She Lukyeendo 13
13
Khuuwaanayo umwaana umukiboole
1Umukasya waalomela Musa ari, 2#Bala 3.13; Luk 2.23“Buli umwaana uwesiinde umukiboole yeesi nga waasaalikhile, muli ni khuumuwaanayo musaambo iya buraawa isi ise, ikhaba shishaayo shiikiboole muli ni khuushiwaanayo isi ise. Biikiboole bye seetsa ibyo bili bibyase.”
3Nio Musa waalomela babaandu ari, “Ni mushebulilatsake shifukhu shino. Shino shili shifukhu khweesi Umukasya aaraambisa kamaani keewe, waabarusa inywe mu bubowe i Misiri, waabareera mu shifwo shino. Ni nashiryo khu shifukhu shino, mukhalya shishiindu shoosi shishiilimo kamamela ta. 4Lwe shaleelo khu shifukhu shino she mu mweesi kwa Abibu, muli ni khukhwinyukha ino mutsye. 5Ne nga Umukasya weetsile khubayila inywe waaboolisa khu liloba lyeesi aalomela bakuuka beenywe, nga aluno ari limenyamo ba Kanani, ni ba Hiiti, ni ba Amori, ni ba Hiivi, ni ba Yebusi, mu shibala shishiilimo liiloba liilayi naabi, lilyaama biilyo biikali, inywe muli ni khuukholatsaka kamayiiya ke bibiindu bino musaambo yino: 6Muli ni khuumala biifukhu musaafu nga mulya kimikaati kikikhalimo kamamela ta. Ne khu shifukhu she kumusaafu, muli ni khuulya kamayiiya nga mwikhoya khulw'Omukasya. 7Mu bifukhu musaafu ibyo, mbaawo umuundu khusiinywe uulya kumukaati kukuulimo kamamela ta, namwe mbaawo umuundu uuli ni khuunyoolikhana ni kamamela nga kali aambi ni isi amenya ta. 8Lwanyuma khu shifukhu she kumusaafu, muli ni khuusontsoola babaana beenywe muri mukhola shino, khulwe khuushebulila shifukhu sheesi Umukasya aabarusila inywe mu khutaambisibwa i Misiri. 9Kamayiiya kano kane kabe busa nga khaabonelo kheesi mukwaara khu mikhono kyeenywe, namwe kheesi mubowa mu bweeni mweenywe. Khulwekhuuba mu khuukhola shino, kane mube mulikho muleekela babaandi indeekela y'Omukasya, uwaraambisa kamaani keewe khuubarusa inywe i Misiri. 10Ni nashiryo buli kumwiiko, muli ni khuulya kamayiiya kano khu shifukhu nisho shitweela.”
Khuuwaanayo she seetsa shiikiboole
11Ne nga Umukasya waamalile khuubawa inywe liiloba lyeesi abalomela inywe ni bakuuka beenywe, aluno ari lilimenyamo ba Kanani, 12#Luky 34.19,20; Luk 2.23khukhwaamila abweene awo, muli ni khuumuwa musaambo iya buraawa buli shishisaalikha nga shiikiboole, oba umwaana uwesiinde, namwe shishaayo shiseetsa. Bino muli ni khuubiwaanayo isi Umukasya. 13Mu shifwo she khuuwaanayo isikilya ingiboole iseetsa, unyala waawaanayo lisheese lilyaana. Ne noola si shili shiryo ta, isikilya iyo muli ni khuukifuna likosi. Ikhaba buli mwaana umusiinde umukiboole, muli ni khuuwaanayo shishiindu isi Umukasya nio akile mumwikobosele isi mwabeene. 14Ne nyaanga babaana beenywe ni balibareeba bari kamayiiya kano kamanyisa shiina, mulibeelamo muri, khukhola shino khuushebulila nga Umukasya n'araambisa kamaani keewe, wakhurusa ifwe mu khutaambisibwa nga ni khwaba i Misiri. 15Khulwekhuuba Faraawo nga n'akhunisa kumwoyo kweewe, waalekha khukhulekhuula ifwe khuurula mu Misiri ta, Umukasya aakhoonya buli shiikiboole shoosi mu Misiri. Shino Umukasya aashikhola khu baana baakiboole besiinde, ni khu byaayo byeene. Shino nisho shishikila ise nawaanayo isi Umukasya buli shiikiboole shoosi shiseetsa khukhwaama mu byaayo. Ne buli mwaana umusiinde umukiboole, khuli ni khuuwaanayo shishiindu isi Umukasya nio akile ifwe fabeene khumwikobosele. 16Kamayiiya kano kane kabe busa nga khaabonelo kheesi mukwaara khu mikhono namwe kheesi mubowa mu bweeni mweenywe. Khulwekhuuba mu khukhola shino, kane mube mulikho muleekela babaandi indeekela y'Omukasya, uwaraambisa kamaani keewe khuubarusa inywe i Misiri.
Umukasya araangilila babaandu beewe
17Nga Faraawo waamalile khuulekhuula ba Isiraeli ari batsye, Wele waalekha khubaraangilila khuutsiila khu mukhoosi kukubirira mu ba Filisitiya ta, ikhaba nga nikwo kwaba abe kumwiimbi. Khulwekhuuba Wele aamanya ari babaandu bano ni aabawo baasiku babaabebwakala, banyala baakhalawo khukhwiilayo i Misiri. 18Nashiryo Wele waabaraangilila waabayila, baatsya baatalaanda nga babirira mu mubiimbi, khukhwoolisa khu nyaantsa Imbesemu.
Ba Isiraeli baarura mu Misiri nga berekekheele busoolo.
19 #
Rak 50.25; Yos 24.32 Musa waalomela babaandu baashukhuluula kamakuumba ka Yozefu, baatsya ni nako. Khulwekhuuba nga Yozefu ashiili khufwa ta, aalekha shilaamo ari, “Wele aliitsa khuubarusa mu Misiri. Ne nga weetsile, muli ni khuushukhuluula kamakuumba kaase mutsye ni nako.” 20Nashiryo beloosela khukhwaama i Sukosi, baatsya baakonela i Esamu, shishiili khu ndulo khwa Misiri, aambi ni kumubiimbi. 21Kumuusi abe Umukasya umweene abaraangilila nga araambisa kamafuumbi kakebuusile atweela. Ne mu shilo abe Umukasya umweene aabaraangilila nga wekelile kuulilo kuukali kukwibuusile atweela. Shino shaabanyalisa khukyeenda kumuusi ni mu shilo. 22#Makh 10.17,18; 18.3Abe kamafuumbi kakebuusile atweela ni kuulilo abe kukwibuusile atweela, nibyo bibyaraangilila babaandu buli esi baatsyaka.
Currently Selected:
She Lukyeendo 13: LCE
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.
She Lukyeendo 13
13
Khuuwaanayo umwaana umukiboole
1Umukasya waalomela Musa ari, 2#Bala 3.13; Luk 2.23“Buli umwaana uwesiinde umukiboole yeesi nga waasaalikhile, muli ni khuumuwaanayo musaambo iya buraawa isi ise, ikhaba shishaayo shiikiboole muli ni khuushiwaanayo isi ise. Biikiboole bye seetsa ibyo bili bibyase.”
3Nio Musa waalomela babaandu ari, “Ni mushebulilatsake shifukhu shino. Shino shili shifukhu khweesi Umukasya aaraambisa kamaani keewe, waabarusa inywe mu bubowe i Misiri, waabareera mu shifwo shino. Ni nashiryo khu shifukhu shino, mukhalya shishiindu shoosi shishiilimo kamamela ta. 4Lwe shaleelo khu shifukhu shino she mu mweesi kwa Abibu, muli ni khukhwinyukha ino mutsye. 5Ne nga Umukasya weetsile khubayila inywe waaboolisa khu liloba lyeesi aalomela bakuuka beenywe, nga aluno ari limenyamo ba Kanani, ni ba Hiiti, ni ba Amori, ni ba Hiivi, ni ba Yebusi, mu shibala shishiilimo liiloba liilayi naabi, lilyaama biilyo biikali, inywe muli ni khuukholatsaka kamayiiya ke bibiindu bino musaambo yino: 6Muli ni khuumala biifukhu musaafu nga mulya kimikaati kikikhalimo kamamela ta. Ne khu shifukhu she kumusaafu, muli ni khuulya kamayiiya nga mwikhoya khulw'Omukasya. 7Mu bifukhu musaafu ibyo, mbaawo umuundu khusiinywe uulya kumukaati kukuulimo kamamela ta, namwe mbaawo umuundu uuli ni khuunyoolikhana ni kamamela nga kali aambi ni isi amenya ta. 8Lwanyuma khu shifukhu she kumusaafu, muli ni khuusontsoola babaana beenywe muri mukhola shino, khulwe khuushebulila shifukhu sheesi Umukasya aabarusila inywe mu khutaambisibwa i Misiri. 9Kamayiiya kano kane kabe busa nga khaabonelo kheesi mukwaara khu mikhono kyeenywe, namwe kheesi mubowa mu bweeni mweenywe. Khulwekhuuba mu khuukhola shino, kane mube mulikho muleekela babaandi indeekela y'Omukasya, uwaraambisa kamaani keewe khuubarusa inywe i Misiri. 10Ni nashiryo buli kumwiiko, muli ni khuulya kamayiiya kano khu shifukhu nisho shitweela.”
Khuuwaanayo she seetsa shiikiboole
11Ne nga Umukasya waamalile khuubawa inywe liiloba lyeesi abalomela inywe ni bakuuka beenywe, aluno ari lilimenyamo ba Kanani, 12#Luky 34.19,20; Luk 2.23khukhwaamila abweene awo, muli ni khuumuwa musaambo iya buraawa buli shishisaalikha nga shiikiboole, oba umwaana uwesiinde, namwe shishaayo shiseetsa. Bino muli ni khuubiwaanayo isi Umukasya. 13Mu shifwo she khuuwaanayo isikilya ingiboole iseetsa, unyala waawaanayo lisheese lilyaana. Ne noola si shili shiryo ta, isikilya iyo muli ni khuukifuna likosi. Ikhaba buli mwaana umusiinde umukiboole, muli ni khuuwaanayo shishiindu isi Umukasya nio akile mumwikobosele isi mwabeene. 14Ne nyaanga babaana beenywe ni balibareeba bari kamayiiya kano kamanyisa shiina, mulibeelamo muri, khukhola shino khuushebulila nga Umukasya n'araambisa kamaani keewe, wakhurusa ifwe mu khutaambisibwa nga ni khwaba i Misiri. 15Khulwekhuuba Faraawo nga n'akhunisa kumwoyo kweewe, waalekha khukhulekhuula ifwe khuurula mu Misiri ta, Umukasya aakhoonya buli shiikiboole shoosi mu Misiri. Shino Umukasya aashikhola khu baana baakiboole besiinde, ni khu byaayo byeene. Shino nisho shishikila ise nawaanayo isi Umukasya buli shiikiboole shoosi shiseetsa khukhwaama mu byaayo. Ne buli mwaana umusiinde umukiboole, khuli ni khuuwaanayo shishiindu isi Umukasya nio akile ifwe fabeene khumwikobosele. 16Kamayiiya kano kane kabe busa nga khaabonelo kheesi mukwaara khu mikhono namwe kheesi mubowa mu bweeni mweenywe. Khulwekhuuba mu khukhola shino, kane mube mulikho muleekela babaandi indeekela y'Omukasya, uwaraambisa kamaani keewe khuubarusa inywe i Misiri.
Umukasya araangilila babaandu beewe
17Nga Faraawo waamalile khuulekhuula ba Isiraeli ari batsye, Wele waalekha khubaraangilila khuutsiila khu mukhoosi kukubirira mu ba Filisitiya ta, ikhaba nga nikwo kwaba abe kumwiimbi. Khulwekhuuba Wele aamanya ari babaandu bano ni aabawo baasiku babaabebwakala, banyala baakhalawo khukhwiilayo i Misiri. 18Nashiryo Wele waabaraangilila waabayila, baatsya baatalaanda nga babirira mu mubiimbi, khukhwoolisa khu nyaantsa Imbesemu.
Ba Isiraeli baarura mu Misiri nga berekekheele busoolo.
19 #
Rak 50.25; Yos 24.32 Musa waalomela babaandu baashukhuluula kamakuumba ka Yozefu, baatsya ni nako. Khulwekhuuba nga Yozefu ashiili khufwa ta, aalekha shilaamo ari, “Wele aliitsa khuubarusa mu Misiri. Ne nga weetsile, muli ni khuushukhuluula kamakuumba kaase mutsye ni nako.” 20Nashiryo beloosela khukhwaama i Sukosi, baatsya baakonela i Esamu, shishiili khu ndulo khwa Misiri, aambi ni kumubiimbi. 21Kumuusi abe Umukasya umweene abaraangilila nga araambisa kamafuumbi kakebuusile atweela. Ne mu shilo abe Umukasya umweene aabaraangilila nga wekelile kuulilo kuukali kukwibuusile atweela. Shino shaabanyalisa khukyeenda kumuusi ni mu shilo. 22#Makh 10.17,18; 18.3Abe kamafuumbi kakebuusile atweela ni kuulilo abe kukwibuusile atweela, nibyo bibyaraangilila babaandu buli esi baatsyaka.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.