She Lukyeendo 25
25
Iweema Ikhosefu
(Luky 35.4-9)
1Umukasya waalomela Musa ari, 2“Boolela ba Isiraeli uri bandeerere biwaanwa. Umuundu yeesi ukane awaaneyo shiwaanwa, kane ashikhuwe iwe mu lisiina lyase. 3Biwaanwa byeesi uli ni khukhwakaanila nibyo bino: Izaabu, ifweetsa, ni buroonzi, 4ni buwutsi bweesi bakholamo bikwaaro nga buli bwe raangi imbuusi, ni buubesemu, ni noobwo bweesi bakholamo bikwaaro bibyareremukha busa, ni bubwooya bwe tsimbusi. 5Bali ni khuukhuwa bisyeelo bye kamamiiku byeesi bamalile khuuhala, ni bisyeelo bye tsimbusi, atweela ni tsimbaawo khukhwaama khu kuusaala ku akasiya. 6Kamafura ke khuutsukha mu taala, ni bye khukhwihakha bibiwunya buulayi bye khuutubaasa mu mafura ke khuubita basaayi, 7kamabaale kamamiliwu kakaalaangibwa kari onikisi, ke khuura khu bikwaaro Efodi#25.7 Efodi: Bino Bili bikwaaro bye basaayi bye basaayi naluundi khuutseeta shifuba. 8Naluundi ise ingana bantsombakhile ise shiifwo shikhosefu, nio ise niitse khuumenya ni babaandu baase. 9Shifwo shikhosefu shino muli ni khuushoombakha khuuloondekhana ni isaambo isi samweene kane ikhwookesanise.”
Isanduuku iye Kamakaambila
(Luky 37.1-9)
10“Baboolele uri ni boombakhe Isanduuku nga baraambisa kuusaala ku akasiya, yoola buuleeyi tsi sentimita shitoondo shitweela ni likhumi (110), buubalaayi tsi sentimita kamakhumi kasesaba na tsisesaba, ni khuuniina mu ngaaki tsi sentimita kasesaba na tsisesaba. 11Mukari ni khu ngaaki muli ni khuukimaalamo ni zaabu, ni khu shifunikho nakhwo muli ni khuurakho izaabu. 12Mukhole tsipore tsye izaabu tsine, mure aasi a buli isoonda iye sanduuku. 13Khootsa bisaala bine bye kuusaala ku akasiya, mubimaalekho n'izaabu, 14mubibirisile mu pore tsine itsyo, nio munyalise khuusutilakho isanduuku tsana. 15Bisaala ibyo bili ni khuurama mu pore itsyo, mukhabirusaakamo ta. 16Nga ise naamalile khuukhuwa iwe Kamakaambila likhumi kakaaronebwele khu mabaale kabili, uli ni khuukara mu sanduuku nyene iyo. 17#Heb 9.5Muli ni khuumaala shifunikho she sanduuku iyo n'izaabu. 18Ubukule izaabu ukholemo bakeruubi babili. 19Kerubi mutweela abe khu lubeka lutweela, ukuundi naye abe khu lubeka lwe sanduuku luluundi. 20Bakerubi bano mubabuumba nga baabambuule tsindaha tsaabwe, baabiimbile Isanduuku, naluundi bali ni khuulolelelana. 21Uli ni khuura kamabaale kakaalikho Kamakaambila likhumi mukari mwe saanduku, nio khu ngaaki khwayo ubiimbekho shifunikho she zaabu. 22Ise ikhaakhwakaananile iwe abweene awo, khu ngaaki khwe saanduku akari e bakerubi. Abweene awo ise ikhaakhuboolele iwe kamakaambila keesi uli ni khuuwa babaandu baase ba Isiraeli.
Imeetsa iye khuurakho kumukaati
(Luky 37.10-16)
23“Muli ni khuukhola imeetsa mu kuusaala ku akasiya, iyoola buuleeyi tsi sentimita kamakhumi shinaane na shinaane, kamakhumi kane na tsine buubalaayi, ni kamakhumi kasesaba na tsisesaba khuuniina mu ngaaki. 24Isanduuku yoosi kimaale ni zaabu, naluundi ni khu ndulo mukibuumbilekho izaabu. 25Muli ni khuukikholela ifuremu iyoola nga shikalabo buubalaayi mukibotokhelese, ni khu bweene ukhwo muli ni khuurakho izaabu. 26Mukhole tsipore tsine tsye zaabu, mutsibowe khu bikele byayo bine nga buli shikele shilikho ipore indweela. 27Tsipore tsino tsili ni khuuba aambi n'ifuremu, nio babaasuta babirisilemo bisaala bibiisuta. 28Imeetsa bali ni khuukisutila khu bisaala byeesi mubeetsa mu kuusaala ku akasiya, ne nga mwaamalile khuubimaala n'izaabu. 29Bipwakhuli ni bibuumba byoosi bibireebwa khu meetsa yino nga bili bye khuutsukhamo biwaanwa bye viini, bili ni khuuba nga byaakholebwa mu zaabu yenyene. 30#Lev 24.5-8Imeetsa yino ili ni khuubiikhibwa mu shifwo shikhosefu, naluundi busheele muli ni khuurakho kimikaati kimikhosefu.
Shisiindi she taala
(Luky 37.17-24)
Umukasya weloosela waaloma ari:
31“Aamba izaabu yonyene busa ukholemo shisiindi she taala. Ibikele sheesi yikhalakho ni kumukhoondi kwayo, bili ni khuubuumbibwa busa, ikhaba bupwakhuli bubuubakho, ni byeesi baraambisa khuukimiliisa, byoosi bali ni khuubibuumbila khu bweene. 32Ili ni khuubakho tsisakya tsisesaba, nga buli lubeka luli ni khuubakho tsisakya tsitaru. 33Buli lutweela khu sakya tsiseba tsino, luli ni khuubakho bimuli, nga bili bibalaayi shangaaki, ne binyelele ibikele. 34Khu shisiindi khubweene khuli ni khuubakho bipwakhuli bine, nga khulikho ni bimuli byakhwo. 35Buli mu shifwo mweesi lusakya lwaamila khu shisiindi, ili ni khuubawo shiimuli. 36Shisiindi she taala shino, ni tsisakya kyasho ni bimuli bibiibakho byoosi, bili ni khuukholebwa khukhwaama mu zaabu yonyene busa. 37Itaala inyoowa iba khu ngaaki, ni bwaakamilo wa buli lusakya ibeyo tsitaala tsisesaba, nga tsabuumbibwa khuuba tsimulikha khuulola ibweeni we shisiindi she taala. 38Biibano bibisoongola tsitaala tsino ni lulweelo khweesi bara byeesi basongola khu taala, bili ni khuubuumbibwa khukhwaama mu zaabu. 39Itaala yino ni bibitsiilakho byoosi bili ni khuumalawo buukali bwa zaabu bubwoola tsikilo kataru na tsine. 40#Bur 7.44; Heb 8.5Bino byoosi bili ni khuukholekha khuuloondekhana ni n'eyo isi nakhwookesa nga uli khu lukiingi.”
Currently Selected:
She Lukyeendo 25: LCE
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.
She Lukyeendo 25
25
Iweema Ikhosefu
(Luky 35.4-9)
1Umukasya waalomela Musa ari, 2“Boolela ba Isiraeli uri bandeerere biwaanwa. Umuundu yeesi ukane awaaneyo shiwaanwa, kane ashikhuwe iwe mu lisiina lyase. 3Biwaanwa byeesi uli ni khukhwakaanila nibyo bino: Izaabu, ifweetsa, ni buroonzi, 4ni buwutsi bweesi bakholamo bikwaaro nga buli bwe raangi imbuusi, ni buubesemu, ni noobwo bweesi bakholamo bikwaaro bibyareremukha busa, ni bubwooya bwe tsimbusi. 5Bali ni khuukhuwa bisyeelo bye kamamiiku byeesi bamalile khuuhala, ni bisyeelo bye tsimbusi, atweela ni tsimbaawo khukhwaama khu kuusaala ku akasiya. 6Kamafura ke khuutsukha mu taala, ni bye khukhwihakha bibiwunya buulayi bye khuutubaasa mu mafura ke khuubita basaayi, 7kamabaale kamamiliwu kakaalaangibwa kari onikisi, ke khuura khu bikwaaro Efodi#25.7 Efodi: Bino Bili bikwaaro bye basaayi bye basaayi naluundi khuutseeta shifuba. 8Naluundi ise ingana bantsombakhile ise shiifwo shikhosefu, nio ise niitse khuumenya ni babaandu baase. 9Shifwo shikhosefu shino muli ni khuushoombakha khuuloondekhana ni isaambo isi samweene kane ikhwookesanise.”
Isanduuku iye Kamakaambila
(Luky 37.1-9)
10“Baboolele uri ni boombakhe Isanduuku nga baraambisa kuusaala ku akasiya, yoola buuleeyi tsi sentimita shitoondo shitweela ni likhumi (110), buubalaayi tsi sentimita kamakhumi kasesaba na tsisesaba, ni khuuniina mu ngaaki tsi sentimita kasesaba na tsisesaba. 11Mukari ni khu ngaaki muli ni khuukimaalamo ni zaabu, ni khu shifunikho nakhwo muli ni khuurakho izaabu. 12Mukhole tsipore tsye izaabu tsine, mure aasi a buli isoonda iye sanduuku. 13Khootsa bisaala bine bye kuusaala ku akasiya, mubimaalekho n'izaabu, 14mubibirisile mu pore tsine itsyo, nio munyalise khuusutilakho isanduuku tsana. 15Bisaala ibyo bili ni khuurama mu pore itsyo, mukhabirusaakamo ta. 16Nga ise naamalile khuukhuwa iwe Kamakaambila likhumi kakaaronebwele khu mabaale kabili, uli ni khuukara mu sanduuku nyene iyo. 17#Heb 9.5Muli ni khuumaala shifunikho she sanduuku iyo n'izaabu. 18Ubukule izaabu ukholemo bakeruubi babili. 19Kerubi mutweela abe khu lubeka lutweela, ukuundi naye abe khu lubeka lwe sanduuku luluundi. 20Bakerubi bano mubabuumba nga baabambuule tsindaha tsaabwe, baabiimbile Isanduuku, naluundi bali ni khuulolelelana. 21Uli ni khuura kamabaale kakaalikho Kamakaambila likhumi mukari mwe saanduku, nio khu ngaaki khwayo ubiimbekho shifunikho she zaabu. 22Ise ikhaakhwakaananile iwe abweene awo, khu ngaaki khwe saanduku akari e bakerubi. Abweene awo ise ikhaakhuboolele iwe kamakaambila keesi uli ni khuuwa babaandu baase ba Isiraeli.
Imeetsa iye khuurakho kumukaati
(Luky 37.10-16)
23“Muli ni khuukhola imeetsa mu kuusaala ku akasiya, iyoola buuleeyi tsi sentimita kamakhumi shinaane na shinaane, kamakhumi kane na tsine buubalaayi, ni kamakhumi kasesaba na tsisesaba khuuniina mu ngaaki. 24Isanduuku yoosi kimaale ni zaabu, naluundi ni khu ndulo mukibuumbilekho izaabu. 25Muli ni khuukikholela ifuremu iyoola nga shikalabo buubalaayi mukibotokhelese, ni khu bweene ukhwo muli ni khuurakho izaabu. 26Mukhole tsipore tsine tsye zaabu, mutsibowe khu bikele byayo bine nga buli shikele shilikho ipore indweela. 27Tsipore tsino tsili ni khuuba aambi n'ifuremu, nio babaasuta babirisilemo bisaala bibiisuta. 28Imeetsa bali ni khuukisutila khu bisaala byeesi mubeetsa mu kuusaala ku akasiya, ne nga mwaamalile khuubimaala n'izaabu. 29Bipwakhuli ni bibuumba byoosi bibireebwa khu meetsa yino nga bili bye khuutsukhamo biwaanwa bye viini, bili ni khuuba nga byaakholebwa mu zaabu yenyene. 30#Lev 24.5-8Imeetsa yino ili ni khuubiikhibwa mu shifwo shikhosefu, naluundi busheele muli ni khuurakho kimikaati kimikhosefu.
Shisiindi she taala
(Luky 37.17-24)
Umukasya weloosela waaloma ari:
31“Aamba izaabu yonyene busa ukholemo shisiindi she taala. Ibikele sheesi yikhalakho ni kumukhoondi kwayo, bili ni khuubuumbibwa busa, ikhaba bupwakhuli bubuubakho, ni byeesi baraambisa khuukimiliisa, byoosi bali ni khuubibuumbila khu bweene. 32Ili ni khuubakho tsisakya tsisesaba, nga buli lubeka luli ni khuubakho tsisakya tsitaru. 33Buli lutweela khu sakya tsiseba tsino, luli ni khuubakho bimuli, nga bili bibalaayi shangaaki, ne binyelele ibikele. 34Khu shisiindi khubweene khuli ni khuubakho bipwakhuli bine, nga khulikho ni bimuli byakhwo. 35Buli mu shifwo mweesi lusakya lwaamila khu shisiindi, ili ni khuubawo shiimuli. 36Shisiindi she taala shino, ni tsisakya kyasho ni bimuli bibiibakho byoosi, bili ni khuukholebwa khukhwaama mu zaabu yonyene busa. 37Itaala inyoowa iba khu ngaaki, ni bwaakamilo wa buli lusakya ibeyo tsitaala tsisesaba, nga tsabuumbibwa khuuba tsimulikha khuulola ibweeni we shisiindi she taala. 38Biibano bibisoongola tsitaala tsino ni lulweelo khweesi bara byeesi basongola khu taala, bili ni khuubuumbibwa khukhwaama mu zaabu. 39Itaala yino ni bibitsiilakho byoosi bili ni khuumalawo buukali bwa zaabu bubwoola tsikilo kataru na tsine. 40#Bur 7.44; Heb 8.5Bino byoosi bili ni khuukholekha khuuloondekhana ni n'eyo isi nakhwookesa nga uli khu lukiingi.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.