Kumsa 1
1
1Jerusalem tɛŋka jam ka nuruba nyiini, alege yɔgyɔgla de ka ka tɛŋ koruk. Ka jam ka tɛŋ kpieŋ tɛŋsaŋa meena po, alege yɔgyɔgla de ka a nye ase ka pukɔgi la. Ka jam a nye ase ka tɛŋsaŋa meena nipok naab la, alege yɔgyɔgla de ka ka yɔma.
2Ka kasim a kaari yok kama ate ku a jueli ate ninyaata a kpiiri a siŋ. Waai karo a basi ate ka sui a yɔgi, baai meena ale a yaali ka a cheŋ ferr. Ka doama meena a cheem kisi ka, a chim ka dachaasa.
3Juda a jo ka yɔntidi po, a yaa nam ale a tom nna yegayega. Ka yaa bo ka tɛŋ yonsa po, alege kan nya vuusummoa. Baai ale a vi ka la a yikka kama ka le jam bo daanika po la.
4Sui tii ale a cheŋ Zayon la a doa ka nna dikdik, diila nuru an cheen tiŋŋa. Waai an va tuataŋa a jo. Ka kaabteerɔma a nam, nipok paalisaŋa a nam ate Jerusalem kasim a nam nna yegayega.
5Ka dachaasaŋa a yaa chim ka ka kpaga. Ka dachaasaŋa yaa a dɛ ka masim ale jigsika. Naawen ale a namsi ka, ka wabaataŋa ale piisi la nyiŋ. Ka bisaŋa a yaa cheŋ kama ase dachaasa yɔm la.
6Zayon nalimu a muriŋ bɛ kama. Ka kpaŋŋa a nye ase ka kabsa ale kan nya ŋandiinta la. Ba wobsa kama a yaa chali bɛ alege yaalɔma.
7Jerusalem kasim a nam kama a ka goom jigi ya. Ka yaa teeri nyiemwa ŋanmaŋsaŋa meena. Alege dachaasaŋa a nak dɛ ka nuruma meena, ate waai karo a maari ka. Ka dachaasaŋa ale nye ka la, ba yaa la kaasuŋ kuui meena ale nye la.
8Jerusalem demma a tom kaasi ka yega, a yaa daŋ badek. Baai ale jam a zuli ba la, yaa kisi ba kama, diila ba nya ba chaboala kama. Ka yaa kaari a chali bɛ.
9Ka daŋ kadek kama ale ka wabaataŋa alege an poli dii ale di nye ka la. Ba le nak yik ka la a cha ka kama, waai be karo a nye ate ka sui a yɔgi. Ka yaa weeni ayen, <<Naawen yaa, nya ti le a nam diila, dii nyiŋla dachaasaŋa a nak dɛ kama.>>
10Dachaasaŋa a pai ka ŋanmaŋsaŋa meena. Ka nya nicham mɛ a jo ka puusaŋa yenni po. Naawen ale weeni ayen nicham kan maara jo ka nuruma tuka jigini.
11Jerusalem nuruma meena a yaa kaari a gisi ŋandiinta. A pai ba ŋanmaŋsa meena a gerim a yaali ŋandiinta ate ba baga nyini vum nyiŋ. Tɛŋka yaa weeni ayen, <<Nya, Naawen yaa, nya. Ba kisi ti kama.>>
12<<Nama ale va suiku a taam niŋ karo. Ni jam nya mi. Nyiŋdomma boro a nye ase tama nyiŋdommaŋa la? Ninam boro a magsi buui ate Naawen a basi ate bu jam tama jigi la? Naawen a namsi tama kama wa suipuurumu danni.
13Wa basi ate ka bolim a nyini wenŋmazuk a siŋ jam jo m kobaŋa po. Wa pati ka ŋmiak a yik m naŋsaŋa, a yaa yik mu viriŋ ŋaaŋnyiŋ. Wa basi kama ate m sui kaasi ate m wobsa danni meena.
14Wa miŋ m wabaataŋa kama, ti bobi maŋ ka wa nisimaŋa nyiŋ, ti yik ka m ŋiri po. Wa basi kama ate m pagrimu a chim wobsim. Nyɔnɔwa a pai mu kama a te baai ale pagra a gaam mu.
15Nyɔnɔwa a zɛri mi nuru pagrisaŋa meena ate parisaŋa a gilim ba la kama. Wa ta ka tugurik tɔŋdɔba jam mi po ayen ba kaasi mi nidoa paalukku. Nyɔnɔwa a kaasi Juda tɛŋ kpieŋka kama ase ba ale a ŋmiak yɔna a nye daam diila.
16Ate mi kum wieŋa de nyiŋ ate ninyaata sueri m ninaŋa a siŋ. Waai karo moata a basi ate m sui a yɔgi. Waai karo a te mu pagrim ŋmana. A basi m bisaŋa ate ba sue kaasi ate ba nye nna diki dii nyiŋla dachaasaŋa a nak dɛ kama.
17Zayon a yaa laari nisa alege waai karo basi ate wa sui a yɔgi. Naawen yaa te suik ayen Jekob ale wa nuruma dachaasa a gilim ba. Jerusalem yɔgyɔgla de yaa daŋ kama baai ale gilim ba la jigi.
18<<Naawen a ta wensie, alege tama zɛri an wom wa nɔiya. Ni meena wom abe ni nya ti ninammu. Ti nipok paalukku ale nidoama a jo yɔntidi po. 19Ti kaari wi ti doama alege ba zɛri. Ti kaabteerɔma ale nisɔmma ale boro a gisi ŋandiinta yen ba nyini vum nyiŋla a kpi kama tɛŋka po.
20<<Naawen yaa, nya ti geŋ. Ti sueŋa kaasi kama. Ti suiniimaŋa a daani ti, dii nyiŋla ti tueŋa a kpari kama. Suitaŋa niŋ ba a ko nuruma ale gebisaŋa ka dila. Yieŋa po kummu kasim a vaasi ka dila. 21Nuruba a wom ti kumsa kama, alege waai karo a yɔk ti sue. Ti dachaasaŋa meena a wom ti daanika kama, alege ba sue peenti fi le nye ti dila la nyiŋ. Yɔgyɔgla de da dii ate fi mooli weeni di wari la, basi ate di jam ate ti dachaasaŋa a nye ase tama mɛ la. 22<<Bi nya ba biemu. Fi le nye tama dii ti wabaataŋa nyiŋla, nye ba mɛ dila dek. M ninammu zuak kama, ate yɔgsum yaa ta mu.>>
Currently Selected:
Kumsa 1: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Kumsa 1
1
1Jerusalem tɛŋka jam ka nuruba nyiini, alege yɔgyɔgla de ka ka tɛŋ koruk. Ka jam ka tɛŋ kpieŋ tɛŋsaŋa meena po, alege yɔgyɔgla de ka a nye ase ka pukɔgi la. Ka jam a nye ase ka tɛŋsaŋa meena nipok naab la, alege yɔgyɔgla de ka ka yɔma.
2Ka kasim a kaari yok kama ate ku a jueli ate ninyaata a kpiiri a siŋ. Waai karo a basi ate ka sui a yɔgi, baai meena ale a yaali ka a cheŋ ferr. Ka doama meena a cheem kisi ka, a chim ka dachaasa.
3Juda a jo ka yɔntidi po, a yaa nam ale a tom nna yegayega. Ka yaa bo ka tɛŋ yonsa po, alege kan nya vuusummoa. Baai ale a vi ka la a yikka kama ka le jam bo daanika po la.
4Sui tii ale a cheŋ Zayon la a doa ka nna dikdik, diila nuru an cheen tiŋŋa. Waai an va tuataŋa a jo. Ka kaabteerɔma a nam, nipok paalisaŋa a nam ate Jerusalem kasim a nam nna yegayega.
5Ka dachaasaŋa a yaa chim ka ka kpaga. Ka dachaasaŋa yaa a dɛ ka masim ale jigsika. Naawen ale a namsi ka, ka wabaataŋa ale piisi la nyiŋ. Ka bisaŋa a yaa cheŋ kama ase dachaasa yɔm la.
6Zayon nalimu a muriŋ bɛ kama. Ka kpaŋŋa a nye ase ka kabsa ale kan nya ŋandiinta la. Ba wobsa kama a yaa chali bɛ alege yaalɔma.
7Jerusalem kasim a nam kama a ka goom jigi ya. Ka yaa teeri nyiemwa ŋanmaŋsaŋa meena. Alege dachaasaŋa a nak dɛ ka nuruma meena, ate waai karo a maari ka. Ka dachaasaŋa ale nye ka la, ba yaa la kaasuŋ kuui meena ale nye la.
8Jerusalem demma a tom kaasi ka yega, a yaa daŋ badek. Baai ale jam a zuli ba la, yaa kisi ba kama, diila ba nya ba chaboala kama. Ka yaa kaari a chali bɛ.
9Ka daŋ kadek kama ale ka wabaataŋa alege an poli dii ale di nye ka la. Ba le nak yik ka la a cha ka kama, waai be karo a nye ate ka sui a yɔgi. Ka yaa weeni ayen, <<Naawen yaa, nya ti le a nam diila, dii nyiŋla dachaasaŋa a nak dɛ kama.>>
10Dachaasaŋa a pai ka ŋanmaŋsaŋa meena. Ka nya nicham mɛ a jo ka puusaŋa yenni po. Naawen ale weeni ayen nicham kan maara jo ka nuruma tuka jigini.
11Jerusalem nuruma meena a yaa kaari a gisi ŋandiinta. A pai ba ŋanmaŋsa meena a gerim a yaali ŋandiinta ate ba baga nyini vum nyiŋ. Tɛŋka yaa weeni ayen, <<Nya, Naawen yaa, nya. Ba kisi ti kama.>>
12<<Nama ale va suiku a taam niŋ karo. Ni jam nya mi. Nyiŋdomma boro a nye ase tama nyiŋdommaŋa la? Ninam boro a magsi buui ate Naawen a basi ate bu jam tama jigi la? Naawen a namsi tama kama wa suipuurumu danni.
13Wa basi ate ka bolim a nyini wenŋmazuk a siŋ jam jo m kobaŋa po. Wa pati ka ŋmiak a yik m naŋsaŋa, a yaa yik mu viriŋ ŋaaŋnyiŋ. Wa basi kama ate m sui kaasi ate m wobsa danni meena.
14Wa miŋ m wabaataŋa kama, ti bobi maŋ ka wa nisimaŋa nyiŋ, ti yik ka m ŋiri po. Wa basi kama ate m pagrimu a chim wobsim. Nyɔnɔwa a pai mu kama a te baai ale pagra a gaam mu.
15Nyɔnɔwa a zɛri mi nuru pagrisaŋa meena ate parisaŋa a gilim ba la kama. Wa ta ka tugurik tɔŋdɔba jam mi po ayen ba kaasi mi nidoa paalukku. Nyɔnɔwa a kaasi Juda tɛŋ kpieŋka kama ase ba ale a ŋmiak yɔna a nye daam diila.
16Ate mi kum wieŋa de nyiŋ ate ninyaata sueri m ninaŋa a siŋ. Waai karo moata a basi ate m sui a yɔgi. Waai karo a te mu pagrim ŋmana. A basi m bisaŋa ate ba sue kaasi ate ba nye nna diki dii nyiŋla dachaasaŋa a nak dɛ kama.
17Zayon a yaa laari nisa alege waai karo basi ate wa sui a yɔgi. Naawen yaa te suik ayen Jekob ale wa nuruma dachaasa a gilim ba. Jerusalem yɔgyɔgla de yaa daŋ kama baai ale gilim ba la jigi.
18<<Naawen a ta wensie, alege tama zɛri an wom wa nɔiya. Ni meena wom abe ni nya ti ninammu. Ti nipok paalukku ale nidoama a jo yɔntidi po. 19Ti kaari wi ti doama alege ba zɛri. Ti kaabteerɔma ale nisɔmma ale boro a gisi ŋandiinta yen ba nyini vum nyiŋla a kpi kama tɛŋka po.
20<<Naawen yaa, nya ti geŋ. Ti sueŋa kaasi kama. Ti suiniimaŋa a daani ti, dii nyiŋla ti tueŋa a kpari kama. Suitaŋa niŋ ba a ko nuruma ale gebisaŋa ka dila. Yieŋa po kummu kasim a vaasi ka dila. 21Nuruba a wom ti kumsa kama, alege waai karo a yɔk ti sue. Ti dachaasaŋa meena a wom ti daanika kama, alege ba sue peenti fi le nye ti dila la nyiŋ. Yɔgyɔgla de da dii ate fi mooli weeni di wari la, basi ate di jam ate ti dachaasaŋa a nye ase tama mɛ la. 22<<Bi nya ba biemu. Fi le nye tama dii ti wabaataŋa nyiŋla, nye ba mɛ dila dek. M ninammu zuak kama, ate yɔgsum yaa ta mu.>>
© 2023, Ghana Institute of Linguistics, Literacy and Bible Translation