma nyingi jo Sifira kodi Puwa ni, 16“Ka wicolo mon Joebulaniya i kacolo mon, ka jonywolo nyathi majayac neki win, to k'obedo manyako weyi win wokwo.” 17To mon ma jocolo mon oyido jolworo Were, aka jok'otimo paka kere ma Misir omiyo jo or, aka joweyo nyithindho mayac kwo. 18Ameno Farawo olwoŋo mon ma jocolo mon aka openjo jo ni, “Raŋo witimo gime, wiweyo nyithindho mayac kwo?”
19Jodwoko go ni, “Rupiri mon Joebulaniya jokicale gi mon Jomisir; kole jo jonywol i yoto, aka nyithindho pajo jonywolo mafodi acel kwoŋ wan k'otundo bongi jo.” 20-21Rupiri mon ma jocolo mon oyido jolworo Were, Were onyutho jo bero to miyo jo pecin pajo wegi. Aka Joisiraili jomedere to jolokere matek. 22#Tim 7:19Kenyo Farawo omiyo ji pere cik ni, “Kisi nyathi majayac ma Joebulaniya jonywolo bol win i malawa Nayil, to manyir mere weyi win jowokwo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.