1 Petero 5
5
Babaandu ba Wele
1Imbakhoonyakilila inywe basakhulu babaali mu baandu ba Wele, ise samweene umusaakhulu washeenywe, luundi umujulisi we khuutsiinisibwa khwa Kristo, naluundi nga uuli khuukabananila atweela mu shiriifwa isho shishiitsya khubonekha. 2#Yok 21.15-17Ni mube babaayi baalayi be kamasheese keesi Wele aabawaambisa. Mukaloleele bulayi, akhuba ndi mwaakha bwaakhi ta, ne ni khuukana nga Wele n'abakana ari inywe mube muryo. Akhuba lwe khukhwiwuuma kamafuurisa ta, ne ni kumwoyo kukuukana khukhwakaanisa. 3Mukhabirisaka buubi abo beesi muwaambisiwile khuulolelela ta. Ne ni mube she khuubonelakho isi kamasheese. 4N'umwaayi Umukhulu n'alibonekha, mulinyoola liyabi lye shiriifwa likhafumbuukha ta.
5 #
Nikh 3.34
Ni nanywe basaani basooleli, musaambo niyo ndweela, ni muwulilatsake abo babaabafuura bukhulu. Ni mukwaare shikwaaro she buwolu, mwakaanisane mwenyene na mwenyene, lwekhuuba bibyaronebwa bikhosefu biloma biri,
“Wele akhaandisa ibo babeyiinga,
ne bawolu abawa bubweela.”
6 #
Mat 23.12; Luka 14.11; 18.14 Nashiryo ni mube bawolu, nga muli aasi e kumukhono kwa Wele kwe kamaani, nio anyale khubenyusa angaaki mu mbuka ikhali iye aleeyi ta. 7Ni mulekhele Wele bye khukhwiwuuma khweenywe byoosi, lwekhuuba niye abenaanayo naabi.
8Ni mube meeso, mube beerekefu. Lwekhuuba umusiku weenywe Sitaani akyeendakyeenda, nga ali nga italanyi ibuutsa, nga iweentsa isi kane alye. 9Umweeneyo ni mumushinjilile, nga muli bahangafu mu khufukiilila khweenywe. Lwekhuuba ni mumanye muri, khuutsiinisibwa khweene ukhwo nikhwo khweesi be buulebe boosi mu shiibala bakaanana.
10Ne ni muliba nga mwaamalile khutsiinisibwakho khafwiiti, Wele uwe bubweela bwoosi, uwabalaanga khukhwinjila mu shiriifwa sheewe shikhawawo mu Kristo, umweene aliboolesa, abawangase, abawe kamaani. 11Bunyala bube bubweewe biilo ni biilo. AMIINA.
Khuusheesa khuumalilisi
12 #
Bur 15.22,40 Imbaronela ibaluwa yino inyiimbi nga injeetebwakho ni Silwano, isi nambaasa khuuba uwe buulebe umwiyikinwa, nga mbakhoonyakilila luundi nga imbaboolela ndi; ibwo nibwo bubweela bwa ŋali bwa Wele. Ni mubuwaangalilemo. 13#Bur 12.12,25; 13.13; 15.37-39; Kol 4.10; File 1.24Baafukiilisi basheenywe mu Kristo be Babulooni, nabo babaarobolewa ni Wele atweela ni nanywe, baabasheesa. N'umwaana wase Mako naye waabasheesa. 14Ni musheesane mwenyene na mwenyene, nga mukwana mu bifuba ni khuukana.
Lukoosi lube khusiinywe mweesi babaali mu Kristo.
Currently Selected:
1 Petero 5: LPE
Highlight
Copy
Compare
Share
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.
1 Petero 5
5
Babaandu ba Wele
1Imbakhoonyakilila inywe basakhulu babaali mu baandu ba Wele, ise samweene umusaakhulu washeenywe, luundi umujulisi we khuutsiinisibwa khwa Kristo, naluundi nga uuli khuukabananila atweela mu shiriifwa isho shishiitsya khubonekha. 2#Yok 21.15-17Ni mube babaayi baalayi be kamasheese keesi Wele aabawaambisa. Mukaloleele bulayi, akhuba ndi mwaakha bwaakhi ta, ne ni khuukana nga Wele n'abakana ari inywe mube muryo. Akhuba lwe khukhwiwuuma kamafuurisa ta, ne ni kumwoyo kukuukana khukhwakaanisa. 3Mukhabirisaka buubi abo beesi muwaambisiwile khuulolelela ta. Ne ni mube she khuubonelakho isi kamasheese. 4N'umwaayi Umukhulu n'alibonekha, mulinyoola liyabi lye shiriifwa likhafumbuukha ta.
5 #
Nikh 3.34
Ni nanywe basaani basooleli, musaambo niyo ndweela, ni muwulilatsake abo babaabafuura bukhulu. Ni mukwaare shikwaaro she buwolu, mwakaanisane mwenyene na mwenyene, lwekhuuba bibyaronebwa bikhosefu biloma biri,
“Wele akhaandisa ibo babeyiinga,
ne bawolu abawa bubweela.”
6 #
Mat 23.12; Luka 14.11; 18.14 Nashiryo ni mube bawolu, nga muli aasi e kumukhono kwa Wele kwe kamaani, nio anyale khubenyusa angaaki mu mbuka ikhali iye aleeyi ta. 7Ni mulekhele Wele bye khukhwiwuuma khweenywe byoosi, lwekhuuba niye abenaanayo naabi.
8Ni mube meeso, mube beerekefu. Lwekhuuba umusiku weenywe Sitaani akyeendakyeenda, nga ali nga italanyi ibuutsa, nga iweentsa isi kane alye. 9Umweeneyo ni mumushinjilile, nga muli bahangafu mu khufukiilila khweenywe. Lwekhuuba ni mumanye muri, khuutsiinisibwa khweene ukhwo nikhwo khweesi be buulebe boosi mu shiibala bakaanana.
10Ne ni muliba nga mwaamalile khutsiinisibwakho khafwiiti, Wele uwe bubweela bwoosi, uwabalaanga khukhwinjila mu shiriifwa sheewe shikhawawo mu Kristo, umweene aliboolesa, abawangase, abawe kamaani. 11Bunyala bube bubweewe biilo ni biilo. AMIINA.
Khuusheesa khuumalilisi
12 #
Bur 15.22,40 Imbaronela ibaluwa yino inyiimbi nga injeetebwakho ni Silwano, isi nambaasa khuuba uwe buulebe umwiyikinwa, nga mbakhoonyakilila luundi nga imbaboolela ndi; ibwo nibwo bubweela bwa ŋali bwa Wele. Ni mubuwaangalilemo. 13#Bur 12.12,25; 13.13; 15.37-39; Kol 4.10; File 1.24Baafukiilisi basheenywe mu Kristo be Babulooni, nabo babaarobolewa ni Wele atweela ni nanywe, baabasheesa. N'umwaana wase Mako naye waabasheesa. 14Ni musheesane mwenyene na mwenyene, nga mukwana mu bifuba ni khuukana.
Lukoosi lube khusiinywe mweesi babaali mu Kristo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.