Zakaria 11
11
1Lebanon ni lak ni tuataŋa, ate bolim a dɛ ni nyunyoŋku. 2Dapeelita tiimu, abe kum, diila nyunyoŋku a lo kama ti naliŋsaŋa a kaasi kama. Basan dapagrisa tiisa a kum. Ba che gɔi kpienni a lɔnsi ka tɛŋ. 3Ni wom naapeerisaŋa kumsaŋa, ba wuyɔgsuku meena a kaasi kama. Ni wom gbeŋmaŋa ale a wooli la. Jodan tiiku a kaasi kama.
4Ka Naawen mi Wenni ale weeni diila ale nna: <<Cheŋ ga a nya pa ŋaai ate ba za ba togri la zuk. 5Baai ale da ŋa la a yik ŋa kama a togri alege ate waai an poom a namsi ba. Ba pai ŋa lantaŋa a da kama a yaa le a weeni ayen, <Pak Naawen, mi yaa jigsi kama.> Badek naapeerisaŋa an jam basi ba. 6Ate dila nyiŋ mi a kan ŋman ta jiirim ale m nuru baai ale bo tɛŋka po la.>> Ka Naawen ale a weeni ayen, <<M le pai waai meena a te wa vaanchoa ale wa naab. Ba ale namsi tɛŋka ate m kan vari ba a nyini ba nisima po a basi.>>
7Ate mi yaa a nya pa ŋaai ate ba te ŋa daana ayen ba tɔgri la, ku jam potim ka pa ŋaai ate ba jam a namsi la ate mi jam a nya. Ate mi yaa pai tacheksa siye a wi kanyi ayen Ŋmantiik ale wi m kala mɛ ayen Nɔiyeŋ ale a nya piisaŋa zuk. 8Chiik yeŋ po mi jam yiak naapeerisa sita a basi kama. Piisaŋa a yaa jam kisi mi, ate mi yaa jam jiak ale ŋa 9ate mi weeni ayen, <<Mi kan chim ni naapeerik ŋmana. Baai ale za ba kpi la abe kpi, ate baai mɛ ale za ba bɛ la abe bɛ. Baai ale a boro la abe ko chaab a ŋɔbi chaab nyiŋlam.>>
10Ate mi yaa pai mi tachek kaai ale ka Jiirim la a yik wɛ, ayen mi ko nɔiyeŋ kaai ate mi ta ale tɛŋsaŋa meena la. 11Ka dai dila danni ate mi jam a ko nɔiyeŋka a basi, ate baai ale namsi piisaŋa la ale jam nya mi la a jam miŋ kama ayen ka Naawen wari ale la.
12Mi yaa weeni ba ayen, <<Ase ni dan poli ayen dila nala, ni te mu mi tutunaŋa. Ku be dan kan nala, ni tanla.>> Dila nyiŋla ba jam tuni mi ka kpana ligbie pisita.#11:12 Matiu 26:15 13Ate Naawen yaa weeni mi ayen, <<Yuk ŋa a te ligtaarɔwa.>> Da magsika ate ba dak mi la a magsi kama. Ate mi yaa pai kpana ligbie pisitawa a yuk basi Naawen yenni po a te ligtaarɔwa. 14Ate mi ŋman pilim wɛ m tachek kaai ale a saari buyewa la ate ba a wi ayen Nɔiyeŋ la a kaasi Juda ale Izirali suataŋa.
15Ate Naawen yaa ŋman jam weeni mi ayen, <<Ŋman tuesi naapeerik beruku kɔlimaŋa. 16Diila m za m te ate ka naapeerik a bo tɛŋka zuk ate wa niŋ a kan bo ŋaai ale koani la po, yaase wa te ŋaai ale ta nyiŋyɔgsa la ŋandiinta, alege wa ale yik ka pa ŋaai ale nala naŋsabaŋa a dari fɔgri abe wa ŋɔbi ŋa lanta.
17<<Naapeerik kaai ale kan ta kiri ale bo ka kikaasa po, wa ale zɛri piisaŋa la nyiŋ! Gebik ale gebi wa ŋmankpalaŋa a ŋman yeeri wa juga nummu! Wa ŋmankpalaŋa ale kasim a kpi kama ate wa juga nummu ale kasim fak!>>
Currently Selected:
Zakaria 11: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Zakaria 11
11
1Lebanon ni lak ni tuataŋa, ate bolim a dɛ ni nyunyoŋku. 2Dapeelita tiimu, abe kum, diila nyunyoŋku a lo kama ti naliŋsaŋa a kaasi kama. Basan dapagrisa tiisa a kum. Ba che gɔi kpienni a lɔnsi ka tɛŋ. 3Ni wom naapeerisaŋa kumsaŋa, ba wuyɔgsuku meena a kaasi kama. Ni wom gbeŋmaŋa ale a wooli la. Jodan tiiku a kaasi kama.
4Ka Naawen mi Wenni ale weeni diila ale nna: <<Cheŋ ga a nya pa ŋaai ate ba za ba togri la zuk. 5Baai ale da ŋa la a yik ŋa kama a togri alege ate waai an poom a namsi ba. Ba pai ŋa lantaŋa a da kama a yaa le a weeni ayen, <Pak Naawen, mi yaa jigsi kama.> Badek naapeerisaŋa an jam basi ba. 6Ate dila nyiŋ mi a kan ŋman ta jiirim ale m nuru baai ale bo tɛŋka po la.>> Ka Naawen ale a weeni ayen, <<M le pai waai meena a te wa vaanchoa ale wa naab. Ba ale namsi tɛŋka ate m kan vari ba a nyini ba nisima po a basi.>>
7Ate mi yaa a nya pa ŋaai ate ba te ŋa daana ayen ba tɔgri la, ku jam potim ka pa ŋaai ate ba jam a namsi la ate mi jam a nya. Ate mi yaa pai tacheksa siye a wi kanyi ayen Ŋmantiik ale wi m kala mɛ ayen Nɔiyeŋ ale a nya piisaŋa zuk. 8Chiik yeŋ po mi jam yiak naapeerisa sita a basi kama. Piisaŋa a yaa jam kisi mi, ate mi yaa jam jiak ale ŋa 9ate mi weeni ayen, <<Mi kan chim ni naapeerik ŋmana. Baai ale za ba kpi la abe kpi, ate baai mɛ ale za ba bɛ la abe bɛ. Baai ale a boro la abe ko chaab a ŋɔbi chaab nyiŋlam.>>
10Ate mi yaa pai mi tachek kaai ale ka Jiirim la a yik wɛ, ayen mi ko nɔiyeŋ kaai ate mi ta ale tɛŋsaŋa meena la. 11Ka dai dila danni ate mi jam a ko nɔiyeŋka a basi, ate baai ale namsi piisaŋa la ale jam nya mi la a jam miŋ kama ayen ka Naawen wari ale la.
12Mi yaa weeni ba ayen, <<Ase ni dan poli ayen dila nala, ni te mu mi tutunaŋa. Ku be dan kan nala, ni tanla.>> Dila nyiŋla ba jam tuni mi ka kpana ligbie pisita.#11:12 Matiu 26:15 13Ate Naawen yaa weeni mi ayen, <<Yuk ŋa a te ligtaarɔwa.>> Da magsika ate ba dak mi la a magsi kama. Ate mi yaa pai kpana ligbie pisitawa a yuk basi Naawen yenni po a te ligtaarɔwa. 14Ate mi ŋman pilim wɛ m tachek kaai ale a saari buyewa la ate ba a wi ayen Nɔiyeŋ la a kaasi Juda ale Izirali suataŋa.
15Ate Naawen yaa ŋman jam weeni mi ayen, <<Ŋman tuesi naapeerik beruku kɔlimaŋa. 16Diila m za m te ate ka naapeerik a bo tɛŋka zuk ate wa niŋ a kan bo ŋaai ale koani la po, yaase wa te ŋaai ale ta nyiŋyɔgsa la ŋandiinta, alege wa ale yik ka pa ŋaai ale nala naŋsabaŋa a dari fɔgri abe wa ŋɔbi ŋa lanta.
17<<Naapeerik kaai ale kan ta kiri ale bo ka kikaasa po, wa ale zɛri piisaŋa la nyiŋ! Gebik ale gebi wa ŋmankpalaŋa a ŋman yeeri wa juga nummu! Wa ŋmankpalaŋa ale kasim a kpi kama ate wa juga nummu ale kasim fak!>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation