Wamagsima 2
2
1M biiga, wom m le a weeni diila, abe fi pai m sinsaŋŋa ate ŋa chim fi nitalim. 2Lak tue wom yam wie abe fi basi ate fi popola a bo wie miŋka jigi. 3Wi a juisi miŋ chakka, abe fi bek miŋ chakka. 4Gisi ase ligra ale bɛ yaase tuilum jaab ale suk ate fi a gisi la. 5Ate fi yaa le miŋ Naawen yɔgsum chalika a chak, abe fi ta Naawen wie miŋka. 6Diila Naawen a te yam kama. Wa a biisi ka wie miŋka yam ale miŋ chakka wie. 7Wa a te wensie nyɔnɔwa ka yam. Wa chim ka jaligim a te baai ale a cheŋ wensie po la. 8Wa a nya wensie suitaŋa zuk kama ale a lik baai ale ta wensie ale wa la.
9Ate fi ale miŋ dii ale ka wensie la ale dii ale ka chekki la ale dii ale nala la, ate fi baga seba dii ale magsi ayen fi nye diipo meena la. 10Diila yam ale jo fi suinummu po, abe wie miŋka yam a sueri fu ale masim. 11Yam zɔga ale nya fi zuk. Wie miŋka yam ale lik fu.
12Yam ale vari fu a nyini nuru baata po, baai ale biisi a labri la. 13Nuruma de a viriŋ a nyini ka suik maŋka po a ga bo suik kuui ale ta legi la. 14Ba a dɛ ka masim a nyini nye kaasuŋ po, ba a de ka masim a nyini ba biisi labrika po. 15Ba nyeelaŋa a goalim kama, ate ba suitaŋa an nala.
16Yam ale vari fu nyini nipok waai ale kaasi la jigi ale kaboŋsa nipowa ale a biisi a tagri nidoaba popola la. 17Wa zɛri wa chorɔwa kama ale pai nɔiyeŋ kaai ate wa nye Naawen niŋ la a basi. 18Wa yenni po jo ka a ta fu a cheŋ ka kum po. Ka suik kuui ale a cheŋ vɔrup po. 19Nidoa waai ale a cheŋ wa jigi la ka jakpiuk. Wa a kan maa cheŋ paari nyuvuri suitaŋa a nya.
20Va nuru maŋsa naŋkula, abe fi wari a bo wayɔrisima nyam suita po. 21Ka wayɔrisima nyam nyiini ale za ba bo tɛŋka zuk, ate baai ale kan ta kaasuŋ la ale za ba wari ka po. 22Alege gaasa nyama ba ale yeeri ba tɛŋka zuk, ate nuru baataŋa ale nya kaasuŋ.
Currently Selected:
Wamagsima 2: BWU
Highlight
Share
Compare
Copy
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Wamagsima 2
2
1M biiga, wom m le a weeni diila, abe fi pai m sinsaŋŋa ate ŋa chim fi nitalim. 2Lak tue wom yam wie abe fi basi ate fi popola a bo wie miŋka jigi. 3Wi a juisi miŋ chakka, abe fi bek miŋ chakka. 4Gisi ase ligra ale bɛ yaase tuilum jaab ale suk ate fi a gisi la. 5Ate fi yaa le miŋ Naawen yɔgsum chalika a chak, abe fi ta Naawen wie miŋka. 6Diila Naawen a te yam kama. Wa a biisi ka wie miŋka yam ale miŋ chakka wie. 7Wa a te wensie nyɔnɔwa ka yam. Wa chim ka jaligim a te baai ale a cheŋ wensie po la. 8Wa a nya wensie suitaŋa zuk kama ale a lik baai ale ta wensie ale wa la.
9Ate fi ale miŋ dii ale ka wensie la ale dii ale ka chekki la ale dii ale nala la, ate fi baga seba dii ale magsi ayen fi nye diipo meena la. 10Diila yam ale jo fi suinummu po, abe wie miŋka yam a sueri fu ale masim. 11Yam zɔga ale nya fi zuk. Wie miŋka yam ale lik fu.
12Yam ale vari fu a nyini nuru baata po, baai ale biisi a labri la. 13Nuruma de a viriŋ a nyini ka suik maŋka po a ga bo suik kuui ale ta legi la. 14Ba a dɛ ka masim a nyini nye kaasuŋ po, ba a de ka masim a nyini ba biisi labrika po. 15Ba nyeelaŋa a goalim kama, ate ba suitaŋa an nala.
16Yam ale vari fu nyini nipok waai ale kaasi la jigi ale kaboŋsa nipowa ale a biisi a tagri nidoaba popola la. 17Wa zɛri wa chorɔwa kama ale pai nɔiyeŋ kaai ate wa nye Naawen niŋ la a basi. 18Wa yenni po jo ka a ta fu a cheŋ ka kum po. Ka suik kuui ale a cheŋ vɔrup po. 19Nidoa waai ale a cheŋ wa jigi la ka jakpiuk. Wa a kan maa cheŋ paari nyuvuri suitaŋa a nya.
20Va nuru maŋsa naŋkula, abe fi wari a bo wayɔrisima nyam suita po. 21Ka wayɔrisima nyam nyiini ale za ba bo tɛŋka zuk, ate baai ale kan ta kaasuŋ la ale za ba wari ka po. 22Alege gaasa nyama ba ale yeeri ba tɛŋka zuk, ate nuru baataŋa ale nya kaasuŋ.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation