Baheburania 8
8
Yesu niye Umusaayi weefwe Umukhulu
1 #
Zab 110.1
Shifuura bukhulu mu bilomo bino byoosi byeesi khuloma nisho shino: ndi ifwe khuli n'Umusaayi ufuura bukhulu ufwaana aryo, niye uwikhaale khu mukhono kumulayi kwe shitsoloŋo she bukhulu bwa Wele mwikulu. 2Luundi niye umwakaanisi mu shifwo shifuura bukhosefu, nga niyo iweema iya ŋali iyareewawo n'Umukasya, ne akhuba n'umuundu ta.
3Buli musaayi ufuura bukhulu yeesi areebwawo lwe khuuwaana biwaanwa ni tsisaayilo, shikila shimwaakhila Umusaayi weefwe Umukhulu naye khuubakho ni sheesi ahaana. 4Ne niye aba nga uli mu shiibala khali s'ali umusaayi ta, khukhwaama nga n'iliwo khaale basaayi babawaanayo biwaanwa nga kamakaambila ni kaloma. 5#Luky 25.40Nibo besaaya shifwo shishiili busa shifwaananyi, luundi shishiniini she shifwo shikhosefu she mwikulu. Shino shili nga Musa n'areewulibwa nga atsya khukhwombekha i weema. Wele amuloma ari, “Bona uri ukhola bibiindu byoosi musaambo yeesi byakhwokesanisibwamo khu lukiingi.” 6Ne ari bubwakaanisi bweesi Kristo aweebwa buli bukhulu khufuurisakho khubwaabwe ubwo bukhale, lwekhuuba niye ali umurume we ndakaano ifuura bukhulu, iyakholebwa nga yimikha khu bisuubiso bifuura bulayi.
7Lwekhuuba iba nga indakaano ingiboole iyaba nga indayi, khali siyabawo shishikanisa khuukhola indakaano ikiindi ta. 8#Yer 31.31-34Ne Umukasya khuunyoowa anyoola she khuubiiyisa isi babaandu beewe nga n'aloma ari,
“Umukasya aloma ari,
‘bifukhu biliitsa mweesi indikholelamo indakaano imbya
ni babaandu ba Isiraeli atweela ni babaandu ba Yuda.’ ”
9Umukasya luundi aloma ari,
“Indakaano iyo shiliiba nga indakaano yeesi nakhola ni bakuuka baabwe,
khu shifukhu khweesi nabawaambila khu mukhono khubarusa
mu shiibala she Misiri ta.
Lwekhuuba babeene ibo sibahandalalila
khu ndakaano yase ta,
nabarurakho nabalekha.
10Ne yino niyo indakaano yeesi intsya khukhola ni babaandu ba Isiraeli.
Nga Umukasya n'aloma ari,
‘indiira kamakaambila kaase mu byambaaso byaabwe,
luundi indikarona mu myoyo kyaabwe.
Ni nase kane imbaatsake Wele waabwe,
ni nabo kane babaatsake babaandu baase.’
11Naluundi s'ilibawo na mutweela
ulileekela umwesanwa weewe ta,
namwe umuundu ulileekela wandaaye
nga aloma ari,
‘N'umanye Umukasya’ ta,
lwekhuuba boosi balimanya ise,
khukhwaama khu muundu uwe aasi khukhwoola khu mukhulu.
12Lwekhuuba ise indibeyakhila nibo bibyoonako byaabwe,
naluundi ise sindishebulila bubwoonaki bwaabwe ta.”
13Wele n'aloma khu ndakaano imbya, aba wakalusile iyo iyanyoowa khuuba ikhale, ni neesho shishiiba shikhale luundi shishikorere, shiba shili aambi khuwawo.
Currently Selected:
Baheburania 8: LPE
Highlight
Copy
Compare
Share
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.
Baheburania 8
8
Yesu niye Umusaayi weefwe Umukhulu
1 #
Zab 110.1
Shifuura bukhulu mu bilomo bino byoosi byeesi khuloma nisho shino: ndi ifwe khuli n'Umusaayi ufuura bukhulu ufwaana aryo, niye uwikhaale khu mukhono kumulayi kwe shitsoloŋo she bukhulu bwa Wele mwikulu. 2Luundi niye umwakaanisi mu shifwo shifuura bukhosefu, nga niyo iweema iya ŋali iyareewawo n'Umukasya, ne akhuba n'umuundu ta.
3Buli musaayi ufuura bukhulu yeesi areebwawo lwe khuuwaana biwaanwa ni tsisaayilo, shikila shimwaakhila Umusaayi weefwe Umukhulu naye khuubakho ni sheesi ahaana. 4Ne niye aba nga uli mu shiibala khali s'ali umusaayi ta, khukhwaama nga n'iliwo khaale basaayi babawaanayo biwaanwa nga kamakaambila ni kaloma. 5#Luky 25.40Nibo besaaya shifwo shishiili busa shifwaananyi, luundi shishiniini she shifwo shikhosefu she mwikulu. Shino shili nga Musa n'areewulibwa nga atsya khukhwombekha i weema. Wele amuloma ari, “Bona uri ukhola bibiindu byoosi musaambo yeesi byakhwokesanisibwamo khu lukiingi.” 6Ne ari bubwakaanisi bweesi Kristo aweebwa buli bukhulu khufuurisakho khubwaabwe ubwo bukhale, lwekhuuba niye ali umurume we ndakaano ifuura bukhulu, iyakholebwa nga yimikha khu bisuubiso bifuura bulayi.
7Lwekhuuba iba nga indakaano ingiboole iyaba nga indayi, khali siyabawo shishikanisa khuukhola indakaano ikiindi ta. 8#Yer 31.31-34Ne Umukasya khuunyoowa anyoola she khuubiiyisa isi babaandu beewe nga n'aloma ari,
“Umukasya aloma ari,
‘bifukhu biliitsa mweesi indikholelamo indakaano imbya
ni babaandu ba Isiraeli atweela ni babaandu ba Yuda.’ ”
9Umukasya luundi aloma ari,
“Indakaano iyo shiliiba nga indakaano yeesi nakhola ni bakuuka baabwe,
khu shifukhu khweesi nabawaambila khu mukhono khubarusa
mu shiibala she Misiri ta.
Lwekhuuba babeene ibo sibahandalalila
khu ndakaano yase ta,
nabarurakho nabalekha.
10Ne yino niyo indakaano yeesi intsya khukhola ni babaandu ba Isiraeli.
Nga Umukasya n'aloma ari,
‘indiira kamakaambila kaase mu byambaaso byaabwe,
luundi indikarona mu myoyo kyaabwe.
Ni nase kane imbaatsake Wele waabwe,
ni nabo kane babaatsake babaandu baase.’
11Naluundi s'ilibawo na mutweela
ulileekela umwesanwa weewe ta,
namwe umuundu ulileekela wandaaye
nga aloma ari,
‘N'umanye Umukasya’ ta,
lwekhuuba boosi balimanya ise,
khukhwaama khu muundu uwe aasi khukhwoola khu mukhulu.
12Lwekhuuba ise indibeyakhila nibo bibyoonako byaabwe,
naluundi ise sindishebulila bubwoonaki bwaabwe ta.”
13Wele n'aloma khu ndakaano imbya, aba wakalusile iyo iyanyoowa khuuba ikhale, ni neesho shishiiba shikhale luundi shishikorere, shiba shili aambi khuwawo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.