Chiinika 14
14
1Yok kula naakuuni nuruma meena a yaa kaari nna bɔgbɔg. 2Izirali demma meena a yaa fɔbili te Moosis ale Aaron, ate tigsuŋku a weeni ba ayen, <<Ti dan poom kpi Ejipiti tɛŋka yaase gɔnni po a zunchoŋŋa. 3Ka boa ate Naawen a ta ti jam tɛŋka de po ayen ba tɔgri ti? Ti pooma ale ti bisaŋa ale chim ka ŋan koaliŋta. Ku kan zunchoŋŋa ase ti ale ŋman cheŋ Ejipiti tɛŋka?>> 4Ate ba yaa weeni chaab ayen, <<Ti lueri niŋdeerɔ a ŋman cheŋ Ejipiti.>>
5Ate Moosis ale Aaron yaa lo pai nina a vuk tɛŋ Izirali tigsuŋku meena niŋ dula jigini. 6Nun nidoabinni Josua ale Jefunne nidoabinni Kaleb baai ale jam bo nuru baai ale ga kpesi nya tɛŋka la, a yaa jam dari ba gattaŋa a cheeri 7ale weeni Izirali tigsuŋka meena ayen, <<Tɛŋka ate ti jam va ka po a taam a kpesi nya la a nala kama a gaam taam. 8Naawen sui a dan yɔk ale ti, wa le de ti niŋ a ta ti jo tɛŋ kala po, kaai ate biisim ale siita sueri ka po la, abe wa pai ka a te ti. 9Ka nama tin kan nye tukpari ale Naawen ya. Abe ni kan chali tɛŋka nuruma yɔgsummoa, dii nyiŋla ti le zak ba a nɛ. Waai a kan nya ba zuwa, alege Naawen a bo ale ti kama. Ni kan chali ba yɔgsum.>>
10Alege tigsuŋku meena a jam a biisi ayen ba yuk ba ale tana. Ate Naawen zulaŋa a yaa jam Tuka Viuku zuk Izirali demma meena jigi. 11Naawen a jam weeni Moosis ayen, <<Nuruma de ale zɛri mi zula te ka a paari ka dimpo? Ka dimpo ate ba ale kasim a zɛri a kan ta siaka ale mi, wakinkagla ŋaai meena ate mi a nye ba suŋsuŋ la? 12Mi ale nak ba dueni tɛŋ ale nyiŋtuila a kaasi ba, alege m le basi ate nama a chim tɛŋ kpieŋ a ta pagrim a gaam ba ale ka diila.>>
13Moosis yaa weeni Naawen ayen, <<Ejipiti demma ale wom dila wari ayen, fi pagrimu nyiŋ, fi ta nuruma de a nyini ba po. 14Ate ba le weeni nuruma ale bo tɛŋka de po la ku wari. Ba poom ŋaam wom kama ayen, Naawen yaa, fi bo ale nuruma de kama, Naawen yaa, ba nya fu kama ale nimbie, fi chiŋmanni ale jam bo ba zuk la diipo ate fi a jam de ba niŋ a cheŋ ase chiŋmari la danni po ale de ba niŋ ase chiŋmari ale bolim la yokku po. 15Fi dan ko nuruma de meena bunyi, tɛŋ sii ale ba wom fi wanni de la ale weeni ayen, 16<Naawen an baga a ta nuruma de a jam tɛŋ kaai ate wa puulim a pɛ ale ba la po. Wa ko ba kama gɔnni po.>
17<<Naawen abe sak wa pagrimu, ase fi le weeni dii dek la. 18<Naawen sui a kan kpabi a puuri, wa ta ŋmanteka nna yegayega a vɔŋ tukpari nyam biem a te ba. Alege wa kan basi baai ale nye kaasi la namsika, wa a namsi bimbaansa ba koma biemu nyiŋ, a nyini gaŋsa butawa a ta ga paari bunaansiwa po.> 19A ta va fi ŋmante kpieŋka nyiŋ, vɔŋ nuruma de biemu a te ba ase fi le jam vɔŋ te ba diipo ate ba basi Ejipiti tɛŋka a ta jam paari jinla la.>>
20Ate Naawen a tulisi ayen, <<Mi vɔŋ te ba kama ase fi ale bek diila. 21Alege ase mi ale vua la nyiŋ, ase Naawen zulaŋa ale sum a sueri tɛŋ zuk de meena la, 22nuruma de wanyi baai ale jam nya m zulaŋa ale wakinkaglaŋa ate mi nye Ejipiti ale gɔnni po la, alege baai ale zɛri mi ale nye mi nya a paari naŋtuok nɔi pi la, 23ba wanyi mɛ la a kan nya tɛŋ kaai ate m puulim ale ba kokpieŋsaŋa la. Ba wanyi mɛ la waai ale nye mi a kaasi la kan nya ka. 24Alege mi tomteerɔwa Kaleb a ta ka chiik katɔga ale va mi ale wa suinum meena, m le ta wa jam tɛŋ kaai ate wa a yaali wa jo la po, ate wa ŋaaŋbisaŋa ale soa ka. 25Ase Amalek ale Keenan demma ale bo vaasaŋa po la nyiŋ, chum ni viriŋ ŋaaŋ a duŋ gɔnni nyiŋ a va suik kuui ale a cheŋ Nyakpiem Mɔnuŋku jigini la.>>
26Naawen yaa jam weeni Moosis ale Aaron ayen, 27<<Gaasa nyama de ale ŋuuni a te mi a paari ka dimpo? Mi wom Izirali naakuuni de funfɔblaŋa ale ŋuunika kama. 28Dila weeni ba ayen, <Ka mi Naawen ale a weeni ayen, ase mi ale vua la, mi le nye wie ŋaai dek ate m wom ale ni a weeni ayen, 29Gɔnni de ni ale kpi, nama baai ale paari bena pisiye yaase ba gaam di ate ba jam chiini ba, ate ba ŋuuni a te mi la. 30Ni wanyi mɛ la a kan jo tɛŋ kaai ate m pɛ ayen m te ni ase ni yeri la po, ka Jefunne nidoabili Kaleb ale Nun nidoabili Josua nyiini ale ba jo ka po. 31Dan ka ni bisaŋa ate ni weeni ayen ba ale koaliŋ ba la, m le ta ba a jam ate ba dɛ masim tɛŋ kaai ate ni zɛri la po. 32Alege nama, ni ale kpi a wari gɔnni de po. 33Ni bisaŋa ale chim naapeerisa dela a paari bena pisinaansi, a nam nama ale kan ta wensie la nyiŋ, ate ku paari diipo ate ni po waai ale wari ŋaaŋ a kpi gɔnni po la. 34Bena pisinaansi, bein yeŋ a magsi daa pisinaansiwa ate ni ga kpesi nya tɛŋka la, ni ale nam ni biemu nyiŋ ate ni seba ku ale ka dii ase nama a nin ta chaab ale mi.> 35Mi Naawen ale biisi, m be le sum nye wieŋa de a te gaasa naakuuni de meena, baai ale jam jigi yeŋ a ta chaab ale mi la. Ba le nya ba kpeglimka jigi gɔnni de po. Dela jigini ba le kpi.>>
36Dila nuru baai ate Moosis a jam tom ayen ba ga kpesi nya tɛŋka la, baai ale ŋman jam nye ate naakuuni meena a ŋuuni a te wa, ase ba le jam velim tɛŋka wie diila. 37Nuruma de baai ale jam velim tɛŋka wie la, nyiŋtuila ale jam ko ba Naawen niŋ. 38Nuru baai ale jam ga kpesi nya tɛŋka la, ka Nun nidoabinni Josua ale Jefunne nidoabinni Kaleb nyiini ale tali vua.
39Ase Moosis ale jam weeni kude a te Izirali demma meena la, ba yaa kum nna tuotuowa. 40Dai dii ale pa saŋ la saluik yokyokwa ba yaa cheŋ a duŋ gu kpioŋku tɛŋka nyiŋ ayen, <<Ti nye ka biem ti ale jueli juijui ate Naawen a puulim la.>>
41Alege Moosis ayen, <<Ka boa ate nama a zɛri Naawen wanni? Kude a kan nye niagi. 42Ni kan jueli, dii nyiŋla Naawen an bo ale ni. Ni dachaasaŋa ale nak a yik ni. 43Amalek demma ale Keenan demma ale tu chaab ale ni dula. Ni ale basi Naawen vaka la nyiŋ, wa kan bo ale ni ate ba le ko ni.>>
44Ba le a poli ayen ba nya badek a chak kama la ba cheŋ a duŋ guuk kpioŋku tɛŋka nyiŋ, Moosis yaase Naawen nɔiyeŋka dakanni an jam va ba. 45Ate Amalek demma ale Keenan demma baai ale jam bo tɛŋ kaai ate guuku a bo ka po la a siŋ jam nye kpaliŋ ale ba a nak ba a ta ga va suiku ale cheŋ Yorma tɛŋka la.
Currently Selected:
Chiinika 14: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Chiinika 14
14
1Yok kula naakuuni nuruma meena a yaa kaari nna bɔgbɔg. 2Izirali demma meena a yaa fɔbili te Moosis ale Aaron, ate tigsuŋku a weeni ba ayen, <<Ti dan poom kpi Ejipiti tɛŋka yaase gɔnni po a zunchoŋŋa. 3Ka boa ate Naawen a ta ti jam tɛŋka de po ayen ba tɔgri ti? Ti pooma ale ti bisaŋa ale chim ka ŋan koaliŋta. Ku kan zunchoŋŋa ase ti ale ŋman cheŋ Ejipiti tɛŋka?>> 4Ate ba yaa weeni chaab ayen, <<Ti lueri niŋdeerɔ a ŋman cheŋ Ejipiti.>>
5Ate Moosis ale Aaron yaa lo pai nina a vuk tɛŋ Izirali tigsuŋku meena niŋ dula jigini. 6Nun nidoabinni Josua ale Jefunne nidoabinni Kaleb baai ale jam bo nuru baai ale ga kpesi nya tɛŋka la, a yaa jam dari ba gattaŋa a cheeri 7ale weeni Izirali tigsuŋka meena ayen, <<Tɛŋka ate ti jam va ka po a taam a kpesi nya la a nala kama a gaam taam. 8Naawen sui a dan yɔk ale ti, wa le de ti niŋ a ta ti jo tɛŋ kala po, kaai ate biisim ale siita sueri ka po la, abe wa pai ka a te ti. 9Ka nama tin kan nye tukpari ale Naawen ya. Abe ni kan chali tɛŋka nuruma yɔgsummoa, dii nyiŋla ti le zak ba a nɛ. Waai a kan nya ba zuwa, alege Naawen a bo ale ti kama. Ni kan chali ba yɔgsum.>>
10Alege tigsuŋku meena a jam a biisi ayen ba yuk ba ale tana. Ate Naawen zulaŋa a yaa jam Tuka Viuku zuk Izirali demma meena jigi. 11Naawen a jam weeni Moosis ayen, <<Nuruma de ale zɛri mi zula te ka a paari ka dimpo? Ka dimpo ate ba ale kasim a zɛri a kan ta siaka ale mi, wakinkagla ŋaai meena ate mi a nye ba suŋsuŋ la? 12Mi ale nak ba dueni tɛŋ ale nyiŋtuila a kaasi ba, alege m le basi ate nama a chim tɛŋ kpieŋ a ta pagrim a gaam ba ale ka diila.>>
13Moosis yaa weeni Naawen ayen, <<Ejipiti demma ale wom dila wari ayen, fi pagrimu nyiŋ, fi ta nuruma de a nyini ba po. 14Ate ba le weeni nuruma ale bo tɛŋka de po la ku wari. Ba poom ŋaam wom kama ayen, Naawen yaa, fi bo ale nuruma de kama, Naawen yaa, ba nya fu kama ale nimbie, fi chiŋmanni ale jam bo ba zuk la diipo ate fi a jam de ba niŋ a cheŋ ase chiŋmari la danni po ale de ba niŋ ase chiŋmari ale bolim la yokku po. 15Fi dan ko nuruma de meena bunyi, tɛŋ sii ale ba wom fi wanni de la ale weeni ayen, 16<Naawen an baga a ta nuruma de a jam tɛŋ kaai ate wa puulim a pɛ ale ba la po. Wa ko ba kama gɔnni po.>
17<<Naawen abe sak wa pagrimu, ase fi le weeni dii dek la. 18<Naawen sui a kan kpabi a puuri, wa ta ŋmanteka nna yegayega a vɔŋ tukpari nyam biem a te ba. Alege wa kan basi baai ale nye kaasi la namsika, wa a namsi bimbaansa ba koma biemu nyiŋ, a nyini gaŋsa butawa a ta ga paari bunaansiwa po.> 19A ta va fi ŋmante kpieŋka nyiŋ, vɔŋ nuruma de biemu a te ba ase fi le jam vɔŋ te ba diipo ate ba basi Ejipiti tɛŋka a ta jam paari jinla la.>>
20Ate Naawen a tulisi ayen, <<Mi vɔŋ te ba kama ase fi ale bek diila. 21Alege ase mi ale vua la nyiŋ, ase Naawen zulaŋa ale sum a sueri tɛŋ zuk de meena la, 22nuruma de wanyi baai ale jam nya m zulaŋa ale wakinkaglaŋa ate mi nye Ejipiti ale gɔnni po la, alege baai ale zɛri mi ale nye mi nya a paari naŋtuok nɔi pi la, 23ba wanyi mɛ la a kan nya tɛŋ kaai ate m puulim ale ba kokpieŋsaŋa la. Ba wanyi mɛ la waai ale nye mi a kaasi la kan nya ka. 24Alege mi tomteerɔwa Kaleb a ta ka chiik katɔga ale va mi ale wa suinum meena, m le ta wa jam tɛŋ kaai ate wa a yaali wa jo la po, ate wa ŋaaŋbisaŋa ale soa ka. 25Ase Amalek ale Keenan demma ale bo vaasaŋa po la nyiŋ, chum ni viriŋ ŋaaŋ a duŋ gɔnni nyiŋ a va suik kuui ale a cheŋ Nyakpiem Mɔnuŋku jigini la.>>
26Naawen yaa jam weeni Moosis ale Aaron ayen, 27<<Gaasa nyama de ale ŋuuni a te mi a paari ka dimpo? Mi wom Izirali naakuuni de funfɔblaŋa ale ŋuunika kama. 28Dila weeni ba ayen, <Ka mi Naawen ale a weeni ayen, ase mi ale vua la, mi le nye wie ŋaai dek ate m wom ale ni a weeni ayen, 29Gɔnni de ni ale kpi, nama baai ale paari bena pisiye yaase ba gaam di ate ba jam chiini ba, ate ba ŋuuni a te mi la. 30Ni wanyi mɛ la a kan jo tɛŋ kaai ate m pɛ ayen m te ni ase ni yeri la po, ka Jefunne nidoabili Kaleb ale Nun nidoabili Josua nyiini ale ba jo ka po. 31Dan ka ni bisaŋa ate ni weeni ayen ba ale koaliŋ ba la, m le ta ba a jam ate ba dɛ masim tɛŋ kaai ate ni zɛri la po. 32Alege nama, ni ale kpi a wari gɔnni de po. 33Ni bisaŋa ale chim naapeerisa dela a paari bena pisinaansi, a nam nama ale kan ta wensie la nyiŋ, ate ku paari diipo ate ni po waai ale wari ŋaaŋ a kpi gɔnni po la. 34Bena pisinaansi, bein yeŋ a magsi daa pisinaansiwa ate ni ga kpesi nya tɛŋka la, ni ale nam ni biemu nyiŋ ate ni seba ku ale ka dii ase nama a nin ta chaab ale mi.> 35Mi Naawen ale biisi, m be le sum nye wieŋa de a te gaasa naakuuni de meena, baai ale jam jigi yeŋ a ta chaab ale mi la. Ba le nya ba kpeglimka jigi gɔnni de po. Dela jigini ba le kpi.>>
36Dila nuru baai ate Moosis a jam tom ayen ba ga kpesi nya tɛŋka la, baai ale ŋman jam nye ate naakuuni meena a ŋuuni a te wa, ase ba le jam velim tɛŋka wie diila. 37Nuruma de baai ale jam velim tɛŋka wie la, nyiŋtuila ale jam ko ba Naawen niŋ. 38Nuru baai ale jam ga kpesi nya tɛŋka la, ka Nun nidoabinni Josua ale Jefunne nidoabinni Kaleb nyiini ale tali vua.
39Ase Moosis ale jam weeni kude a te Izirali demma meena la, ba yaa kum nna tuotuowa. 40Dai dii ale pa saŋ la saluik yokyokwa ba yaa cheŋ a duŋ gu kpioŋku tɛŋka nyiŋ ayen, <<Ti nye ka biem ti ale jueli juijui ate Naawen a puulim la.>>
41Alege Moosis ayen, <<Ka boa ate nama a zɛri Naawen wanni? Kude a kan nye niagi. 42Ni kan jueli, dii nyiŋla Naawen an bo ale ni. Ni dachaasaŋa ale nak a yik ni. 43Amalek demma ale Keenan demma ale tu chaab ale ni dula. Ni ale basi Naawen vaka la nyiŋ, wa kan bo ale ni ate ba le ko ni.>>
44Ba le a poli ayen ba nya badek a chak kama la ba cheŋ a duŋ guuk kpioŋku tɛŋka nyiŋ, Moosis yaase Naawen nɔiyeŋka dakanni an jam va ba. 45Ate Amalek demma ale Keenan demma baai ale jam bo tɛŋ kaai ate guuku a bo ka po la a siŋ jam nye kpaliŋ ale ba a nak ba a ta ga va suiku ale cheŋ Yorma tɛŋka la.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation