Kaabka 3
3
1<<Nuru waai tiirim dan ka suiyɔgni tiirim ate wa yeeri naab a ta nyini wa niiŋa po a jam, ka naasari yaase lalik ayen wa te Naawen ka be chim duŋ kaai ale kan ta jomi la. 2Wa be pai nisa a vi duŋka zukku abe wa tɔgri ka tuka jigini nansuiŋku. Ate Aaron nidoabilisaŋa kaabteerɔma a pai ziimu a boori basi juka kuŋkuŋku kabtaŋa meena. 3Ase meena juka tiirim la wa yeeri ŋantaŋa de suiyɔgni tiirimu po a te Naawen. Wa yeeri kpapalaŋa ale gilim nyuetaŋa la ale buui ale bo nyuetaŋa nyin la, 4yiima ŋayewa ale kpapalaŋa ale bo ŋa nyiŋla ale paŋni kauk ale moata juga yiini la. 5Aaron nidoabilisaŋa a pai ba a vi juka tiirimu ale a dɛ daataŋa zuk juka kuŋkuŋku zuk la. Ka tiirim buui nyum ale masa a te Naawen.
6<<Dan ka posuk yaase buuk ate wa ayen wa pai a nye suiyɔgni tiirimu a te Naawen, wa yeeri jaduok yaase jasari ale kan ta jomi la. 7Wa tiirimu dan ka posuk wa ta jam Naawen jigi a te wa. 8Wa be pai nisa a vi duŋka zukku abe wa ge tɔgri tuka jigini ku nansuiŋku. Ate Aaron nidoabilisaŋa a pai ziimu a boori basi juka kuŋkuŋku kabtaŋa meena. 9Ase meena juka tiirim la wa yeeri ŋantaŋa de suiyɔgni tiirimu po te Naawen. Wa yeeri gebi juiku a paari chakobni ale kpapalaŋa ale gilim nyuetaŋa la ale buui ale bo nyuetaŋa nyin la, 10yiima ŋayewa ale kpapalaŋa ale bo ŋa nyiŋla ale paŋni kauk ale moata juga yiini la. 11Kaabteerɔwa a ju ŋa meena ale bolim juka kuŋkuŋku zuk a te Naawen.
12<<Wa tiirimu abe dan ka buuk wa ta jam te Naawen. 13Wa pai nisa a vi ku zukku abe wa yaa tɔgri ku tuka jigini nansuiŋku. Aaron nidoabilisaŋa yaa pai ziimu a boori basi tuka kuŋkuŋku kabtaŋa meena. 14Ase meena juka tiirim la wa yeeri ŋantaŋa de suiyɔgni tiirimu po a te Naawen. Wa yeeri kpapalaŋa ale gilim nyuetaŋa la ale buui ale bo nyuetaŋa nyin la, 15yiima ŋayewa ale kpapalaŋa ale bo ŋa nyiŋla ale paŋni kauk ale moata juga yiini la. 16Kaabteerɔwa a ju ba meena ase ŋandiinta la juka kuŋkuŋku zuk. Ka tiirim buui nyum ale masa a te Naawen. Kpapalaŋa meena ka Naawen ale soa.
17<<Ŋmarisika de ka nama ale ni gaŋsa meena ale soa kasim ta cheŋ juijui meena ate ni a boro la. Ni kan dɛ kpapala yaase ziimoa.>>
Currently Selected:
Kaabka 3: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Kaabka 3
3
1<<Nuru waai tiirim dan ka suiyɔgni tiirim ate wa yeeri naab a ta nyini wa niiŋa po a jam, ka naasari yaase lalik ayen wa te Naawen ka be chim duŋ kaai ale kan ta jomi la. 2Wa be pai nisa a vi duŋka zukku abe wa tɔgri ka tuka jigini nansuiŋku. Ate Aaron nidoabilisaŋa kaabteerɔma a pai ziimu a boori basi juka kuŋkuŋku kabtaŋa meena. 3Ase meena juka tiirim la wa yeeri ŋantaŋa de suiyɔgni tiirimu po a te Naawen. Wa yeeri kpapalaŋa ale gilim nyuetaŋa la ale buui ale bo nyuetaŋa nyin la, 4yiima ŋayewa ale kpapalaŋa ale bo ŋa nyiŋla ale paŋni kauk ale moata juga yiini la. 5Aaron nidoabilisaŋa a pai ba a vi juka tiirimu ale a dɛ daataŋa zuk juka kuŋkuŋku zuk la. Ka tiirim buui nyum ale masa a te Naawen.
6<<Dan ka posuk yaase buuk ate wa ayen wa pai a nye suiyɔgni tiirimu a te Naawen, wa yeeri jaduok yaase jasari ale kan ta jomi la. 7Wa tiirimu dan ka posuk wa ta jam Naawen jigi a te wa. 8Wa be pai nisa a vi duŋka zukku abe wa ge tɔgri tuka jigini ku nansuiŋku. Ate Aaron nidoabilisaŋa a pai ziimu a boori basi juka kuŋkuŋku kabtaŋa meena. 9Ase meena juka tiirim la wa yeeri ŋantaŋa de suiyɔgni tiirimu po te Naawen. Wa yeeri gebi juiku a paari chakobni ale kpapalaŋa ale gilim nyuetaŋa la ale buui ale bo nyuetaŋa nyin la, 10yiima ŋayewa ale kpapalaŋa ale bo ŋa nyiŋla ale paŋni kauk ale moata juga yiini la. 11Kaabteerɔwa a ju ŋa meena ale bolim juka kuŋkuŋku zuk a te Naawen.
12<<Wa tiirimu abe dan ka buuk wa ta jam te Naawen. 13Wa pai nisa a vi ku zukku abe wa yaa tɔgri ku tuka jigini nansuiŋku. Aaron nidoabilisaŋa yaa pai ziimu a boori basi tuka kuŋkuŋku kabtaŋa meena. 14Ase meena juka tiirim la wa yeeri ŋantaŋa de suiyɔgni tiirimu po a te Naawen. Wa yeeri kpapalaŋa ale gilim nyuetaŋa la ale buui ale bo nyuetaŋa nyin la, 15yiima ŋayewa ale kpapalaŋa ale bo ŋa nyiŋla ale paŋni kauk ale moata juga yiini la. 16Kaabteerɔwa a ju ba meena ase ŋandiinta la juka kuŋkuŋku zuk. Ka tiirim buui nyum ale masa a te Naawen. Kpapalaŋa meena ka Naawen ale soa.
17<<Ŋmarisika de ka nama ale ni gaŋsa meena ale soa kasim ta cheŋ juijui meena ate ni a boro la. Ni kan dɛ kpapala yaase ziimoa.>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation