Matayo 5
5
Yezu aleekela nga ali khu Lukiingi
1Aryo Yezu n'abona kamatuuli ke babaandu, waniina khu lukiingi, wekhala asi. Baleekelwa beewe beetsa is'aali, 2warakikha khubaleekela nga aloma ari:.
Kumwikhoyo kwa ŋali
(Luk 6.20-23)
3“Bali n'ikhabi ibo babaali bataambi mu mwoyo, lwekhuba Buyiinga bwe mwikulu buli bubwaabwe.
4 #
Isay 61.2
“Bali n'ikhabi ibo babaali mu mutaambo, lwekhuba balikhoyesebwa.
5 #
Zab 37.11
“Bali n'ikhabi ibo babaali bawolu, lwekhuba baliiba basikha khu shiibala.
6 #
Isay 55.1,2; Sir 24.21 “Bali n'ikhabi ibo babaali intsala ni bulesa bwe khukhola byeesi Wele akana, lwekhuba Wele alibekusila ilala.
7“Bali n'ikhabi ibo babaali be shiisa isi babaandu babaandi, lwekhuba nabo Wele alibawambila shiisa.
8 #
Zab 24.3,4 “Bali n'ikhabi babaali bakwalaafu mu mwoyo, lwekhuba balibona Wele.
9“Bali n'ikhabi ibo babaraambilila lukoosi, lwekhuba balilaangibwa bari babaana ba Wele.
10 #
1 Pet 3.14
“Bali n'ikhabi ibo beesi babaandu bakubyeenga lwe bukwalaafu, lwekhuba Buyiinga bwe mwikulu bubwaabwe.
11 #
1 Pet 4.14
“Inywe muli n'ikhabi, babaandu ni kane babakhomatsake, babakubyeenge, lundi ni kane babakanikhaatsakekho buubi mu lomo yoosi lwe khubafunisa ise. 12#2 Kim 36.16; Sir 2.8; Bur 7.52Nimwikhoye, lundi mwitikite, lwekhuba kumukheemba kweenywe mwikulu mukali, lwekhuba ni baŋoosi bababanyoowa inywe babakubyeenga musaambo nyeneyo.
Kumuunyu naluundi Buwaanga
(Mrk 9.50; Luk 14.34-35)
13 #
Mrk 9.50; Luk 14.34,35 “Inywe muli nga kumuunyu kwe shiibala. Ne kumuunyu ni kuwamo itsamu, itsamu iyo yisibwamo iryeena lundi? Kuba sikushaakha lundi ta, khurusakho kutuumibwa ibulafu, ni babaandu bakusaambakilila.
14 #
Yoh 8.12; 9.5 “Inywe muli buwaanga bwe shiibala. Shiriimba shishombekhebwa khu lukiingi sishinyala khubisibwa ta. 15#Mrk 4.21; Luk 8.16; 11.33Namwe mbaawo umuundu uwambisa itaala, wakifunikhilila mu shiipo ta, ne akira khu shisiindi khu ngaaki nio yaaburukhila buli mutweela uli mu ntsu. 16#1 Pet 2.12Musaambo niyo ndweela, khayo buwaanga bwenywe bwaburukhe buryo mu moni tsye babaandu, nio babone buraambi bweenywe bulayi, baruuye Paapa weenywe uli mwikulu.
Bibiwaamba khu makaambila ka Musa
17“Mukhambaasa muri ise neetsa khurusawo kamakaambila ka Musa namwe khuleekela khwe baŋoosi ta. Ise sinayitsa khubirusawo ta, ne njeeba khubyoolelesa busa. 18#Luk 16.17Lwekhuba ilala imbaboolela ndi, likulu ni shiibala biliwawo, ne mbaawo ni khanukuta na khatweela, namwe kharonyesi mu makaambila ka Musa, bibiilirusibwawo ta, khukhwoolesa nga byoosi byoolelele. 19Uyo yeesi ufuniaka litweela khu makaambila kano, ikhaba lilyakamayo bufwiiti, lundi waleekela babaandi khukhola baryo, naye aryo alilaangibwa khuuba ufuura bufwiiti mu Buyiinga bwe mwikulu. Ne buli mutweela ukana akholatsake byeesi kamakaambila ka Musa kaloma, lundi waleekela babaandi khukhola baryo, alilaangibwa umukhulu mu Buyiinga bwe mwikulu. 20Lwekhuba imbaboolela ndi bukhosefu bweenywe ni bulilekha khufuurisakho bwe baleekeli be kamakaambila ka Musa, ni Bafarisaayo, si mulinjila na khafwiiti mu Buyiinga bwe mwikulu ta.
Khuleekela khu bye lirima
(Luk 12.57-59)
21 #
Luky 20.13; Maka 5.17 “Inywe mwaawulila nga babaandu be khaale ni baabaloma bari, ‘Ukheera ta, n'umuundu yeesi uwiira alikhalilwa kumusaango.’ 22Ne ise imbaboolela ndi, umuundu yeesi urunyila yaayawe, alikhalilwa kumusaango, ni nooyo ukana alaangatsake yaayawe ari, ‘Iwe s'ulimo kamakesi ta,’ alireerewa mu lukhobo, ni nooyo ukana alomatsake yaayawe ari, ‘Iwe umusilu,’ aliiba mu shikosi she khutuumibwa mu mulilo kukukhasima ta.
23“Nashiryo, n'uba nga uyila shiwaanwa shoowo khu sheeso, ne washebulila uri yaayawo akhulikho ni lomo yoosi, 24lekha asheeselo awo shiwaanwa shoowo, ukoboleyo wangu unyoowe utubaane ni yaayawo, nio ukobole uweyo shiwaanwa shoowo.
25“Fukiilisana khaangu n'umuundu utsya khukhuwabila, nga mushiili khu ntsila. Ne nga akhukhola uryo ta, uyo utsya khukhuwabilayo akhuwanayo isi umukayi, n'umukayi naye kane akhuwaaneyo iwe isi umusilikhale, khukhura iwe mu mapuusu. 26Ilala ikhuboolela ndi, s'uliruramo ta, khukhwoolesa n'ulisasula liwumule limalilisi lye likobi lyoowo.
Khuleekela khu bye buyeeyani
27 #
Luky 20.14; Maka 5.18 “Inywe mwaawulila nga ni shalomebwa shiri, ‘Ukhayeyana ta.’ 28Ne ise imbaboolela ndi, umuundu yeesi ulolela umukhasi ni khumwiikoomba aba wamalile khuyeyana ni naye mu mwoyo kweewe. 29#Mat 18.9; Mrk 9.47Noola imoni yoowo iye khu lubeka lulayi ikhuyila mu khwoneka, kirusemo, ukituume aleeyi. Shiba shiminyisa bulayi, shitweela khu bisiintsa bye kumubili kwoowo khuhela, khufuurisa kumubili kwoowo kwoosi khuutsya mu mulilo kukukhasima ta. 30#Mat 18.8; Mrk 9.43Nalundi kumukhono kwoowo kwe khu lubeka lulayi ni kuba nga kukhuyila mu khwoneka, kuremekho ukutuume aleeyi. Shiminyisa bulayi shitweela khu bisiintsa bye kumubili kwoowo khuhela, khufuurisa kumubili kwoowo kwoosi khuutsya mu mulilo kukukhasima ta.
Khuleekela khu bye khuwoona umukhasi
(Mat 19.9; Mrk 10.11-12; Luk 16.18)
31 #
Maka 24.1-4; Mat 19.7; Mrk 10.4 “Lundi shalomewa shiri, ‘Umuundu yeesi n'aaloba umukhasi weewe, akhila khumuwa ibaluwa iye khuumuloba.’ 32#Mat 19.9; Mrk 10.11,12; Luk 16.18; 1 Kor 7.10,11Ne ise imbaboolela ndi, buli mundu yeesi ukana awoonatsake umukhasi weewe, akhali lwe buyeyani, aba wamwikyelisile umuyeyani, n'umuundu uyila umukhasi uwawoonebwa, aba naye wayeyaane.
Khuleekela khu bye khukhwitsuba
33 #
Lev 19.12
Bala 30.2; Maka 23.21 “Lundi mwawulila nga babaandu be khaale ni baababoolela bari, ‘Ukhetsubatsaka bye bubeeyi ta, ne wolelesa bibitsubo byoowo byeesi wetsuba isi Umukasya.’ 34#Yak 5.12 Isay 66.1; Mat 23.22Ne ise imbaloma ndi, ukhetsuba na khafwiiti khoosi ta. Ukhetsubila likulu ta, lwekhuba nilyo shitsoloŋo sha Wele; 35#Isay 66.1 Zab 48.2namwe shiibala, lwekhuba nikhwo khweesi alaambisa bikyele byeewe; namwe isi Yerusalemu, lwekhuba nisho shiriimba sh'Omuyiinga umukhulu. 36Namwe ukhetsubila kumurwe kwoowo ta, lwekhuba s'unyala khukalusa lutsuune lwoowo lutweela khuuba luwanga namwe lumali ta. 37Ne lekha ibyo byeesi uloma uri, ‘Ee,’ bibatsake ‘Ee,’ ni ‘Taawe,’ abatsake ‘Taawe’. Ni bibiindu bibindi bibifuurakho awo, biba byaama isi umusiku.
Khuleekela khu bye khukhwiiliyaasa
(Luk 6.29-30)
38 #
Luky 21.24; Lev 24.20; Maka 19.21 “Mwawulila nga ni shalomewa khaale shiri, ‘Imoni iliyasibwa ni moni, ni liliino liliyasibwa ni liliino.’ 39Ne ise imbaloma ndi, mukhakhingililatsaka umuundu yeesi ubakhola buubi ta. Umuundu yeesi n'akhuupa luuyi khu lusaya lwoowo lwe khu lubeka lulayi,#5.39 Abe umuundu khukhuupa luuyi khu lusaya lwe khu lubeka lulayi shili shishiindu shiibi naabi. umuyuusila lwe khu lubeka lunyeletsi nalwo. 40Ni nooyo ukana khukhuwabila bari nio ayile isaati yoowo, n'umulekhe ayile ni kooti nayo. 41Nalundi nga umuundu wakhuwanyinyile khuutsya i kilomita ndweela, tsya ni naye tsi kilomita tsibili. 42Umuundu yeesi n'akhuloomba shishiindu, umuwatsaka, ni nooyo ukana khukhwiwolakho, ukhamwisisakula ta.
Khuukana basiku
(Luk 6.27-28,32-36)
43 #
Sir 12.4-7
“Inywe mwaawulila nga ni shalomewa shiri, ‘Kanatsaka umwesanwa woowo, ubiyile umusiku woowo.’ 44Ne ise imbaloma ndi, ni mukanaatsake basiku beenywe, lundi muloombele ibo bababakubyeenga, 45#Sir 4.10nio mube babaana ba Paapa weenywe uli mwikulu. Lwekhuba inyaanga yeewe akyaburusila babakhali babeyikinwa ta ni babeyikinwa, ni ifula yeewe yakhupila babakhola biilayi ni babakhakhola biilayi ta. 46Ne noola mukana ibo bababakana bonyene, mulifuna shiwaanwa shiina? Ni babusanisi be kumusolo nabo si bakhola baryo? 47Ne ni kane musheesatsake bayaaya beenywe bonyene, babaandu babaandi inywe mubafuurisakho shiina? Ikhaba ni bakhafukiilila nabo si bakhola baryo? 48#Lev 19.2; Maka 18.13Ni nashiryo, inywe mwakha mwaba bakwalaafu nga Paapa weenywe uli mwikulu n'ali umukwalaafu.
Currently Selected:
Matayo 5: LCE
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.
Matayo 5
5
Yezu aleekela nga ali khu Lukiingi
1Aryo Yezu n'abona kamatuuli ke babaandu, waniina khu lukiingi, wekhala asi. Baleekelwa beewe beetsa is'aali, 2warakikha khubaleekela nga aloma ari:.
Kumwikhoyo kwa ŋali
(Luk 6.20-23)
3“Bali n'ikhabi ibo babaali bataambi mu mwoyo, lwekhuba Buyiinga bwe mwikulu buli bubwaabwe.
4 #
Isay 61.2
“Bali n'ikhabi ibo babaali mu mutaambo, lwekhuba balikhoyesebwa.
5 #
Zab 37.11
“Bali n'ikhabi ibo babaali bawolu, lwekhuba baliiba basikha khu shiibala.
6 #
Isay 55.1,2; Sir 24.21 “Bali n'ikhabi ibo babaali intsala ni bulesa bwe khukhola byeesi Wele akana, lwekhuba Wele alibekusila ilala.
7“Bali n'ikhabi ibo babaali be shiisa isi babaandu babaandi, lwekhuba nabo Wele alibawambila shiisa.
8 #
Zab 24.3,4 “Bali n'ikhabi babaali bakwalaafu mu mwoyo, lwekhuba balibona Wele.
9“Bali n'ikhabi ibo babaraambilila lukoosi, lwekhuba balilaangibwa bari babaana ba Wele.
10 #
1 Pet 3.14
“Bali n'ikhabi ibo beesi babaandu bakubyeenga lwe bukwalaafu, lwekhuba Buyiinga bwe mwikulu bubwaabwe.
11 #
1 Pet 4.14
“Inywe muli n'ikhabi, babaandu ni kane babakhomatsake, babakubyeenge, lundi ni kane babakanikhaatsakekho buubi mu lomo yoosi lwe khubafunisa ise. 12#2 Kim 36.16; Sir 2.8; Bur 7.52Nimwikhoye, lundi mwitikite, lwekhuba kumukheemba kweenywe mwikulu mukali, lwekhuba ni baŋoosi bababanyoowa inywe babakubyeenga musaambo nyeneyo.
Kumuunyu naluundi Buwaanga
(Mrk 9.50; Luk 14.34-35)
13 #
Mrk 9.50; Luk 14.34,35 “Inywe muli nga kumuunyu kwe shiibala. Ne kumuunyu ni kuwamo itsamu, itsamu iyo yisibwamo iryeena lundi? Kuba sikushaakha lundi ta, khurusakho kutuumibwa ibulafu, ni babaandu bakusaambakilila.
14 #
Yoh 8.12; 9.5 “Inywe muli buwaanga bwe shiibala. Shiriimba shishombekhebwa khu lukiingi sishinyala khubisibwa ta. 15#Mrk 4.21; Luk 8.16; 11.33Namwe mbaawo umuundu uwambisa itaala, wakifunikhilila mu shiipo ta, ne akira khu shisiindi khu ngaaki nio yaaburukhila buli mutweela uli mu ntsu. 16#1 Pet 2.12Musaambo niyo ndweela, khayo buwaanga bwenywe bwaburukhe buryo mu moni tsye babaandu, nio babone buraambi bweenywe bulayi, baruuye Paapa weenywe uli mwikulu.
Bibiwaamba khu makaambila ka Musa
17“Mukhambaasa muri ise neetsa khurusawo kamakaambila ka Musa namwe khuleekela khwe baŋoosi ta. Ise sinayitsa khubirusawo ta, ne njeeba khubyoolelesa busa. 18#Luk 16.17Lwekhuba ilala imbaboolela ndi, likulu ni shiibala biliwawo, ne mbaawo ni khanukuta na khatweela, namwe kharonyesi mu makaambila ka Musa, bibiilirusibwawo ta, khukhwoolesa nga byoosi byoolelele. 19Uyo yeesi ufuniaka litweela khu makaambila kano, ikhaba lilyakamayo bufwiiti, lundi waleekela babaandi khukhola baryo, naye aryo alilaangibwa khuuba ufuura bufwiiti mu Buyiinga bwe mwikulu. Ne buli mutweela ukana akholatsake byeesi kamakaambila ka Musa kaloma, lundi waleekela babaandi khukhola baryo, alilaangibwa umukhulu mu Buyiinga bwe mwikulu. 20Lwekhuba imbaboolela ndi bukhosefu bweenywe ni bulilekha khufuurisakho bwe baleekeli be kamakaambila ka Musa, ni Bafarisaayo, si mulinjila na khafwiiti mu Buyiinga bwe mwikulu ta.
Khuleekela khu bye lirima
(Luk 12.57-59)
21 #
Luky 20.13; Maka 5.17 “Inywe mwaawulila nga babaandu be khaale ni baabaloma bari, ‘Ukheera ta, n'umuundu yeesi uwiira alikhalilwa kumusaango.’ 22Ne ise imbaboolela ndi, umuundu yeesi urunyila yaayawe, alikhalilwa kumusaango, ni nooyo ukana alaangatsake yaayawe ari, ‘Iwe s'ulimo kamakesi ta,’ alireerewa mu lukhobo, ni nooyo ukana alomatsake yaayawe ari, ‘Iwe umusilu,’ aliiba mu shikosi she khutuumibwa mu mulilo kukukhasima ta.
23“Nashiryo, n'uba nga uyila shiwaanwa shoowo khu sheeso, ne washebulila uri yaayawo akhulikho ni lomo yoosi, 24lekha asheeselo awo shiwaanwa shoowo, ukoboleyo wangu unyoowe utubaane ni yaayawo, nio ukobole uweyo shiwaanwa shoowo.
25“Fukiilisana khaangu n'umuundu utsya khukhuwabila, nga mushiili khu ntsila. Ne nga akhukhola uryo ta, uyo utsya khukhuwabilayo akhuwanayo isi umukayi, n'umukayi naye kane akhuwaaneyo iwe isi umusilikhale, khukhura iwe mu mapuusu. 26Ilala ikhuboolela ndi, s'uliruramo ta, khukhwoolesa n'ulisasula liwumule limalilisi lye likobi lyoowo.
Khuleekela khu bye buyeeyani
27 #
Luky 20.14; Maka 5.18 “Inywe mwaawulila nga ni shalomebwa shiri, ‘Ukhayeyana ta.’ 28Ne ise imbaboolela ndi, umuundu yeesi ulolela umukhasi ni khumwiikoomba aba wamalile khuyeyana ni naye mu mwoyo kweewe. 29#Mat 18.9; Mrk 9.47Noola imoni yoowo iye khu lubeka lulayi ikhuyila mu khwoneka, kirusemo, ukituume aleeyi. Shiba shiminyisa bulayi, shitweela khu bisiintsa bye kumubili kwoowo khuhela, khufuurisa kumubili kwoowo kwoosi khuutsya mu mulilo kukukhasima ta. 30#Mat 18.8; Mrk 9.43Nalundi kumukhono kwoowo kwe khu lubeka lulayi ni kuba nga kukhuyila mu khwoneka, kuremekho ukutuume aleeyi. Shiminyisa bulayi shitweela khu bisiintsa bye kumubili kwoowo khuhela, khufuurisa kumubili kwoowo kwoosi khuutsya mu mulilo kukukhasima ta.
Khuleekela khu bye khuwoona umukhasi
(Mat 19.9; Mrk 10.11-12; Luk 16.18)
31 #
Maka 24.1-4; Mat 19.7; Mrk 10.4 “Lundi shalomewa shiri, ‘Umuundu yeesi n'aaloba umukhasi weewe, akhila khumuwa ibaluwa iye khuumuloba.’ 32#Mat 19.9; Mrk 10.11,12; Luk 16.18; 1 Kor 7.10,11Ne ise imbaboolela ndi, buli mundu yeesi ukana awoonatsake umukhasi weewe, akhali lwe buyeyani, aba wamwikyelisile umuyeyani, n'umuundu uyila umukhasi uwawoonebwa, aba naye wayeyaane.
Khuleekela khu bye khukhwitsuba
33 #
Lev 19.12
Bala 30.2; Maka 23.21 “Lundi mwawulila nga babaandu be khaale ni baababoolela bari, ‘Ukhetsubatsaka bye bubeeyi ta, ne wolelesa bibitsubo byoowo byeesi wetsuba isi Umukasya.’ 34#Yak 5.12 Isay 66.1; Mat 23.22Ne ise imbaloma ndi, ukhetsuba na khafwiiti khoosi ta. Ukhetsubila likulu ta, lwekhuba nilyo shitsoloŋo sha Wele; 35#Isay 66.1 Zab 48.2namwe shiibala, lwekhuba nikhwo khweesi alaambisa bikyele byeewe; namwe isi Yerusalemu, lwekhuba nisho shiriimba sh'Omuyiinga umukhulu. 36Namwe ukhetsubila kumurwe kwoowo ta, lwekhuba s'unyala khukalusa lutsuune lwoowo lutweela khuuba luwanga namwe lumali ta. 37Ne lekha ibyo byeesi uloma uri, ‘Ee,’ bibatsake ‘Ee,’ ni ‘Taawe,’ abatsake ‘Taawe’. Ni bibiindu bibindi bibifuurakho awo, biba byaama isi umusiku.
Khuleekela khu bye khukhwiiliyaasa
(Luk 6.29-30)
38 #
Luky 21.24; Lev 24.20; Maka 19.21 “Mwawulila nga ni shalomewa khaale shiri, ‘Imoni iliyasibwa ni moni, ni liliino liliyasibwa ni liliino.’ 39Ne ise imbaloma ndi, mukhakhingililatsaka umuundu yeesi ubakhola buubi ta. Umuundu yeesi n'akhuupa luuyi khu lusaya lwoowo lwe khu lubeka lulayi,#5.39 Abe umuundu khukhuupa luuyi khu lusaya lwe khu lubeka lulayi shili shishiindu shiibi naabi. umuyuusila lwe khu lubeka lunyeletsi nalwo. 40Ni nooyo ukana khukhuwabila bari nio ayile isaati yoowo, n'umulekhe ayile ni kooti nayo. 41Nalundi nga umuundu wakhuwanyinyile khuutsya i kilomita ndweela, tsya ni naye tsi kilomita tsibili. 42Umuundu yeesi n'akhuloomba shishiindu, umuwatsaka, ni nooyo ukana khukhwiwolakho, ukhamwisisakula ta.
Khuukana basiku
(Luk 6.27-28,32-36)
43 #
Sir 12.4-7
“Inywe mwaawulila nga ni shalomewa shiri, ‘Kanatsaka umwesanwa woowo, ubiyile umusiku woowo.’ 44Ne ise imbaloma ndi, ni mukanaatsake basiku beenywe, lundi muloombele ibo bababakubyeenga, 45#Sir 4.10nio mube babaana ba Paapa weenywe uli mwikulu. Lwekhuba inyaanga yeewe akyaburusila babakhali babeyikinwa ta ni babeyikinwa, ni ifula yeewe yakhupila babakhola biilayi ni babakhakhola biilayi ta. 46Ne noola mukana ibo bababakana bonyene, mulifuna shiwaanwa shiina? Ni babusanisi be kumusolo nabo si bakhola baryo? 47Ne ni kane musheesatsake bayaaya beenywe bonyene, babaandu babaandi inywe mubafuurisakho shiina? Ikhaba ni bakhafukiilila nabo si bakhola baryo? 48#Lev 19.2; Maka 18.13Ni nashiryo, inywe mwakha mwaba bakwalaafu nga Paapa weenywe uli mwikulu n'ali umukwalaafu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.