Pa Sakka 13
13
1Dila powa, jakpioŋku a jam za ka nyakpiemu nɔi. Ate mi yaa ŋman nya duŋ kperikaliik ka choa ale ka nyini nyakpiemu po a nyini. Kala a jam ta ka zuima ŋayopɔi ale nyiila pi. Ka jam vuk ka naam zutɔgsa ka nyiilaŋa meena zuk. Ka zuimaŋa meena nyiŋ yue ale jam doa ŋa nyiŋ a lɛ Wen. 2Duŋ ka de jam a neensi ka yɔŋni. Ka naŋsaŋa mɛ jam a neensi ka piuk naŋsa. Ka nɔnni mɛ a neensi gbeŋli nɔi. Jakpioŋ kuui ale a neensi waab la jam pai ka pagrimu ale ka naamu a te ka duŋ kperikaliika. 3Mi yaa ŋman ga a nya la ale, duŋ kperikaliika ale nyini nyiamu po a nyini la, ale ka zukku kunyi zuk lauŋ ale jam boro. Tɛŋzuk meena nuruma ale ga nya lauŋku de la, ku jam chim ka wakperikaliik ba jigi ate ba yaa deri va ka. 4Waai meena yaa jam a te jakpioŋ kuui ale a neensi waamu la zula nna yegayega dii nyiŋla, wa jam pai ka pagrimu a te duŋ kperikaliik kaai ale nyini nyiamu po a nyini la. Ba yaa a weeni chaab ayen, <<Ka wana ale a nye ase duŋ kperikaliika de a ta pagrim ayen wa nye kpaliŋ ale ka?>>
5Ba yaa te duŋ kperikaliik kaai ale nyini nyakpiemu po a nyini la suik ate ka biisi wie ŋaai ale ka leeta nna yegayega a te Wen la. Ba jam te ka ka pagrim ayen ka soa tɛŋzuk meena nuruma ate ku ga paari chiisa pisinaansi ale siye. 6Ka yaa jam biisi a kaasi Wen ale wa yuenni ale wa viuku, ku kiri ale baai meena ale jam bo wenŋmazukku po la. 7Ba yaa ŋman te ka suik ayen ka tu chaab ale Wen nuruma a nye kpaliŋ a nak yiak ba. Ba te ka mɛ pagrim ayen ka soa buura meena ale nuruba meena ale biisa meena ale tɛŋsa meena. 8Wen liŋ ŋmarisi baai meena ale ba tuesi wa nyuvuri dii ale kan ka kpeglimka la kama a nyo wa gbaŋka po alege yaa nye tɛŋka. Wa Pabiik kaai, ate ba ko la ale soa gbaŋka. Baai meena yue ale jam kan bo gbaŋka de po la, le puusi a te duŋ kperikaliik kaai ale jam nyini nyakpiemu po a nyini la.
9Ni lak ni tueŋa a wom dii ate mi a weeni la nalimnyiini. 10Ku ka Wen dek yaalika ayen ba le jam yik ni ba gela a lik dɔk po a pai gebik woŋta a ko ni gela. Nama baai ale ka Wen nuruba la, ku a fɛ ayen ni nam ale chichiiba a ŋmasi yik di ate ku ga paari ku kpeglimka. Wieŋa de ale sum nye kama.
11Ate mi yaa ŋman nya duŋ kperikaliik ka choa ale nyini tɛŋka a jueli. Ka jam ta ka nyiila ŋaye ase padiak nyiila la, alege a biisi ase jakpioŋku ale a neensi waamu la. 12Ka jam pai ka duŋ kperikaliika pagrim a tom ka dek nimbie po. Ka jam fɛ tɛŋka nuruma kama ayen ba a puusi duŋ kperikaliika ale kɔni la. 13Duŋ kaai ale ta nyiila ŋayewa la dɛ a tom ka wakperikaliisa nna yegayega. Ka jam nye kama ate bolim a nyiini wenŋmazuk a siŋ tɛŋzuk nuru meena niŋ. 14Ate ka paasi tɛŋzuk nuruma meena ale wakperikaliik sii ate ka tom duŋ kperikaliika niŋ la. Ka weeni ayen ba mɛ duŋ kperikaliik kaai ate ba kɔni ka ale gebi woŋku alege ate ka diem vua la ate ba a zuli ka. 15Ba yaa te ka suik ayen ka vuusi a basi duŋ kperikaliika ate ba mɛ la nyiŋ ate ka ta nyuvuri ate wa baga a biisi abe wa a ko baai meena ale kan puusi a te wa la. 16Duŋ ka de a yaa fɛ nuruma meena, baai ale chim nuru kpienta ale baai ale kan daa nuru kpienta, baai ale ka jigsirɔba ale baai ale kan daa jigsirɔba, baai ale ka yɔm ale baai ale kan daa yɔmma ate ba ŋmarisi ba juga nisima nyiŋ yaase ba dee nyiŋ. 17Nuru waai an baga jaab a da ka wa nin ta ŋmarisika de. Ŋmarisika de ale wa yuenni yaase dii ale a sak wa yuenni la.
18Kude abe a sak ka yam. Nuru waai a dan ta yam wa ale seba dii ale a sak wa yuenni la kiri. Dii abe ale a sak wa yuenni la ka kobsiyuebi ale pisiyuebi ale buyuebi.
Currently Selected:
Pa Sakka 13: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Pa Sakka 13
13
1Dila powa, jakpioŋku a jam za ka nyakpiemu nɔi. Ate mi yaa ŋman nya duŋ kperikaliik ka choa ale ka nyini nyakpiemu po a nyini. Kala a jam ta ka zuima ŋayopɔi ale nyiila pi. Ka jam vuk ka naam zutɔgsa ka nyiilaŋa meena zuk. Ka zuimaŋa meena nyiŋ yue ale jam doa ŋa nyiŋ a lɛ Wen. 2Duŋ ka de jam a neensi ka yɔŋni. Ka naŋsaŋa mɛ jam a neensi ka piuk naŋsa. Ka nɔnni mɛ a neensi gbeŋli nɔi. Jakpioŋ kuui ale a neensi waab la jam pai ka pagrimu ale ka naamu a te ka duŋ kperikaliika. 3Mi yaa ŋman ga a nya la ale, duŋ kperikaliika ale nyini nyiamu po a nyini la, ale ka zukku kunyi zuk lauŋ ale jam boro. Tɛŋzuk meena nuruma ale ga nya lauŋku de la, ku jam chim ka wakperikaliik ba jigi ate ba yaa deri va ka. 4Waai meena yaa jam a te jakpioŋ kuui ale a neensi waamu la zula nna yegayega dii nyiŋla, wa jam pai ka pagrimu a te duŋ kperikaliik kaai ale nyini nyiamu po a nyini la. Ba yaa a weeni chaab ayen, <<Ka wana ale a nye ase duŋ kperikaliika de a ta pagrim ayen wa nye kpaliŋ ale ka?>>
5Ba yaa te duŋ kperikaliik kaai ale nyini nyakpiemu po a nyini la suik ate ka biisi wie ŋaai ale ka leeta nna yegayega a te Wen la. Ba jam te ka ka pagrim ayen ka soa tɛŋzuk meena nuruma ate ku ga paari chiisa pisinaansi ale siye. 6Ka yaa jam biisi a kaasi Wen ale wa yuenni ale wa viuku, ku kiri ale baai meena ale jam bo wenŋmazukku po la. 7Ba yaa ŋman te ka suik ayen ka tu chaab ale Wen nuruma a nye kpaliŋ a nak yiak ba. Ba te ka mɛ pagrim ayen ka soa buura meena ale nuruba meena ale biisa meena ale tɛŋsa meena. 8Wen liŋ ŋmarisi baai meena ale ba tuesi wa nyuvuri dii ale kan ka kpeglimka la kama a nyo wa gbaŋka po alege yaa nye tɛŋka. Wa Pabiik kaai, ate ba ko la ale soa gbaŋka. Baai meena yue ale jam kan bo gbaŋka de po la, le puusi a te duŋ kperikaliik kaai ale jam nyini nyakpiemu po a nyini la.
9Ni lak ni tueŋa a wom dii ate mi a weeni la nalimnyiini. 10Ku ka Wen dek yaalika ayen ba le jam yik ni ba gela a lik dɔk po a pai gebik woŋta a ko ni gela. Nama baai ale ka Wen nuruba la, ku a fɛ ayen ni nam ale chichiiba a ŋmasi yik di ate ku ga paari ku kpeglimka. Wieŋa de ale sum nye kama.
11Ate mi yaa ŋman nya duŋ kperikaliik ka choa ale nyini tɛŋka a jueli. Ka jam ta ka nyiila ŋaye ase padiak nyiila la, alege a biisi ase jakpioŋku ale a neensi waamu la. 12Ka jam pai ka duŋ kperikaliika pagrim a tom ka dek nimbie po. Ka jam fɛ tɛŋka nuruma kama ayen ba a puusi duŋ kperikaliika ale kɔni la. 13Duŋ kaai ale ta nyiila ŋayewa la dɛ a tom ka wakperikaliisa nna yegayega. Ka jam nye kama ate bolim a nyiini wenŋmazuk a siŋ tɛŋzuk nuru meena niŋ. 14Ate ka paasi tɛŋzuk nuruma meena ale wakperikaliik sii ate ka tom duŋ kperikaliika niŋ la. Ka weeni ayen ba mɛ duŋ kperikaliik kaai ate ba kɔni ka ale gebi woŋku alege ate ka diem vua la ate ba a zuli ka. 15Ba yaa te ka suik ayen ka vuusi a basi duŋ kperikaliika ate ba mɛ la nyiŋ ate ka ta nyuvuri ate wa baga a biisi abe wa a ko baai meena ale kan puusi a te wa la. 16Duŋ ka de a yaa fɛ nuruma meena, baai ale chim nuru kpienta ale baai ale kan daa nuru kpienta, baai ale ka jigsirɔba ale baai ale kan daa jigsirɔba, baai ale ka yɔm ale baai ale kan daa yɔmma ate ba ŋmarisi ba juga nisima nyiŋ yaase ba dee nyiŋ. 17Nuru waai an baga jaab a da ka wa nin ta ŋmarisika de. Ŋmarisika de ale wa yuenni yaase dii ale a sak wa yuenni la.
18Kude abe a sak ka yam. Nuru waai a dan ta yam wa ale seba dii ale a sak wa yuenni la kiri. Dii abe ale a sak wa yuenni la ka kobsiyuebi ale pisiyuebi ale buyuebi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation