1 Yokana 2
2
Kristo niye Buyeeti weefwe
1Baana baase, imbaronela bino lwe shitsiilililwa ndi, mulekhe khukhwoneka ta. Ne noola abawo umuundu yeesi ukhola shishonako, khuli n'umwimiilili weefwe isi Paapa, niye Yesu Kristo umukwalaafu. 2Kristo uyo niyo imboselo lwe khukhurusakho ifwe bibyoonako byeefwe, ne akhuba lwe bibyoonako byeefwe fwenyene ta, ne ni khulwe bibyoonako bye babaandu boosi be mu shibala.
3Lwashino nisho shishikila khwaamanya khuri khwaamanya Wele: ifwe noola khuwaamba kamakaambila keewe. 4Ne umuundu yeesi uloma ari, “Naamanya Wele,” n'enga s'awaamba kamakaambila keewe ta, uyo aba umubeeyi ni bwa ŋali buba sibuli mu niye ta. 5Ne buli umuundu uwulila shilomo sheewe washolelesa, ilala mu mweeneyo, nimwo mweesi khuukana khwa Wele khukhwitsufu khuba. Shino nisho shishinyala shakhuwaangasa ifwe shiri, khuli babaandu ba Wele. 6N'umuundu yeesi uloma ari, ali mu Wele, aakha khuukyenda nga Kristo n'akholatsaka.
Likaambila Lishaakha
7 #
Yok 13.34
Bakanwa baase, ise s'indi khubaronela likaambila liyaakha lyoosi ta, ne lili likaambila likhale lyeesi mwawulila khukhwaama makiboole. Likaambila likhale ilyo, nilyo shilomo sheesi mwawulila. 8Ne luundi likaambila lyeesi imbaronela lili liyaakha, lwekhuuba bwa ŋali bwalyo bubonekhela mu Kristo ni mus'iinywe, lwekhuuba shishiilima shitsya khuwawo, ni buwaanga bubweene ari bulikho bwaburukha.
9Umuundu yeesi uloma ari ali mu buwaanga n'enga wabiyila umuundu washe, aba ashiili mu shiilima. 10Ne uyo yeesi ukana umuundu washe, aba ali mu buwaanga, ni mu niye mbaamo shishiindu shoosi shishimwituyisa ta. 11Ne uyo ubiyila umuundu washe aba ali mu shiilima, luundi akyeendela mu shiilima nga s'amanya ena esi atsya ta, lwekhuuba shishiilima shiba shamubofwasile tsimoni.
12Baana baase, imbaronela inywe
lwekhuuba bibyoonako byeenywe
byabeyakhilwa lwe lisiina lya Yesu.
13Imbaronela inywe babaandu bakhulu,
lwekhuuba mwamanya uyo ubeelewo khukhwaama makiboole.
Imbaronela nanywe basooleli,
lwekhuuba muli ni kamaani khuwula umusiku.
14Imbaronela inywe babaana,
lwekhuuba mwamanya Paapa.
Imbaronela inywe babaandu bakhulu
lwekhuuba mwamanya
uyo ubeelewo khukhwaama makiboole.
Imbaronela inywe basooleli
lwekhuuba muli be kamaani,
ni Lomo ya Wele
imenya mus'iinywe,
luundi mwaawula umusiku.
15Inywe mukhemalila kimyoyo kyeenywe khuukana bibiindu bye shiibala ta. Umuundu ukana shiibala aba saashiilimo ni khuukana khwa Wele ta. 16Lwekhuuba buli shiindu shoosi she mu shiibala; nga khukhwiwuuma khwe kumubili, khukhwiwuuma khwe tsimoni, ni n'ebyo byoosi byeesi buulamu bwe babaandu bwibuyililamo: bino byoosi sibyaama isi Paapa ta, ne bili bye mu shibala. 17Shiibala ni khukhwiwuuma khwasho khwoosi khuwawo, ne uyo ukhola byeesi Wele akana amenyawo bifukhu byoosi.
Umusiku wa Kristo
18Baana baase yino niyo isaawa imalilisi, nga ni mwawulila bari umusiku wa Kristo atsya khwiitsa, ne ni naari basiku ba Kristo bakali beetsile, nashiryo khumanya khuri eyi niyo isaawa imalilisi. 19Babaandu bano baama mus'iifwe baatsya, ne mwilala sibaaba babeefwe ta. Lwekhuuba baba nga ilala babaaba babeefwe, khali baarama ni nafwe. Ne ni baarura baatsya, shokesanisa shiri, mbaawo na mutweela khu nibo uwaba uweefwe ta.
20Ne inywe mwatsukhiwakho Umwoyo Umukhosefu, nashiryo inywe mweesi mwamanya bwa ŋali. 21Ise mbaronela bino akhuba ndi lwekhuuba inywe simumanya bwa ŋali ta, ne lwekhuuba mwabumanya, naluundi nga mwamanya muri mbaawo bubeeyi bubunyala bwaarura mu bwa ŋali ta.
22Ne naanu niye umubeeyi? Umubeeyi niye umuundu uwikaana ari, Yesu s'ali niye Kristo ta. Umuundu nga uyo niye umusiku wa Kristo, luundi niye uwikaana Paapa n'Umwaana. 23Uyo yeesi uwikaana Umwaana, aba wekaanile ni Paapa naye. Ne uyo ufukiilila Umwaana, aba wafukiiliile ni Paapa naye.
24Nashiryo ni mubone muri, ibyo byoosi byeesi mwawulila khukhwaama makiboole, birama mus'iinywe. Noola ibyo byoosi birama mus'iinywe, ni nanywe kane murame mu Mwaana ni mu Paapa. 25Ne shino nisho sheesi Kristo akhulomela khukhuwa ifwe: nibwo bulamu bukhawawo ta.
26Ise imbaronela inywe bibiindu bino byoosi, lwekhuuba iliyo babakana khuubaborosa inywe. 27Ne inywe, Kristo wamala khaale khubatsukhakho Umwoyo weewe; ni khukhwaama nga Umwoyo n'ali mus'iinywe, sishibakanisa luundi umuundu ukuundi khuubaleekela inywe ta. Lwekhuuba Umwoyo abaleekela bibiindu byoosi. Ni n'ebyo byeesi abaleekela bili bya ŋali, s'ibili bye bubeeyi ta. Nga Umwoyo n'abaleekela aryo, ni muwulilise byaloma, muryo mube mu niye.
28Ne ana ari baananywe, ni mwiloosele muryo khuuba mu Kristo, nio nyaanga nga wabonekhele, khube ni bunyali, khulekhe khuwaambiwa tsisoni mu moni tseewe nga wolile ta. 29Inywe mwamanya muri niye ali Umukwalaafu, luundi mushimanye muri, buli mutweela ukhola bye bukwalaafu, aba umwaana wa Wele.
Currently Selected:
1 Yokana 2: LPE
Highlight
Copy
Compare
Share
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.
1 Yokana 2
2
Kristo niye Buyeeti weefwe
1Baana baase, imbaronela bino lwe shitsiilililwa ndi, mulekhe khukhwoneka ta. Ne noola abawo umuundu yeesi ukhola shishonako, khuli n'umwimiilili weefwe isi Paapa, niye Yesu Kristo umukwalaafu. 2Kristo uyo niyo imboselo lwe khukhurusakho ifwe bibyoonako byeefwe, ne akhuba lwe bibyoonako byeefwe fwenyene ta, ne ni khulwe bibyoonako bye babaandu boosi be mu shibala.
3Lwashino nisho shishikila khwaamanya khuri khwaamanya Wele: ifwe noola khuwaamba kamakaambila keewe. 4Ne umuundu yeesi uloma ari, “Naamanya Wele,” n'enga s'awaamba kamakaambila keewe ta, uyo aba umubeeyi ni bwa ŋali buba sibuli mu niye ta. 5Ne buli umuundu uwulila shilomo sheewe washolelesa, ilala mu mweeneyo, nimwo mweesi khuukana khwa Wele khukhwitsufu khuba. Shino nisho shishinyala shakhuwaangasa ifwe shiri, khuli babaandu ba Wele. 6N'umuundu yeesi uloma ari, ali mu Wele, aakha khuukyenda nga Kristo n'akholatsaka.
Likaambila Lishaakha
7 #
Yok 13.34
Bakanwa baase, ise s'indi khubaronela likaambila liyaakha lyoosi ta, ne lili likaambila likhale lyeesi mwawulila khukhwaama makiboole. Likaambila likhale ilyo, nilyo shilomo sheesi mwawulila. 8Ne luundi likaambila lyeesi imbaronela lili liyaakha, lwekhuuba bwa ŋali bwalyo bubonekhela mu Kristo ni mus'iinywe, lwekhuuba shishiilima shitsya khuwawo, ni buwaanga bubweene ari bulikho bwaburukha.
9Umuundu yeesi uloma ari ali mu buwaanga n'enga wabiyila umuundu washe, aba ashiili mu shiilima. 10Ne uyo yeesi ukana umuundu washe, aba ali mu buwaanga, ni mu niye mbaamo shishiindu shoosi shishimwituyisa ta. 11Ne uyo ubiyila umuundu washe aba ali mu shiilima, luundi akyeendela mu shiilima nga s'amanya ena esi atsya ta, lwekhuuba shishiilima shiba shamubofwasile tsimoni.
12Baana baase, imbaronela inywe
lwekhuuba bibyoonako byeenywe
byabeyakhilwa lwe lisiina lya Yesu.
13Imbaronela inywe babaandu bakhulu,
lwekhuuba mwamanya uyo ubeelewo khukhwaama makiboole.
Imbaronela nanywe basooleli,
lwekhuuba muli ni kamaani khuwula umusiku.
14Imbaronela inywe babaana,
lwekhuuba mwamanya Paapa.
Imbaronela inywe babaandu bakhulu
lwekhuuba mwamanya
uyo ubeelewo khukhwaama makiboole.
Imbaronela inywe basooleli
lwekhuuba muli be kamaani,
ni Lomo ya Wele
imenya mus'iinywe,
luundi mwaawula umusiku.
15Inywe mukhemalila kimyoyo kyeenywe khuukana bibiindu bye shiibala ta. Umuundu ukana shiibala aba saashiilimo ni khuukana khwa Wele ta. 16Lwekhuuba buli shiindu shoosi she mu shiibala; nga khukhwiwuuma khwe kumubili, khukhwiwuuma khwe tsimoni, ni n'ebyo byoosi byeesi buulamu bwe babaandu bwibuyililamo: bino byoosi sibyaama isi Paapa ta, ne bili bye mu shibala. 17Shiibala ni khukhwiwuuma khwasho khwoosi khuwawo, ne uyo ukhola byeesi Wele akana amenyawo bifukhu byoosi.
Umusiku wa Kristo
18Baana baase yino niyo isaawa imalilisi, nga ni mwawulila bari umusiku wa Kristo atsya khwiitsa, ne ni naari basiku ba Kristo bakali beetsile, nashiryo khumanya khuri eyi niyo isaawa imalilisi. 19Babaandu bano baama mus'iifwe baatsya, ne mwilala sibaaba babeefwe ta. Lwekhuuba baba nga ilala babaaba babeefwe, khali baarama ni nafwe. Ne ni baarura baatsya, shokesanisa shiri, mbaawo na mutweela khu nibo uwaba uweefwe ta.
20Ne inywe mwatsukhiwakho Umwoyo Umukhosefu, nashiryo inywe mweesi mwamanya bwa ŋali. 21Ise mbaronela bino akhuba ndi lwekhuuba inywe simumanya bwa ŋali ta, ne lwekhuuba mwabumanya, naluundi nga mwamanya muri mbaawo bubeeyi bubunyala bwaarura mu bwa ŋali ta.
22Ne naanu niye umubeeyi? Umubeeyi niye umuundu uwikaana ari, Yesu s'ali niye Kristo ta. Umuundu nga uyo niye umusiku wa Kristo, luundi niye uwikaana Paapa n'Umwaana. 23Uyo yeesi uwikaana Umwaana, aba wekaanile ni Paapa naye. Ne uyo ufukiilila Umwaana, aba wafukiiliile ni Paapa naye.
24Nashiryo ni mubone muri, ibyo byoosi byeesi mwawulila khukhwaama makiboole, birama mus'iinywe. Noola ibyo byoosi birama mus'iinywe, ni nanywe kane murame mu Mwaana ni mu Paapa. 25Ne shino nisho sheesi Kristo akhulomela khukhuwa ifwe: nibwo bulamu bukhawawo ta.
26Ise imbaronela inywe bibiindu bino byoosi, lwekhuuba iliyo babakana khuubaborosa inywe. 27Ne inywe, Kristo wamala khaale khubatsukhakho Umwoyo weewe; ni khukhwaama nga Umwoyo n'ali mus'iinywe, sishibakanisa luundi umuundu ukuundi khuubaleekela inywe ta. Lwekhuuba Umwoyo abaleekela bibiindu byoosi. Ni n'ebyo byeesi abaleekela bili bya ŋali, s'ibili bye bubeeyi ta. Nga Umwoyo n'abaleekela aryo, ni muwulilise byaloma, muryo mube mu niye.
28Ne ana ari baananywe, ni mwiloosele muryo khuuba mu Kristo, nio nyaanga nga wabonekhele, khube ni bunyali, khulekhe khuwaambiwa tsisoni mu moni tseewe nga wolile ta. 29Inywe mwamanya muri niye ali Umukwalaafu, luundi mushimanye muri, buli mutweela ukhola bye bukwalaafu, aba umwaana wa Wele.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.