Zakaria 3
3
1Ate wa jam sak mi kaabteerɔ kpioŋku Josua, ale za Naawen maarɔwa niŋ la, ate Sitaana#3:1 Sitaana kiri ale nurubisa dachiak. mɛ a za wa juga geŋ ayen wa ŋma wa. 2Naawen a yaa weeni Sitaana ayen, <<Naawen a toariŋ fu kama, fi Sitaana! Naawen dii ale lueri Jerusalem la, a toariŋ fu kama! Nuruwa de a kan nye ase ka diok kosik ate ba chiak bolim po la?>>
3Yɔgyɔgla Josua a jam jɔ ka garuk daŋtisa ase wa ale jam za maarɔwa niŋ la. 4Maarɔwa a jam weeni baai ale za wa niŋ la ayen, <<Ni yeeri garuk daŋtisaŋa wa nyiŋka po.>> Ate wa yaa weeni Josua ayen, <<Nya, mi yeeri fi wabiokku fi jigi kama, mi ale pai ka jigsika gatta a jo fu.>>
5Ate mi jam weeni ayen, <<Ba pai zutɔk naliŋ a vuk wa zukku.>> Ate ba sum pai zutɔk naliŋ a vuk wa zukku ale pai garuk a jo wa, alege ate Naawen maarɔwa mɛ a za. 6Naawen maarɔwa yaa jam weeni Josua ayen, 7<<Nya kude ate Naawen Dii Ale A Dɛ Tugurik Tɔŋdɔma Niŋ La a weeni ayen, <Ase fi dan siak a va mi suitaŋa, ale ta dii ate mi a yaali la, fi abe le kasim a nya mi yenni zuk, abe fi a nya m dabaasaŋa zuk. Abe m te fu jigi baai ale za dela la po.
8<< <Wom, kaabteerɔ kpioŋ Josua ale fi maarɔwa ale kala fi niŋ la, baai ale ka nidoaba a chim daana a magsi chaab ale ŋan baai ale za ŋa nye la. M za m ta ka m tomteerɔwa ale ka Naŋ la a jam. 9Nya, buntain dii ate mi pai dueni Josua niŋ la! Ka nina ŋayopɔi ale bo tain yeŋka nyiŋ, ate m le ŋmarisi wari a dueni di nyiŋ.> Naawen Dii Ale A Dɛ Tugurik Tɔŋdɔma Niŋ La ale weeni dila, <Ate mi ale pai ka dai yeŋ a yeeri ba wabiokku ba tɛŋka zuk. 10<< <Dai dila danni waai meena ale wi ka wa vaanchoa ayen wa kali wa yɔna tiib ale wa kinkaŋ tɛŋ.> Naawen Dii Ale A Dɛ Tugurik Tɔŋdɔma Niŋ La ale weeni dila.>>
Currently Selected:
Zakaria 3: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Zakaria 3
3
1Ate wa jam sak mi kaabteerɔ kpioŋku Josua, ale za Naawen maarɔwa niŋ la, ate Sitaana#3:1 Sitaana kiri ale nurubisa dachiak. mɛ a za wa juga geŋ ayen wa ŋma wa. 2Naawen a yaa weeni Sitaana ayen, <<Naawen a toariŋ fu kama, fi Sitaana! Naawen dii ale lueri Jerusalem la, a toariŋ fu kama! Nuruwa de a kan nye ase ka diok kosik ate ba chiak bolim po la?>>
3Yɔgyɔgla Josua a jam jɔ ka garuk daŋtisa ase wa ale jam za maarɔwa niŋ la. 4Maarɔwa a jam weeni baai ale za wa niŋ la ayen, <<Ni yeeri garuk daŋtisaŋa wa nyiŋka po.>> Ate wa yaa weeni Josua ayen, <<Nya, mi yeeri fi wabiokku fi jigi kama, mi ale pai ka jigsika gatta a jo fu.>>
5Ate mi jam weeni ayen, <<Ba pai zutɔk naliŋ a vuk wa zukku.>> Ate ba sum pai zutɔk naliŋ a vuk wa zukku ale pai garuk a jo wa, alege ate Naawen maarɔwa mɛ a za. 6Naawen maarɔwa yaa jam weeni Josua ayen, 7<<Nya kude ate Naawen Dii Ale A Dɛ Tugurik Tɔŋdɔma Niŋ La a weeni ayen, <Ase fi dan siak a va mi suitaŋa, ale ta dii ate mi a yaali la, fi abe le kasim a nya mi yenni zuk, abe fi a nya m dabaasaŋa zuk. Abe m te fu jigi baai ale za dela la po.
8<< <Wom, kaabteerɔ kpioŋ Josua ale fi maarɔwa ale kala fi niŋ la, baai ale ka nidoaba a chim daana a magsi chaab ale ŋan baai ale za ŋa nye la. M za m ta ka m tomteerɔwa ale ka Naŋ la a jam. 9Nya, buntain dii ate mi pai dueni Josua niŋ la! Ka nina ŋayopɔi ale bo tain yeŋka nyiŋ, ate m le ŋmarisi wari a dueni di nyiŋ.> Naawen Dii Ale A Dɛ Tugurik Tɔŋdɔma Niŋ La ale weeni dila, <Ate mi ale pai ka dai yeŋ a yeeri ba wabiokku ba tɛŋka zuk. 10<< <Dai dila danni waai meena ale wi ka wa vaanchoa ayen wa kali wa yɔna tiib ale wa kinkaŋ tɛŋ.> Naawen Dii Ale A Dɛ Tugurik Tɔŋdɔma Niŋ La ale weeni dila.>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation