Matiu 13
13
1Dai dila danni Yeezu yaa basi dula ale ŋmani cheŋ nyakpiemu nɔi a ga kala a sak nuruma Wen wie. 2Nuru boari yegayega yaa jam za a gilim wa. Ba ale jam a piisi la nyiŋ ale soa ate wa yaa yiti ga jo ŋaaruŋ po a siŋ nyiamu po a torisi a cheŋ niŋ maga dega, ale ge ate nuru boanni yaa za nyiamu nɔi.
3Wa yaa magsi wamagsima a sak ba wie nna yegayega a weeni ba ayen, <<Nuru wanyi ale jam nyini cheŋ wa yuk ŋanbie. 4Wa ale jam boro a yuk la, bieŋa gela a lo suiku po ate nuinsa a jam pisi ŋa meena. 5Ŋa gela mɛ a lɔ tintana po. Ŋa yaa nyini nna nwuli, dii nyiŋla tantaŋa an jam soa diiya dula jigini. 6Kantueŋka ale jam nak ŋa la, ŋa yaa deri kɔ, dii nyiŋla ŋa naŋsaŋa an jam baga a siŋ paari nyiamoa. 7Ŋa gela mɛ a lo munsa po a yaa nyini. Munsaŋa mɛ a nyini geri ŋa. 8Bieŋa gela mɛ a lo tɛŋ naluŋ po a nyini a biak nalimnyiini. Ŋaai a ta bie pisita, ŋaai pisiyuebi, ŋaai mɛ kook. 9Waai ale ta tue a wom la, a wom mi nalimnyiini.>>
10Yeezu ale jam kala wadek wa nyiini la, wa ŋaaŋviirɔma yaa jam a bek wa ayen, <<Ka boa ale soa ate fi a daa sak nuruba, fi a pai wamagsima a sak ba?>> 11Yeezu yaa weeni ba ayen, <<Wen a pai wa Naamu wieŋa a lagri sak ni kama alege wa an nye nna la a te ba. 12Nuru waai a dan tara, Wen ale gum du a te wa ate wa ta yegayega. Nuru waai a dan kan ta jaaboa, mak kaai ate wa ta la, Wen ale tuesi. 13Ka dila nyiŋ ale soa ate mi a magsi wamagsima a sak nuruba la. Ba ta nina alege an baga a nya. Ba ta tue alege kan wom. Mi daa biisi ale ba, ba kan miŋ mi ale a biisi diila kiri ya. 14Dii ate Wen biisiteerɔwa Azaya a ŋmarisi ba wie Wen Gbaŋka po dipo la ka wensie. Wa ŋmarisi ayen, <Nuruma de a wom ale a wom kama alege ba kan miŋi. Ba a nya ale a nya alege ba kan nya. 15Dii nyiŋla ba popolaŋa a lik kama, ba tueŋa mɛ a kpari ate ba ninaŋa a yi. Ba dan kan nye ka dila ba ninaŋa a ta nya kama, ate ba tueŋa a wom ate ba popolaŋa mɛ a miŋ. Ate ba basi ba wabaataŋa ate m vɔŋ a te ba.> (Azaya 6:9-10)
16<<Nama a ta suipeentik kama. Ni ninaŋa a baga a nya ate ni baga a miŋ dii ate m weeni la kiri. 17Ni basi ate m weeni ni ayen Wen biisiteerɔma ale Wen nuruma yegayega a yaali kama ayen ba nya wie ŋaai ate nama a nya la, alege ba an baga a nya ŋa. Ba a yaali ayen ba wom wie ŋaai ate nama a wom la nna yegayega, alege ba an baga a wom ŋa.
18<<Ni wom mi ale a ayen m sak ni boridɔwa wamagsini la kiri. 19Bie ŋaai ale lo suiku po la a nye se ka Wen naamu po wamaŋsaŋa ŋaai ate nuruba a wom alege kan miŋ ŋa kiri la. Jabioku yaa jam nna nwuli a tuesi wamaŋsaŋa ba suiniimaŋa po. 20Bie ŋaai ale lo tanaŋa po la a nye se ka baai ale a wom wamaŋsaŋa ate ba sue a peenti la. 21Alege wamaŋsaŋa a kan siŋ ba suiniimaŋa po ate ba a ta ŋa a beni. Ninam a dan jam yik ba wamaŋsaŋa vaka nyiŋ, ba yaa deri basi. 22Bie ŋaai ale lo munsaŋa jigini la a nye se ka baai ale a wom wamaŋsaŋa, alege tɛŋzuk meena ŋantaŋa yaalika ale ba ligraŋa yaalika, ŋala meena a kaasi ka wamaŋsaŋa ate ba an baga a ta ŋa a beni. 23Bie ŋaai ale lo tɛŋ naluŋku po la a nye se ka baai ale a wom wamaŋsaŋa ate ŋa a jo ba suiniima po nalimnyiini ale baga a biak a ta bie pisita, ŋaai pisiyuebi ate ŋaai mɛ kook.>>
24Yeezu yaa ŋman magsi wamagsima ŋa chaab ale ba ayen, <<Wen naamu a nye se ka nuru waai ale cheŋ wa talim ayen wa bori wa ŋanborinta la. 25Diipo ate nuru meena a goa la wa dachiak yaa yiti yokku po a cheŋ nuruwa talimu a ta wuu bie a ga bori bu po ale ge cheŋ. 26Ŋantaŋa ale nyini a chim a moata puusa yikka la, wuutaŋa mɛ a nyini a chim. 27Dai yeŋ po talimu nyɔnɔwa tomteerɔma yaa jam a bek wa ayen, <Ti nyɔnɔ, ŋan baai ate fi ta ga bori fi talimu po la, daa ŋanmaŋsa? Ka boa ale soa ate wuuta a nyini ŋa po a soa di?> 28Wa yaa tulisi ba ayen, <Ka m dachiak ale bori wuutaŋa ŋa po.> Ba yaa ŋman bek wa ayen, <Fi a yaali ayen ti ga voori wuutaŋa a basi?> 29Wa yaa weeni ba ayen, <Ni basi ti, dii nyiŋla ni dan ga ayen ni voori ti, nama ale maa voori ŋantaŋa mɛ a basi. 30Ni basi ate ŋantaŋa ale wuutaŋa a gum chaab a chim. Cheka danni a dan paari, m le basi ate cheerɔma a che ŋa meena abe ba yaa luk wuutaŋa a ju abe ba ge ŋantaŋa dek a ta ga nyo m bunni po.> >>
31Yeezu yaa a ŋman magsi wamagsini ale ba ayen, <<Wen naamu a nye se ka biri dii ate ba a wi ayen mastad#13:31 Mastad ka biri fiik. la, ate nuru a pai di a bori wa talim po la. 32Di ka bie meena po bɛ fiik. Di dan nyini a chim, di a zuak kama a gaam ti fiisaŋa meena, ate nuinsa a jam a yɔk si tugta bu zuk.>>
33Yeezu a ŋman diem a magsi wamagsini di choa ale ba ayen, <<Wen naamu a nye ase ka dabinta ate nipok a pai nyo taasi kpienni ale boroborok zom po ate bu fuusi a sueri di meena diila.>>
34Yeezu a nyiem a dan boro a sak nuru boanni, wa a magsi ka wamagsima ale ba. Wa kan weeni wari alege a kan magsi wamagsini. 35Wa a nye nya kude kama ate ku sak ayen dii ate Wen biisiteerɔwa a ŋmarisi Wen Gbaŋka dipo la a chim wensie. Wa ŋmarisi ayen, <<M le lak m nɔnni a weeni wamagsima a sak ni. M le weeni ni wasusugi ŋaai ale boro a nyini ŋiaka la.>> (Yiila 78:2)
36Yeezu yaa basi nuru boanni ale ge a ga jo yenni po. Wa ŋaaŋviirɔma yaa jam a weeni wa ayen, <<Fi ale a magsi wuutaŋa ale ŋanborintaŋa po wamagsini dii a sak ti la, tama a yaali kama ayen fi weeni di kiri a sak ti.>> 37Yeezu yaa weeni ba ayen, <<Waai ale bori ŋanborintaŋa la a nye ase ka Mi Saalɔbiika la. 38Talimu a magsi chaab ale ka tɛŋzuk meena, ale ge ate ŋanborintaŋa a magsi chaab ale nuru baai ate Wen a soa la. Wuutaŋa me a magsi chaab ale ka nuru baai ate jabioku a soa la. 39Dachiak kaai ale bori wuutaŋa la ale jabioku. Cheka danni a magsi chaab ale ka tɛŋzuk meena kpeglimka danni. Cheerɔma mɛ a magsi chaab ale ka Wen maarɔma. 40Ase cheerɔma ale a tigsi wuutaŋa a gum chaab a ju diila, tɛŋzuk meena kpeglimka danni me ale nye ase ka dila la. 41Mi Saalɔbiika ale tom m maarɔma ate ba tigsi baai ale a tom wabaata ale baai ale a sak nuruba wabaata tomka suik la meena. 42Maarɔma ale pai ba a yuk basi bolim buui ale kan maara kpimsi la po ate ba bo dula a kaari abe ba ŋɔbi ba nyinaŋa. 43Tuimaŋsa nyama a za ba a nyaksi a se ka wenbinni la ba Kowa Naamu po.#13:42 Daniel 12:3 Nama baai ale ta tue la, ni wom mi.
44<<Wen naamu a nye se ka nuru waai ale tu a nya jaab ate wa silima. Wa sui yaa peenti nna yegayega ate wa chuili tanta a si alege a ga pai wa ŋanta meena a da a jam da tɛŋ kala.
45<<Wen naamu a nye se ka geruŋdɔ waai ale a gisi ayen wa da tintain ate ba a wi ayen pearl. 46Wa dan nya kpain dii diak ale pagra a gaam ŋa meena la, wa yaa ga a pai wa ŋanta meena a da. Wa le da a nueri la, wa yaa ŋmani a cheŋ waai ale ta tintanni a da la jigi a da.
47<<Wen naamu a nye se ka nuru waai ale yuk ŋmiak a basi nyakpiemu po a yik juma tɔgatɔga la. 48Ŋmiaka a dan sueri, jumyigrɔwa yaa dari ka a ta jueli kunkɔŋni. Wa dan ta ŋa a jueli, wa yaa kali tɛŋ a luk jum ŋaai ate ba a ŋɔbi la a nyo chinni po ale ge a pai jum ŋaai ate ba kan ŋɔbi la a yuk basi. 49Suik kula po mɛ, tɛŋzuk meena kpeglimka a dan jam paari, Wen maarɔma ale luk nuru maŋsaŋa ale nuru baataŋa tɔgatɔga a zaani. 50Wa le pai wabaataŋa nyama a ta ga yuk basi bolim buui ale kan maari a kpimsi la po. Dula jigini ba le kum nna yegayega abe ba a ŋɔbi ba nyinaŋa.>>
51Yeezu yaa bek nuruma ayen, <<Nama a miŋ dii ate mi a biisi ale ni la kiri a chak ya?>> Ba yaa tulisi wa ayen, <<Mm, ti miŋ ya.>> 52Yeezu a ŋman weeni ba ayen, <<Sinsak sagrɔma waai a dan chim mi ŋaaŋviirɔ Wen naamu po, wala a nye se ka yeri nyɔnɔ ale yeeri wa ŋan paala ale wa ŋan kpagsa wa dɔk po la.>>
53Yeezu ale sak nuruma de a nueri la, wa yaa basi dula jigini, 54alege cheŋ wadek tɛŋka. Dai yeŋ po wa yaa cheŋ a ga jo ba Juuma tuka dɔkku po a sak nuruma Wen wie. Ku yaa jam cha nuru baai ale jam bo dula jigini la. Ba yaa bek chaab ayen, <<Nuruwa de a nya yammu de ka be? Wa nye ka sɛ a tom wakperikaliisaŋa nna? 55Daa wala ale danagrɔwa nidoabinni la? Daa wa ma Mɛɛri ale la? Da Jeemsi ale Josefi ale Simon ale Judas suok ale la? 56Wa toama an bo daa de la? Wa nye ka sɛ a seba nna?>> 57Nuruma meena sue an jam masa ale wa, dii nyiŋla ba seba wa kiri meena kama. Yeezu yaa weeni ba ayen, <<Waai meena a te Wen biisiteerɔwa zula kama, alege ka wadek tɛŋka demma ale wa dɔkdemma nyiini ale ka a te wa zula.>> 58Wa an jam a tom wakperikaliisa yegayega dula jigini, dii nyiŋla ba jam ka siaka ale wa.
Currently Selected:
Matiu 13: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Matiu 13
13
1Dai dila danni Yeezu yaa basi dula ale ŋmani cheŋ nyakpiemu nɔi a ga kala a sak nuruma Wen wie. 2Nuru boari yegayega yaa jam za a gilim wa. Ba ale jam a piisi la nyiŋ ale soa ate wa yaa yiti ga jo ŋaaruŋ po a siŋ nyiamu po a torisi a cheŋ niŋ maga dega, ale ge ate nuru boanni yaa za nyiamu nɔi.
3Wa yaa magsi wamagsima a sak ba wie nna yegayega a weeni ba ayen, <<Nuru wanyi ale jam nyini cheŋ wa yuk ŋanbie. 4Wa ale jam boro a yuk la, bieŋa gela a lo suiku po ate nuinsa a jam pisi ŋa meena. 5Ŋa gela mɛ a lɔ tintana po. Ŋa yaa nyini nna nwuli, dii nyiŋla tantaŋa an jam soa diiya dula jigini. 6Kantueŋka ale jam nak ŋa la, ŋa yaa deri kɔ, dii nyiŋla ŋa naŋsaŋa an jam baga a siŋ paari nyiamoa. 7Ŋa gela mɛ a lo munsa po a yaa nyini. Munsaŋa mɛ a nyini geri ŋa. 8Bieŋa gela mɛ a lo tɛŋ naluŋ po a nyini a biak nalimnyiini. Ŋaai a ta bie pisita, ŋaai pisiyuebi, ŋaai mɛ kook. 9Waai ale ta tue a wom la, a wom mi nalimnyiini.>>
10Yeezu ale jam kala wadek wa nyiini la, wa ŋaaŋviirɔma yaa jam a bek wa ayen, <<Ka boa ale soa ate fi a daa sak nuruba, fi a pai wamagsima a sak ba?>> 11Yeezu yaa weeni ba ayen, <<Wen a pai wa Naamu wieŋa a lagri sak ni kama alege wa an nye nna la a te ba. 12Nuru waai a dan tara, Wen ale gum du a te wa ate wa ta yegayega. Nuru waai a dan kan ta jaaboa, mak kaai ate wa ta la, Wen ale tuesi. 13Ka dila nyiŋ ale soa ate mi a magsi wamagsima a sak nuruba la. Ba ta nina alege an baga a nya. Ba ta tue alege kan wom. Mi daa biisi ale ba, ba kan miŋ mi ale a biisi diila kiri ya. 14Dii ate Wen biisiteerɔwa Azaya a ŋmarisi ba wie Wen Gbaŋka po dipo la ka wensie. Wa ŋmarisi ayen, <Nuruma de a wom ale a wom kama alege ba kan miŋi. Ba a nya ale a nya alege ba kan nya. 15Dii nyiŋla ba popolaŋa a lik kama, ba tueŋa mɛ a kpari ate ba ninaŋa a yi. Ba dan kan nye ka dila ba ninaŋa a ta nya kama, ate ba tueŋa a wom ate ba popolaŋa mɛ a miŋ. Ate ba basi ba wabaataŋa ate m vɔŋ a te ba.> (Azaya 6:9-10)
16<<Nama a ta suipeentik kama. Ni ninaŋa a baga a nya ate ni baga a miŋ dii ate m weeni la kiri. 17Ni basi ate m weeni ni ayen Wen biisiteerɔma ale Wen nuruma yegayega a yaali kama ayen ba nya wie ŋaai ate nama a nya la, alege ba an baga a nya ŋa. Ba a yaali ayen ba wom wie ŋaai ate nama a wom la nna yegayega, alege ba an baga a wom ŋa.
18<<Ni wom mi ale a ayen m sak ni boridɔwa wamagsini la kiri. 19Bie ŋaai ale lo suiku po la a nye se ka Wen naamu po wamaŋsaŋa ŋaai ate nuruba a wom alege kan miŋ ŋa kiri la. Jabioku yaa jam nna nwuli a tuesi wamaŋsaŋa ba suiniimaŋa po. 20Bie ŋaai ale lo tanaŋa po la a nye se ka baai ale a wom wamaŋsaŋa ate ba sue a peenti la. 21Alege wamaŋsaŋa a kan siŋ ba suiniimaŋa po ate ba a ta ŋa a beni. Ninam a dan jam yik ba wamaŋsaŋa vaka nyiŋ, ba yaa deri basi. 22Bie ŋaai ale lo munsaŋa jigini la a nye se ka baai ale a wom wamaŋsaŋa, alege tɛŋzuk meena ŋantaŋa yaalika ale ba ligraŋa yaalika, ŋala meena a kaasi ka wamaŋsaŋa ate ba an baga a ta ŋa a beni. 23Bie ŋaai ale lo tɛŋ naluŋku po la a nye se ka baai ale a wom wamaŋsaŋa ate ŋa a jo ba suiniima po nalimnyiini ale baga a biak a ta bie pisita, ŋaai pisiyuebi ate ŋaai mɛ kook.>>
24Yeezu yaa ŋman magsi wamagsima ŋa chaab ale ba ayen, <<Wen naamu a nye se ka nuru waai ale cheŋ wa talim ayen wa bori wa ŋanborinta la. 25Diipo ate nuru meena a goa la wa dachiak yaa yiti yokku po a cheŋ nuruwa talimu a ta wuu bie a ga bori bu po ale ge cheŋ. 26Ŋantaŋa ale nyini a chim a moata puusa yikka la, wuutaŋa mɛ a nyini a chim. 27Dai yeŋ po talimu nyɔnɔwa tomteerɔma yaa jam a bek wa ayen, <Ti nyɔnɔ, ŋan baai ate fi ta ga bori fi talimu po la, daa ŋanmaŋsa? Ka boa ale soa ate wuuta a nyini ŋa po a soa di?> 28Wa yaa tulisi ba ayen, <Ka m dachiak ale bori wuutaŋa ŋa po.> Ba yaa ŋman bek wa ayen, <Fi a yaali ayen ti ga voori wuutaŋa a basi?> 29Wa yaa weeni ba ayen, <Ni basi ti, dii nyiŋla ni dan ga ayen ni voori ti, nama ale maa voori ŋantaŋa mɛ a basi. 30Ni basi ate ŋantaŋa ale wuutaŋa a gum chaab a chim. Cheka danni a dan paari, m le basi ate cheerɔma a che ŋa meena abe ba yaa luk wuutaŋa a ju abe ba ge ŋantaŋa dek a ta ga nyo m bunni po.> >>
31Yeezu yaa a ŋman magsi wamagsini ale ba ayen, <<Wen naamu a nye se ka biri dii ate ba a wi ayen mastad#13:31 Mastad ka biri fiik. la, ate nuru a pai di a bori wa talim po la. 32Di ka bie meena po bɛ fiik. Di dan nyini a chim, di a zuak kama a gaam ti fiisaŋa meena, ate nuinsa a jam a yɔk si tugta bu zuk.>>
33Yeezu a ŋman diem a magsi wamagsini di choa ale ba ayen, <<Wen naamu a nye ase ka dabinta ate nipok a pai nyo taasi kpienni ale boroborok zom po ate bu fuusi a sueri di meena diila.>>
34Yeezu a nyiem a dan boro a sak nuru boanni, wa a magsi ka wamagsima ale ba. Wa kan weeni wari alege a kan magsi wamagsini. 35Wa a nye nya kude kama ate ku sak ayen dii ate Wen biisiteerɔwa a ŋmarisi Wen Gbaŋka dipo la a chim wensie. Wa ŋmarisi ayen, <<M le lak m nɔnni a weeni wamagsima a sak ni. M le weeni ni wasusugi ŋaai ale boro a nyini ŋiaka la.>> (Yiila 78:2)
36Yeezu yaa basi nuru boanni ale ge a ga jo yenni po. Wa ŋaaŋviirɔma yaa jam a weeni wa ayen, <<Fi ale a magsi wuutaŋa ale ŋanborintaŋa po wamagsini dii a sak ti la, tama a yaali kama ayen fi weeni di kiri a sak ti.>> 37Yeezu yaa weeni ba ayen, <<Waai ale bori ŋanborintaŋa la a nye ase ka Mi Saalɔbiika la. 38Talimu a magsi chaab ale ka tɛŋzuk meena, ale ge ate ŋanborintaŋa a magsi chaab ale nuru baai ate Wen a soa la. Wuutaŋa me a magsi chaab ale ka nuru baai ate jabioku a soa la. 39Dachiak kaai ale bori wuutaŋa la ale jabioku. Cheka danni a magsi chaab ale ka tɛŋzuk meena kpeglimka danni. Cheerɔma mɛ a magsi chaab ale ka Wen maarɔma. 40Ase cheerɔma ale a tigsi wuutaŋa a gum chaab a ju diila, tɛŋzuk meena kpeglimka danni me ale nye ase ka dila la. 41Mi Saalɔbiika ale tom m maarɔma ate ba tigsi baai ale a tom wabaata ale baai ale a sak nuruba wabaata tomka suik la meena. 42Maarɔma ale pai ba a yuk basi bolim buui ale kan maara kpimsi la po ate ba bo dula a kaari abe ba ŋɔbi ba nyinaŋa. 43Tuimaŋsa nyama a za ba a nyaksi a se ka wenbinni la ba Kowa Naamu po.#13:42 Daniel 12:3 Nama baai ale ta tue la, ni wom mi.
44<<Wen naamu a nye se ka nuru waai ale tu a nya jaab ate wa silima. Wa sui yaa peenti nna yegayega ate wa chuili tanta a si alege a ga pai wa ŋanta meena a da a jam da tɛŋ kala.
45<<Wen naamu a nye se ka geruŋdɔ waai ale a gisi ayen wa da tintain ate ba a wi ayen pearl. 46Wa dan nya kpain dii diak ale pagra a gaam ŋa meena la, wa yaa ga a pai wa ŋanta meena a da. Wa le da a nueri la, wa yaa ŋmani a cheŋ waai ale ta tintanni a da la jigi a da.
47<<Wen naamu a nye se ka nuru waai ale yuk ŋmiak a basi nyakpiemu po a yik juma tɔgatɔga la. 48Ŋmiaka a dan sueri, jumyigrɔwa yaa dari ka a ta jueli kunkɔŋni. Wa dan ta ŋa a jueli, wa yaa kali tɛŋ a luk jum ŋaai ate ba a ŋɔbi la a nyo chinni po ale ge a pai jum ŋaai ate ba kan ŋɔbi la a yuk basi. 49Suik kula po mɛ, tɛŋzuk meena kpeglimka a dan jam paari, Wen maarɔma ale luk nuru maŋsaŋa ale nuru baataŋa tɔgatɔga a zaani. 50Wa le pai wabaataŋa nyama a ta ga yuk basi bolim buui ale kan maari a kpimsi la po. Dula jigini ba le kum nna yegayega abe ba a ŋɔbi ba nyinaŋa.>>
51Yeezu yaa bek nuruma ayen, <<Nama a miŋ dii ate mi a biisi ale ni la kiri a chak ya?>> Ba yaa tulisi wa ayen, <<Mm, ti miŋ ya.>> 52Yeezu a ŋman weeni ba ayen, <<Sinsak sagrɔma waai a dan chim mi ŋaaŋviirɔ Wen naamu po, wala a nye se ka yeri nyɔnɔ ale yeeri wa ŋan paala ale wa ŋan kpagsa wa dɔk po la.>>
53Yeezu ale sak nuruma de a nueri la, wa yaa basi dula jigini, 54alege cheŋ wadek tɛŋka. Dai yeŋ po wa yaa cheŋ a ga jo ba Juuma tuka dɔkku po a sak nuruma Wen wie. Ku yaa jam cha nuru baai ale jam bo dula jigini la. Ba yaa bek chaab ayen, <<Nuruwa de a nya yammu de ka be? Wa nye ka sɛ a tom wakperikaliisaŋa nna? 55Daa wala ale danagrɔwa nidoabinni la? Daa wa ma Mɛɛri ale la? Da Jeemsi ale Josefi ale Simon ale Judas suok ale la? 56Wa toama an bo daa de la? Wa nye ka sɛ a seba nna?>> 57Nuruma meena sue an jam masa ale wa, dii nyiŋla ba seba wa kiri meena kama. Yeezu yaa weeni ba ayen, <<Waai meena a te Wen biisiteerɔwa zula kama, alege ka wadek tɛŋka demma ale wa dɔkdemma nyiini ale ka a te wa zula.>> 58Wa an jam a tom wakperikaliisa yegayega dula jigini, dii nyiŋla ba jam ka siaka ale wa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation