Nayum 3
3
1Ku le bie te Niineve tɛŋka diila ba ko ka nuruba yega. Ka ka venta nyiini alege zu tɛŋ yonsa ŋanta. Ka kasim a ko kama. 2A wom finsaŋa miirika ale torokoma naŋsaŋa nuemka. Wom wusumaŋa ale yɔk a tabi la ale torokoma ale dari a nuem la.#3:2 Nya fotowa, Nyinika 14:9. 3Wusuma nyiŋsa a toariŋ ate gebik woŋsa a nyaksi ate gbatta mɛ a nyaksi. Nuruba yega ale kpi a vi chaab zuk a ka chiina. Ate nuruba a tabi ba zuk a lo a yiti. 4Tɛŋka a nye ka nna ase nipok kaasuŋ la. A yaali porisika ale a nye nuruba ale tiita. A pai ka kaasuŋ nyeka ale sakpaŋni a basi ate tɛŋsa a chim ka yɔm.
5Naawen Dii Ale A Dɛ Tugurik Tɔŋdɔma Niŋ La ale weeni ayen, <<Mi ta ka chaab ale ni, nama Niineve demma. M le nye ni gattaŋa a ta jueli lik ni ninaŋa a pai ni chaboalaŋa a sak tɛŋsaŋa ate si nya ni chivieŋa. 6M le nye ni m kan sak zula abe m lik ni ale daŋta ate nuruba kasim a nya ni. 7Waai meena a dan nya ni ba le yiti a chali abe ba a weeni ayen, <Niineve a kaasi ya.> Ka wana le wa kum ka nyiŋŋa? Niineve demma, mi ale nya ka wana ate wa nye ate ni sue yɔk.>>
8Ni an zunchoŋ Tebes tɛŋka ale moata Nile benni ate nyiam gilim ka la. Nyiamu, ale jam kasi ka. Nyiamu jam a nye ase ka parik la gilim ka. 9Kus ale Ejipiti a te ba pagrim buui ale kaa nueri. Put ale Libia mɛ a maa maari ka. 10Alege ba yik Tebes demma ate ba ga bo tɛŋ yoŋ. Ba bimbaan fiisaŋa ba nak ba ko dueni suitaŋa niŋsa. Ba niŋdeerɔma ba yik ba ale chɔrima a ta cheŋ. 11Niineve demma ni le nyu daam buk. Ni le suk. Ni le gisi yaali jigi ayen dachaasaŋa kan nya ni.
12Ni ŋan kasintaŋa meena a nye ase kinkaŋsa ale ta moota la. Ba dan zaŋ tiimu, yɔnaŋa deri lo dɛɛrɔwa nɔi po. 13Ni nya ni tugurik tɔŋdɔma. Ba meena ka nipooba. Ni tɛŋka tuataŋa a lak kama a magsi ayen dachaasaŋa a jo. Bolim a dɛ ni tuataŋa daataŋa.
14Ni ŋari nyiam zuak alege ti kpaliŋ le za ka beni la piilim. Ni basi ate ni ŋan kasintaŋa a pagra. Ni yaali yak a dam ni tanta a nak peela. 15Dula jigini bolimu ale dɛ ni. Gebika ale ko ni. Kpaliŋka ale ko ni ka meena ase nanchoŋta ale dɛ ŋanta vaata diila. Ni be piisi yega ase nanchoŋta ale yɔk a cheŋ. Ni piisi yega ase tintue la. 16Ni geruŋdɔma a piisi a gaam chiŋmarisaŋa ale bo wenzukku la kama, alege a nye ase tintue la, a dɛ jaab meena ale yiti cheŋ. 17Ni limisidɔma a nye ase ka tintue la a bo saasaŋa nyiŋ da di dai ate ku yɔk la. Alege kantueŋka a dan jam ŋa yiti cheŋ ate waai zɛ ŋa le ga juijui la.
18Assiria naaba, fi kpaŋŋa kpi kama ate fi nuru baai ale ta zula la a goa takakaka. Fi nuruma a waaŋ bo guutaŋa zuima ate waai karo a ta ba a jam yeri ŋmana. 19Ni le kɔni ale nya tueta la tebika karo ate ni a nya nyiŋyɔgsa. Baai meena le wom ni tɛŋka kaasika la a nak ka nichaala a naŋ diila waai meena ku jo wa nyiŋ kama ale ni nyeka tuemu ale kaa nueri la.
Currently Selected:
Nayum 3: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Nayum 3
3
1Ku le bie te Niineve tɛŋka diila ba ko ka nuruba yega. Ka ka venta nyiini alege zu tɛŋ yonsa ŋanta. Ka kasim a ko kama. 2A wom finsaŋa miirika ale torokoma naŋsaŋa nuemka. Wom wusumaŋa ale yɔk a tabi la ale torokoma ale dari a nuem la.#3:2 Nya fotowa, Nyinika 14:9. 3Wusuma nyiŋsa a toariŋ ate gebik woŋsa a nyaksi ate gbatta mɛ a nyaksi. Nuruba yega ale kpi a vi chaab zuk a ka chiina. Ate nuruba a tabi ba zuk a lo a yiti. 4Tɛŋka a nye ka nna ase nipok kaasuŋ la. A yaali porisika ale a nye nuruba ale tiita. A pai ka kaasuŋ nyeka ale sakpaŋni a basi ate tɛŋsa a chim ka yɔm.
5Naawen Dii Ale A Dɛ Tugurik Tɔŋdɔma Niŋ La ale weeni ayen, <<Mi ta ka chaab ale ni, nama Niineve demma. M le nye ni gattaŋa a ta jueli lik ni ninaŋa a pai ni chaboalaŋa a sak tɛŋsaŋa ate si nya ni chivieŋa. 6M le nye ni m kan sak zula abe m lik ni ale daŋta ate nuruba kasim a nya ni. 7Waai meena a dan nya ni ba le yiti a chali abe ba a weeni ayen, <Niineve a kaasi ya.> Ka wana le wa kum ka nyiŋŋa? Niineve demma, mi ale nya ka wana ate wa nye ate ni sue yɔk.>>
8Ni an zunchoŋ Tebes tɛŋka ale moata Nile benni ate nyiam gilim ka la. Nyiamu, ale jam kasi ka. Nyiamu jam a nye ase ka parik la gilim ka. 9Kus ale Ejipiti a te ba pagrim buui ale kaa nueri. Put ale Libia mɛ a maa maari ka. 10Alege ba yik Tebes demma ate ba ga bo tɛŋ yoŋ. Ba bimbaan fiisaŋa ba nak ba ko dueni suitaŋa niŋsa. Ba niŋdeerɔma ba yik ba ale chɔrima a ta cheŋ. 11Niineve demma ni le nyu daam buk. Ni le suk. Ni le gisi yaali jigi ayen dachaasaŋa kan nya ni.
12Ni ŋan kasintaŋa meena a nye ase kinkaŋsa ale ta moota la. Ba dan zaŋ tiimu, yɔnaŋa deri lo dɛɛrɔwa nɔi po. 13Ni nya ni tugurik tɔŋdɔma. Ba meena ka nipooba. Ni tɛŋka tuataŋa a lak kama a magsi ayen dachaasaŋa a jo. Bolim a dɛ ni tuataŋa daataŋa.
14Ni ŋari nyiam zuak alege ti kpaliŋ le za ka beni la piilim. Ni basi ate ni ŋan kasintaŋa a pagra. Ni yaali yak a dam ni tanta a nak peela. 15Dula jigini bolimu ale dɛ ni. Gebika ale ko ni. Kpaliŋka ale ko ni ka meena ase nanchoŋta ale dɛ ŋanta vaata diila. Ni be piisi yega ase nanchoŋta ale yɔk a cheŋ. Ni piisi yega ase tintue la. 16Ni geruŋdɔma a piisi a gaam chiŋmarisaŋa ale bo wenzukku la kama, alege a nye ase tintue la, a dɛ jaab meena ale yiti cheŋ. 17Ni limisidɔma a nye ase ka tintue la a bo saasaŋa nyiŋ da di dai ate ku yɔk la. Alege kantueŋka a dan jam ŋa yiti cheŋ ate waai zɛ ŋa le ga juijui la.
18Assiria naaba, fi kpaŋŋa kpi kama ate fi nuru baai ale ta zula la a goa takakaka. Fi nuruma a waaŋ bo guutaŋa zuima ate waai karo a ta ba a jam yeri ŋmana. 19Ni le kɔni ale nya tueta la tebika karo ate ni a nya nyiŋyɔgsa. Baai meena le wom ni tɛŋka kaasika la a nak ka nichaala a naŋ diila waai meena ku jo wa nyiŋ kama ale ni nyeka tuemu ale kaa nueri la.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation