Baroma 3
3
1Bayudaaya bafuurira shiina abo babakhali Bayudaaya? Namwe lisuno shiina liliili mu khwinjila imbalu? 2Mulimo bibiindu bikali mu saambo tsoosi. Khunyoowa, Wele eyikina Bayudaaya kila abawambisa burume bweewe. 3Ne singa shinyoolikhana shili batweela khu Bayudaaya si bali ni khufukiilila ta? Shino shinyala shareerera Wele khulekha khuba umwiyikinwa ta? 4#Zab 51.4Seshinyalikha taawe. Wele ali ni khuuba uwa ŋali, abe ikhaba nga buli mundu akhaba umubeeyi. Nga shisharonebwa ni shiloma shiri,
“Uli ni khukhwokesana uri uli umukwalaafu khubirira mu lomo tsoowo;
nalundi uli ni khufuura kumusaango kwoowo nga balikho bakhuwotsesa.”
5Ne singa bubwonaki bweefwe buraambisibwa khukhwokesanila ilala bulayi bubweene khuri Wele ali umukwalaafu, isho shinyala shakila ifwe khwaloma khuri Wele s'aali umwiyikinwa ta nga wakhukhaliile ifwe kumusaango? Ari ano indikho inoma nga babaandu babusheele ni baloma. 6Seshinyalikha taawe. Noola Wele s'ali umukwalaafu ta, anyala aryeena khukhalila shiibala kumusaango?
7Ne noola ise khuuba umubeeyi khukila bwa ŋali Wele bwokesanisibwa bulayi bubweene, khulwashiina ndi lundi ise nikiitsibwa khuuba umwonaki? 8Khulwashiina kila khukhaloma khuri, “Khakhukhole buubi nio akile buulayi bwa Wele bubonekhe?” Babaandu baalala baakhukhomyaasa ifwe bari khuloma khuryo. Babeene abo balikiitsibwa, nga ni shakhiile khuuba.
Imbaawo umuundu yeesi uli Umukwalaafu ta
9Ari ifwe Bayudaaya khulome khuri khuli bulayi khufuura babaandu babakhali Bayudaaya ta? Nakhafwiiti khari ta! Khulwekhuba namalile khaale khukhwokesanisa ndi babaandu boosi, nga mulimo Bayudaaya ni Banaambo boosi, bali asi e kamaani ke bibyonako. 10#Zab 14.1-3; 53.1-3Nga bibyaronebwa ni biloma biri,
“Imbaawo umuundu na mutweela uli umukhosefu ta, imbaawo na mutweela ta;
11imbaawo na mutweela uli umukyesi ta.
Nalundi imbaawo na mutweela uwisaaya Wele ta.
12Boosi bashuukha barura isi Wele; boosi bayonaka. Imbaawo na mutweela ukhola bulayi ta; imbaawo akhaba na mutweela ta.
13 #
Zab 5.9
Zab 140.3
Kimimilo kyabwe kili busa nga tsiŋani tsitsiili khwashe.
Baraambisa tsinganikha tsaabwe khuwombesa,
ni tsilomo tsitsaama mukhanwa mwaabwe tsili nga butsiba bwe indemu.
14 #
Zab 10.7
Tsilomo tsaabwe tsaayitsula bitsubo ni lirima.
15 #
Isay 59.7,8 Seshibayilila imbuka ingali khukhwiira umuundu ta.
16Buli andu osi eesi batsya balekha kumutaambo ni khukhwonakisa bibiindu.
17Bashiili khumanya kumukhoosi kukureera lukoosi ta.
18 #
Zab 36.1
Mu myoyo kyabwe imbaamo nakhari khuurya Wele ta.”
19Ari khwamanyile khuri shoosi shishiili mu makaambila, shiwamba khu baandu abo babawulibwa ni kamakaambila, nio akile alekhe khubawo uyo uwihambilisa shishiindu shoosi ta. Ne Wele akhalile shiibala shoosi kumusaango. 20#Zab 143.2; Gal 2.16Khulwekhuba imbaawo umuundu yeesi ulibalibwa ari ali umukhosefu mu moni tsa Wele, khulwe khukhola byeesi kamakaambila kaloma ta. Sheesi kamakaambila kakhola, nikhwo khukhumanyisa ifwe bubwonaki nga ni buli.
Bukwalaafu bwama mu Khufukiilila
21Ne ari bukhosefu bwa Wele bwayokesanisibwa musaambo ikiindi, akhali khubirira mu makaambila ta. Akhaba nga kamakaambila ni baŋoosi bawayo bujulisi khu shiindu shino, 22#Gal 2.16ne bukhosefu bwa Wele bunyolikhanila mu khufukiilila mu Yezu Kristu. Wele akhola shino isi abo boosi babafukiilila mu Kristu akhali khuromboola ta. 23Khulwekhuba babaandu boosi bayonaka, nalundi si bashiile ni khufuna shiriifwa shishaama isi Wele ta. 24Babaandu boosi bakwalaasibwa ni shiwaanwa she bubweela bwa Wele, khubirira mu buwonesi, nga nibwo buli mu Kristu Yezu. 25Uyo niye isi Wele arumana ari bare khufukiilila mu niye, nio asikule babaandu nga araambisa kamafuki keewe. Shino shakholekha khukhwokesanisa bukhosefu bwa Wele. Khulwekhuba khaale, lwe khukhwikhaliilikha khweewe, Wele abe siwayinaanayo khu byonako bye babaandu ta. 26Ne mu mbuka iye aluno ari, shili she khuwandalasa khuri Wele umweene ali umukhosefu, nalundi abo boosi babaali ni khufukiilila mu Kristu, Wele abekyesa bakhosefu.
27Ari khukhwibuyila khweefwe khuli waheena? Imbaawo ta! Khukhwibuyila khweefwe khwiima khu lomo shiina? Khwibuyila khulwe kamakaambila? Taawe. Khwibuyila khulwe khufukiilila. 28Khulwekhuba khwawandalasa khuri umuundu ekyela umukwalaafu khulwe khufukiilila, ne shili khulwe khukhola byeesi kamakaambila kaloma ta. 29Namwe khulome khuri Wele ali Wele uwe Bayudaaya bonyene? Wele s'ali uwe Banaambo nabo ta? Ilala, Wele ali uwaboosi. 30#Maka 6.4; Gal 3.20Khulwekhuba Wele ali mutweela. Nalundi alishuusa Bayudaaya bekyele Bakwalaafu nga emikha khukhufukiilila khwaabwe. Ni Banaambo nabo alibashuusa bekyele bakwalaafu nga emikha khu khufukiilila khwaabwe. 31Ari khulome khuri shino shimanyisa shiri khulwe khufukiilila khuno, kamakaambila khukarusawo? Seshinyalikha ta. Akhali khuli ni khukakumisila ilala.
Currently Selected:
Baroma 3: LCE
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.
Baroma 3
3
1Bayudaaya bafuurira shiina abo babakhali Bayudaaya? Namwe lisuno shiina liliili mu khwinjila imbalu? 2Mulimo bibiindu bikali mu saambo tsoosi. Khunyoowa, Wele eyikina Bayudaaya kila abawambisa burume bweewe. 3Ne singa shinyoolikhana shili batweela khu Bayudaaya si bali ni khufukiilila ta? Shino shinyala shareerera Wele khulekha khuba umwiyikinwa ta? 4#Zab 51.4Seshinyalikha taawe. Wele ali ni khuuba uwa ŋali, abe ikhaba nga buli mundu akhaba umubeeyi. Nga shisharonebwa ni shiloma shiri,
“Uli ni khukhwokesana uri uli umukwalaafu khubirira mu lomo tsoowo;
nalundi uli ni khufuura kumusaango kwoowo nga balikho bakhuwotsesa.”
5Ne singa bubwonaki bweefwe buraambisibwa khukhwokesanila ilala bulayi bubweene khuri Wele ali umukwalaafu, isho shinyala shakila ifwe khwaloma khuri Wele s'aali umwiyikinwa ta nga wakhukhaliile ifwe kumusaango? Ari ano indikho inoma nga babaandu babusheele ni baloma. 6Seshinyalikha taawe. Noola Wele s'ali umukwalaafu ta, anyala aryeena khukhalila shiibala kumusaango?
7Ne noola ise khuuba umubeeyi khukila bwa ŋali Wele bwokesanisibwa bulayi bubweene, khulwashiina ndi lundi ise nikiitsibwa khuuba umwonaki? 8Khulwashiina kila khukhaloma khuri, “Khakhukhole buubi nio akile buulayi bwa Wele bubonekhe?” Babaandu baalala baakhukhomyaasa ifwe bari khuloma khuryo. Babeene abo balikiitsibwa, nga ni shakhiile khuuba.
Imbaawo umuundu yeesi uli Umukwalaafu ta
9Ari ifwe Bayudaaya khulome khuri khuli bulayi khufuura babaandu babakhali Bayudaaya ta? Nakhafwiiti khari ta! Khulwekhuba namalile khaale khukhwokesanisa ndi babaandu boosi, nga mulimo Bayudaaya ni Banaambo boosi, bali asi e kamaani ke bibyonako. 10#Zab 14.1-3; 53.1-3Nga bibyaronebwa ni biloma biri,
“Imbaawo umuundu na mutweela uli umukhosefu ta, imbaawo na mutweela ta;
11imbaawo na mutweela uli umukyesi ta.
Nalundi imbaawo na mutweela uwisaaya Wele ta.
12Boosi bashuukha barura isi Wele; boosi bayonaka. Imbaawo na mutweela ukhola bulayi ta; imbaawo akhaba na mutweela ta.
13 #
Zab 5.9
Zab 140.3
Kimimilo kyabwe kili busa nga tsiŋani tsitsiili khwashe.
Baraambisa tsinganikha tsaabwe khuwombesa,
ni tsilomo tsitsaama mukhanwa mwaabwe tsili nga butsiba bwe indemu.
14 #
Zab 10.7
Tsilomo tsaabwe tsaayitsula bitsubo ni lirima.
15 #
Isay 59.7,8 Seshibayilila imbuka ingali khukhwiira umuundu ta.
16Buli andu osi eesi batsya balekha kumutaambo ni khukhwonakisa bibiindu.
17Bashiili khumanya kumukhoosi kukureera lukoosi ta.
18 #
Zab 36.1
Mu myoyo kyabwe imbaamo nakhari khuurya Wele ta.”
19Ari khwamanyile khuri shoosi shishiili mu makaambila, shiwamba khu baandu abo babawulibwa ni kamakaambila, nio akile alekhe khubawo uyo uwihambilisa shishiindu shoosi ta. Ne Wele akhalile shiibala shoosi kumusaango. 20#Zab 143.2; Gal 2.16Khulwekhuba imbaawo umuundu yeesi ulibalibwa ari ali umukhosefu mu moni tsa Wele, khulwe khukhola byeesi kamakaambila kaloma ta. Sheesi kamakaambila kakhola, nikhwo khukhumanyisa ifwe bubwonaki nga ni buli.
Bukwalaafu bwama mu Khufukiilila
21Ne ari bukhosefu bwa Wele bwayokesanisibwa musaambo ikiindi, akhali khubirira mu makaambila ta. Akhaba nga kamakaambila ni baŋoosi bawayo bujulisi khu shiindu shino, 22#Gal 2.16ne bukhosefu bwa Wele bunyolikhanila mu khufukiilila mu Yezu Kristu. Wele akhola shino isi abo boosi babafukiilila mu Kristu akhali khuromboola ta. 23Khulwekhuba babaandu boosi bayonaka, nalundi si bashiile ni khufuna shiriifwa shishaama isi Wele ta. 24Babaandu boosi bakwalaasibwa ni shiwaanwa she bubweela bwa Wele, khubirira mu buwonesi, nga nibwo buli mu Kristu Yezu. 25Uyo niye isi Wele arumana ari bare khufukiilila mu niye, nio asikule babaandu nga araambisa kamafuki keewe. Shino shakholekha khukhwokesanisa bukhosefu bwa Wele. Khulwekhuba khaale, lwe khukhwikhaliilikha khweewe, Wele abe siwayinaanayo khu byonako bye babaandu ta. 26Ne mu mbuka iye aluno ari, shili she khuwandalasa khuri Wele umweene ali umukhosefu, nalundi abo boosi babaali ni khufukiilila mu Kristu, Wele abekyesa bakhosefu.
27Ari khukhwibuyila khweefwe khuli waheena? Imbaawo ta! Khukhwibuyila khweefwe khwiima khu lomo shiina? Khwibuyila khulwe kamakaambila? Taawe. Khwibuyila khulwe khufukiilila. 28Khulwekhuba khwawandalasa khuri umuundu ekyela umukwalaafu khulwe khufukiilila, ne shili khulwe khukhola byeesi kamakaambila kaloma ta. 29Namwe khulome khuri Wele ali Wele uwe Bayudaaya bonyene? Wele s'ali uwe Banaambo nabo ta? Ilala, Wele ali uwaboosi. 30#Maka 6.4; Gal 3.20Khulwekhuba Wele ali mutweela. Nalundi alishuusa Bayudaaya bekyele Bakwalaafu nga emikha khukhufukiilila khwaabwe. Ni Banaambo nabo alibashuusa bekyele bakwalaafu nga emikha khu khufukiilila khwaabwe. 31Ari khulome khuri shino shimanyisa shiri khulwe khufukiilila khuno, kamakaambila khukarusawo? Seshinyalikha ta. Akhali khuli ni khukakumisila ilala.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.