Zekariya 6
6
Khuubonekhelwa khwe kamakaali kane
1Indi luundi ise ni nenyusa tsiimoni indi ndola, bona naabona kamakaali keesi tsiŋwaaŋwa tsikhweesa kane, nga kaamila akari we tsingiingi tsibili. Tsingiingi tsino abe tsili tsya buroonzi. 2#Bimb 6.4 Bimb 6.5Abe tsiŋwaaŋwa tsitsiili khukhweesa likaari liikiboole tsili tsimbesemu. Abe tsitsiili khukhweesa lilikhola khabili, tsili tsiimali. 3#Bimb 6.2Abe tsitsiili khukhweesa lilikhola khataru tsili tsiwaanga, ne lye khaane abe tsili tsye kamakoondo. 4Lwanyuma ise nareeba malayika tsana indi, “Musaakhulu, kamakaali ke tsiŋwaaŋwa kano kamanyisa shiina?”
5 #
Bimb 7.1
Malayika uyo waantsilamo ari, “Bano bali bamwoyo bane babaama mwikulu, nga bali khuutsya mu maande tsyoosi tsine tsye shiibala. 6Likaari lyeesi tsiŋwaaŋwa tsiimali tsilikho tsikhweesa, lilikho litsya ingaaki we shiibala Babulooni; lyeesi tsiwaanga tsilikho tsikhweesa lilikho litsya ibukwa inyaanga; ne lyeesi tse kamakoondo tsilikho tsikhweesa litsya imwaalo we shiibala.” 7Nga tsiŋwaaŋwa ni tsyarura khukhwaama isi tsyaba, abe tsili mu khaangu naabi, mu khutsya khuulambuula shiibala. Kila malayika wa tsana aloma ari, “Ni mutsye mulambuule shibala!” Ni nashiryo tsaatsya tsyaalambuula shiibala. 8Kila malayika tsana akukuula isi ise nga aloma ari, “Tsiŋwaaŋwa tsitsiile ingaaki we linaambo tsyawosawosile liirima lyeesi Umukasya abeele ni nalyo.”
Liikaambila lye khuukwaarisa Yoswa ikuutwa
9Umukasya waamba ise buurume nga buloma buri: 10“Bukula biiwaanwa byeesi baamuli babaakoboole khukhwaama mu Babulooni byeesi beetsile ni nabyo. Baamuli bano bali nibo Helidayi, Tobiya ni Yedayiya. 11Bukula ifweetsa n'izaabu byeesi ubaamisilekho, ukholemo ikuutwa, ukire khu murwe kw'omusaayi umukhulu Yoswa, umusoleeli uwa Yehosadaki.” 12#Yer 23.5; 33.15; Zek 3.8Muboolele uri Umukasya umunyali uwa byoosi alikho aloma ari, “Umusaani isi balaanga bari Bulanki, kane eloosele abalaayile mu shifwo sheesi alimo, naluundi niye ukana ombakhe Lisaayilo Liikhulu ly'Omukasya. 13Aliba niye ulilyoombakha, isho shikile niye afune shiriifwa shishiweebwa bayiinga, naluundi aliikela umuwuli ekhale khu shitsoloŋo she buwuli. Iliibawo umusaayi ulibawo mu mbafu mweewe, naluundi ilibawo ikholakana indayi naabi akari aabwe.” 14Ikuutwa iliba mu Lisaayilo Liikhulu ly'Omukasya, nga khali khaabonelo khu khuuwa shiriifwa isi Helidayi, Tobiya, ni Yedayiya, ni Yosiya umwaana uwa Zefaniya.
15Babaandu babaamenya aleeyi baliitsa bayeete mu khwoombakha Lisaayilo Liikhulu ly'Omukasya bushaakha. Nga baamalile khuulyoombakha bushaakha, nio kane iwe umanye uri Umukasya, umunyali wa byoosi, niye uwaasiindikha ise isi iwe. Shino seshikhaakholikhe ta, akhali nga iwe waalondeleele buulayi bubweene kamakaambila k'Omukasya, Wele woowo.
Currently Selected:
Zekariya 6: LCE
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.
Zekariya 6
6
Khuubonekhelwa khwe kamakaali kane
1Indi luundi ise ni nenyusa tsiimoni indi ndola, bona naabona kamakaali keesi tsiŋwaaŋwa tsikhweesa kane, nga kaamila akari we tsingiingi tsibili. Tsingiingi tsino abe tsili tsya buroonzi. 2#Bimb 6.4 Bimb 6.5Abe tsiŋwaaŋwa tsitsiili khukhweesa likaari liikiboole tsili tsimbesemu. Abe tsitsiili khukhweesa lilikhola khabili, tsili tsiimali. 3#Bimb 6.2Abe tsitsiili khukhweesa lilikhola khataru tsili tsiwaanga, ne lye khaane abe tsili tsye kamakoondo. 4Lwanyuma ise nareeba malayika tsana indi, “Musaakhulu, kamakaali ke tsiŋwaaŋwa kano kamanyisa shiina?”
5 #
Bimb 7.1
Malayika uyo waantsilamo ari, “Bano bali bamwoyo bane babaama mwikulu, nga bali khuutsya mu maande tsyoosi tsine tsye shiibala. 6Likaari lyeesi tsiŋwaaŋwa tsiimali tsilikho tsikhweesa, lilikho litsya ingaaki we shiibala Babulooni; lyeesi tsiwaanga tsilikho tsikhweesa lilikho litsya ibukwa inyaanga; ne lyeesi tse kamakoondo tsilikho tsikhweesa litsya imwaalo we shiibala.” 7Nga tsiŋwaaŋwa ni tsyarura khukhwaama isi tsyaba, abe tsili mu khaangu naabi, mu khutsya khuulambuula shiibala. Kila malayika wa tsana aloma ari, “Ni mutsye mulambuule shibala!” Ni nashiryo tsaatsya tsyaalambuula shiibala. 8Kila malayika tsana akukuula isi ise nga aloma ari, “Tsiŋwaaŋwa tsitsiile ingaaki we linaambo tsyawosawosile liirima lyeesi Umukasya abeele ni nalyo.”
Liikaambila lye khuukwaarisa Yoswa ikuutwa
9Umukasya waamba ise buurume nga buloma buri: 10“Bukula biiwaanwa byeesi baamuli babaakoboole khukhwaama mu Babulooni byeesi beetsile ni nabyo. Baamuli bano bali nibo Helidayi, Tobiya ni Yedayiya. 11Bukula ifweetsa n'izaabu byeesi ubaamisilekho, ukholemo ikuutwa, ukire khu murwe kw'omusaayi umukhulu Yoswa, umusoleeli uwa Yehosadaki.” 12#Yer 23.5; 33.15; Zek 3.8Muboolele uri Umukasya umunyali uwa byoosi alikho aloma ari, “Umusaani isi balaanga bari Bulanki, kane eloosele abalaayile mu shifwo sheesi alimo, naluundi niye ukana ombakhe Lisaayilo Liikhulu ly'Omukasya. 13Aliba niye ulilyoombakha, isho shikile niye afune shiriifwa shishiweebwa bayiinga, naluundi aliikela umuwuli ekhale khu shitsoloŋo she buwuli. Iliibawo umusaayi ulibawo mu mbafu mweewe, naluundi ilibawo ikholakana indayi naabi akari aabwe.” 14Ikuutwa iliba mu Lisaayilo Liikhulu ly'Omukasya, nga khali khaabonelo khu khuuwa shiriifwa isi Helidayi, Tobiya, ni Yedayiya, ni Yosiya umwaana uwa Zefaniya.
15Babaandu babaamenya aleeyi baliitsa bayeete mu khwoombakha Lisaayilo Liikhulu ly'Omukasya bushaakha. Nga baamalile khuulyoombakha bushaakha, nio kane iwe umanye uri Umukasya, umunyali wa byoosi, niye uwaasiindikha ise isi iwe. Shino seshikhaakholikhe ta, akhali nga iwe waalondeleele buulayi bubweene kamakaambila k'Omukasya, Wele woowo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.