Pa Sakka 10
10
1Ate mi yaa ŋman nya ale maarɔ kpioŋ wa choa a yaa nyini wenŋmazuk a siŋ jam za dula. Chiŋmari ale jam gilim wa. Nagoritom mɛ ale jam gilim wa zukku. Wa nimbidiaka a jam a nyaksi ase wenbinni la, wa naŋsaŋa a nye ase bolim ale a dɛ la. 2Wa jam lak ka gbaŋ fiik a ta wa nisa po. Wa yaa jam pai wa juga naŋtuoku a tabi nyakpiemu po alege pai wa gala naŋtuoku a tabi kunkɔŋni. 3Wa yaa jam kaari ase gbeŋli la, ate nanpansa siyopɔiwa, a yaa na a tulisi wa. 4Si ale na a nueri la, mi jam a yaali ayen m ŋmarisi dii ale nye la kama, alege lueluk a jam nyini wenŋmazuk a siŋ jam weeni mi ayen, <<Lik nanpansaŋa siyopɔiwa ale weeni diila kan ŋmarisi a dueni.>>
5Wen maarɔ waai juga naŋtuoku ale jam tabi nyakpiemu po alege ate wa gala naŋtuoku tabi kunkɔŋni la, wala ale zak wa juga nisaŋa wenzuk. 6A yaa pɛ ale Wen dii ale kasim boro taam wuu la. Wa ka waai ale nye wenzuk ale tɛŋ ale nyakpiemu ale jaabuuri meena ale bo ba po la. Maarɔwa yaa ŋman kaari a weeni ayen, <<Benika wari a ŋman karo.>> 7Wen maarɔ waai ale jam saari bayopɔiwa la a dan peeri wa damuniŋka, Wen dii ale liŋ pai dii ate wa jam suk la, alege ŋman pilim pai di a sak wa biisiteerɔ baai ale jam ka wa tomteerɔba la, wa le nye ka dii ate wa jam a yaali ayen wa nye dila po la.>>
8Ate lueluku ale jam poom nyini wenŋmazuk a biisi ale mi la, a yaa ŋman pilim a weeni mi ayen, <<Cheŋ ga pai gbaŋ fiik kaai ale lak a bo maarɔ waai naŋtaataŋa ale bo nyiamu po ale kuŋkɔŋni la jigi.>>
9Mi yaa cheŋ ga a weeni maarɔwa ayen wa te mu gbaŋ fiika. Wa yaa weeni mi ayen, <<Ŋoa ŋɔbi. Ku le masa ase ka siita la fi nɔi po, alege ku dan ga siŋ fi ponni po ku le toa kama.>>
10Mi yaa tuesi gbaŋka wa nisa po a ŋɔbi. Wa le weeni diila a sum nye kama. Ku jam masa mi nɔi po ase ka siita la, alege ku le jam siŋ m ponni po la, ku jam toa kama. 11Wa ŋman weeni mi ayen, <<Ku a fɛ ate fi ŋman mooli nuruba ale tɛŋsa ale biisa ale nalima yega wie.>>
Currently Selected:
Pa Sakka 10: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Pa Sakka 10
10
1Ate mi yaa ŋman nya ale maarɔ kpioŋ wa choa a yaa nyini wenŋmazuk a siŋ jam za dula. Chiŋmari ale jam gilim wa. Nagoritom mɛ ale jam gilim wa zukku. Wa nimbidiaka a jam a nyaksi ase wenbinni la, wa naŋsaŋa a nye ase bolim ale a dɛ la. 2Wa jam lak ka gbaŋ fiik a ta wa nisa po. Wa yaa jam pai wa juga naŋtuoku a tabi nyakpiemu po alege pai wa gala naŋtuoku a tabi kunkɔŋni. 3Wa yaa jam kaari ase gbeŋli la, ate nanpansa siyopɔiwa, a yaa na a tulisi wa. 4Si ale na a nueri la, mi jam a yaali ayen m ŋmarisi dii ale nye la kama, alege lueluk a jam nyini wenŋmazuk a siŋ jam weeni mi ayen, <<Lik nanpansaŋa siyopɔiwa ale weeni diila kan ŋmarisi a dueni.>>
5Wen maarɔ waai juga naŋtuoku ale jam tabi nyakpiemu po alege ate wa gala naŋtuoku tabi kunkɔŋni la, wala ale zak wa juga nisaŋa wenzuk. 6A yaa pɛ ale Wen dii ale kasim boro taam wuu la. Wa ka waai ale nye wenzuk ale tɛŋ ale nyakpiemu ale jaabuuri meena ale bo ba po la. Maarɔwa yaa ŋman kaari a weeni ayen, <<Benika wari a ŋman karo.>> 7Wen maarɔ waai ale jam saari bayopɔiwa la a dan peeri wa damuniŋka, Wen dii ale liŋ pai dii ate wa jam suk la, alege ŋman pilim pai di a sak wa biisiteerɔ baai ale jam ka wa tomteerɔba la, wa le nye ka dii ate wa jam a yaali ayen wa nye dila po la.>>
8Ate lueluku ale jam poom nyini wenŋmazuk a biisi ale mi la, a yaa ŋman pilim a weeni mi ayen, <<Cheŋ ga pai gbaŋ fiik kaai ale lak a bo maarɔ waai naŋtaataŋa ale bo nyiamu po ale kuŋkɔŋni la jigi.>>
9Mi yaa cheŋ ga a weeni maarɔwa ayen wa te mu gbaŋ fiika. Wa yaa weeni mi ayen, <<Ŋoa ŋɔbi. Ku le masa ase ka siita la fi nɔi po, alege ku dan ga siŋ fi ponni po ku le toa kama.>>
10Mi yaa tuesi gbaŋka wa nisa po a ŋɔbi. Wa le weeni diila a sum nye kama. Ku jam masa mi nɔi po ase ka siita la, alege ku le jam siŋ m ponni po la, ku jam toa kama. 11Wa ŋman weeni mi ayen, <<Ku a fɛ ate fi ŋman mooli nuruba ale tɛŋsa ale biisa ale nalima yega wie.>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation