Matiu 10
10
1Yeezu yaa wi wa ŋaaŋviirɔma pi ale bayewa ate ba jam wa jigi, ate wa yaa pai wa pagrimu a te ba, ayen ba yiak chichirik baata nuruba zuima po ale a tebi nyiŋtuila ale tueta meena.
2Wa tuimtomdɔma pi ale bayewa yue a jam ale Simon ate ba a wi ayen Piita la, ale wa yuawa Andiru ale Zebedi nidoabilisaŋa Jeemsi ale wa yuawa Jɔɔn 3ale Filip ale Batolomiu ale Tomasi ale Matiu waai ale jam ka lampoo cheesirɔwa la ale Alfiyus nidoabinni Jeemsi ale Tadiusi 4ale Simon ale jam a nye ayen Juuma a nya badek zuk la ale Judas Iskariot waai ale jam a ta Yeezu a ga bobri a sak la.
5Yeezu yaa weeni ba ayen, <<Ni dan basi dela ale ge cheŋ, ni kan va Samaria tɛŋsaŋa po ale baai ale kan daa Juuba la tɛŋka. 6Ni nyiem Juuma ale bo tɛŋ sii la nyiini. Ba a nye se ka piisa ale bɛ la. 7Ni cheŋ a ga sak ba ayen Wen naamu a moata kama. 8Ni puusi a te yuarɔma ale gamaŋa ate ba nya nyiŋyɔgsa, abe ni nak kpieba kum po a yiti abe ni yiak chichirik baata nuruba zuima po a basi. Pagrimu dɛ ate mi a pai te ni la, ni an tuniya, nama mɛ a pai te abe ni kan yaali tutuna. 9Ni kan pai ligra a nyo ni fotaŋa po. 10Ni kan pai kɔlima yaase fotta ale garuk juenta ale nuensa ale tacheksa. Ku a magsi kama ayen tuimtomdisa a dɛ ba tuimaŋa nyiŋ. 11Ni dan ga paari tɛŋ, ni jo ka po a gisi nuru waai ale wa te ni tia abe wa tuesi ni la. Ni dan nya nuru wala choa, ni be bo ale wa a ta ga paari dai dii dai ate ni a basi dula la. 12Ni dan ga jo yenni po, ni puusi ba. 13Ba dan te ni tia, Wen ale te ba suiyɔgni. Ba dan kan te ni tia, Wen a kan te ba suiyɔgni. 14Tɛŋ kaai nuruba a dan kan te ni tia ale kan yaali ayen ba wom dii mɛ ate ni ta ayen ni weeni ba la, ni kpaanti ni naŋtaataŋa paasuku a basi dula jigini. 15Ni wom mi nalimnyiini. Wen a dan jam ayen wa bo tɛŋka meena demma buusa, wa le ta jiirim ale Sodom ale Gomora tɛŋsaŋa#10:15 Piilimka 19:1-29 la po a gaam ba.
16<<Ni nya. Nama baai ate mi a tom la, a nye ase ka piisa ale bo piina suŋsuŋ la. Dila nyiŋla ku a fɛ kama ayen ni ta yam ase wiiga la abe ni yik nidek ase nangbaŋsa la. 17Ni kpesi nidek dii nyiŋla nuruba ale yik ni ale pagrim a ta cheŋ boteka yenni. Ba le miiri ni mɛ ale fiŋsa ba tuka diinaŋa po. 18Ba le ta ni a cheŋ a ga zaani nalima ale kpaga niŋ ate ba bo ni buusa mi nyiŋ. Ba dan nye ni dila ni yaa le nya suik a biisi ale ba ale baai mɛ ale kan daa Juuba la Wen wamaŋsaŋa wie. 19Ba dan ta ni a jam boteka yenni po, ni kan basi ate dii ate ni ayen ni biisi la a daani ni. Ku dan jam paari ni biik, Wen ale sak ni ate ni biisi. 20Wie ŋaai ate ni ayen ni biisi la a kan chim nama dek wie, alege ŋa le nyini ka ni Kowa Wen Chiika jigi.
21<<Nuruba ale jam yik ba suata a te ate ba ko ba. Koba ale yik bisa a nye ba dila dekdega. Bisa mɛ ale jam nye ba koba ale ba maba dila. 22Waai meena ale kisi ni, dii nyiŋla nama ale a va mi la. Nuru waai a dan ta suduŋni ale ninam ate ku beni, Wen ale vari wa a basi.
23<<Ba dan a daani ni tɛŋ kaai po ni basi dula abe ni chali cheŋ tɛŋ yoŋ. Wensie ate mi a weeni ni, ni kan baga a tom ni tuimaŋa meena Izirali tɛŋsaŋa po a nueri ale ge ate Mi Saalɔbiika a pilim jam.
24<<Zamsirɔ waai an baga a seba a gaam wa sagrɔ. Tomteerɔ waai mɛ an baga a chim nuru kpioŋ a gaam wa nyɔnɔ. 25Zamsirɔ a pii ka nyiŋ wadek ayen wa magsi chaab ale wa sagrɔ. Tomteerɔ mɛ a yaali kama ayen wa dan nya suik wa ale wa nyɔnɔwa a magsi chaab. Nuruba a dan a wi mi ayen Beelzebu, chichirik baata meena kpagni, ba le wi nama yue ate ŋa gaam di.
26<<Ni be kan a chali nuruba yɔgsummoa. Wari dii meena ale lik doa yɔgyɔgla de la ale jam nyini peelim, wari dii meena ale chim wasusuga la ba le jam seba ŋa. 27Dila nyiŋ ku a fɛ kama ate ni a sak nuruba wie ŋaai ate mi a suk a sak ni la, a lagri. 28Ni kan a chali yɔgsum ale nuru baai ale a ko nuruba nyiŋ lammu la, dii nyiŋla ba an baga a ko ba chiisaŋa. Ku magsi kama ayen ni a chali Wen dii ale baga a kaasi nuruba nyiŋsa ale ba chiisa bolim buui ale kan maari a kpimsi la po yɔgsum. 29Nuin fiisa siye kan da daa ligbiri yaa? Alege si po bunyi a dan poom a lo tɛŋ, ni Kowa Wen a seba ku po kama. 30Alege nama, Wen a chiini ni zuisaŋa meena ni zuimaŋa po kama. 31Nya kude nyiŋ nama kan a chali yɔgsum. Ni gaam nuinsaŋa ka nna yegayega Wen nimbie po.
32<<Nuru waai a dan nyini peelim nuruba niŋ a weeni ayen wa va ka mi, mi mɛ ale nye ka dila dekdega M Kowa waai ale bo wenŋmazuk la niŋ. 33Alege waai mɛ a dan nyini peelim nuruba niŋ a zɛri mi, Mi mɛ ale nyini ka peelim a zɛri wa mɛ M Kowa waai ale bo wenŋmazuk la niŋ.
34<<Ni kan a poli ayen mi sakka dɛ ale basi ate nuruba a tigsi jam jigi yeŋ a boro ale suiyɔgni. Ku le basi kama ate nuruba a poori chaab. 35Bisa ale ŋman tulim a ta chaab ale ba koba. Lieba mɛ ale ŋman tulim a ta chaab ale ba maba. Sampooba mɛ ale tulim ta chaab ale ba ŋianipooba. 36Ku dan jam ase nnala la, ni le seba ayen nuru dek dɔkdem ale wa dachaasa. (Maika 7:6)
37<<Nuru waai ale a yaali wa ko yaase wa ma a gaam mi la an magsi ayen wa va mi. Nuru waai mɛ ale a yaali wa biik yaase wa lie a gaam mi la an magsi ayen wa va mi. 38Nuru waai a ale kan gomsi a magsi ayen wa nya ninam yaase wa kpi mi nyiŋla an magsi ayen wa va mi. 39Nuru waai ale a yaali wadek nyuvuri ale kan yaali ayen wa nya ninam la, kula nyɔnɔ ale jɔk wa nyuvunni. Nuru waai a dan jɔk wa nyuvuri mi nyiŋ, wa le ŋman nya di.
40<<Nuru waai a dan te ni tia ale tuesi ni, kula nyɔnɔ a te ka mi mɛ tia dila. Nuru waai mɛ ale a te mi tia ale a tuesi mi la, wa te ka Wen dii ale tom mi la tia dila. 41Nuru waai ale a te Wen biisiteerɔwa tia, dii nyiŋla wa le tom a te Wen la, dai yeŋ po wa le nya ku tutuna. Nuru waai mɛ ale a te wayɔrisima nyɔnɔ tia ayen wa le ka wayɔrisima nyɔnɔ la nyiŋ, dai yeŋ po wa le nya wayɔrisima nyɔnɔ tutuna. 42Ni wom mi nalimnyiini. Nuru waai a dan pai nyayɔgsik a te mi ŋaaŋviirɔma po wanyi, dai yeŋ po wa le tuesi ku tutuna.>>
Currently Selected:
Matiu 10: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Matiu 10
10
1Yeezu yaa wi wa ŋaaŋviirɔma pi ale bayewa ate ba jam wa jigi, ate wa yaa pai wa pagrimu a te ba, ayen ba yiak chichirik baata nuruba zuima po ale a tebi nyiŋtuila ale tueta meena.
2Wa tuimtomdɔma pi ale bayewa yue a jam ale Simon ate ba a wi ayen Piita la, ale wa yuawa Andiru ale Zebedi nidoabilisaŋa Jeemsi ale wa yuawa Jɔɔn 3ale Filip ale Batolomiu ale Tomasi ale Matiu waai ale jam ka lampoo cheesirɔwa la ale Alfiyus nidoabinni Jeemsi ale Tadiusi 4ale Simon ale jam a nye ayen Juuma a nya badek zuk la ale Judas Iskariot waai ale jam a ta Yeezu a ga bobri a sak la.
5Yeezu yaa weeni ba ayen, <<Ni dan basi dela ale ge cheŋ, ni kan va Samaria tɛŋsaŋa po ale baai ale kan daa Juuba la tɛŋka. 6Ni nyiem Juuma ale bo tɛŋ sii la nyiini. Ba a nye se ka piisa ale bɛ la. 7Ni cheŋ a ga sak ba ayen Wen naamu a moata kama. 8Ni puusi a te yuarɔma ale gamaŋa ate ba nya nyiŋyɔgsa, abe ni nak kpieba kum po a yiti abe ni yiak chichirik baata nuruba zuima po a basi. Pagrimu dɛ ate mi a pai te ni la, ni an tuniya, nama mɛ a pai te abe ni kan yaali tutuna. 9Ni kan pai ligra a nyo ni fotaŋa po. 10Ni kan pai kɔlima yaase fotta ale garuk juenta ale nuensa ale tacheksa. Ku a magsi kama ayen tuimtomdisa a dɛ ba tuimaŋa nyiŋ. 11Ni dan ga paari tɛŋ, ni jo ka po a gisi nuru waai ale wa te ni tia abe wa tuesi ni la. Ni dan nya nuru wala choa, ni be bo ale wa a ta ga paari dai dii dai ate ni a basi dula la. 12Ni dan ga jo yenni po, ni puusi ba. 13Ba dan te ni tia, Wen ale te ba suiyɔgni. Ba dan kan te ni tia, Wen a kan te ba suiyɔgni. 14Tɛŋ kaai nuruba a dan kan te ni tia ale kan yaali ayen ba wom dii mɛ ate ni ta ayen ni weeni ba la, ni kpaanti ni naŋtaataŋa paasuku a basi dula jigini. 15Ni wom mi nalimnyiini. Wen a dan jam ayen wa bo tɛŋka meena demma buusa, wa le ta jiirim ale Sodom ale Gomora tɛŋsaŋa#10:15 Piilimka 19:1-29 la po a gaam ba.
16<<Ni nya. Nama baai ate mi a tom la, a nye ase ka piisa ale bo piina suŋsuŋ la. Dila nyiŋla ku a fɛ kama ayen ni ta yam ase wiiga la abe ni yik nidek ase nangbaŋsa la. 17Ni kpesi nidek dii nyiŋla nuruba ale yik ni ale pagrim a ta cheŋ boteka yenni. Ba le miiri ni mɛ ale fiŋsa ba tuka diinaŋa po. 18Ba le ta ni a cheŋ a ga zaani nalima ale kpaga niŋ ate ba bo ni buusa mi nyiŋ. Ba dan nye ni dila ni yaa le nya suik a biisi ale ba ale baai mɛ ale kan daa Juuba la Wen wamaŋsaŋa wie. 19Ba dan ta ni a jam boteka yenni po, ni kan basi ate dii ate ni ayen ni biisi la a daani ni. Ku dan jam paari ni biik, Wen ale sak ni ate ni biisi. 20Wie ŋaai ate ni ayen ni biisi la a kan chim nama dek wie, alege ŋa le nyini ka ni Kowa Wen Chiika jigi.
21<<Nuruba ale jam yik ba suata a te ate ba ko ba. Koba ale yik bisa a nye ba dila dekdega. Bisa mɛ ale jam nye ba koba ale ba maba dila. 22Waai meena ale kisi ni, dii nyiŋla nama ale a va mi la. Nuru waai a dan ta suduŋni ale ninam ate ku beni, Wen ale vari wa a basi.
23<<Ba dan a daani ni tɛŋ kaai po ni basi dula abe ni chali cheŋ tɛŋ yoŋ. Wensie ate mi a weeni ni, ni kan baga a tom ni tuimaŋa meena Izirali tɛŋsaŋa po a nueri ale ge ate Mi Saalɔbiika a pilim jam.
24<<Zamsirɔ waai an baga a seba a gaam wa sagrɔ. Tomteerɔ waai mɛ an baga a chim nuru kpioŋ a gaam wa nyɔnɔ. 25Zamsirɔ a pii ka nyiŋ wadek ayen wa magsi chaab ale wa sagrɔ. Tomteerɔ mɛ a yaali kama ayen wa dan nya suik wa ale wa nyɔnɔwa a magsi chaab. Nuruba a dan a wi mi ayen Beelzebu, chichirik baata meena kpagni, ba le wi nama yue ate ŋa gaam di.
26<<Ni be kan a chali nuruba yɔgsummoa. Wari dii meena ale lik doa yɔgyɔgla de la ale jam nyini peelim, wari dii meena ale chim wasusuga la ba le jam seba ŋa. 27Dila nyiŋ ku a fɛ kama ate ni a sak nuruba wie ŋaai ate mi a suk a sak ni la, a lagri. 28Ni kan a chali yɔgsum ale nuru baai ale a ko nuruba nyiŋ lammu la, dii nyiŋla ba an baga a ko ba chiisaŋa. Ku magsi kama ayen ni a chali Wen dii ale baga a kaasi nuruba nyiŋsa ale ba chiisa bolim buui ale kan maari a kpimsi la po yɔgsum. 29Nuin fiisa siye kan da daa ligbiri yaa? Alege si po bunyi a dan poom a lo tɛŋ, ni Kowa Wen a seba ku po kama. 30Alege nama, Wen a chiini ni zuisaŋa meena ni zuimaŋa po kama. 31Nya kude nyiŋ nama kan a chali yɔgsum. Ni gaam nuinsaŋa ka nna yegayega Wen nimbie po.
32<<Nuru waai a dan nyini peelim nuruba niŋ a weeni ayen wa va ka mi, mi mɛ ale nye ka dila dekdega M Kowa waai ale bo wenŋmazuk la niŋ. 33Alege waai mɛ a dan nyini peelim nuruba niŋ a zɛri mi, Mi mɛ ale nyini ka peelim a zɛri wa mɛ M Kowa waai ale bo wenŋmazuk la niŋ.
34<<Ni kan a poli ayen mi sakka dɛ ale basi ate nuruba a tigsi jam jigi yeŋ a boro ale suiyɔgni. Ku le basi kama ate nuruba a poori chaab. 35Bisa ale ŋman tulim a ta chaab ale ba koba. Lieba mɛ ale ŋman tulim a ta chaab ale ba maba. Sampooba mɛ ale tulim ta chaab ale ba ŋianipooba. 36Ku dan jam ase nnala la, ni le seba ayen nuru dek dɔkdem ale wa dachaasa. (Maika 7:6)
37<<Nuru waai ale a yaali wa ko yaase wa ma a gaam mi la an magsi ayen wa va mi. Nuru waai mɛ ale a yaali wa biik yaase wa lie a gaam mi la an magsi ayen wa va mi. 38Nuru waai a ale kan gomsi a magsi ayen wa nya ninam yaase wa kpi mi nyiŋla an magsi ayen wa va mi. 39Nuru waai ale a yaali wadek nyuvuri ale kan yaali ayen wa nya ninam la, kula nyɔnɔ ale jɔk wa nyuvunni. Nuru waai a dan jɔk wa nyuvuri mi nyiŋ, wa le ŋman nya di.
40<<Nuru waai a dan te ni tia ale tuesi ni, kula nyɔnɔ a te ka mi mɛ tia dila. Nuru waai mɛ ale a te mi tia ale a tuesi mi la, wa te ka Wen dii ale tom mi la tia dila. 41Nuru waai ale a te Wen biisiteerɔwa tia, dii nyiŋla wa le tom a te Wen la, dai yeŋ po wa le nya ku tutuna. Nuru waai mɛ ale a te wayɔrisima nyɔnɔ tia ayen wa le ka wayɔrisima nyɔnɔ la nyiŋ, dai yeŋ po wa le nya wayɔrisima nyɔnɔ tutuna. 42Ni wom mi nalimnyiini. Nuru waai a dan pai nyayɔgsik a te mi ŋaaŋviirɔma po wanyi, dai yeŋ po wa le tuesi ku tutuna.>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation