Baheburania 6
6
Kumutaambo kukuuli mu khukhasikhana
1Nashiryo khakhulekhe bye khuuleekela bibinyoowa bibiwaamba khu Kristo, khutsye mu moni khukhwiyika bibifuurakho luundi bye shikhulu mu khufukiilila. Khwaamala khaale khubaleekela bilomo bibiili nga kumusiinji, naluundi sikhwakha khubiilamo ta. Mwamanya nga nashili shikhulu khukhwibiiyisa khukhwaama mu buraambi bweefwe ni bukhulu bubuuli mu khufukiilila mu Wele. 2Ifwe khwabaleekela inywe khaale bibiwaamba khu khupyeluusibwa ni khureewakho kamakhono. Mwamanya bibiwaamba khu khulamukha khwe baafu, ni khukhalilwa kumusaango khukhawawo ta. 3Ni Wele nga wasiimile, kane khukholatsake khuryo.
4Lwekhuuba shili shihangafu isi ibo babaamala khubonekhelwa, bakhoombakho shiwaanwa she mwikulu, bakabananila atweela mu Mwoyo Umukhosefu, 5naluundi bakhoombakho khu bulayi bwe Lomo ya Wele, ni kamaani ke kumuboolo kukuutsya khwiitsa, 6ne lwanyuma nga bakwiile, babaandu babafwaana baryo sishinyalikhana khuubakobosa mu khwibiiyisa luundi ta. Lwekhuuba baba babeene baatsaangilila Umwaana wa Wele khu musalaba kumuluundi kwe khabili, baamuwaambisa tsisoni mu lubuula.
7Wele awa tsiikhabi liloba liliinywa ifula ilikwakho, lwaanyuma lyaatsowakho biilyo bibireera kumukaso isi abo beesi babilimila. 8#Rak 3.17,18Ne liiloba ilyo ni litsowakho kamawa ni bunyaasi busa, liba mbaamo itsamu ta, liba lyaliindiilile khutsubiwa, ni intsakamo yalyo iliiba khukhwokhewa ni kumulilo.
9Ne bakanwa baase, ikhaba nga khuloma khuryo, ifwe khubambaasilamo bibiindu bilayi, nibyo bibiindu bibibayila inywe mu mukhoosi kwe buwonesi. 10Lwekhuuba Wele niye ali umwiyikinwa, niye s'alinyala khukhwibilila buraambi bweenywe ta, ni khuukana khweesi mwokesanisa mu lisiina lyeewe, nga mwakaanisa bakhosefu beewe, luundi nga ni mwiloosela khubakaanisa ari. 11Ifwe khwiwuuma khuri buli mutweela khus'inywe okesane khukana ukhwo khukhwoolesa ikhumalilisa, nio kumwiyikino kweenywe kwolelele. 12Ifwe sikhukana inywe khuuba batoro ta, ne mube babeyikila khuubo bababirira mu khufukiilila ni khukhwikhaliilikha, baryo baafuna isho sheesi Wele asuubisa.
Shisuubiso sha Wele
13Wele n'asuubisa Iburayimu, Wele umweene etsuba mu lisiina lyeewe, lwekhuuba s'aba n'umuundu umufuura bukhulu isi khali etsubila ta. 14#Rak 22.16,17Wele aloma ari, “Ilala indikhuwa tsikhabi, ni lisaaye lyoowo indilibalaayisa.” 15Ni Iburayimu nga waamalile khukhwikhalilikha nga waliindilila, wafuna sheesi Wele amusuubisa. 16Lwekhuuba babaandu betsuba nga baloma khuuyo ubafuurakho nibo babeene bukhulu. Ni mukhaando tsoosi, khukhwitsuba nikhwo khukhukhalawo.
17Nashiryo Wele n'akana khukhwokesa bukakafu isi baasikha be shisuubiso sheesi aloma nga s'anyala khushishuusamo ta, niye aloselakho khukhwitsuba. 18Shino Wele ashikhola nio khu biindu bibili bibikhashuukha ta, mumuuli ndi Wele s'anyala khuwombeselamo ta, ifwe khukhwanyoola bubwibisilo mu niye khunyale khuuba ni shishikhuwaangasa khwiwaambile ilala khu mwiyikino kukuuli iburaangisi weefwe. 19#Lev 16.2Ifwe khuli ni kumwiyikino kuno nga shitsaangi she kamaani naluundi shishikhalimo khukhwikanakana ta, she buulamu bweefwe. Shitsaangi shino shiyikinikha luundi shili shihandalafu shishinjila mukari mu ngubo itiimbibwile, 20#Zab 110.4mweesi Yesu atsya khulweefwe, nga akhuraangilila ifwe, wekyela Umusaayi ufuura bukhulu, biilo ni biilo, mu munyele kwe busaayi kwa Melekizedeki nga ni kuli.
Currently Selected:
Baheburania 6: LPE
Highlight
Copy
Compare
Share
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.
Baheburania 6
6
Kumutaambo kukuuli mu khukhasikhana
1Nashiryo khakhulekhe bye khuuleekela bibinyoowa bibiwaamba khu Kristo, khutsye mu moni khukhwiyika bibifuurakho luundi bye shikhulu mu khufukiilila. Khwaamala khaale khubaleekela bilomo bibiili nga kumusiinji, naluundi sikhwakha khubiilamo ta. Mwamanya nga nashili shikhulu khukhwibiiyisa khukhwaama mu buraambi bweefwe ni bukhulu bubuuli mu khufukiilila mu Wele. 2Ifwe khwabaleekela inywe khaale bibiwaamba khu khupyeluusibwa ni khureewakho kamakhono. Mwamanya bibiwaamba khu khulamukha khwe baafu, ni khukhalilwa kumusaango khukhawawo ta. 3Ni Wele nga wasiimile, kane khukholatsake khuryo.
4Lwekhuuba shili shihangafu isi ibo babaamala khubonekhelwa, bakhoombakho shiwaanwa she mwikulu, bakabananila atweela mu Mwoyo Umukhosefu, 5naluundi bakhoombakho khu bulayi bwe Lomo ya Wele, ni kamaani ke kumuboolo kukuutsya khwiitsa, 6ne lwanyuma nga bakwiile, babaandu babafwaana baryo sishinyalikhana khuubakobosa mu khwibiiyisa luundi ta. Lwekhuuba baba babeene baatsaangilila Umwaana wa Wele khu musalaba kumuluundi kwe khabili, baamuwaambisa tsisoni mu lubuula.
7Wele awa tsiikhabi liloba liliinywa ifula ilikwakho, lwaanyuma lyaatsowakho biilyo bibireera kumukaso isi abo beesi babilimila. 8#Rak 3.17,18Ne liiloba ilyo ni litsowakho kamawa ni bunyaasi busa, liba mbaamo itsamu ta, liba lyaliindiilile khutsubiwa, ni intsakamo yalyo iliiba khukhwokhewa ni kumulilo.
9Ne bakanwa baase, ikhaba nga khuloma khuryo, ifwe khubambaasilamo bibiindu bilayi, nibyo bibiindu bibibayila inywe mu mukhoosi kwe buwonesi. 10Lwekhuuba Wele niye ali umwiyikinwa, niye s'alinyala khukhwibilila buraambi bweenywe ta, ni khuukana khweesi mwokesanisa mu lisiina lyeewe, nga mwakaanisa bakhosefu beewe, luundi nga ni mwiloosela khubakaanisa ari. 11Ifwe khwiwuuma khuri buli mutweela khus'inywe okesane khukana ukhwo khukhwoolesa ikhumalilisa, nio kumwiyikino kweenywe kwolelele. 12Ifwe sikhukana inywe khuuba batoro ta, ne mube babeyikila khuubo bababirira mu khufukiilila ni khukhwikhaliilikha, baryo baafuna isho sheesi Wele asuubisa.
Shisuubiso sha Wele
13Wele n'asuubisa Iburayimu, Wele umweene etsuba mu lisiina lyeewe, lwekhuuba s'aba n'umuundu umufuura bukhulu isi khali etsubila ta. 14#Rak 22.16,17Wele aloma ari, “Ilala indikhuwa tsikhabi, ni lisaaye lyoowo indilibalaayisa.” 15Ni Iburayimu nga waamalile khukhwikhalilikha nga waliindilila, wafuna sheesi Wele amusuubisa. 16Lwekhuuba babaandu betsuba nga baloma khuuyo ubafuurakho nibo babeene bukhulu. Ni mukhaando tsoosi, khukhwitsuba nikhwo khukhukhalawo.
17Nashiryo Wele n'akana khukhwokesa bukakafu isi baasikha be shisuubiso sheesi aloma nga s'anyala khushishuusamo ta, niye aloselakho khukhwitsuba. 18Shino Wele ashikhola nio khu biindu bibili bibikhashuukha ta, mumuuli ndi Wele s'anyala khuwombeselamo ta, ifwe khukhwanyoola bubwibisilo mu niye khunyale khuuba ni shishikhuwaangasa khwiwaambile ilala khu mwiyikino kukuuli iburaangisi weefwe. 19#Lev 16.2Ifwe khuli ni kumwiyikino kuno nga shitsaangi she kamaani naluundi shishikhalimo khukhwikanakana ta, she buulamu bweefwe. Shitsaangi shino shiyikinikha luundi shili shihandalafu shishinjila mukari mu ngubo itiimbibwile, 20#Zab 110.4mweesi Yesu atsya khulweefwe, nga akhuraangilila ifwe, wekyela Umusaayi ufuura bukhulu, biilo ni biilo, mu munyele kwe busaayi kwa Melekizedeki nga ni kuli.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.