Chiinika 3
3
1Aaron ale Moosis dɔkdemma ale ka diila ale nna, diipo ate Naawen a jam biisi ale Moosis Sinai Guuku zuk la.
2Aaron nidoabilisaŋa yue jam le nna bikpagni ale Nadab ale Abiyu ale Eleaza ale Itamar. 3Aaron nidoabilisaŋa yueŋa jam le la, kaabteerɔ baai ate ba bobi ayen ba tom a te Naawen ase kaabteerɔba la. 4Nadab ale Abiyu a jam kpi kama Naawen niŋ diipo ate ba jam nye tiirim ale bolim a te wa buui ate wa an weeni ba ayen ba nye Sinai Gɔnni po la. Ba jam ka nidoabilisa, dila ka Eleaza ale Itamar ale jam a tom ase kaabteerɔba la, diipo ate ba kowa Aaron a jam vua la.
5Naawen a jam weeni Moosis ayen, 6<<Ta Livaima a jam te Aaron waai ale ka kaabteerɔ la ate ba a maari wa. 7Ba ale ba a tom a te wa ale Izirali naakuuni meena tuka viuku po ale viuku tuima. 8Ba ale ba a nya ŋan baai meena ale bo tuka viuku po la abe ba a tom Izirali demma ale magsi ba a nye diila a tom viuku tuima. 9Pai Livaima a te Aaron ale wa nidoabilisaŋa. Ba ale Izirali dem baai ale ba pai badek meena a te wa. 10Lueri Aaron ale wa nidoabilisaŋa ate ba a tom ase kaabteerɔba la, nuru yoŋ waai meena ale a jo Wen dɔkku po la, ku a fɛ ate ba ko wa.>>
11Naawen a ŋman weeni Moosis ayen, 12<<Mi pai Livaima kama a ta nyini Izirali demma po a tagri chim Izirali nipooma meena ale dɛ niŋ a biak nidoabili sii la. Livaima ka mi ale soa, 13ba le dɛ niŋ a biak baai meena la ka mi ale soa. Diipo ate mi a jam ko Ejipiti demma ale dɛ niŋ a biak baai la, Mi a jam gaari Izirali demma ale dɛ niŋ a biak baai la a te ka m dek, ka nidoa yaase duŋ. Ba ka mi ŋanta. Ka Mi ale Naawen.>>
14Ate Naawen a weeni Moosis Sinai Gɔnni po ayen, 15<<Chiini Livaima dɔkdemma ale ba yezuimaŋa ale ka diila. Chiini nidoabili sii meena ale paari chiik yaase ba gaam dila la.>> 16Dila Moosis yaa chiini ba ase Naawen ale jam weeni wa diila.
17Livai nidoabilisaŋa yue jam le Gerson ale Koyat ale Merari. 18Gerson yezuimaŋa yue jam le Libni ale Simei. 19Koyat yezuimaŋa yueŋa jam le Amram ale Izyar ale Yebron ale Uzziel. 20Ate Merari yezuimaŋa a chim Mayali ale Musi. Bade jam le Livai yezuimaŋa a ta va ba dɔkdemma ale ka diila.
21Libni ale Simei demma a nyini ka Gerson kabini. Bade jam le Gerson yezuimaŋa. 22Nidoama meena ale paari chiik yaase ba gaam di ate ba jam chiini ba la jam ka tusa ŋayopɔi ale kobsinu (7,500). 23Gerson yezuimaŋa ale ba kali yeniŋ geŋsa viuku ŋaaŋ. 24Gerson kabini niŋdeerɔwa jam le Lael nidoabinni Eliasaf. 25Tuka Viuku po Gerson kabini ale ba nya viuku ale ku ŋan pilintaŋa ale garuk panni ale a yik Tuka Viuku nansuiŋku nɔi la zuk,#3:25 Nya fotowa, Nyinika 26:34. 26garuk panni ale a yik dabiaka po la ale garuk panni ale a yik dabiaka nansuiŋku a gilim viuku ale kuŋkuŋku ale miisaŋa ale jaab meena ate ba ta a tom ku tuima la.
27Koyat yezuimaŋa jam le Amram ale Izyar ale Yebron ale Uzziel demma Koyat yezuimaŋa ale bade. 28Nidoama meena ale jam paari chiik yaase ba gaam dila ka tusa naaniŋ ale kobsiyuebi (8,600). Koyat dɔkku ale jam a nya Wen yenni zuk. 29Koyat dɔkku yezuimaŋa a jam ba kali ka viuku yeseoku geŋsa. 30Koyat yezuimaŋa diinaŋa niŋdeerɔwa jam le Uzziel nidoabinni Elizafan. 31Ba ale jam a nya dakanni ale jazaanimu ale zeuŋ jazaanimu ale kuŋkuŋtaŋa ale ŋan baai meena ale bo Wen yenni po ate ba ta a tom la zuk ale garuk panni ale jaab meena ate ba magsi ba pai tomka la. 32Niŋdeerɔ naab waai ale jam a nya Livaima meena zuk la jam le kaabteerɔwa Aaron nidoabinni Eleaza. Wa ate ba jam lueri ate wa a nya baai ale nya Wen yenni zuk la.
33Merari yezuimaŋa jam le Mayali ale Musi demma. Bade jam le Merari yezuimaŋa. 34Nidoama meena ale paari chiik yaase ba gaam dila la, baai ate ba jam chiini la jam ka tusa ŋayuebi ale kobsiye (6,200). 35Merari dɔkdemma yezuimaŋa niŋdeerɔwa jam le Abiyail nidoabinni Zuriel. Bala ale jam ayen ba kali viuku wiilukku geŋsa. 36Merari dɔkku ale jam a nya viuku zaŋŋa ale ku chibsaŋa ale zaŋŋa ale kuta golaŋa ale ku ŋantaŋa meena ale jabuui meena ale magsi ba pai a tom ku tuima la, 37ale zaŋ gela ale bo dabiaka po la ale kuta golaŋa ale viuku kpaasaŋa ale miisaŋa.
38Moosis ale Aaron ale wa nidoabilisaŋa ale ba bo Tuka Viuku kori geŋsa wenbinni ale a pusi juijui la viuku niŋ geŋsa. Bala ale jam a nya Naawen yenni zuk a te Izirali demma meena. Nuru yoŋ a dan torisi paari viuku ba ko wa.
39Livaima meena ate ba jam chiini ba ase Naawen ale jam weeni Moosis ale Aaron a ta va ba yezuimaŋa zuk la, ba jam chiini nidoama ale paari chiik yaase ba gaam dila la a gum du kama ate ba paari tusa pisiye ale ŋaye (22,000).
40Naawen yaa weeni Moosis ayen, <<Chiini Izirali demma ale dɛ niŋ a biak nidoa baai, baai ale paari chiik yaa ba gaam di la, a ŋmarisi ba yue. 41Pai Livaima a te mi, ate ba tagri zaani Izirali demma bi kpaŋŋa nankula po, ale Livaima duŋsaŋa a tagri zaani Izirali demma duŋsaŋa ale dɛ niŋ a biak sii la nankula po. Ka Mi ale Naawen.>>
42Dila nyiŋ Moosis yaa chiini Izirali demma ale dɛ niŋ a biak baai la meena ase Naawen ale jam weeni wa diila. 43Nidoabilisaŋa meena ale paari chiik yaase ba gaam dila la, ate ba jam ŋmarisi ba yueŋa la ka tusa pisiye ale ŋaye ale kobsiye ale pisiyopɔi ale ŋata (22,273).
44Naawen mɛ jam weeni Moosis ayen, 45<<Pai Livaima a zaani Izirali demma ale dɛ niŋ a biak baai la naŋkula po, a pai Livaima duŋsaŋa a zaani Izirali demma duŋsaŋa nankula po. Livaima ale chim ka mi nuruba. Mi ale Naawen. 46Ate fi da tuesi Izirali demma ale dɛ niŋ a biak kobsiye ale pisiyopɔi ale batawa baai ale piisi gaam Livaima la, 47tuesi ligbie dobrim ŋanu a magsi nuru yeŋ a magsi chaab ale Wen yenni ligbieŋa ale ka diila, ate ŋa masika dobrimu a paari pisiye la. 48Pai ligni ale magsi ba tuni Izirali dem mbala nyiŋla a te Aaron ale wa nidoabilisaŋa.>>
49Dila nyiŋ Moosis yaa tuesi diaka ligraŋa a ta nyini baai ale piisi gaam baai ate Livaima a da la. 50A nyini Izirali demma ale dɛ niŋ a biak baai la jigi, wa jam tuesi ka ligbie ate ŋa dobrimu a paari tusidi ale kobsita ale pisiyuebi ale ŋanu (1,365) a ta va Wen yenni magsika ale ka diila. 51Moosis a jam pai diaka ligraŋa a te ka Aaron ale wa nidoabilisaŋa ase Naawen wanni ale weeni wa diila.
Currently Selected:
Chiinika 3: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Chiinika 3
3
1Aaron ale Moosis dɔkdemma ale ka diila ale nna, diipo ate Naawen a jam biisi ale Moosis Sinai Guuku zuk la.
2Aaron nidoabilisaŋa yue jam le nna bikpagni ale Nadab ale Abiyu ale Eleaza ale Itamar. 3Aaron nidoabilisaŋa yueŋa jam le la, kaabteerɔ baai ate ba bobi ayen ba tom a te Naawen ase kaabteerɔba la. 4Nadab ale Abiyu a jam kpi kama Naawen niŋ diipo ate ba jam nye tiirim ale bolim a te wa buui ate wa an weeni ba ayen ba nye Sinai Gɔnni po la. Ba jam ka nidoabilisa, dila ka Eleaza ale Itamar ale jam a tom ase kaabteerɔba la, diipo ate ba kowa Aaron a jam vua la.
5Naawen a jam weeni Moosis ayen, 6<<Ta Livaima a jam te Aaron waai ale ka kaabteerɔ la ate ba a maari wa. 7Ba ale ba a tom a te wa ale Izirali naakuuni meena tuka viuku po ale viuku tuima. 8Ba ale ba a nya ŋan baai meena ale bo tuka viuku po la abe ba a tom Izirali demma ale magsi ba a nye diila a tom viuku tuima. 9Pai Livaima a te Aaron ale wa nidoabilisaŋa. Ba ale Izirali dem baai ale ba pai badek meena a te wa. 10Lueri Aaron ale wa nidoabilisaŋa ate ba a tom ase kaabteerɔba la, nuru yoŋ waai meena ale a jo Wen dɔkku po la, ku a fɛ ate ba ko wa.>>
11Naawen a ŋman weeni Moosis ayen, 12<<Mi pai Livaima kama a ta nyini Izirali demma po a tagri chim Izirali nipooma meena ale dɛ niŋ a biak nidoabili sii la. Livaima ka mi ale soa, 13ba le dɛ niŋ a biak baai meena la ka mi ale soa. Diipo ate mi a jam ko Ejipiti demma ale dɛ niŋ a biak baai la, Mi a jam gaari Izirali demma ale dɛ niŋ a biak baai la a te ka m dek, ka nidoa yaase duŋ. Ba ka mi ŋanta. Ka Mi ale Naawen.>>
14Ate Naawen a weeni Moosis Sinai Gɔnni po ayen, 15<<Chiini Livaima dɔkdemma ale ba yezuimaŋa ale ka diila. Chiini nidoabili sii meena ale paari chiik yaase ba gaam dila la.>> 16Dila Moosis yaa chiini ba ase Naawen ale jam weeni wa diila.
17Livai nidoabilisaŋa yue jam le Gerson ale Koyat ale Merari. 18Gerson yezuimaŋa yue jam le Libni ale Simei. 19Koyat yezuimaŋa yueŋa jam le Amram ale Izyar ale Yebron ale Uzziel. 20Ate Merari yezuimaŋa a chim Mayali ale Musi. Bade jam le Livai yezuimaŋa a ta va ba dɔkdemma ale ka diila.
21Libni ale Simei demma a nyini ka Gerson kabini. Bade jam le Gerson yezuimaŋa. 22Nidoama meena ale paari chiik yaase ba gaam di ate ba jam chiini ba la jam ka tusa ŋayopɔi ale kobsinu (7,500). 23Gerson yezuimaŋa ale ba kali yeniŋ geŋsa viuku ŋaaŋ. 24Gerson kabini niŋdeerɔwa jam le Lael nidoabinni Eliasaf. 25Tuka Viuku po Gerson kabini ale ba nya viuku ale ku ŋan pilintaŋa ale garuk panni ale a yik Tuka Viuku nansuiŋku nɔi la zuk,#3:25 Nya fotowa, Nyinika 26:34. 26garuk panni ale a yik dabiaka po la ale garuk panni ale a yik dabiaka nansuiŋku a gilim viuku ale kuŋkuŋku ale miisaŋa ale jaab meena ate ba ta a tom ku tuima la.
27Koyat yezuimaŋa jam le Amram ale Izyar ale Yebron ale Uzziel demma Koyat yezuimaŋa ale bade. 28Nidoama meena ale jam paari chiik yaase ba gaam dila ka tusa naaniŋ ale kobsiyuebi (8,600). Koyat dɔkku ale jam a nya Wen yenni zuk. 29Koyat dɔkku yezuimaŋa a jam ba kali ka viuku yeseoku geŋsa. 30Koyat yezuimaŋa diinaŋa niŋdeerɔwa jam le Uzziel nidoabinni Elizafan. 31Ba ale jam a nya dakanni ale jazaanimu ale zeuŋ jazaanimu ale kuŋkuŋtaŋa ale ŋan baai meena ale bo Wen yenni po ate ba ta a tom la zuk ale garuk panni ale jaab meena ate ba magsi ba pai tomka la. 32Niŋdeerɔ naab waai ale jam a nya Livaima meena zuk la jam le kaabteerɔwa Aaron nidoabinni Eleaza. Wa ate ba jam lueri ate wa a nya baai ale nya Wen yenni zuk la.
33Merari yezuimaŋa jam le Mayali ale Musi demma. Bade jam le Merari yezuimaŋa. 34Nidoama meena ale paari chiik yaase ba gaam dila la, baai ate ba jam chiini la jam ka tusa ŋayuebi ale kobsiye (6,200). 35Merari dɔkdemma yezuimaŋa niŋdeerɔwa jam le Abiyail nidoabinni Zuriel. Bala ale jam ayen ba kali viuku wiilukku geŋsa. 36Merari dɔkku ale jam a nya viuku zaŋŋa ale ku chibsaŋa ale zaŋŋa ale kuta golaŋa ale ku ŋantaŋa meena ale jabuui meena ale magsi ba pai a tom ku tuima la, 37ale zaŋ gela ale bo dabiaka po la ale kuta golaŋa ale viuku kpaasaŋa ale miisaŋa.
38Moosis ale Aaron ale wa nidoabilisaŋa ale ba bo Tuka Viuku kori geŋsa wenbinni ale a pusi juijui la viuku niŋ geŋsa. Bala ale jam a nya Naawen yenni zuk a te Izirali demma meena. Nuru yoŋ a dan torisi paari viuku ba ko wa.
39Livaima meena ate ba jam chiini ba ase Naawen ale jam weeni Moosis ale Aaron a ta va ba yezuimaŋa zuk la, ba jam chiini nidoama ale paari chiik yaase ba gaam dila la a gum du kama ate ba paari tusa pisiye ale ŋaye (22,000).
40Naawen yaa weeni Moosis ayen, <<Chiini Izirali demma ale dɛ niŋ a biak nidoa baai, baai ale paari chiik yaa ba gaam di la, a ŋmarisi ba yue. 41Pai Livaima a te mi, ate ba tagri zaani Izirali demma bi kpaŋŋa nankula po, ale Livaima duŋsaŋa a tagri zaani Izirali demma duŋsaŋa ale dɛ niŋ a biak sii la nankula po. Ka Mi ale Naawen.>>
42Dila nyiŋ Moosis yaa chiini Izirali demma ale dɛ niŋ a biak baai la meena ase Naawen ale jam weeni wa diila. 43Nidoabilisaŋa meena ale paari chiik yaase ba gaam dila la, ate ba jam ŋmarisi ba yueŋa la ka tusa pisiye ale ŋaye ale kobsiye ale pisiyopɔi ale ŋata (22,273).
44Naawen mɛ jam weeni Moosis ayen, 45<<Pai Livaima a zaani Izirali demma ale dɛ niŋ a biak baai la naŋkula po, a pai Livaima duŋsaŋa a zaani Izirali demma duŋsaŋa nankula po. Livaima ale chim ka mi nuruba. Mi ale Naawen. 46Ate fi da tuesi Izirali demma ale dɛ niŋ a biak kobsiye ale pisiyopɔi ale batawa baai ale piisi gaam Livaima la, 47tuesi ligbie dobrim ŋanu a magsi nuru yeŋ a magsi chaab ale Wen yenni ligbieŋa ale ka diila, ate ŋa masika dobrimu a paari pisiye la. 48Pai ligni ale magsi ba tuni Izirali dem mbala nyiŋla a te Aaron ale wa nidoabilisaŋa.>>
49Dila nyiŋ Moosis yaa tuesi diaka ligraŋa a ta nyini baai ale piisi gaam baai ate Livaima a da la. 50A nyini Izirali demma ale dɛ niŋ a biak baai la jigi, wa jam tuesi ka ligbie ate ŋa dobrimu a paari tusidi ale kobsita ale pisiyuebi ale ŋanu (1,365) a ta va Wen yenni magsika ale ka diila. 51Moosis a jam pai diaka ligraŋa a te ka Aaron ale wa nidoabilisaŋa ase Naawen wanni ale weeni wa diila.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation