Zefania 3
3
1Ku le bie a te tɛŋ kaai ale a namsi, a ta tukpari ale ka nuruma ale a taŋ ka, 2ka kan wom waai nɔi ya, ka kan siak sinsaga, ka an ta sebchakka ale Naawen ya, ka kan cheŋ a moata ka Wenni. 3Ka kpaŋŋa ka gbeŋ ŋaai ale a ŋuuni, ka niŋdeerɔma ka junɔi piina baai ale ka a tali jaab a magsi saluiwa. 4Ka biisiteerɔma ta ka kayerinni, ba ka nuru baai ale suk a nye biem. Ka kaabteerɔma a taŋ Wen dɔkku kama ale kaasi sinsaŋŋa. 5Naawen ale bo ka po la ka wayɔrisima nyɔnɔ, wa kan nye a kaasi. Saluik meena wa a nye ka wa wensieŋa, dai paali meena wa kan nye wari a kpeeri. Ale ge baai ale kan daa wayɔrisima nyam la a zɛ chivie.
6<<Mi kaasi ka tɛŋsa, si parik pagrisaŋa a ŋɔriŋ kama, mi basi ate ba suiduataŋa a doa koruk ate waai a kan cheŋ ti po. Ba tɛŋ ninaŋa a kaasi ya, nuru yeŋ mɛ la a kan tali, waai a kan tali. 7Mi weeni tɛŋ nummu ayen, <Chekki ni le chali mi abe ni siak sinsaga!> Ate ba le bo juijui la m kan kaasi dula, yaase m namsika meena a jam ka zuwa. Alege ba nyiŋsa ale diem a zeenti ayen ba nye kaasi dii meena ate ba a nye la po.>> 8Naawen weeni ayen, <<Dila nyiŋ ni limisi wa ale dai cheena m le zaan a biisi. Mi zɔk kama ayen m tigsi tɛŋsa, m tigsi naata ate m suipuurumu a jam ba zuk, m suipuurumu meena. Tɛŋka meena mi nyuri dɛka suipuurumu ale dɛ ba a ko.
9<<Ate m yaa le nye ate nuruma nɔngbanvaataŋa a nye cheri, ate ba meena ale wi Naawen yuenni a maa chaab a puusi wa. 10A nyini Kus beli naŋsaŋa geŋsa mi puusirɔma, mi nuruma ale waaŋ la ale ta tiirita a jam te mi. 11A zaani dai dila danni ni kan jo chivie po dii meena ate ni nye kaasi mi, dii nyiŋla m le yeeri baai meena ale dɛ masim ba kanjantaŋa nyiŋla tɛŋka po. Nama a kan ŋman ta kanjanta m tuilum guuku zuwa. 12Alege mi ale basi ate baai ale kaa yaali biik la ale baai ale a yik badek la a bo ni po, baai ale ta sebchakka ale Naawen yuenni la. 13Izirali demma ale tali vua la a kan ŋman nye kaasi, ba kan velimu yaase pimpaasima a bo ba noaŋa po. Ba le dɛ abe ba duak ate waai a kan nye ate ba a yɔgsa.>>
14A leni yiila Zayon Lie, Izirali na ate ku jueli basi ate fi sui a peenti abe fi a dɛ masim ale fi suinum meena Jerusalem Lie. 15Naawen a yeeri fi namsika kama, wa yiak fi dachiaka kama. Naawen, Izirali Naawa a bo le fu kama, fi a kan ŋman chali daanika. 16Dai dila danni ba le weeni Jerusalem ayen, <<Kan chali yɔgsummoa Zayon. Kan basi ate fi nisaŋa a jiagi. 17Naawen, fi Wenni a bo le fu kama, wa zuak kama a vari a basi. Wa le dɛ masim fi nyiŋ, wa le sueri fu ale wa yaalika, wa le dɛ masim fi nyiŋ ale yiila lennika.>>
18<<Tigi ŋaai ate mi a lueri la niniŋŋa m le yeeri ŋa fi jigi, ŋa ka jibta ale chivie a te fu. 19Va ŋala po m le nye ale baai meena ale namsi fu la, m le vari gbansaŋa a basi abe m tigsi baai ale waaŋ la jigi yeŋ. M le pai pimpauk ale zula a te ba tɛŋ sii meena po ate ba jam pai ba nyo chivie po la. 20Va ŋala po m le tigsi ni, va ŋala po m le ta ni jam yeri. M le te ni zula abe pimpauk nuruma meena po tɛŋzuk de ase m nin ŋman te ni zumasuk nidek nimbie po.>> Ka Naawen ale weeni.
Currently Selected:
Zefania 3: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Zefania 3
3
1Ku le bie a te tɛŋ kaai ale a namsi, a ta tukpari ale ka nuruma ale a taŋ ka, 2ka kan wom waai nɔi ya, ka kan siak sinsaga, ka an ta sebchakka ale Naawen ya, ka kan cheŋ a moata ka Wenni. 3Ka kpaŋŋa ka gbeŋ ŋaai ale a ŋuuni, ka niŋdeerɔma ka junɔi piina baai ale ka a tali jaab a magsi saluiwa. 4Ka biisiteerɔma ta ka kayerinni, ba ka nuru baai ale suk a nye biem. Ka kaabteerɔma a taŋ Wen dɔkku kama ale kaasi sinsaŋŋa. 5Naawen ale bo ka po la ka wayɔrisima nyɔnɔ, wa kan nye a kaasi. Saluik meena wa a nye ka wa wensieŋa, dai paali meena wa kan nye wari a kpeeri. Ale ge baai ale kan daa wayɔrisima nyam la a zɛ chivie.
6<<Mi kaasi ka tɛŋsa, si parik pagrisaŋa a ŋɔriŋ kama, mi basi ate ba suiduataŋa a doa koruk ate waai a kan cheŋ ti po. Ba tɛŋ ninaŋa a kaasi ya, nuru yeŋ mɛ la a kan tali, waai a kan tali. 7Mi weeni tɛŋ nummu ayen, <Chekki ni le chali mi abe ni siak sinsaga!> Ate ba le bo juijui la m kan kaasi dula, yaase m namsika meena a jam ka zuwa. Alege ba nyiŋsa ale diem a zeenti ayen ba nye kaasi dii meena ate ba a nye la po.>> 8Naawen weeni ayen, <<Dila nyiŋ ni limisi wa ale dai cheena m le zaan a biisi. Mi zɔk kama ayen m tigsi tɛŋsa, m tigsi naata ate m suipuurumu a jam ba zuk, m suipuurumu meena. Tɛŋka meena mi nyuri dɛka suipuurumu ale dɛ ba a ko.
9<<Ate m yaa le nye ate nuruma nɔngbanvaataŋa a nye cheri, ate ba meena ale wi Naawen yuenni a maa chaab a puusi wa. 10A nyini Kus beli naŋsaŋa geŋsa mi puusirɔma, mi nuruma ale waaŋ la ale ta tiirita a jam te mi. 11A zaani dai dila danni ni kan jo chivie po dii meena ate ni nye kaasi mi, dii nyiŋla m le yeeri baai meena ale dɛ masim ba kanjantaŋa nyiŋla tɛŋka po. Nama a kan ŋman ta kanjanta m tuilum guuku zuwa. 12Alege mi ale basi ate baai ale kaa yaali biik la ale baai ale a yik badek la a bo ni po, baai ale ta sebchakka ale Naawen yuenni la. 13Izirali demma ale tali vua la a kan ŋman nye kaasi, ba kan velimu yaase pimpaasima a bo ba noaŋa po. Ba le dɛ abe ba duak ate waai a kan nye ate ba a yɔgsa.>>
14A leni yiila Zayon Lie, Izirali na ate ku jueli basi ate fi sui a peenti abe fi a dɛ masim ale fi suinum meena Jerusalem Lie. 15Naawen a yeeri fi namsika kama, wa yiak fi dachiaka kama. Naawen, Izirali Naawa a bo le fu kama, fi a kan ŋman chali daanika. 16Dai dila danni ba le weeni Jerusalem ayen, <<Kan chali yɔgsummoa Zayon. Kan basi ate fi nisaŋa a jiagi. 17Naawen, fi Wenni a bo le fu kama, wa zuak kama a vari a basi. Wa le dɛ masim fi nyiŋ, wa le sueri fu ale wa yaalika, wa le dɛ masim fi nyiŋ ale yiila lennika.>>
18<<Tigi ŋaai ate mi a lueri la niniŋŋa m le yeeri ŋa fi jigi, ŋa ka jibta ale chivie a te fu. 19Va ŋala po m le nye ale baai meena ale namsi fu la, m le vari gbansaŋa a basi abe m tigsi baai ale waaŋ la jigi yeŋ. M le pai pimpauk ale zula a te ba tɛŋ sii meena po ate ba jam pai ba nyo chivie po la. 20Va ŋala po m le tigsi ni, va ŋala po m le ta ni jam yeri. M le te ni zula abe pimpauk nuruma meena po tɛŋzuk de ase m nin ŋman te ni zumasuk nidek nimbie po.>> Ka Naawen ale weeni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation