Ba Levi 1
1
Tsisaayilo tsitsookhebwa nga tsimbuufu busa
1Umukasya aaba nga ali mu lisari mweesi aabonekhela, walaanga Musa, kila amulomela ari, 2atsye akanikhe isi babaandu ba Isiraeli, ababoolele byeesi bali ni khuukhola, nga abe baareerire she khuuwaanayo isi Umukasya, nga bashaamisa mu byaayo, tsikhaafu namwe mu masheese.
3Nga shishaayo isho shili ikhaafu, bali ni khuuwaanayo iwuunwa, iyo ikhalikho buuleme bwoosi ta. Umuundu ukiwaanileyo, ali ni khuukireera akyakaaniseyo imulyaango we lisari lyeesi Umukasya abonekhelamo, nio Umukasya anyalise khuumufukiilisa khukhwiitsa aambi. 4Umuundu uyo ali ni khuura kumukhono kweewe kumulayi khu murwe kwe shishaayo sheesi awaanileyo isho nga isaayilo, khulwe khuurusawo bibyoonako byeewe.
5Lwanyuma, iwuunwa iyo bali ni khuukikhoonyela mu moni tsy'Omukasya. Basaayi khukhwaama mu shikuuka sh'omusaayi Aroni, bali ni khuuwaanayo kamalasile, bakawaanyake khu sheeso shishiili amulyaango we lisari lyeesi Umukasya abonekhelamo. 6Ali ni khuukibaaka, lwanyuma akisatsakemo bisiintsa. 7Basaayi bali ni khuura tsiikhu khu sheeso, bawaambise kumulilo kurakikhe khuutindiima. 8Basaayi bawaambe kumurwe, ni kiminaawa, babyaantse khu mulilo kwe khu sheeso. 9Ne by'enda ni bileenge, ali ni khuunyoowa abisiinge ni kameetsi. Khukhwaama ni shili shiwaanwa she khukhwookhebwa, nio lwanyuma umusaayi are tsinyama itsyo tsyoosi khu sheeso, bishe bituukhe lisuusi, liliwayo isilikakha indaayi isi Umukasya.
10Noola shiwaanwa isho umuundu waashibukuule khukhwaama mu masheese, lili ni khuuba limiiku, ne nga mu mbusi, ili ni khuuba indurume. Shishaayo isho shili ni khuuba nga seshilikho buuleme bwoosi ta. 11Ali ni khuuyila shishaayo isho ingaaki we shisheeso mu moni tsy'Omukasya, ashiirire ibweene iyo. Basaayi babukule kamalasile bakawaanyake bebotokhelese shisheeso.
12Basaayi bawaambe kumurwe, ni kiminaawa, babyaantse khu mulilo kwe khu sheeso. 13Ne by'enda ni bileenge, bali ni khuunyoowa babisiinge ni kameetsi. Khukhwaama ni shili shiwaanwa she khukhwookhebwa, lwanyuma tsinyama itsyo umusaayi atsire tsyoosi khu sheeso, bishe bituukhe lisuusi, liliwayo isilikakha indaayi isi Umukasya.
14Umuundu n'aba nga alikho awaanayo khanywiinywi mu shiwaanwa she khukhwoosha nga shino, ali ni khuuwaanayo liwuusi namwe iniinga. 15Umusaayi ali ni khuuwaamba khanywiinywi akho, akhayile khu sheeso sha buroonzi, akhaborore likosi lirurekho, lwanyuma are kumurwe khu sheeso. Akheenamise khu luwaande lutweela lwe shisheeso, kamafuki karonyake kawemo. 16Lwanyuma arusemo lisakhilo, arusekho ni kamafuumbo, abituume isi batuuma likoshe, shishiili ibwaama inyaanga we shisheeso. 17Ikhumaliilisa, akhawaambe tsindaha, akhonuulemo, ne alekhe khukhakabananisamo khabili ta. Umusaayi akhare khu sheeso, akhooshele khu mulilo, nga isaayilo intsoshe, nio bishe bituukhe lisuusi, liliwayo isilikakha indaayi isi Umukasya.
Currently Selected:
Ba Levi 1: LCE
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.
Ba Levi 1
1
Tsisaayilo tsitsookhebwa nga tsimbuufu busa
1Umukasya aaba nga ali mu lisari mweesi aabonekhela, walaanga Musa, kila amulomela ari, 2atsye akanikhe isi babaandu ba Isiraeli, ababoolele byeesi bali ni khuukhola, nga abe baareerire she khuuwaanayo isi Umukasya, nga bashaamisa mu byaayo, tsikhaafu namwe mu masheese.
3Nga shishaayo isho shili ikhaafu, bali ni khuuwaanayo iwuunwa, iyo ikhalikho buuleme bwoosi ta. Umuundu ukiwaanileyo, ali ni khuukireera akyakaaniseyo imulyaango we lisari lyeesi Umukasya abonekhelamo, nio Umukasya anyalise khuumufukiilisa khukhwiitsa aambi. 4Umuundu uyo ali ni khuura kumukhono kweewe kumulayi khu murwe kwe shishaayo sheesi awaanileyo isho nga isaayilo, khulwe khuurusawo bibyoonako byeewe.
5Lwanyuma, iwuunwa iyo bali ni khuukikhoonyela mu moni tsy'Omukasya. Basaayi khukhwaama mu shikuuka sh'omusaayi Aroni, bali ni khuuwaanayo kamalasile, bakawaanyake khu sheeso shishiili amulyaango we lisari lyeesi Umukasya abonekhelamo. 6Ali ni khuukibaaka, lwanyuma akisatsakemo bisiintsa. 7Basaayi bali ni khuura tsiikhu khu sheeso, bawaambise kumulilo kurakikhe khuutindiima. 8Basaayi bawaambe kumurwe, ni kiminaawa, babyaantse khu mulilo kwe khu sheeso. 9Ne by'enda ni bileenge, ali ni khuunyoowa abisiinge ni kameetsi. Khukhwaama ni shili shiwaanwa she khukhwookhebwa, nio lwanyuma umusaayi are tsinyama itsyo tsyoosi khu sheeso, bishe bituukhe lisuusi, liliwayo isilikakha indaayi isi Umukasya.
10Noola shiwaanwa isho umuundu waashibukuule khukhwaama mu masheese, lili ni khuuba limiiku, ne nga mu mbusi, ili ni khuuba indurume. Shishaayo isho shili ni khuuba nga seshilikho buuleme bwoosi ta. 11Ali ni khuuyila shishaayo isho ingaaki we shisheeso mu moni tsy'Omukasya, ashiirire ibweene iyo. Basaayi babukule kamalasile bakawaanyake bebotokhelese shisheeso.
12Basaayi bawaambe kumurwe, ni kiminaawa, babyaantse khu mulilo kwe khu sheeso. 13Ne by'enda ni bileenge, bali ni khuunyoowa babisiinge ni kameetsi. Khukhwaama ni shili shiwaanwa she khukhwookhebwa, lwanyuma tsinyama itsyo umusaayi atsire tsyoosi khu sheeso, bishe bituukhe lisuusi, liliwayo isilikakha indaayi isi Umukasya.
14Umuundu n'aba nga alikho awaanayo khanywiinywi mu shiwaanwa she khukhwoosha nga shino, ali ni khuuwaanayo liwuusi namwe iniinga. 15Umusaayi ali ni khuuwaamba khanywiinywi akho, akhayile khu sheeso sha buroonzi, akhaborore likosi lirurekho, lwanyuma are kumurwe khu sheeso. Akheenamise khu luwaande lutweela lwe shisheeso, kamafuki karonyake kawemo. 16Lwanyuma arusemo lisakhilo, arusekho ni kamafuumbo, abituume isi batuuma likoshe, shishiili ibwaama inyaanga we shisheeso. 17Ikhumaliilisa, akhawaambe tsindaha, akhonuulemo, ne alekhe khukhakabananisamo khabili ta. Umusaayi akhare khu sheeso, akhooshele khu mulilo, nga isaayilo intsoshe, nio bishe bituukhe lisuusi, liliwayo isilikakha indaayi isi Umukasya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.