Matayo KHUKHWAANTSULA
KHUKHWAANTSULA
Kamakhuuwa Kamalayi nga ni kaaronebwa ni Matayo niko kamakhuuwa kamalayi kakaaboola kari Yesu niye umuwonesi uwalomewakho. Mu Yesu uyu nimwo mweesi Wele olelesela bisuubiso byeesi alomela babaandu be Ndakaano Ikhale. Kamakhuuwa kano kamalayi sikali kamakhuuwa kamalayi isi Bayudaaya bonyene isi Yesu asaalikhila ta, ne kali kamakhuuwa kamalayi isi shiibala shoosi.
Shitabo shino sha Matayo sharuungikhibwa ni bubwitsililisi bukali. Shirakikha ni khusaalikha khwa Yesu, shaakanikha khu khubatisibwa ni khu khuukhakibwa khweewe. Shiryo shitsya shabalaayisa khu buraambi bweewe bwe khuuboolela kamakhuuwa, ni khuuleekela, ni khuuwonesa balwaale i Galilaaya. Lwanyuma lwa bino Matayo akhwokesanisa nga Yesu n'akyeenda khukhwaama i Galilaaya khuutsya i Yerusalemu, ni nebyo byoosi byeesi aakholela mu sabiiti iyakamayo nga nibyo bibyamwoolesa khu khwiribwa, ni khulamukha.
Kamakhuuwa kano kakhwokesa Yesu nga n'ali umuleekeli umukhulu naabi, uli ni bunyala khuleekela khu makaambila ka Wele, luundi nga niye uleekela bibiwaamba khu Buyiinga bwe mwikulu.
Byeesi Yesu aaleekela byaakabananisibwamo bisiintsa biraano: (1) Indeekela ye khu lukiingi, isi Yesu aakanikhila khu saambo, ni buufunisi, ni bilayi, ni intsakamo ye babekhali be mu Buyiinga bwe mwikulu (tsisuula 5-7); (2) Bye khuukaambilila baleekelwa liikhumi na babili lwe kumulimo kwaabwe (isuula ye 10); (3) Tsisimo tsitsiwaamba khu Buyiinga bwe mwikulu (isuula ye 13); (4) Indeekela iwaamba khu buleekelwa sheesi bumanyisa (isuula ye 18); (5) Khuuleekela khukhuuwaamba khu ntsakamo iye kumuboolo kuno, ni khukhwiitsa khwe Buyiinga bwe mwikulu (tsisuula 23-25).
Inoondekhana iye bibiilimo
Shikuuka ni khuusaalikha khwa Yesu Kristo (1.1—2.23)
Buuraambi bwa Yokana Umubatisa (3.1-12)
Khuubatisibwa ni khuukhakibwa khwa Yesu (3.13—4.11)
Buuraambi bwa Yesu bwa lubuula mu Galilaaya (4.12—18.35)
Khukhwaama i Galilaaya khuutsya i Yerusalemu (19.1—20.34)
Sabiti iyakamayo i Yerusalemu (21.1—27.66)
Khuulamukha ni khuubonekha khw'Omukasya (28.1-20)
Currently Selected:
Matayo KHUKHWAANTSULA: LPE
Highlight
Share
Copy
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.
Matayo KHUKHWAANTSULA
KHUKHWAANTSULA
Kamakhuuwa Kamalayi nga ni kaaronebwa ni Matayo niko kamakhuuwa kamalayi kakaaboola kari Yesu niye umuwonesi uwalomewakho. Mu Yesu uyu nimwo mweesi Wele olelesela bisuubiso byeesi alomela babaandu be Ndakaano Ikhale. Kamakhuuwa kano kamalayi sikali kamakhuuwa kamalayi isi Bayudaaya bonyene isi Yesu asaalikhila ta, ne kali kamakhuuwa kamalayi isi shiibala shoosi.
Shitabo shino sha Matayo sharuungikhibwa ni bubwitsililisi bukali. Shirakikha ni khusaalikha khwa Yesu, shaakanikha khu khubatisibwa ni khu khuukhakibwa khweewe. Shiryo shitsya shabalaayisa khu buraambi bweewe bwe khuuboolela kamakhuuwa, ni khuuleekela, ni khuuwonesa balwaale i Galilaaya. Lwanyuma lwa bino Matayo akhwokesanisa nga Yesu n'akyeenda khukhwaama i Galilaaya khuutsya i Yerusalemu, ni nebyo byoosi byeesi aakholela mu sabiiti iyakamayo nga nibyo bibyamwoolesa khu khwiribwa, ni khulamukha.
Kamakhuuwa kano kakhwokesa Yesu nga n'ali umuleekeli umukhulu naabi, uli ni bunyala khuleekela khu makaambila ka Wele, luundi nga niye uleekela bibiwaamba khu Buyiinga bwe mwikulu.
Byeesi Yesu aaleekela byaakabananisibwamo bisiintsa biraano: (1) Indeekela ye khu lukiingi, isi Yesu aakanikhila khu saambo, ni buufunisi, ni bilayi, ni intsakamo ye babekhali be mu Buyiinga bwe mwikulu (tsisuula 5-7); (2) Bye khuukaambilila baleekelwa liikhumi na babili lwe kumulimo kwaabwe (isuula ye 10); (3) Tsisimo tsitsiwaamba khu Buyiinga bwe mwikulu (isuula ye 13); (4) Indeekela iwaamba khu buleekelwa sheesi bumanyisa (isuula ye 18); (5) Khuuleekela khukhuuwaamba khu ntsakamo iye kumuboolo kuno, ni khukhwiitsa khwe Buyiinga bwe mwikulu (tsisuula 23-25).
Inoondekhana iye bibiilimo
Shikuuka ni khuusaalikha khwa Yesu Kristo (1.1—2.23)
Buuraambi bwa Yokana Umubatisa (3.1-12)
Khuubatisibwa ni khuukhakibwa khwa Yesu (3.13—4.11)
Buuraambi bwa Yesu bwa lubuula mu Galilaaya (4.12—18.35)
Khukhwaama i Galilaaya khuutsya i Yerusalemu (19.1—20.34)
Sabiti iyakamayo i Yerusalemu (21.1—27.66)
Khuulamukha ni khuubonekha khw'Omukasya (28.1-20)
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.