Maika 4
4
1Dai kpeglimaŋa po, Naawen yenni guuku ale zaani ase naab la guutaŋa po. Ku ale zak ŋmai a gaam guutaŋa, ate tɛŋsa meena ale chuiri a cheŋ ku jigi.
2Tɛŋ kpieŋsa yega ale jam a weeni ayen, <<Ni jam ate ti jueli Naawen guuku, ti jueli Jekob Wen yenni. Wa ale sak ti Wa suitaŋa ate ti baga a cheŋ ti po.>> Wa sinsaŋŋa ale nyini Zayon a cheŋ. Ate Naawen wanni ale nyini Jerusalem. 3Wa ale bo nuru boari buusa. Wa le yik tɛŋ pagrisa wie a yomsi. Ba ale kuri ba gebisaŋa a nye niiga kua. Ba gbattaŋa ale labri a chim gebisa ate ba pai a yoarisi tiisa. Tɛŋ a kan pai gebik a ta chaab ale tɛŋ ka choa, yaase ba ŋman sak badek a magsi kpaliŋ diipo diipo. 4Nuru meena ale kali wadek yɔna tiib tɛŋ ale wadek kiŋkaŋ tɛŋ, ate waai a kan nye ate ba kpaziim kasim a nak, dii nyiŋla ka Naawen Dii Ale A Dɛ Tugurik Tɔŋdɔma Niŋ La ale weeni. 5Tɛŋ kpieŋsaŋa meena ale cheŋ ba wenaŋa yuenni nyiŋ, alege tama ale cheŋ ka Naawen ti Wenni yuenni nyiŋ taam wuu.
6Naawen ti Wenni a weeni kama ayen, <<Dai dila danni m le tigsi gbansa, abe m tigsi baai ale basi ba tɛŋsa la ale baai ate m daani ba la. 7M le basi ate gbansaŋa a tali, abe baai ate ba yiak basi la tɛŋ pagrik. Naawen ale nya ba zuk Zayon po a nyini dai dila danni a taa cheŋ. 8Dan ka fi, piisaŋa yewɔŋku, Zayon liewa pagrimu, fi a ŋman nya fi pagrim kpakka. Naam ale jam Jerusalem Liewa jigi.
9Boan nyiŋ ate fi a kaari? Fi a ka naabaa? Fi sagrɔwa a bɛ kama? Nyiŋ dommaŋa de a nye fi ase ka nipok waai ale boro a biak la? 10Zayon Liewa, a bilim tɛŋka ale nyiŋdomma, ase nipok ale boro a biak diila. Diila yɔgyɔgla de fi magsi fi basi tɛŋka kama a ga kali peelim. Fi ale cheŋ Babilon, ate fi ale nya varibasika dula. Naawen ale da fu a tuesi dula a nyini fi dachaasaŋa nisa po.
11Alege yɔgyɔgla de tɛŋ kpieŋsa yega a nya ka chaab ayen si nye kpaliŋ ale fu. Ba a weeni kama ayen, <<Basi ate wa taŋ, basi ate ti ninaŋa a naŋ Zayon zuk. 12Alege ba zɛ Naawen popola. Ba kan miŋ wa zɔŋŋa. Ka wala ale a tigsi ba ase boba la a taa cheŋ fɔbika jigini.
13Zayon Liewa, yiti a fɔbi, diila m le te fu ka kutuk nyiila ale kutuk mɔnuŋ naŋsaba, ate fi ale kaasi tɛŋ kpieŋsa nna yegayega.>> Ni ale pai ba nyuentaŋa ate ni nak vari la a te Naawen ale ba jigsika ŋantaŋa a te tɛŋzuk de meena Nyɔnɔwa.
Currently Selected:
Maika 4: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Maika 4
4
1Dai kpeglimaŋa po, Naawen yenni guuku ale zaani ase naab la guutaŋa po. Ku ale zak ŋmai a gaam guutaŋa, ate tɛŋsa meena ale chuiri a cheŋ ku jigi.
2Tɛŋ kpieŋsa yega ale jam a weeni ayen, <<Ni jam ate ti jueli Naawen guuku, ti jueli Jekob Wen yenni. Wa ale sak ti Wa suitaŋa ate ti baga a cheŋ ti po.>> Wa sinsaŋŋa ale nyini Zayon a cheŋ. Ate Naawen wanni ale nyini Jerusalem. 3Wa ale bo nuru boari buusa. Wa le yik tɛŋ pagrisa wie a yomsi. Ba ale kuri ba gebisaŋa a nye niiga kua. Ba gbattaŋa ale labri a chim gebisa ate ba pai a yoarisi tiisa. Tɛŋ a kan pai gebik a ta chaab ale tɛŋ ka choa, yaase ba ŋman sak badek a magsi kpaliŋ diipo diipo. 4Nuru meena ale kali wadek yɔna tiib tɛŋ ale wadek kiŋkaŋ tɛŋ, ate waai a kan nye ate ba kpaziim kasim a nak, dii nyiŋla ka Naawen Dii Ale A Dɛ Tugurik Tɔŋdɔma Niŋ La ale weeni. 5Tɛŋ kpieŋsaŋa meena ale cheŋ ba wenaŋa yuenni nyiŋ, alege tama ale cheŋ ka Naawen ti Wenni yuenni nyiŋ taam wuu.
6Naawen ti Wenni a weeni kama ayen, <<Dai dila danni m le tigsi gbansa, abe m tigsi baai ale basi ba tɛŋsa la ale baai ate m daani ba la. 7M le basi ate gbansaŋa a tali, abe baai ate ba yiak basi la tɛŋ pagrik. Naawen ale nya ba zuk Zayon po a nyini dai dila danni a taa cheŋ. 8Dan ka fi, piisaŋa yewɔŋku, Zayon liewa pagrimu, fi a ŋman nya fi pagrim kpakka. Naam ale jam Jerusalem Liewa jigi.
9Boan nyiŋ ate fi a kaari? Fi a ka naabaa? Fi sagrɔwa a bɛ kama? Nyiŋ dommaŋa de a nye fi ase ka nipok waai ale boro a biak la? 10Zayon Liewa, a bilim tɛŋka ale nyiŋdomma, ase nipok ale boro a biak diila. Diila yɔgyɔgla de fi magsi fi basi tɛŋka kama a ga kali peelim. Fi ale cheŋ Babilon, ate fi ale nya varibasika dula. Naawen ale da fu a tuesi dula a nyini fi dachaasaŋa nisa po.
11Alege yɔgyɔgla de tɛŋ kpieŋsa yega a nya ka chaab ayen si nye kpaliŋ ale fu. Ba a weeni kama ayen, <<Basi ate wa taŋ, basi ate ti ninaŋa a naŋ Zayon zuk. 12Alege ba zɛ Naawen popola. Ba kan miŋ wa zɔŋŋa. Ka wala ale a tigsi ba ase boba la a taa cheŋ fɔbika jigini.
13Zayon Liewa, yiti a fɔbi, diila m le te fu ka kutuk nyiila ale kutuk mɔnuŋ naŋsaba, ate fi ale kaasi tɛŋ kpieŋsa nna yegayega.>> Ni ale pai ba nyuentaŋa ate ni nak vari la a te Naawen ale ba jigsika ŋantaŋa a te tɛŋzuk de meena Nyɔnɔwa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation