Tim pa Jomoor 13
13
Iyero Barinaba gi Saulo t'ioro jo
1I kitipa pa jom'oyeyo ma Antiok, oyido nitie jotuci wac Were moro kodi jofonji: Barinaba, Simeo (m'ilwoŋo ni Ma col), Lukio (ma wok Sireno), Manaen (m'odongo pa gavana Herode), kodi Saulo. 2Ndelo moro munyo jolamo Rwoth aka joriyo kec, Cuny Maleŋ owaco rijo ni, “Kethi ran win gicen Barinaba kodi Saulo, jowotimi tic ma alwoŋ'iye jo.” 3Munyo jotieko riyo kec kodi kwayo, joketho cingi gin kwoŋ jo to jodhiro jo kadho tic.
I Sipuro
4Munyo Cuny Maleŋ otieko oro Barinaba gi Saulo, jokidho yu Selukia aka jocewere wok kenyo to jokidho i kigoda ma Sipuro. 5Munyo jotundo Salemis, jofonjo wac pa Were I kalamo pa Joyuda. Yohana Mariko oyido konyo jo i tic.
6Joje jocewere yu loka i kigoda ma Pafo, kama jorom'iye gi jathieth moro ma nyinge Bar Yesu, Jayuda m'obedo jatuci wac ma twodo. 7Go oyido tiyo ri gavana ma kigoda no, Serigio Paulo, m'onwaŋo obedo ŋatariek swa. Gavana no olwoŋo Barinaba kodi Saulo bonge rupiri oyido mito winjo Wac pa Were. 8To Elima jathieth (meno a dwoŋ nyinge) opiemo gi jo ka temo ywayo woko gavana i yeyo. 9Gikenyo Cuny Maleŋ opoŋ kwoŋ Saulo, ma bende oŋeyere ni Paulo, to ŋiyo waŋ jathieth no tirtir 10to waco ni, “In wod pa jwogi, m'ibedo jakwor gi gimoro je m'otire, aka imore kodi thenethene mareco ma twodo, kere ikilaweyo wiro adieri pa Rwoth i twodo? 11Cingi Rwoth eno bino podho kwoŋin pama; waŋin bino tho, aka ik'onen lero pa waŋceŋ cowo hongo moro.” Piyo piyo no Elima owinjo munyo tor macol umo waŋe, to cako woth ariwa ariwa munyo temo nwaŋo dhano m'omak cinge to telo go i royo. 12Gavana oyeyo munyo oneno gim'otimere no; aka odhier swa kwoŋ fonji pa Rwoth.
I Antiok ma Pisidia
13Gikenyo Paulo kodi wadi jocewere wok Pafo to jokidho yu Paga iy'adec ma Pamfilia kama Yohana Mariko owey'iye jo to gik yu Yerusalem. 14Jomedere gi woth wok Paga to jokidho Antiok ma Pisidia; aka i ndelo ma Sabato jodonjo i kalamo pa Joyuda to jobedo piny. 15Munyo kisoma m'owok i Cik pa Musa kodi i ndiko pa jotuci wac Were orumo, jotel ma kalamo pa Joyuda jodhiro rijo mikwenda ni, “Wutmin wan, luw win ye gi ji ka winitie gi wac ma medo gine jo meni.” 16Paulo ocungo, to miyo jo ranyuth gi cinge to cako luwo ama: Joisiraili jowotan, kodi Jopath je ma jolamo Were, winji win! 17#Wok 1:7; Wok 12:51Were pa ji ma Isiraili oyero kwarere mawan, to miyo nono pajo bedo madwoŋ i ndir ma jobed'iye i piny Misir. Were owodho jo wok Misir gi meni pere m'oasere, 18#Kwan 14:34; Cik 1:31aka i hongo ma oro piero aŋwen ofamba gi jo i dier thim. 19#Cik 7:1; Yos 14:1Go oreyo woko nonin abirio i piny ma Kanan to loko ji pere wegi piny no cowo 20#Jothum 2:16; 1 Sam 3:20hongo ma oro cegin miya aŋwen gi piero abic. Rumacen omiyo jo jothumi banjin, cuka tundo ndir pa Samwiri jatuci wac Were. 21#1 Sam 8:5; 1 Sam 10:21Aka munyo jokwayo kere, Were omiyo jo Saulo, wod pa Kisi, janono pa Benyamin, bedo kere pajo ma oro piero aŋwen. 22#1 Sam 13:14; 1 Sam 16:12; Zab 89:21Munyo Were otieko kwanyo go woko, oloko Daudi kere pajo. Me a gima Were oluwo kwoŋe: “Anwaŋo ni Daudi wod pa Yese, obedo kiti dhano ma amito, ŋata bino timo gimoro je ma ayenyo ni wotim.” 23Yesu, acel kwoŋ nyikway Daudi, a ŋata Were oloko Jaboth pa ji ma Isiraili paka cango ociko. 24#Mar 1:4; Luk 3:3Mafodi Yesu k'obino, Yohana ofonjo ji je ma Isiraili nike jowoŋuti reco pajo wobatisa jo. 25#Yoh 1:20; Mat 3:11; Mar 1:7; Luk 3:16; Yoh 1:27Aka munyo Yohana oyido cegin cowo tic pere, openjo ji ni, “Wiparo ni an a ŋa? Akibedo ŋata wikuro. To neni win, go luwan cen, aka akiripi kada lunyo war ma tiende.”
26Wutmera, nyikway Abraham, kodi Jopath je manitie ka ma jolamo Were: Fonji ma mako kwoŋ both me otiek dhiro riwan! 27Kole ji ma Yerusalem kodi jotel pajo jok'oŋeyo nike go a Jaboth, aka jok'oniaŋ kada wac pa jotuci wac Were m'isoma i kisi Sabato. Kad'ameno wac pa jotuci wac Were otundo i kare munyo jothumo ri Yesu banja ma tho. 28#Mat 27:22-23; Mar 15:13-14; Luk 23:21-23; Yoh 19:15Aka kada jok'onwaŋo atoŋa ma thumo rigo banja ma tho, je fodi jokwayo Pilato nike woneki go. 29#Mat 27:57-61; Mar 15:42-47; Luk 23:50-56; Yoh 19:38-42Aka munyo jotieko timo gimoro je ma Ndiko Maleŋ luwo kwoŋe, jogamo go kwoŋ musalaba to joketho go i kaliel. 30To Were ocerino go kwoŋ jom'otho, 31#Tim 1:3aka i ndelo madit onyuthere ri joma yado jowotho gine woki i Galili tundo Yerusalem. Jono am'onyo pama jobedo jokony i wac pere i waŋ ji ma Isiraili. 32#Zab 2:7Aka onyo bende wakelo riwin Wac Manyen Maber no. 33Gima Were ociko kwarere mawan nike d'otimo, pama go otieko timo riwan ma wabedo nyikway jo, munyo ocerino Yesu paka ondiki i Zabuli mar'ario ni,
“In Wodan,
konon alokere Benin.”
34 #
Isa 55:3
Aka me a gima Were owaco kwoŋ cerino pere kwoŋ jom'otho ma odoko k'ogiki i topo:
“Abino miyin silwany maleŋ ma bu kiganagana
ma cango aciko Daudi.”
35 #
Zab 16:10
Aka adieri go owaco kaman ni,
“Ik'oyey jatic perin wotopi.”
36Kole Daudi oketho atoŋa pa Were i tim i ndir pere; rumacen go otho to iyiko cegin gi kwarere pere, aka otho to top woko. 37To ŋata Were ocerino kwoŋ jom'otho k'onyalo top woko. 38Riameno wutmere, wijoje wiripo ŋeyo adieri nike fonji kwoŋ cwako reco ma ifonjo win wok bongi Yesu; 39Aka nyatoro je ma yeyo i go igonyo go woko kwoŋ gimarac ma Cik pa Musa onwaŋo kinyal gonyo win kwoŋe. 40Am'omiyo gwokere win, ŋey gima jotuci wac Were jowaco wokiri wotimere riwin ni:
41 #
Hab 1:5
Neni win, wijocay! Dhier win witho;
rupiri alatimo tic moro i ndir mewin won,
to wik'oyey tic no
kada moro otemi tito riwin!
42Munyo Paulo kodi Barinaba oyido jokidho wok i kalamo pa Joyuda, okway jo ni jowogiki kendo i Sabato ma luwo aka jowomedi waco rijo kwoŋ gigipiny me. 43Munyo ji jotieko eye i romo, Joyuda mathoth kodi Jopath ma jowire i dini pa Joyuda joluwo Paulo gi Barinaba. Jomoor joluwo gi jo aka jomedo jo miseni nike jowomedere i nema pa Were.
44I Sabato ma luwo, cegin kisi dhano obino wok i tindi winjo wac pa Were. 45Munyo Joyuda joneno lwak ji, nyeko omako jo; jopiemo gi gima Paulo oyido waco aka joyeto kiri go. 46To Paulo kodi Barinaba jomedo luwo pajo gi miseni ni, “Oyido yenyere ni wac pa Were wopen tito riwin ayino. To paka wikijol, aka wikiter i kwo mewin paka joma ripo limo kwo makirum, walaweyo win to wakidho bongi Jopath. 47#Isa 42:6; 49:6Kole meno a or ma Rwoth omiyo wan munyo owaco ama.”
“ ‘Aketho win paka lero pa Jopath,
ni winyal kelo both ri piny gipi.’ ”
48Munyo Jopath jowinjo gime josangala aka jopako fonji pa Rwoth. Aka jom'oyido oyer ri kwo makirum jolokere jom'oyeyo.
49Wac pa Were onyay iye je iy'adec no. 50To Joyuda josigila jotel pa ji i tindi kodi mon pa Jopath ma kitipa ma malo ma onwaŋo jolamo Were. Gikenyo jocako lweny gi Paulo kodi Barinaba to joriemo jo woko iy'adec no. 51#Mat 10:14; Mar 6:11; Luk 9:5; 10:11Jomoor joteŋo lowo ma par tiendi gin munyo jokwoŋo jo to jokadho yu Ikoniam. 52Jofonjirok ma Antiok jopoŋ gi kisangala i cuny jo kanyacel gi Cuny Maleŋ.
Currently Selected:
Tim pa Jomoor 13: DHOCDC
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.
Tim pa Jomoor 13
13
Iyero Barinaba gi Saulo t'ioro jo
1I kitipa pa jom'oyeyo ma Antiok, oyido nitie jotuci wac Were moro kodi jofonji: Barinaba, Simeo (m'ilwoŋo ni Ma col), Lukio (ma wok Sireno), Manaen (m'odongo pa gavana Herode), kodi Saulo. 2Ndelo moro munyo jolamo Rwoth aka joriyo kec, Cuny Maleŋ owaco rijo ni, “Kethi ran win gicen Barinaba kodi Saulo, jowotimi tic ma alwoŋ'iye jo.” 3Munyo jotieko riyo kec kodi kwayo, joketho cingi gin kwoŋ jo to jodhiro jo kadho tic.
I Sipuro
4Munyo Cuny Maleŋ otieko oro Barinaba gi Saulo, jokidho yu Selukia aka jocewere wok kenyo to jokidho i kigoda ma Sipuro. 5Munyo jotundo Salemis, jofonjo wac pa Were I kalamo pa Joyuda. Yohana Mariko oyido konyo jo i tic.
6Joje jocewere yu loka i kigoda ma Pafo, kama jorom'iye gi jathieth moro ma nyinge Bar Yesu, Jayuda m'obedo jatuci wac ma twodo. 7Go oyido tiyo ri gavana ma kigoda no, Serigio Paulo, m'onwaŋo obedo ŋatariek swa. Gavana no olwoŋo Barinaba kodi Saulo bonge rupiri oyido mito winjo Wac pa Were. 8To Elima jathieth (meno a dwoŋ nyinge) opiemo gi jo ka temo ywayo woko gavana i yeyo. 9Gikenyo Cuny Maleŋ opoŋ kwoŋ Saulo, ma bende oŋeyere ni Paulo, to ŋiyo waŋ jathieth no tirtir 10to waco ni, “In wod pa jwogi, m'ibedo jakwor gi gimoro je m'otire, aka imore kodi thenethene mareco ma twodo, kere ikilaweyo wiro adieri pa Rwoth i twodo? 11Cingi Rwoth eno bino podho kwoŋin pama; waŋin bino tho, aka ik'onen lero pa waŋceŋ cowo hongo moro.” Piyo piyo no Elima owinjo munyo tor macol umo waŋe, to cako woth ariwa ariwa munyo temo nwaŋo dhano m'omak cinge to telo go i royo. 12Gavana oyeyo munyo oneno gim'otimere no; aka odhier swa kwoŋ fonji pa Rwoth.
I Antiok ma Pisidia
13Gikenyo Paulo kodi wadi jocewere wok Pafo to jokidho yu Paga iy'adec ma Pamfilia kama Yohana Mariko owey'iye jo to gik yu Yerusalem. 14Jomedere gi woth wok Paga to jokidho Antiok ma Pisidia; aka i ndelo ma Sabato jodonjo i kalamo pa Joyuda to jobedo piny. 15Munyo kisoma m'owok i Cik pa Musa kodi i ndiko pa jotuci wac Were orumo, jotel ma kalamo pa Joyuda jodhiro rijo mikwenda ni, “Wutmin wan, luw win ye gi ji ka winitie gi wac ma medo gine jo meni.” 16Paulo ocungo, to miyo jo ranyuth gi cinge to cako luwo ama: Joisiraili jowotan, kodi Jopath je ma jolamo Were, winji win! 17#Wok 1:7; Wok 12:51Were pa ji ma Isiraili oyero kwarere mawan, to miyo nono pajo bedo madwoŋ i ndir ma jobed'iye i piny Misir. Were owodho jo wok Misir gi meni pere m'oasere, 18#Kwan 14:34; Cik 1:31aka i hongo ma oro piero aŋwen ofamba gi jo i dier thim. 19#Cik 7:1; Yos 14:1Go oreyo woko nonin abirio i piny ma Kanan to loko ji pere wegi piny no cowo 20#Jothum 2:16; 1 Sam 3:20hongo ma oro cegin miya aŋwen gi piero abic. Rumacen omiyo jo jothumi banjin, cuka tundo ndir pa Samwiri jatuci wac Were. 21#1 Sam 8:5; 1 Sam 10:21Aka munyo jokwayo kere, Were omiyo jo Saulo, wod pa Kisi, janono pa Benyamin, bedo kere pajo ma oro piero aŋwen. 22#1 Sam 13:14; 1 Sam 16:12; Zab 89:21Munyo Were otieko kwanyo go woko, oloko Daudi kere pajo. Me a gima Were oluwo kwoŋe: “Anwaŋo ni Daudi wod pa Yese, obedo kiti dhano ma amito, ŋata bino timo gimoro je ma ayenyo ni wotim.” 23Yesu, acel kwoŋ nyikway Daudi, a ŋata Were oloko Jaboth pa ji ma Isiraili paka cango ociko. 24#Mar 1:4; Luk 3:3Mafodi Yesu k'obino, Yohana ofonjo ji je ma Isiraili nike jowoŋuti reco pajo wobatisa jo. 25#Yoh 1:20; Mat 3:11; Mar 1:7; Luk 3:16; Yoh 1:27Aka munyo Yohana oyido cegin cowo tic pere, openjo ji ni, “Wiparo ni an a ŋa? Akibedo ŋata wikuro. To neni win, go luwan cen, aka akiripi kada lunyo war ma tiende.”
26Wutmera, nyikway Abraham, kodi Jopath je manitie ka ma jolamo Were: Fonji ma mako kwoŋ both me otiek dhiro riwan! 27Kole ji ma Yerusalem kodi jotel pajo jok'oŋeyo nike go a Jaboth, aka jok'oniaŋ kada wac pa jotuci wac Were m'isoma i kisi Sabato. Kad'ameno wac pa jotuci wac Were otundo i kare munyo jothumo ri Yesu banja ma tho. 28#Mat 27:22-23; Mar 15:13-14; Luk 23:21-23; Yoh 19:15Aka kada jok'onwaŋo atoŋa ma thumo rigo banja ma tho, je fodi jokwayo Pilato nike woneki go. 29#Mat 27:57-61; Mar 15:42-47; Luk 23:50-56; Yoh 19:38-42Aka munyo jotieko timo gimoro je ma Ndiko Maleŋ luwo kwoŋe, jogamo go kwoŋ musalaba to joketho go i kaliel. 30To Were ocerino go kwoŋ jom'otho, 31#Tim 1:3aka i ndelo madit onyuthere ri joma yado jowotho gine woki i Galili tundo Yerusalem. Jono am'onyo pama jobedo jokony i wac pere i waŋ ji ma Isiraili. 32#Zab 2:7Aka onyo bende wakelo riwin Wac Manyen Maber no. 33Gima Were ociko kwarere mawan nike d'otimo, pama go otieko timo riwan ma wabedo nyikway jo, munyo ocerino Yesu paka ondiki i Zabuli mar'ario ni,
“In Wodan,
konon alokere Benin.”
34 #
Isa 55:3
Aka me a gima Were owaco kwoŋ cerino pere kwoŋ jom'otho ma odoko k'ogiki i topo:
“Abino miyin silwany maleŋ ma bu kiganagana
ma cango aciko Daudi.”
35 #
Zab 16:10
Aka adieri go owaco kaman ni,
“Ik'oyey jatic perin wotopi.”
36Kole Daudi oketho atoŋa pa Were i tim i ndir pere; rumacen go otho to iyiko cegin gi kwarere pere, aka otho to top woko. 37To ŋata Were ocerino kwoŋ jom'otho k'onyalo top woko. 38Riameno wutmere, wijoje wiripo ŋeyo adieri nike fonji kwoŋ cwako reco ma ifonjo win wok bongi Yesu; 39Aka nyatoro je ma yeyo i go igonyo go woko kwoŋ gimarac ma Cik pa Musa onwaŋo kinyal gonyo win kwoŋe. 40Am'omiyo gwokere win, ŋey gima jotuci wac Were jowaco wokiri wotimere riwin ni:
41 #
Hab 1:5
Neni win, wijocay! Dhier win witho;
rupiri alatimo tic moro i ndir mewin won,
to wik'oyey tic no
kada moro otemi tito riwin!
42Munyo Paulo kodi Barinaba oyido jokidho wok i kalamo pa Joyuda, okway jo ni jowogiki kendo i Sabato ma luwo aka jowomedi waco rijo kwoŋ gigipiny me. 43Munyo ji jotieko eye i romo, Joyuda mathoth kodi Jopath ma jowire i dini pa Joyuda joluwo Paulo gi Barinaba. Jomoor joluwo gi jo aka jomedo jo miseni nike jowomedere i nema pa Were.
44I Sabato ma luwo, cegin kisi dhano obino wok i tindi winjo wac pa Were. 45Munyo Joyuda joneno lwak ji, nyeko omako jo; jopiemo gi gima Paulo oyido waco aka joyeto kiri go. 46To Paulo kodi Barinaba jomedo luwo pajo gi miseni ni, “Oyido yenyere ni wac pa Were wopen tito riwin ayino. To paka wikijol, aka wikiter i kwo mewin paka joma ripo limo kwo makirum, walaweyo win to wakidho bongi Jopath. 47#Isa 42:6; 49:6Kole meno a or ma Rwoth omiyo wan munyo owaco ama.”
“ ‘Aketho win paka lero pa Jopath,
ni winyal kelo both ri piny gipi.’ ”
48Munyo Jopath jowinjo gime josangala aka jopako fonji pa Rwoth. Aka jom'oyido oyer ri kwo makirum jolokere jom'oyeyo.
49Wac pa Were onyay iye je iy'adec no. 50To Joyuda josigila jotel pa ji i tindi kodi mon pa Jopath ma kitipa ma malo ma onwaŋo jolamo Were. Gikenyo jocako lweny gi Paulo kodi Barinaba to joriemo jo woko iy'adec no. 51#Mat 10:14; Mar 6:11; Luk 9:5; 10:11Jomoor joteŋo lowo ma par tiendi gin munyo jokwoŋo jo to jokadho yu Ikoniam. 52Jofonjirok ma Antiok jopoŋ gi kisangala i cuny jo kanyacel gi Cuny Maleŋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dhopadhola DC Bible © Bible Society of Uganda, 2018.