Maak 8
8
1Daa ale ŋman jam taam la, nuru boari yegayega a ŋman tigsi chaab a gilim Yeezu. Ba ale jam kan ŋman ta ŋandiinta a dɛ la, Yeezu yaa wi wa ŋaaŋviirɔma ate ba jam wa jigi ate wa weeni ba ayen, 2<<M jiirim a bo ale nuruma de, dii nyiŋla ba ale bo ale mu daa ŋatawa de, alege ba ka ŋandiinta a dɛ la. 3M dan basi ate ba kuli ale kommu, ba le cha kama dii nyiŋla ba kan ta pagrim a cheŋ paari ba yeeŋa. Ba gela a nyini ka niŋniŋa a jam.>>
4Wa ŋaaŋviirɔma yaa weeni ayen dela ka sagi po. <<Ti le nya ŋandiinta ka be dela jigini ate ti paari nuruma de a soa nna?>>
5Yeezu yaa bek ba ayen, <<Ka boan ŋandiinta ate ni tara?>> Ba yaa tulisi wa ayen, <<Ti ta ka borobotta tiyopɔi.>>
6Wa yaa weeni nuru boanni meena ayen ba kali tɛŋ. Wa yaa pai borobottaŋa tiyopɔiwa a puusi a te Wen ayen wa niak ŋandiintaŋa, ale ŋmari te wa ŋaaŋviirɔma ayen ba chari nuru boanni. Ba yaa chari ba meena. 7Wa ŋaaŋviirɔma mɛ a jam ta juma maga dega ale ba. Yeezu a tuesi ŋa a ŋman puusi a te Naawen ayen wa niak ŋa ale a pai te wa ŋaaŋviirɔma ate ba chari nuru boanni. 8Ba meena yaa ŋɔbi chak, alege ate Yeezu ŋaaŋviirɔma a pisi ŋandiin tii ale tali la a sueri busisa siyopɔi. 9Baai ale jam dɛ ŋandiintaŋa la, a jam ka nuruba tusa ŋanaansi (4,000). Wa yaa jam basi ate ba cheŋ. 10Wa ale wa ŋaaŋviirɔma deri jo ŋaaruŋ po nwuli a cheŋ ga paari Dalimanuta.
11Farisiima gela yaa jam Yeezu jigi a deri ta nanpaga ale wa. Ba jam a yaali ayen ba yik wa kama. Ba yaa weeni wa ayen wa nye wakperikaliik ate ku sak ayen wa pagrimu a sum nyini ka Wen jigi. 12Yeezu yaa weeni ayen, <<Mm, ka boa ale soa ate jinla demma a yaali ayen ba nya wakperikaliika? Mi a weeni ni ka wensie, nama ale a yaali diila, m kan te ate ni nya di.>> 13Wa yaa basi ba ale ŋman ga jo ŋaaruŋku po ayen wa gaam a taam nyakpiemu kauk kunkula.
14Ba ale jam boro a gomsi ayen ba cheŋ dula la, Yeezu ŋaaŋviirɔma yaa baŋ ba ŋandiintaŋa a basi ŋaaŋ. Boroborok kunyi dekki ate ba jam pai nyo ŋaaruŋku po. 15Yeezu yaa weeni ba ayen, <<Ni a limisi abe ni a kpesi nidek ale Farisiima ale Ayerod dabintaŋa.>>
16Wa ale weeni dila la, ba yaa bek chaab ayen, <<Ka tama ale kan ta ti boroboroku la ale soa ate wa a weeni dila?>>
17Yeezu yaa seba dii ate ba jam a biisi la ate wa bek ba ayen, <<Ka boa ale soa ate ni a biisi ayen ni ka ŋandiinta? Nama an diem baga a miŋi? Ku a nye ase ni tueŋa a diem kpari kama la. 18Nama diem a nye ase ka nuru baai ate Wen biisi ba wie wa gbaŋka po dipo la. Ni ta nina kama alege ni kan nya. Ni be ta tue mɛ kama, alege ni kan wom. 19Nama baga a teeri diipo ate mi pai borobotta tinuwa a ŋmari chari nuruba tusa ŋanuwa (5,000) la? Boroborok talaŋa a jam sueri ka busisa si dina?>> Ba yaa ŋman weeni wa ayen, <<Ti sueri ka busisa pi ale siye.>>
20Wa ŋman bek ba ayen, <<Mi ale pai borobotta tiyopɔiwa a ŋmari chari nuruba tusa ŋanaansiwa (4,000) la, boroborok talaŋa a sueri ka busisa si dina?>> Ba yaa ŋman weeni wa ayen, <<Ti sueri ka busisa siyopɔi.>> 21Wa yaa ŋman bek ba ayen, <<Nama an diem a miŋ ya?>>
22Ba yaa jam paari Beteseida tɛŋka. Nuruba gela yaa jam ta yio a jam Yeezu jigi a saalim wa ayen wa pai wa nisaŋa a tiri wa nyiŋka ate wa ninaŋa a lagri. 23Yeezu yaa yik nuruwa nisaŋa a ta wa a nyini tɛŋka po a nyini a chesi tintueta basi nuruwa ninaŋa po alege pai wa nisimaŋa mɛ a vi nuruwa zuk ale bek wa ayen, <<Fi baga a nya jaaboa?>>
24Nuruwa yaa lak wa ninaŋa ayen wa nya, wa yaa weeni Yeezu ayen, <<Mi a nya ka nuruba m niŋ ase tiisa la ate ba nyiem a cheŋ.>>
25Yeezu a ŋman pilim pai wa nisimaŋa a tiri nuruwa ninaŋa, ate ŋa yaa lagri ate wa yaa nya nna cheri. 26Yeezu yaa weeni wa ayen, <<Kuli yeri, kan cheŋ tɛŋka po.>>
27Ku ŋaaŋnyiŋ Yeezu ale wa ŋaaŋviirɔma yaa cheŋ tɛŋ fiik sii ale jam gilim Siizariya Filipai tɛŋka la. Ase ba ale jam bo suiku po a cheŋ la, wa yaa bek ba ayen, <<Nuruba a weeni ayen mi ka wana?>>
28Ba yaa weeni wa ayen, <<Ba gela ayen fi ka Jɔɔn Sokateerɔwa, ba gela mɛ ayen fi ka Elaja.#8:28 Malakai 4:5 Mba mɛ a weeni ayen fi ka Wen biisiteerɔma po wanyi.>>
29Wa yaa ŋman bek ba ayen, <<Nama dek a weeni ayen mi ka wana?>> Piita yaa weeni wa ayen, <<Fi ale Kirisitawa.>> 30Yeezu yaa kaam ba ayen, <<Ni kan weeni dila a sak waai ya.>>
31Yeezu yaa piilim sak ba ayen, <<Nuruba le basi ate Mi Saalɔbiika a nam nna yegayega. Juuma nisɔmma ale kaabteerɔ kpaŋŋa ale Sinsak sagrɔma ale zɛri mu, abe ba basi ate nuruba ko mu alege daa ŋata a dan paari m le yiti kum po.>> 32Wa biisi dila a lagri kama ayen ba miŋ chak. Piita ale wom wa wieŋa la, wa yaa yik wa a ta wa taam nakpiak a toariŋ wa wa ale weeni dila la nyiŋ.
33Yeezu yaa gisi nya wa ŋaaŋviirɔma meena alege toariŋ Piita ayen, <<Cheŋ du mi niŋ, Sitaana nyɔnɔ. Fi ale a biisi diila an nyini daa Wen jigiya, alege di nyini ka nurubiik jigi.>>
34Yeezu yaa wi wa ŋaaŋviirɔma ale nuru boanni ate ba jam wa jigi ate wa weeni ba ayen, <<Nuru a daa yaali ayen wa va mi ŋaaŋ, basi ate wa liŋ a zɛri wadek yaalika, abe wa pai wa jabarimu a jam va mi. 35Nuru waai nina a dan muni ayen wa vari wadek nyuvuri a basi, kula nyɔnɔwa le jɔk di kama, alege nuru waai a dan jɔk wa nyuvuri wa le va mi la nyiŋ ale wa siaka ale Wen wamaŋsaŋa nyiŋ, kula nyɔnɔwa le vari di a basi. 36Ka boan jaab nyuenta ate nuru le nya ase wa nin nya tɛŋzuk meena masimu alege jɔk wa nyuvuri ya? 37Jaab karo ate kula nyɔnɔwa le pai tagri a nya wa nyuvunni ase wa nin jɔk di. 38Nuru waai a dan chali chivie ale mi ale m wanni moolika kabonsa ale gaasa nyama de suŋsuŋ, Mi mɛ Saalɔbiika ale chali chivie ase m nin ŋman pilim jam tɛŋzuk de ale m Kowa zulaŋa ale maarɔ weleŋsaŋa.>>
Currently Selected:
Maak 8: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Maak 8
8
1Daa ale ŋman jam taam la, nuru boari yegayega a ŋman tigsi chaab a gilim Yeezu. Ba ale jam kan ŋman ta ŋandiinta a dɛ la, Yeezu yaa wi wa ŋaaŋviirɔma ate ba jam wa jigi ate wa weeni ba ayen, 2<<M jiirim a bo ale nuruma de, dii nyiŋla ba ale bo ale mu daa ŋatawa de, alege ba ka ŋandiinta a dɛ la. 3M dan basi ate ba kuli ale kommu, ba le cha kama dii nyiŋla ba kan ta pagrim a cheŋ paari ba yeeŋa. Ba gela a nyini ka niŋniŋa a jam.>>
4Wa ŋaaŋviirɔma yaa weeni ayen dela ka sagi po. <<Ti le nya ŋandiinta ka be dela jigini ate ti paari nuruma de a soa nna?>>
5Yeezu yaa bek ba ayen, <<Ka boan ŋandiinta ate ni tara?>> Ba yaa tulisi wa ayen, <<Ti ta ka borobotta tiyopɔi.>>
6Wa yaa weeni nuru boanni meena ayen ba kali tɛŋ. Wa yaa pai borobottaŋa tiyopɔiwa a puusi a te Wen ayen wa niak ŋandiintaŋa, ale ŋmari te wa ŋaaŋviirɔma ayen ba chari nuru boanni. Ba yaa chari ba meena. 7Wa ŋaaŋviirɔma mɛ a jam ta juma maga dega ale ba. Yeezu a tuesi ŋa a ŋman puusi a te Naawen ayen wa niak ŋa ale a pai te wa ŋaaŋviirɔma ate ba chari nuru boanni. 8Ba meena yaa ŋɔbi chak, alege ate Yeezu ŋaaŋviirɔma a pisi ŋandiin tii ale tali la a sueri busisa siyopɔi. 9Baai ale jam dɛ ŋandiintaŋa la, a jam ka nuruba tusa ŋanaansi (4,000). Wa yaa jam basi ate ba cheŋ. 10Wa ale wa ŋaaŋviirɔma deri jo ŋaaruŋ po nwuli a cheŋ ga paari Dalimanuta.
11Farisiima gela yaa jam Yeezu jigi a deri ta nanpaga ale wa. Ba jam a yaali ayen ba yik wa kama. Ba yaa weeni wa ayen wa nye wakperikaliik ate ku sak ayen wa pagrimu a sum nyini ka Wen jigi. 12Yeezu yaa weeni ayen, <<Mm, ka boa ale soa ate jinla demma a yaali ayen ba nya wakperikaliika? Mi a weeni ni ka wensie, nama ale a yaali diila, m kan te ate ni nya di.>> 13Wa yaa basi ba ale ŋman ga jo ŋaaruŋku po ayen wa gaam a taam nyakpiemu kauk kunkula.
14Ba ale jam boro a gomsi ayen ba cheŋ dula la, Yeezu ŋaaŋviirɔma yaa baŋ ba ŋandiintaŋa a basi ŋaaŋ. Boroborok kunyi dekki ate ba jam pai nyo ŋaaruŋku po. 15Yeezu yaa weeni ba ayen, <<Ni a limisi abe ni a kpesi nidek ale Farisiima ale Ayerod dabintaŋa.>>
16Wa ale weeni dila la, ba yaa bek chaab ayen, <<Ka tama ale kan ta ti boroboroku la ale soa ate wa a weeni dila?>>
17Yeezu yaa seba dii ate ba jam a biisi la ate wa bek ba ayen, <<Ka boa ale soa ate ni a biisi ayen ni ka ŋandiinta? Nama an diem baga a miŋi? Ku a nye ase ni tueŋa a diem kpari kama la. 18Nama diem a nye ase ka nuru baai ate Wen biisi ba wie wa gbaŋka po dipo la. Ni ta nina kama alege ni kan nya. Ni be ta tue mɛ kama, alege ni kan wom. 19Nama baga a teeri diipo ate mi pai borobotta tinuwa a ŋmari chari nuruba tusa ŋanuwa (5,000) la? Boroborok talaŋa a jam sueri ka busisa si dina?>> Ba yaa ŋman weeni wa ayen, <<Ti sueri ka busisa pi ale siye.>>
20Wa ŋman bek ba ayen, <<Mi ale pai borobotta tiyopɔiwa a ŋmari chari nuruba tusa ŋanaansiwa (4,000) la, boroborok talaŋa a sueri ka busisa si dina?>> Ba yaa ŋman weeni wa ayen, <<Ti sueri ka busisa siyopɔi.>> 21Wa yaa ŋman bek ba ayen, <<Nama an diem a miŋ ya?>>
22Ba yaa jam paari Beteseida tɛŋka. Nuruba gela yaa jam ta yio a jam Yeezu jigi a saalim wa ayen wa pai wa nisaŋa a tiri wa nyiŋka ate wa ninaŋa a lagri. 23Yeezu yaa yik nuruwa nisaŋa a ta wa a nyini tɛŋka po a nyini a chesi tintueta basi nuruwa ninaŋa po alege pai wa nisimaŋa mɛ a vi nuruwa zuk ale bek wa ayen, <<Fi baga a nya jaaboa?>>
24Nuruwa yaa lak wa ninaŋa ayen wa nya, wa yaa weeni Yeezu ayen, <<Mi a nya ka nuruba m niŋ ase tiisa la ate ba nyiem a cheŋ.>>
25Yeezu a ŋman pilim pai wa nisimaŋa a tiri nuruwa ninaŋa, ate ŋa yaa lagri ate wa yaa nya nna cheri. 26Yeezu yaa weeni wa ayen, <<Kuli yeri, kan cheŋ tɛŋka po.>>
27Ku ŋaaŋnyiŋ Yeezu ale wa ŋaaŋviirɔma yaa cheŋ tɛŋ fiik sii ale jam gilim Siizariya Filipai tɛŋka la. Ase ba ale jam bo suiku po a cheŋ la, wa yaa bek ba ayen, <<Nuruba a weeni ayen mi ka wana?>>
28Ba yaa weeni wa ayen, <<Ba gela ayen fi ka Jɔɔn Sokateerɔwa, ba gela mɛ ayen fi ka Elaja.#8:28 Malakai 4:5 Mba mɛ a weeni ayen fi ka Wen biisiteerɔma po wanyi.>>
29Wa yaa ŋman bek ba ayen, <<Nama dek a weeni ayen mi ka wana?>> Piita yaa weeni wa ayen, <<Fi ale Kirisitawa.>> 30Yeezu yaa kaam ba ayen, <<Ni kan weeni dila a sak waai ya.>>
31Yeezu yaa piilim sak ba ayen, <<Nuruba le basi ate Mi Saalɔbiika a nam nna yegayega. Juuma nisɔmma ale kaabteerɔ kpaŋŋa ale Sinsak sagrɔma ale zɛri mu, abe ba basi ate nuruba ko mu alege daa ŋata a dan paari m le yiti kum po.>> 32Wa biisi dila a lagri kama ayen ba miŋ chak. Piita ale wom wa wieŋa la, wa yaa yik wa a ta wa taam nakpiak a toariŋ wa wa ale weeni dila la nyiŋ.
33Yeezu yaa gisi nya wa ŋaaŋviirɔma meena alege toariŋ Piita ayen, <<Cheŋ du mi niŋ, Sitaana nyɔnɔ. Fi ale a biisi diila an nyini daa Wen jigiya, alege di nyini ka nurubiik jigi.>>
34Yeezu yaa wi wa ŋaaŋviirɔma ale nuru boanni ate ba jam wa jigi ate wa weeni ba ayen, <<Nuru a daa yaali ayen wa va mi ŋaaŋ, basi ate wa liŋ a zɛri wadek yaalika, abe wa pai wa jabarimu a jam va mi. 35Nuru waai nina a dan muni ayen wa vari wadek nyuvuri a basi, kula nyɔnɔwa le jɔk di kama, alege nuru waai a dan jɔk wa nyuvuri wa le va mi la nyiŋ ale wa siaka ale Wen wamaŋsaŋa nyiŋ, kula nyɔnɔwa le vari di a basi. 36Ka boan jaab nyuenta ate nuru le nya ase wa nin nya tɛŋzuk meena masimu alege jɔk wa nyuvuri ya? 37Jaab karo ate kula nyɔnɔwa le pai tagri a nya wa nyuvunni ase wa nin jɔk di. 38Nuru waai a dan chali chivie ale mi ale m wanni moolika kabonsa ale gaasa nyama de suŋsuŋ, Mi mɛ Saalɔbiika ale chali chivie ase m nin ŋman pilim jam tɛŋzuk de ale m Kowa zulaŋa ale maarɔ weleŋsaŋa.>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation