Matiu 28
28
1Vuusum Danni ale taam la, bakoanni piilimka danni, Mɛɛri Magdalene ale Mɛɛri nwala yaa cheŋ ba nya juijui ate ba gu Yeezu la. 2Tɛŋka yaa jam choa nna yegayega, ate Naawen maarɔ a nyini wenŋmazuk a siŋ bilim tintanni a dueni nakpiak a kali di zuk. 3Maarɔwa a jam kasim a nyaksi kama ase wein ale a nyaksi diila. Wa gattaŋa mɛ a peenti nna yegayega. 4Yɔgsum yaa yik baai ale a limisi vɔrumu la nna yegayega ate ba nyiŋsaŋa a gɔk ate ba nye nna ase ba kpi la. 5Maarɔwa yaa weeni nipooma ayen, <<Ni kan chali yɔgsummoa, mi seba ayen ni a gisi ka Yeezu waai ate ba kpi wa jabarimu nyiŋ la. 6Wa ka dela jigini, wa yiti kum po kama ase wa ale liŋ weeni ni diila. Ni jam a nya juijui ate ba pai wa a dueni la. 7Ni cheŋ nwuli a ga weeni wa ŋaaŋviirɔma ayen wa yiti kum po kama, wa be dɛ ka niŋ a cheŋ Galili tɛŋka. Ni le nya wa dula jigini. Ni teeri m le weeni ni diila.>>
8Ba yaa basi dula jigini ale suipeentik a ga weeni wa ŋaaŋviirɔma dii meena ate maarɔwa a weeni ba la. 9Yeezu yaa tu ba dula jigini a weeni ba ayen, <<Suiyɔgni a bo ale ni.>> Ba yaa domsi kali a puusi wa. 10Yeezu yaa weeni ba ayen, <<Ni kan chali yɔgsummoa abe ni ga weeni m suataŋa ayen ba cheŋ Galili tɛŋka a ga tu mu dula jigini.>>
11Nipooma ale bo suik po a cheŋ la, tugurik tɔŋdɔma gela yaa cheŋ tɛŋka po a ga weeni kaabteerɔ kpaŋŋa dii meena ale nye la. 12Kaabteerɔ kpaŋŋa yaa tu chaab ale Tɛŋka nisɔmma ate ba pai ligra yegayega a te tugurik tɔŋdɔma ale weeni ba ayen, 13<<Ni weeni ayen nama a doa a goa kama ate wa ŋaaŋviirɔma a jam zu pai wa. 14Gominawa a dan poom wom ti le biisi a vari ni basi.>> 15Tugurik tɔŋdɔma yaa tuesi ligraŋa ale weeni ate ku paari Juuma meena a ta jam paari jinla danni.
16Wa ŋaaŋviirɔma pi ale wanyiwa yaa cheŋ a ga jueli guuk kunyi zuk Galili tɛŋka po juijui ate Yeezu a weeni ba ayen ba cheŋ la. 17Ba ale nya wa dula jigini la ba yaa puusi wa. Ba gela a jam diem ta ka chichama. 18Yeezu yaa forisi paari ba a weeni ba ayen, <<Wen a te mi pagrim kama wenŋmazuk ale tɛŋzuk meena. 19Ni cheŋ tɛŋsa meena a sak nuruba ate ba va mi, abe ni a te ba soka Kowa ale wa Nidoabinni ale wa Chiika yuei nyiŋ. 20Ni sak ba ate ba va wie ŋaai meena ate mi a sak ni la. M le bo ale ni#28:20 Matiu 1:23; Azaya 7:14 a ga paari tɛŋka kpeglimka.>>
Currently Selected:
Matiu 28: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Matiu 28
28
1Vuusum Danni ale taam la, bakoanni piilimka danni, Mɛɛri Magdalene ale Mɛɛri nwala yaa cheŋ ba nya juijui ate ba gu Yeezu la. 2Tɛŋka yaa jam choa nna yegayega, ate Naawen maarɔ a nyini wenŋmazuk a siŋ bilim tintanni a dueni nakpiak a kali di zuk. 3Maarɔwa a jam kasim a nyaksi kama ase wein ale a nyaksi diila. Wa gattaŋa mɛ a peenti nna yegayega. 4Yɔgsum yaa yik baai ale a limisi vɔrumu la nna yegayega ate ba nyiŋsaŋa a gɔk ate ba nye nna ase ba kpi la. 5Maarɔwa yaa weeni nipooma ayen, <<Ni kan chali yɔgsummoa, mi seba ayen ni a gisi ka Yeezu waai ate ba kpi wa jabarimu nyiŋ la. 6Wa ka dela jigini, wa yiti kum po kama ase wa ale liŋ weeni ni diila. Ni jam a nya juijui ate ba pai wa a dueni la. 7Ni cheŋ nwuli a ga weeni wa ŋaaŋviirɔma ayen wa yiti kum po kama, wa be dɛ ka niŋ a cheŋ Galili tɛŋka. Ni le nya wa dula jigini. Ni teeri m le weeni ni diila.>>
8Ba yaa basi dula jigini ale suipeentik a ga weeni wa ŋaaŋviirɔma dii meena ate maarɔwa a weeni ba la. 9Yeezu yaa tu ba dula jigini a weeni ba ayen, <<Suiyɔgni a bo ale ni.>> Ba yaa domsi kali a puusi wa. 10Yeezu yaa weeni ba ayen, <<Ni kan chali yɔgsummoa abe ni ga weeni m suataŋa ayen ba cheŋ Galili tɛŋka a ga tu mu dula jigini.>>
11Nipooma ale bo suik po a cheŋ la, tugurik tɔŋdɔma gela yaa cheŋ tɛŋka po a ga weeni kaabteerɔ kpaŋŋa dii meena ale nye la. 12Kaabteerɔ kpaŋŋa yaa tu chaab ale Tɛŋka nisɔmma ate ba pai ligra yegayega a te tugurik tɔŋdɔma ale weeni ba ayen, 13<<Ni weeni ayen nama a doa a goa kama ate wa ŋaaŋviirɔma a jam zu pai wa. 14Gominawa a dan poom wom ti le biisi a vari ni basi.>> 15Tugurik tɔŋdɔma yaa tuesi ligraŋa ale weeni ate ku paari Juuma meena a ta jam paari jinla danni.
16Wa ŋaaŋviirɔma pi ale wanyiwa yaa cheŋ a ga jueli guuk kunyi zuk Galili tɛŋka po juijui ate Yeezu a weeni ba ayen ba cheŋ la. 17Ba ale nya wa dula jigini la ba yaa puusi wa. Ba gela a jam diem ta ka chichama. 18Yeezu yaa forisi paari ba a weeni ba ayen, <<Wen a te mi pagrim kama wenŋmazuk ale tɛŋzuk meena. 19Ni cheŋ tɛŋsa meena a sak nuruba ate ba va mi, abe ni a te ba soka Kowa ale wa Nidoabinni ale wa Chiika yuei nyiŋ. 20Ni sak ba ate ba va wie ŋaai meena ate mi a sak ni la. M le bo ale ni#28:20 Matiu 1:23; Azaya 7:14 a ga paari tɛŋka kpeglimka.>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation