Chiinika 17
17
1Naawen yaa biisi te Moosis ayen, 2<<Biisi a te Izirali demma abe fi yaali tacheksa pi ale siye a ta nyini ba jigi, kanyi a ta nyini ba ŋiak dɔk meena niŋdeerɔ jigi. Ŋmarisi nuru meena yuei a dueni wa tachek nyiŋ. 3Livaima tachekka nyiŋ ŋmarisi Aaron yuei a dueni du, ku a fɛ ate tachek yeŋ a magsi ŋiak dɔk meena niŋdeerɔ. 4Pa si a zaani Tuka Viuku po nɔiyeŋka dakanni niŋ kauk kuui ate mi a tu ni la. 5Tachekka ate nuru waai soa ate mi lueri la ale pusi vaata ate mi dek ale basi ate Izirali demma ale a ŋma fi diila a kpeglim?>>
6Moosis yaa biisi te Izirali demma ate ba niŋdeerɔma a te wa tacheksa pi ale siye, kanyi a magsi ŋiak dɔk meena niŋdeerɔ, Aaron tachekka a jam maa bo si po kama. 7Moosis yaa pai tacheksaŋa a zaani Naawen niŋ nɔiyeŋka Dakanni Viuku po.
8Dai dii ale pai a saŋ la Moosis yaa jo nɔiyeŋka Dakanni Viuku po a yaa nya ale Aaron tachekka kaai ale za Livaima naŋkula po la a pusi vaata a yɔni yɔna. 9Moosis yaa ta tacheksaŋa meena a nyini Naawen niŋ a jam te Izirali demma meena. Ba le nya si la, nuru meena yaa pai wadek tachek.
10Naawen yaa weeni Moosis ayen, <<Ta Aaron tachekka a ŋman cheŋ ga dueni Nɔiyeŋka dakanni niŋ ate ka bo dula ase daana la a te tukpari nyama. Kude ale basi ate ba le a ŋma mi diila a kpeglim, ate dila ale basi ate ba kan kpi?>> 11Moosis yaa nye dii dek ate Naawen a weeni wa la.
12Izirali demma yaa weeni Moosis ayen, <<Ti le kpi tama bɛ kama, tama meena a bɛ kama. 13Waai ale cheŋ a moata Naawen viuku la ale kpi. Tama meena za ti kpi kama?>>
Currently Selected:
Chiinika 17: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Chiinika 17
17
1Naawen yaa biisi te Moosis ayen, 2<<Biisi a te Izirali demma abe fi yaali tacheksa pi ale siye a ta nyini ba jigi, kanyi a ta nyini ba ŋiak dɔk meena niŋdeerɔ jigi. Ŋmarisi nuru meena yuei a dueni wa tachek nyiŋ. 3Livaima tachekka nyiŋ ŋmarisi Aaron yuei a dueni du, ku a fɛ ate tachek yeŋ a magsi ŋiak dɔk meena niŋdeerɔ. 4Pa si a zaani Tuka Viuku po nɔiyeŋka dakanni niŋ kauk kuui ate mi a tu ni la. 5Tachekka ate nuru waai soa ate mi lueri la ale pusi vaata ate mi dek ale basi ate Izirali demma ale a ŋma fi diila a kpeglim?>>
6Moosis yaa biisi te Izirali demma ate ba niŋdeerɔma a te wa tacheksa pi ale siye, kanyi a magsi ŋiak dɔk meena niŋdeerɔ, Aaron tachekka a jam maa bo si po kama. 7Moosis yaa pai tacheksaŋa a zaani Naawen niŋ nɔiyeŋka Dakanni Viuku po.
8Dai dii ale pai a saŋ la Moosis yaa jo nɔiyeŋka Dakanni Viuku po a yaa nya ale Aaron tachekka kaai ale za Livaima naŋkula po la a pusi vaata a yɔni yɔna. 9Moosis yaa ta tacheksaŋa meena a nyini Naawen niŋ a jam te Izirali demma meena. Ba le nya si la, nuru meena yaa pai wadek tachek.
10Naawen yaa weeni Moosis ayen, <<Ta Aaron tachekka a ŋman cheŋ ga dueni Nɔiyeŋka dakanni niŋ ate ka bo dula ase daana la a te tukpari nyama. Kude ale basi ate ba le a ŋma mi diila a kpeglim, ate dila ale basi ate ba kan kpi?>> 11Moosis yaa nye dii dek ate Naawen a weeni wa la.
12Izirali demma yaa weeni Moosis ayen, <<Ti le kpi tama bɛ kama, tama meena a bɛ kama. 13Waai ale cheŋ a moata Naawen viuku la ale kpi. Tama meena za ti kpi kama?>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation